cherry_fung001's Profile

今日來到大坑食omakase, 餐牌得單字套餐名，好有神秘感，我們就點了同餐廳同名的『曦』前菜胡蔴豆腐：豆腐比較硬食，有濃郁豆香，胡麻醬香濃帶微甜，開胃又有層次。刺身系列真鯛刺身配酸汁：鯛魚肉質緊緻清甜，酸汁提鮮不搶味。象拔蚌：爽脆彈牙，海味濃郁，口感極富層次。沙甸魚卷：油脂豐厚，入口即化，帶點煙燻香。春魚配柚子胡椒：魚肉細嫩，柚子胡椒微辣清香，平衡得宜。魚湯鮮味濃郁，湯底清澈卻層次豐富，喝一口暖心又暖胃。壽司第一輪鰤魚壽司：油脂分布均勻，入口滑順，味道鮮美。秋刀魚壽司：魚味濃厚，帶點炙燒香氣，口感豐富。深海池魚壽司：肉質細緻，帶有微微鹹香，海味十足。日本松茸配青檸汁松茸香氣撲鼻，青檸汁清新提味，口感清爽高雅。壽司第二輪細池魚壽司：魚肉柔嫩，味道清淡雅緻。中拖羅壽司：脂香濃郁，入口即化，是壽司中的極品。赤身壽司：口感紮實，鮮味純粹，展現魚肉本身的魅力。海膽三文魚子壽司海膽甘甜綿滑，三文魚子爆汁鹹香，口感華麗又豐富。蟹肉煮小毛青蟹肉鮮甜，配上小毛青的清爽，味道層次分明。煮鮑魚配鮑魚肝醬壽司鮑魚彈牙鮮美，肝醬濃郁醇厚，是奢華的味覺享受。雞肉素麵麵條滑順，雞肉清香，湯底淡雅，令人回味。時令水果 哈蜜瓜果肉多汁香甜，清新收尾，完美結束整個套餐。這套菜式由清新到濃郁、由爽脆到綿滑，層次分明，節奏優雅。…Read More

打完風費事去咁遠先會食佢，之前食過都知冇期望，點知今日簡直挑戰我底線先先去到一坐低！shxt! 張櫈濕嘅！！！再望下應該係之前有人倒瀉野，但淨係抹左地同枱，冇抹櫈！勁嬲，不過算，店員即換，我又勁攰，算了之後即係拎幾張紙巾印條褲坐，係奶茶！堅嬲！之後屋企人叫左個英式早餐，我知圖片只供參考，但竟然咁肉酸！包仲係變型嘅！肉唔香，剛好煎返熱，真係肉酸羅宋湯有紙係入面係咩玩法，湯唔熱，好稀，冇乜味，個粉，都係肉酸啦，牛肉係靭嘅又冇牛味，雜菌係乾菌咁嘅口感？？？？？楊洲炒飯，冇味差我哋5個人坐6人枱，店員每次放低野食都係就咁放左係冇人嘅位就走，態度又差，以為只係個別店員係咁，原來唔係，唔通係員工培訓係咁？？？食完只係得個嬲字…Read More

夜晚睇完戲同屋企人去左稻香打邊爐， 咁啱原來八點半後做緊優惠，勁抵！！火煱煱底半價，其他配料仲要3.8折！ 仲有48蚊一手任攞藍妹啤酒遊戲玩！ 只要拎住hold到10秒就得！屋企人都勁興奮！拎到唔同支數嘅啤酒，仲可以用優惠價食龍蝦！ 我哋因為驚飲唔曬，費事浪費所以只係攞咗5支！ 仲要後尾先發現可以用優惠價叫龍蝦真係蝕咗！火鍋方面， 必食抵到爛之選有$68 安格斯全牛拼盤！四個人可以叫兩盤！ 食物比圖片仲要誇張， 叫咗之後完全唔使叫其他肉！ 安格斯肥牛肉、新鮮牛肉、安格斯牛肉粒、牛肚牛筋、牛丸等等都有齊！仲要係好食！ 安格斯牛柳粒就算落咗好耐好耐都唔會靱，而且牛尾非常濃鬱！其他我哋就叫咗水餃 一啲菜 蝦滑墨魚滑 鱈場蟹棒 四寶丸等等，都好好食！冇時間限制可以慢慢食！ 我哋四個大人一個小朋友，又啤酒又食左勁多野計埋都唔駛$600！ 真係抵過啲任食好多！ 之後應該會搵埋朋友再嚟過！…Read More

今晚同老公到了灣仔近會展站附近一間不太起眼的日本餐廳食個平民價錢但令人非常享受的廚師發辦！我地點了最平的$580雅。廚師發辦，聽朋友講加了必食的彩羽太卷和追加刨冰！前菜素菜蒸蛋，北海道粟米配無花果蒸蛋滑嫩如絲，粟米甜美清新，無花果帶來微妙果香，層次分明。水雲配真蠔髮菜爽滑，黑松露酸汁清新提味，與蠔的鮮味交織，口感細膩。真鯛鯛魚肉質緊緻，紅梅醬微酸，恰到好處地提升魚鮮，味道清爽不膩。煙燻鰹魚鰹魚厚切，煙燻香氣濃郁，入口油脂豐富，口感紮實。安康魚乾泡芙泡芙酥脆輕盈，安康魚乾鹹香濃郁，形成有趣對比，口感驚喜。牛肉壽喜燒牛肉軟嫩入味，壽喜燒醬汁甜鹹平衡，溫暖醇厚，令人回味。串燒五串- 冬菇 ：多汁鮮香，口感彈牙。- 牛肉：焦香四溢，肉味濃郁。- 豬肉 ：油脂豐富，入口即化。- 蝦：鮮甜爽口，火候剛好。- 青椒：微苦清脆，平衡整體味道。壽司系列金鰤魚鯛壽司 ：魚肉細緻，脂香淡雅，入口即化。鰤魚壽司：油脂豐厚，味道濃郁，口感滑順。赤身壽司 ：鮪魚赤身鮮味突出，肉質緊實。拖羅壽司 ：脂香四溢，入口綿密，極致享受。半柱壽司：貝柱鮮甜，口感爽脆，海味濃厚。昆布海膽壽司：海膽甘甜濃郁，昆布增添鮮味層次，入口如海洋的擁抱。江戶前玉子燒 （即刻食左，冇影相）：蛋香濃郁，甜度適中，口感比較像玉子蛋糕，幾特別。彩羽太卷（海膽、拖羅、小黃瓜、日本蛋黃）太卷層次豐富，海膽甘香濃郁，拖羅脂香滑順，蛋黃醇厚柔滑，小黃瓜則帶來清脆爽口的平衡感，整體口感細膩而鮮明。最後是追加的日本空運冰製刨冰（抹茶、水蜜桃）抹茶刨冰：冰粒細緻如雪，抹茶味濃郁微苦，回甘悠長，清涼中帶著深度。仲有紅豆同的玉陪襯，又甘又甜，非常好食！水蜜桃刨冰：果香撲鼻，甜度非常自然，令人發自內心笑出來！冰爽入口即化，彷彿夏日果園的清新氣息，真的驚喜十足，大大倍增滿足感！…Read More

圍方有Jolibee真的好好，之後買糖水都非常方便！餐廳間中仲會推出季節限定款今日就試左新出嘅蜜瓜豆乳雪葩！夏天户外真係好熱，即刻開黎食有透心涼嘅感覺！蜜瓜非常清爽香甜，加上豆乳的乳香，雪葩的冰涼真是解暑佳品！另外屋企人的奶蓋黑白豆乳茶和黑白芝麻奶蓋都好好飲！豆乳奶蓋好香濃，黑白豆乳茶有豆乳同仙草，清涼解渴，甜度適中。黑白芝麻奶蓋，芝麻好香都幾滑，芝麻豆乳飲完覺得好健康，唔會有罪惡感！其他期間限定山藥百合系列甜品: 准山百白豆腐花/西米露，夠晒養顏最後仲加咗個三色芋圓布甸返屋企食， 布甸並唔係平時食嘅牛奶布甸而係豆乳布甸，口感上比較似奶凍，偏爽口唔係滑，豆乳味好香！ 芋圓好多，而且都非常煙韌又腍糯，味道不錯！ 喜歡豆乳嘅朋友可以一試！8月周年慶一連4個星期一,推$5加購價產品8/18：雪燕豆乳8/25：仙草豆花仲有，兩件9折等優惠，非常之抵！…Read More

走入秦石邨，街市旁有一間茶樓，平日都非常多客，今晚和家人剛巧經過想食中菜，於是食了一餐豐富的晚餐@香蒜一字骨 $98香氣撲鼻，外皮酥脆，咬下去肉質嫩滑，令人回味。加上大量的香脆炸蒜，簡直是送飯佳品！八寶冬瓜盅 $168湯清味鮮，冬瓜清甜解暑渴，配料豐富，每一口都暖入心頭。八珍豆腐煲 $88豆腐滑嫩，醬汁香濃，配料豐富，吃起來很滿足。Xo醬腸粉 $48腸粉夠滑有些葱花，XO醬惹味帶一點微辣，每口都很過癮。脆皮炸子雞一隻$48外脆內嫩，不油膩，肉質非常嫩，便宜而質素高！怪不得每枱都會點炸子雞！鍋燒燒鵝福建炒飯$108炒飯香口夠鑊氣，燒鵝肥美，味道很夠而且香氣四溢！百悅軒沒有花巧裝飾，但每一道菜都做得用心。這裡就是那種會讓你想帶家人一來再來的溫馨好地方。…Read More

屋企人鍾意順德菜， 想起之前食過呢間私房菜就帶屋企人上去食一次！豆腐魚蓉羮：口感滑順細膩，豆腐和魚蓉融合後鮮味十足，入口溫和帶點清甜。芋頭絲酥脆，青瓜絲清爽，雞肉嫩滑，加上芥末和薑絲，整體層次豐富，口感多變。黃金蝦：外層酥脆，蝦肉彈牙鮮甜，鹹蛋黃香氣濃郁，鹹香開胃。釀鯪魚：非常考功夫的一道菜！魚肉鮮美，餡料豐富，外層微脆，內裡細膩多汁，鹹香中帶點甘甜。蝦子柚皮：柚皮軟糯吸汁，蝦子鮮香，帶點微苦與鮮味交織，口感特別。洋蔥鴨：鴨肉軟嫩，洋蔥甜味滲入肉中，鹹香中帶點微甜，層次分明。荷葉飯：米飯吸收荷葉清香，粒粒分明，配料豐富，香氣撲鼻。啫啫菜：熱鍋爆炒，醬香濃郁，唐生菜爽脆，帶點微焦香氣，特別開胃。順德菜講究食材新鮮與層次口感，無論是肉類還是蔬菜，都能展現細膩鮮香與多元口感，菜色得體，份量又足，家人都十分滿意。…Read More

今晚去左中環一個好有情調嘅餐廳慶祝，入面環境寧靜，知道我地有慶祝目的仲安排了花瓣佈置，令氣氛更加浪漫食物方面，每日三款新鮮麵包，今日提供的是亞麻籽麵包，香草麵包，芝士脆脆，麵包好香好軟熟，每種都真有食到食材的味道，芝士脆脆好薄好脆好可口，芝士味香濃開胃小菜鯷魚蕃茄莎莎多士，鯷魚味道唔會太咸，味道濃郁，配上蕃茄的清甜，兩者起到中和作用，多士香脆提升整體口感前菜炸蟹餅軟殼蟹配honey muster，蟹餅切開係厚實的蟹肉中間夾雜一些洋蔥絲，味道好香，口感都不錯，如果味道再突出一點會更好， 軟殼蟹香脆皮薄，仲帶有少少肉汁我地仲點了龍蝦湯，龍蝦湯由茶壺中倒出，儀式感十足，仲配龍蝦肉做成的雲吞，味道非常香濃，喜歡龍蝦湯的朋友一定會一試愛上！法國黑松露芝士意粉店員會推住餐車和芝士到前，先加冧酒燒融芝士，再將意粉伴落去拌勻，之前再加上即切新鮮黑松露切片，黑松露香味十足，味道反而不太濃，意粉味道亦不錯牛面豬登肉闊條麵，牛面頰肉好滑，軟腍帶牛香，汁亦好夾，闊條麵口感很好有點微微的彈性，唔係淨粉，幾特別，好食！主菜肉眼扒三成熟煮得剛好，味道香帶有肉汁，肉質不會太軟腍，最外層帶少少焦香，薯仔同芥蘭苗都好好食味噌魚柳魚燒得好香，肉質結實，味噌味濃郁帶少少甜味，份量剛剛好甜品栗子做tiramisu，栗子味道有但不算突出，但tiramisu本身都做得好香滑，冧酒味幾出松露朱古力，macaron，杏仁蛋糕，蛋糕好出色，中間有濕度有杏仁口感最後仲有啡啡或茶，可以慢慢享受美好時光～餐廳現在做緊優惠，Tasting menu 有8折，四道菜或五道菜就有9折，openrice訂座仲有65折！如果適逢特別日子慶祝不妨一試！…Read More

今晚同老公去左一間好chill嘅餐廳，裝橫幾高級，係感覺時尚高貴嘅居酒屋！我哋點左脆核桃小女子做開胃菜！核桃做左少少調味，甜甜脆脆，加埋小女子即是小甜魚提味，幾惹味，一口送一口，吊出味蕾～仲點了無花果脆薯蟹籽沙律，沙律幾特別，脆薯絲加青瓜絲都好爽口，加埋蟹籽好過癮，略嫌太多沙律醬，食到最底有點膩，整體都唔錯的！迷你蟹王蟹肉窩夫撻一大堆一梳梳的蟹肉仲有蟹王，非常鮮味！有滿足感！窩夫撻令整體口感更厚身！之後係餐廳主打的日式串燒，串燒日本豆腐， 豆腐比較結實唔駛驚會散，豆腐外皮好薄帶脆的口感，內裡特別！有少少似玉子豆腐，又有少少彈牙，幾有趣，加埋木魚絲會醬汁，是好食的！燒雞翼，又香又有肉汁！好食！西班牙黑豚玉子燒，係黑豚肉包住甜玉子，黑豚肉燒得好有肉香，食落唔油唔膩，反而玉子的甜味比較突出燒雞翼釀鮑魚，幾得意的，有肉香的鮑魚口感，雞肉和雞皮的味道和鮑魚都幾夾！北海道辣味魷魚肝汁松葉蟹肉意大利麵，有好少好少的辣味，魷魚肝汁幾鮮味少少甜咁，仲有好多鮮蟹肉同炸魷魚圈做主角，意大利麵都好掛汁，每樣食材都鮮味十足！蔥拖羅三色紫菜taco壽司手卷，手卷好豐富，本身仲驚唔知點食先唔會跌，驚喜一咬非常灑脫，能清脆俐落的跌斷所有食材！大讚！而且味道非常鮮甜，拖羅入囗溶化，留下味道回香，成為本日最愛！飲品有Kissatem, 帶咖啡味道，老公喜歡, Empress，酒味較強帶少少甜，易入囗，上枱時特別有儀式感菠蘿焦糖燒，正常，喜歡佢焦糖份量恰到好處自家製紅豆布甸，滑！好chill, 餐廳氣氛同環境都好好，令人感覺舒服，店員都好有禮貌，服務周到，係一個令人放鬆的地方…Read More

新鮮圍煮抵食4人餐！今日約左老朋友去打邊爐，揀左呢間新餐廳試試，有d難搵，但食過就覺得值！我哋4個大人叫左個4人餐，竟然飽到食唔晒🙈首先有前菜涼拌海蜇兩大碗，味道好足，海蜇好爽口，食得出唔係平時一包包果d，好開胃！之後仲有一大盤象拔蚌刺身拼盤！冇諗過咁大盤…除咗象拔蚌刺身仲有赤貝、帆立貝同埋大蝦， 全部都好新鮮，好肥美！湯底我地加左$198升級做濃厚半隻雞加花膠湯！！ 見住佢足料放落去到非常煲！店員建議先人湯再打邊爐， 真心推薦要升級！花膠湯雞尾濃鬱好甜好夠味！每人飲到兩碗湯，好暖！開左個好頭！之後加湯打邊爐，打頭陣有鮮乳龍蝦！平時好少食咁細隻龍蝦， 點知超級鮮甜，肉質實而彈牙，又唔會好大舊要咬好耐，好驚喜！之後仲有手切肥牛、水飼豚梅肉同白鱔片！值得一試佢仲有手打墨丸，非常鮮味彈牙！食到有一粒粒墨魚肉喺入面，非常足料！水魷都好爽，好大份！ 仲有絲味肥鵝腸！ 響鈴都係打邊爐必備！另外鮮蝦韭菜餃同水餃都好高質皮薄餡靚，而且皮滑唔易散又唔粉，幾好食！ 仲有魚腐 鮮菌雜菜腩 粟米拼冰豆腐等等！另外手打檸檬茶都係值得一試真係大大杯！呢個四人餐真係物超所值，同朋友嚟可以慢慢食慢慢傾！大家都食得又飽又滿足！…Read More

今日同老公去葵青劇院睇舞台劇，睇之前當然要先去葵廣度食個滿足！其中甜品當然少不了！近期見好多人都推介Bunny Churros，所以唔執輸試下！我哋點左個Churros Gelato Combo Set $60，好似抵d!由於Churros係每天人手新鮮製作, 現場即叫即炸 ，要每條炸至金黃香脆，所以一般都要等8-12分鐘， 炸起後灑上肉桂粉， 入口外脆內軟， 我同老公都覺得有驚喜！ 完全沒有油膩感，唔會有 "好粉" 或好飽好滯嘅感覺！反而係一陣風咁，香口鬆化！ 加上我哋揀咗雜莓醬，多嘴講話雜莓醬好杰，店員解釋原來係因為配料同醬汁都係無添加純天然！所以雜莓醬會比較有口感！ 而且食落真係酸酸甜甜唔會有好假嘅感覺，幾清爽開胃！Gelato我地揀左意大利開心果味，入面包含左大量開心果碎！好香脆，大大增加咗口感同開心果味， 本身Gelato都有好濃郁開心果味， 加埋開心果碎簡直雙倍開心！其實幾款口味 同醬汁都好吸引! 下次可能試下茉莉毛尖Gelato同埋法國黑朱古力味醬汁, 相信都會好驚喜! …Read More

今晚同老公係中環食飯，經過見到14款壽司廚師發辦有六折優惠！覺得都值得一試，於是就入去享受下😂前菜係靜岡縣糖漬蕃茄配三重縣響螺，蕃茄好爽好好食！仲有北海道松葉蟹肉，入面仲有一些酸酸甜甜的啫哩，食落好清甜，好開胃之後到食主茶壽司了！先由淡味開始食首先是愛媛縣鯛魚腩，上面有少許新鮮柚子皮，味道比較清和淡但仍然食多少少油肫香味，幾清新之後是靜岡縣金目鯛，金目鯛魚本身油分和魚味都比真鯛重，所以師傅加了葱入去，再輕輕燒過，食落幾香口北海道墨烏賊，肉身較厚， 加了少少青檸汁，減低油膩感，加上師傅切成一條條，令食落更有口感，個人幾喜歡這個食法淡路島針魚，是入冬季節的時令食材！加上少少辣蘿蔔蓉提味，吊出魚鮮味但唔會太重，味道好好，肉質好爽！加上師傅的切法和擺法，增加了口感！個人第一次食這樣的針魚壽司，非常驚喜！岩手県帆立貝，加上竹炭鹽，好少咸帶點甜，帆立貝肉厚且鮮甜新鮮日本赤貝，肉質偏爽，貝殼味較重，食得出好新鮮日本黑鯥魚，油分較重，加上燒過，非常之香，葱香，醬油香，魚香，美味！神奈川縣梳子魚 中間有無過嘅芝麻燒個油芝麻香鰤魚，普遍都比較肥美，魚味重，上面加了些少麵豉醬所以帶有點鹹香味北海道噴火灣牡丹蝦，上面係燒過嘅牡丹蝦膏，口感較黏， 但有非常濃郁的蝦香慢慢食到濃味海產必有秋刀魚！魚味和油脂都較重， 今次魚肉連飯一齊燒，讓知可以滲入飯入面長崎県青花魚， 上面有塊薄薄的燥醃蘿蔔， 清一清口長崎縣吞拿魚腩 師傅將魚肉切開三篇再放上去減少根的口感醃三文魚籽，新鮮處理，非急凍， 所以黏住黏膜，食落咸咸地一粒粒， 每粒三文魚子個鑊都好薄北海道馬糞海膽，味道較重師傅自家製宇治抹茶奶凍 配日本黑豆，好好食，甜而不漏， 抹茶味好香但係唔會苦唔會澀，奶凍超級滑，仲好香椰香味！非常滿意！…Read More

今日同老公去左尖東炑度食餐好嘅，因為我話想食壽喜燒，所以老公專登揀左呢間餐廳～我地點左兩個餐，有齊天婦羅同壽喜燒，好開心！先有北海道白粟米，口味清爽脆，味道清甜，平時好少食到呢個口感同味道！石川県金絲瓜 ， 上面有指天椒，怕辣可以夾開，味道酸酸地幾爽，幾開胃八爪魚，用茶煮過， 中間有柚子胡椒，兩片一齊食，新鮮，爽，有咬口，味道幾濃郁蒸蛋， 上面是北海道瀨尿蝦加柚子，食落清爽，蛋超級滑！天婦羅有北海道花竹蝦， 蝦頭加了少少鹽 蝦身可加柚子鹽，花竹蝦口感厚實彈牙，好香山形縣甜粟米，沾上天婦羅汁食，粟米好甜，平時最多只見粟米芯天婦羅，整排粟米的天婦羅好少見！原來係師傅預先將兩排粟米起肉再疊起來炸，好考功夫！清真生蠔配自家製蠔汁，味道帶少少薑味，令整體層次更豐富，包紫菜一齊食，增加口感！蠔好鮮甜，連唔愛食蠔的我都覺得好食！愛知県無花果天婦羅配豆腐麻醬，豆腐麻醬用芝麻、豆腐和蜜糖調製，豆香味非常濃郁！無花果本身味道唔強帶少少甜，整體比較清，中和剛剛生蠔的濃烈味道愛媛縣蜜柑鯛天婦羅， 配底下紅燈籠汁， 魚鱗非常香脆，魚肉結實與紅燈籠汁好夾，好高質的鯛魚之後到壽喜燒！店員會客人奉上用醃製過的蛋黃用來俾壽喜燒和牛沾來吃，還有一小碗珍珠米飯有北海道十勝產A4和牛, 首先有和牛西冷，我地按師傅推薦選了五成熟，和牛入口好香濃牛肉味，咬多兩下已溶化在口入面，沾上蛋汁，好滑，味道更濃郁！我同老公食完都不自覺笑一笑，好耐冇食過好味到會笑的美食！太開心了！之後到和牛肉眼，味道更濃郁！送飯真係好好！最後有和牛肩肉 ，牛肩肉會煮得比較熟，肉味亦最重，亦需要較多咀嚼，但絕對是可接受的，而且只是比西冷和肉眼多，加上每一啖都會食出牛肉汁，配白飯很好！之後還有壽喜燒角絲，好入味， 要趁熱食，口感煙煙韌韌， 餐廳自家調製的壽喜燒湯底非常好味，不會太甜太油膩！捐豆腐，冬菇，甘筍花，之後仲有日本淡路島洋蔥京蔥，好甜！仲有娃娃菜，可選腍d或爽d，好入味！最後有鮑魚清湯和自家製黑糖蕨餅全程無論環境和服務都好好，師傅好有禮貌和細心，每次都會提客人：小心熱請萬用，感覺親民，令客人感覺舒服冇壓力！我和老公都表示今餐非常開心滿足！…Read More

今晚相約老朋友食飯，去左尖沙咀新南苑私房菜度打邊爐，貪佢地點方便就腳，而且有180分鐘任食，可以慢慢食，最怕趕頭趕命。我地點了牛牛餐，係最平的180分鐘餐。跟餐有冰鎮鮑魚，仲有刺身拼盤。鮑魚好入味，好結實彈牙，好食！刺身都好厚肉新鮮！之後我地要左雞煲，有半隻雞，都好滑，雞煲味道調教得不錯，不太辣又惹味！之後揀左冬瓜盅湯底，幾有趣！而且比想像中鮮甜！牛肉拼盤，有M9澳洲射和牛，美國 極上牛肉， 熊本一口牛和中國安格斯牛小排和本地手切牛頸脊！牛肉賣相普通，但食落牛肉味濃，口感不錯！丸黎講，各款丸都唔錯， 唔係粗製濫造丸！ 個人幾鍾意 豬骨濃汁貢丸和蝦丸，真彈牙有咬口！飲品選擇多，仲有自家製茶品，雪糕雪條就普通d, 雀巢牛奶公司為主。…Read More

屋企人成日都話新新酒樓抵食，今晚又同佢地食左一次，因為睇中了懷疑小菜金錢雞！估唔到星期一晚都爆場！我哋5個人見菜單都幾豐富，於是點了4人餐$1488。新新懷舊金錢雞最上層係一塊瘦肉，燒到好香，有燒味感覺，中層係雞膶，食落唔腥唔臊，最底層係醃製過已糖化的肥膏層，整體甜味較重又帶點焦香，幾特別，長輩就食得津津有味，讚有保留傳統做法！上湯加拿大龍蝦配伊麵伊麵底充足，湯底濃郁，龍蝦新鮮，肉質結實，小朋友最愛竹笙海皇燴燕窩燕窩非常清甜，蔬菜加上竹笙海鮮令口感提升，而且飲落輕型，份量仲多到可以舀到一人兩碗！碧綠炒龍躉球西蘭花清爽，龍躉球啖啖肉，肉香而厚實，不錯！清蒸龍躉頭腩較炒龍躉球為清，但仍然非常爽甜！肉身帶點汁水不，火喉剛好！蒜香脆皮燒雞果真香脆！外皮脆，雞肉算滑，調味剛好！瑤柱蛋白炒飯比較之下，味道較淡福康蟠桃沒有特別，有蛋黃，但沒有出油香，中規中距！最尾仲送了紫米露糖水，各人都吃得很飽…Read More