popo chan1984's Profile

今日路經將軍澳，諗緊食咩，諗起好耐無食過蠔，上網見附近就是蠔站的分店，於是就walk-in 試吓，點知就比佢地嘅專業嚇親。話說去到門口，見佢地有個優惠$199食八款唔同產地嘅生蠔，仲有一杯白酒送，於是二話不說就叫左兩set, 等左一陣，個女侍應就送生蠔過嚟，佢連埋張入單紙就咁就放低，介紹都無介紹，話明八款唔同嘅蠔，咁梗係想知產地來源啦，想知食左啲咩都好正常啫，於是問吓佢介紹一下咩蠔打咩蠔啦，佢竟然答唔出，我真係O晒咀，點解專業做生蠔都答唔到客人基本嘅野呢，咁你學咩人做生蠔生意呢？我平時去外面買外賣生蠔，人地都答得我勁詳細，味道口感係如何，產地來源十分清晰，估唔到一間專門做生蠔的餐廳係解答唔到客人生蠔上的問題。最後連送果杯酒都忘記要提佢先上（我係眼見隔離枱遲過我都上左我先問）本來諗住影相的，但我根本食左咩蠔落肚我都唔知，所以無心情影了，今次體驗真係幾深刻仲十分搞笑。…Read More

晌旺角搵野食，見周圍都人多，發現一間樓上嘅台式料理，於是試一試。上到去環境不錯，舒服，唔似一般旺角餐廳的壓迫感，一貫台式感覺舒適乾淨。叫了蚵仔煎，配料夠多，連秋葵都有，煎得又夠嫩滑，但蚵仔都不及台灣的多，合格以上的水平，兩人叫了兩個定食，排骨滷肉飯及魚籽蟹肉滷肉飯，排骨炸得很有台灣水準，脆得黎入面還有肉汁鮮嫩，蟹肉真係一絲絲的蟹肉，夠晒誠意，主角滷肉飯更是味道十分回味，看似份量不大，但吃完很有飽足感，另外仲叫左一個台式必食的水蓮菜。會再次光顧👍(ps:本食評絕不是店家提供的試食，絕對是閒人路過沒收取任何利益的食評）…Read More

一幻拉麵，除了拉麵本身湯底足味濃厚，環境也是一絕，超級喜愛他們的無敵海景。個人喜歡蝦湯加豬骨的湯底，濃厚，回味無窮，蝦與豬骨相互配搭但不搶互相風頭，麵底本身也是十分彈牙，個人偏愛幼麵。…Read More

行街行到肚餓，未試過這家韓國pizza於是試一試，環境與服務都還可以，食物質素跟價錢都是成正比，美味度都是合格水平。特別推介脆炸章魚仔，外脆，內滑保留到章魚仔的鮮滑，驚喜👍…Read More