BillyLai8059's Profile

食過幾次，雞南雞飯同炒金邊粉都幾好食。不過今日遇到嘅中年女職員態度非常差，落單嘅時候已經不斷催促你落單，加嘢飲原來只係出張單比你去另一間鋪頭換飲品，但係又唔講聲。去到攞餐嘅時候我發現冇嘢飲，個職員先話要攞張單去第二到話，仲話自己已經講過。論食物質素、出餐速度、價錢都幾好，唯獨某位職員態度差。下次見到係其他職員值班先再幫襯。…Read More

本身諗住簡簡單單食個lunch，以為嗌叉燒滑蛋飯實冇死，點知上咗碟咁嘅飯上嚟。d飯食落有d爛，成碟飯應該先落咗一隻蛋，其他都係用芡汁去扮佢所謂嘅滑蛋。碟飯完全冇味，食完都唔知食咗乜。碗湯係免費嘅，入面有少少紅蘿蔔同合掌瓜，本身以為有d豬肉，原來只係得d豬骨。成碗湯冇咩味，所以冇飲哂就埋啡單環境方面: 唔算太乾淨，座位下面有塊牛仔骨喺到。周不時有烏蠅飛過。冷氣就適中，算係唯一可以讚賞嘅位。結論: 中大伏，冇下次…Read More