Smion Chiu的個人專頁

九龍城食肆林立，午市更大把選擇，講到沙嗲牛肉，一定係哩間方榮記莫屬，午餐簡直經濟實惠，哩個價錢絕對令你有過大的要求。當然一定唔係最好味，但哩個價錢絕對對得住質素，最重要係沙嗲汁，味道剛好，我覺得配白飯其實比麵更出色。牛肉都唔錯。經開九龍城絕對一試。…查看更多

時代廣場經濟港式葡式餐廳。平日午餐，$88蚊另加一收費。味道不錯，環境舒適，服務唔錯，價錢經濟合理。份量相對輕盈，反而輕盈餐的藥膳雞湯米粉的份量較多，反而最好味同最有驚喜。…查看更多

銅鑼灣新開燒肉放題店，趁新開而且會員有優惠劵，一於試一試。今次點選 「美國PRIME牛肉放題」C 級首先環境唔錯，座位舒適，衛生幾好，唔會好逼，冷氣都充足，而且燒既過程唔會好大煙，抽氣部分做得好好相對上爐就比較窄，服務都好好，上餐速度都快，沒有走單嘅情況。甲羅燒都有專人燒，牛肉既肉質唔錯，其中最好味係封門柳。當然C級主打美國PRIME 牛，以肉質味濃見稱。下次可以一試和牛。飲品同雪糕方面都係四洲集團供應。更有兩款雪糕係日本貨。…查看更多

經過尖沙咀，想食火鍋，剛好路經派宣傳單張，88折優惠兼且有海鮮拼盤送，一於就去試試。火鍋店在酒店樓上，門口唔太顯眼，不過進入餐廳都算寧靜舒服，絕對可以三五知己圍爐取暖，亦都適合一大班朋友相聚傾計，預早book 更可以有VIP 房間包廂。食物質素唔錯，食材都算高質，芫荽皮蛋鍋，非常多芫荽，簡直係芫荽控嘅摯愛，湯底香濃而唔多味精，首先可以飲湯底。炸魚皮非常新鮮，新鮮即炸，令魚皮非常脆口，稍為少見。鵝腸新鮮，而且唔會有臭味。手切牛拼盤更可多品嚐唔同部位的牛肉。絕對必食。海鮮拼盤雖然送的，但質素唔差，海鮮都非常新鮮。…查看更多

哩間日本大阪過江龍蛋包飯之神滿天星係香港已經一段時間，成日經過都見到排哂長龍，趁住仲有半價優惠券，今日難得有機會，決定一試。日式咖喱吉列豬扒蛋包飯用蘭王蛋整的蛋包飯，赤黃色的蛋汁，蛋味香濃，不愧係出自蘭王蛋。豬扒外脆內軟，唔會話好鞋口。未食過可以一試過江龍既日式蛋包飯。…查看更多

作為多年的街坊，亦都多次幫襯，作為下午茶絕對非常邪惡，簡直可以節省晚餐。除左CP值非常高，味道依然不變，仍然堪稱巨型。魚柳包。每次都新鮮即炸魚柳，配料有青瓜片同蕃茄片。絕對可以encore。…查看更多

夏日炎炎，一大班人想食大排檔，但又唔想坐室外咁熱，陳根記室內大排檔係其中選擇。雖然係室內大排檔，但設計上都保留舊款既感覺，人流仍然的多。感覺上都令人回憶以前大排檔風味。由於一大班人的關係，可以點更多款式。最好味的莫過於煎蠔餅，黃金外脆，蠔仔都分明，味道都唔錯。雖然人流不斷，但由於以手機QR CODE下單，基本上走單情況少同埋上菜速度比以前快左。要值得留意嘅係手機QR CODE 下單係有時間的限制，同埋用餐的時間都限制，最好齊人先入座及一次過點單。…查看更多

係朗豪坊食店林立，琳瑯滿目，每次經過呢間舖都有人排隊，今次經過剛好唔洗排隊，而且俾佢的午餐set 吸引，價錢都對得住食物質素，午餐set 包餐飲，價錢算經濟，食物質素方面都唔錯，尤其係泡菜牛肉鐵鍋飯，泡菜辣得來惹味，牛肉份量都算多，尚算可以接受。…查看更多

每次黎西貢，經過哩間店鋪都永遠排大隊，永遠緣慳一面，今次經過可能時間尚早，五點半鐘時間，排一陣就有位了。價錢方面比九龍城泰國街相對經濟得多，而且味道唔錯，食左當去左泰國，份量方面都算合理正常，唔會份量細。最驚喜位都係沙嗲串，泰式生菜包。沙嗲串最好味莫過於汁。泰式生菜包，辣得黎惹味。整體味道都唔錯，值得再食。…查看更多

友人生日慶祝，想試下特色的新派菜，見到哩間環境唔錯，就俾現場環境吸引，似日式居酒屋設計，Menu 非常簡單，酒類方面都多選擇，食野方面最驚喜係佢有廚師發辦的食法，當然係因季節性而定制。最有驚喜位係螢光墨魚，鮮甜之餘帶點開胃嘅感覺。海膽味道唔錯，食材上都新鮮。食到中途，廚師都會講解一下唔同的食材，整體上充滿驚喜。另一個吸引位係佢有Free Flow 酒類。由於酒類都多唔同類型，都值得飲，而且唔會有孤寒嘅感覺，令你暢快的享受。…查看更多

疫情好番d, 基本上大部分放題店非常多人，經過旺角見到燈神新開而且餐牌食物種類好多而吸引一試。店鋪唔算太大，而且新開關係，唔算太多人，入座後才選擇燒肉Level. 選擇後才開始正式計時，不過可能唔太多人幫襯，所以坐超過時都無人趕走，服務質素都唔錯，店員都有禮貌的。點選左Level 2, QR CODE 落單，而有d 食物可以在自助吧拿取，時間上會更快。雖然種類都好多選擇，但都有漏單的情況發生。刺身類別都算新鮮，牛肉都還可以接受。不過由於電爐關係，火力相對弱，如果要燒冬菇等食物，需要長時間，另外由於位於地庫關係，抽風系統較弱，食到中途開始就好大煙霧，令環境空氣較差。…查看更多

去到上水，選擇日本野的餐廳唔太多，當然比較出名既其中都係哩間，晚晚都多人排隊，當然味道一定不及高級壽司店的好味。當晚用左約10分鐘時間排隊，唔算太耐，座位較逼，填紙仔點餐，份量都多，特別係三文魚刺身特別厚同大件，而三文魚壽司特別長，咁多款刺身壽司，三文魚最好味。佢的吞拿魚Turo 刺身，其實就係白玉豚魚，說明上有點差異吧，不過刺身整體都新鮮同大件。牛肉壽喜燒份量都多，菜底份量多而好入味，肥牛份量都多。價錢定位上唔算經濟，因為佢另外有加一收費。…查看更多

趁有時代優惠劵，當然要去試一試，扣除優惠劵後性價比較高。午餐晚餐都多人排隊食的餐廳，當然有招牌菜式。而哩間餐廳招牌菜相信係蛋包飯吧。佢哩款蛋包飯係日式做法，上台時店員會幫手𠝹開蛋捲，然後有流心的蛋漿流出黎。哩款做法係香港唔算太多地方有得食。打卡絕對一流。味道方面都唔錯，蛋包飯最重要都係醬汁，而明太子醬更突出蛋既美味。而飯更以牛肉粒炒飯為主，味道唔會太濃太鹹，唔會搶左蛋的味道。可以一試的打卡蛋包飯。…查看更多

餐廳雖然細間，但環境氣氛唔錯，可惜當日落雨，不能戶外享餐，唯獨服務方面有待進步，食物質素唔錯，連碟都預先預熱，細節位做得唔錯，可能由於地理位置問題，價錢上相對進取。由於限聚令關係，餐廳都提早Last Order 甚至提前結帳，有點趕客感覺。整體用餐都還可以。…查看更多

因為同行者要求食素，而知道哩間餐廳有韓式素食，所以順便試試。CP 值高同埋都有驚喜既素食，素食者都岩食既餐廳。由於多人食關係，所以預早打電話預約。當晚點左：炸菇、韓式素牛肉飯捲、蒜香蜂蜜炸雞、黑松露大菇漢堡、新豬肉蕃茄薄餅當中蒜香蜂蜜炸雞絕對是餐廳既招牌菜，炸雞香脆唔厚粉，而且醬汁以甜酸醬+蜜糖為主，絕對好味。黑松露大菇漢堡 同 炸菇最有驚喜之位，炸菇非常香濃脆口同埋肉汁豐富，唔係素食既我都覺得好味，可以番食。…查看更多