快樂的肥妹's Profile

放工之後約左朋友睇戲 但由於佢要OT 睇戲前我唯有自己一個覓食於是就揀左德美壽司啦德美壽司有幾間分店 之前試過都唔錯晚餐定食 選擇由魚生飯到熟食都有 價錢貼地小食亦都有好多款可以揀最鍾意坐係bar枱 係等野食期間 可以睇到師傅專心製作食物既認真德美海膽魚生丼呢個魚生飯有三文魚 油甘魚 帶子 蝦 海膽仲有招牌印有德美兩個字既玉子個飯底唔係普通白飯 係調味過既丼飯 有d菇 食落好香魚生全部都好新鮮 油甘魚好香口重點係個海膽 好鮮甜呀🤤呢個海膽丼既質素配呢個價錢 超抵食👍🏻定食入面既豉湯同埋沙律另外叫左串燒牛舌牛舌唔係完全薄切 好有咬口呀 質感好好好香牛味 調味簡單 已經好好食😋燒蠔隻蠔燒完都仲好大隻 面頭有d類似沙律醬既蠔味好夠 新鮮 肉質爽口定食既甜品類似牛奶布丁加芒果汁 食落好香牛奶味 再加埋d芒果汁 好滿足了…Read More

一直都有聽聞過 秘 呢間餐廳 係荃灣好出名 想試好耐架啦 點知原來佢係佐敦開左分店 即刻拉埋阿妹去試下先位置係佐敦偉晴街 呢度人流比較少加上呢個門面 真係俾到人一個好神秘既感覺😂好想打開個門簾入去食牛啊🤤呢度除左普通既吉列牛 仲有高級版既黑松露吉列牛 另外仲有普通既燒牛 牛鍋 同鰻魚飯 仲有幾款小食雖然鰻魚飯個樣睇相都好吸引但係最後我地都係揀左招牌既吉列牛同埋黑松露吉列牛板燒吉列牛 定食吉列牛一上枱我地已經流晒口水 吉列牛整齊排開 牛既油脂分佈均勻圍住牛既係一層薄薄既麵包糠牛本來係未熟既 可以放上鐵板度燒到自己鍾意既生熟度 燒完之後食落口牛既味道更加香更加出🤤定食會有櫻花昆布湯 秘之飯素 仲有楓糖流心蛋 飯素平時好少機會食到 好特別 流心蛋既熟度岩岩好 用蛋黃汁撈飯都好正秘燒黑松露吉列牛 定食呢個黑松露吉列牛個賣相真係好吸引佢同頭先個吉列牛既不同之處 就係圍住牛肉既係一層有黑松露既麵包糠 食落去非常脆口之餘 個黑松露味係勁突出 勁重黑松露味一d都無偷工減料 但同時亦都唔會遮蓋左牛既味 牛味都係好濃 油脂都係好香 真心好正值得一讚既係店員既服務 當佢地見到鐵板底下既燃料就黎用完 就會反應好快咁幫你放個新既落去 唔會令到鐵板變凍👍🏻…Read More

前幾日下晝同朋友係銅鑼灣行完街街諗住搵個地方坐低食個休閒tea搵到呢間韓式cafe 平時好少見Cafe入面座位寬敞 坐得幾舒服 好適合同朋友傾計見面另外見到仲有室外既位置 同埋室內有幾個位 打卡都幾靚食物款式比起出面既cafe多好多由小食到主食到甜品到飲品都好多選擇真係會令人選擇困難症發作😂 樣樣都吸引最後叫左一個pizza一個飯同一杯飲品黃金海鮮鹹蛋黃醬pizza聽個名已經好想食🙈 Pizza既底係好薄焗到好脆既個種面頭既餡料都好足夠 有蝦 菠蘿 芝士加埋鹹蛋黃醬 有d中西式既合體 意料之外地夾 芝士都做到拉絲效果 好好味會忍唔住不自覺地食完一塊又一塊電眼雪山鰻魚飯呢個造型非常可愛特別既鰻魚飯 有驚喜通常呢類食物都係gimmick野得個樣但呢個飯 有料到wor😂 入面既鰻魚飯 味道好足 鰻魚切成小粒 分量都唔少 竟然仲有芝士拉絲係飯入面搵到加埋面頭既蛋黃 撈埋一齊食 好正外面既雪山應該係用焗既蛋白做成既 成個造型同設計睇得出好用心加上呢個咁可愛既造型 岩晒女仔打卡影相用Mocha烤自家製綿花糖又係一個造型用心之作Mocha本身唔係好甜 加埋烤溶左既棉花糖 甜度岩岩好 又可以影相呃like用🙈總括黎講 呢間韓式cafe都幾有特式無論裝修定係食物 成個環境都好適合朋友聚會 有驚喜既cafe…Read More

前幾日同朋友去左尖沙嘴睇完戲打邊爐呢間重慶洪鼎火鍋我地好期待 因為我地都係好鍾意食辣既人😋座位都幾寬敞 侍應服務態度都好好一坐低就介紹我地餐牌上面既食物仲有一個自助形式既醬料枱 可以自己揀包括麻辣火鍋必配既麻油都有 好香呀我地揀左鴛鴦鍋 一邊係麻辣 一邊係鴨湯兩邊都好足料呀 麻辣個邊個湯底入面有好多香料 勁香麻辣味 聞到已經食慾大增另一邊既酸蘿蔔鴨湯都好足料 入面有一隻鴨脾如果怕太辣既話可以兩邊換下食下 唔錯😌盛肉拼盤A 呢個拼盤分別有安格斯小牛排 牛板腱黑毛豬梅肉 同埋羊肉片 小牛排既肉味濃 黑毛豬肉質嫰滑鴨血食麻辣鍋點可以無鴨血架 必食炸響鈴新鮮炸起既響鈴一上枱已經聞到好香啦真係熱辣辣新鮮炸起 再放入麻辣湯索埋d麻辣湯 真係好正架🤤重點黎啦 就係呢個海鮮拼盤 好抵食 推介!有羔蟹 元貝 貴妃蚌 桶蠔 海蝦 分量足夠而且全部海鮮都好新鮮 大隻啖啖肉 又鮮甜淥熟完都唔會縮水 證明係新鮮貨羔蟹完全係爆羔 食完好有罪惡感🤤元貝好大隻 成隻手掌咁大肉質彈牙 好鮮甜 好滿足平時食桶蠔成日都會淥完就縮水呢度完全無呢個問題 淥熟都仲好大隻香酥肉 炸得好香脆既外面 肉本身既調味都好夠呢間洪鼎火鍋真心唔錯尤其是個海鮮拼盤 呢個價錢真係好抵食😋…Read More

今日約左朋友去銅鑼灣行街 佢話想食辣野於是我地就揀左去呢間廚十三老壇酸菜魚因為聽佢個名已經好吸引🤤餐廳座位都多 幾寬敞 卡位都係梳化位 坐得舒舒餐牌有唔同份量既酸菜魚揀 有好多配料可以加另外仲有d前菜小食同熱食可以揀可惜我地得兩個人 驚食唔晒所以我地就淨係叫左個酸菜魚加午餐肉同寬粉萬眾期待既酸菜魚出現啦😍一上枱已經聞到勁香 係勁香! 🤤🤤🤤好大碗呀 面盆咁大碗既酸菜魚呀🤤拿拿聲影幾張相先 急不及待要食啦😆首先試左一啖湯 酸得黎 有d麻辣 好開胃魚片唔太厚唔太薄 剛剛好可以夾起唔會爛既魚片好入味 除左本身既鮮味 亦都帶有好惹味既酸辣味 肉質嫰滑另外加左既寬粉都好入味平時打邊爐有時都會叫寬粉 但係就煮好耐都唔淋同埋無咩味 呢個唔同 呢個煮到好煙韌同好入味呀😋仲有午餐肉 午餐肉加係呢個湯底入面無得輸食到中途好刺激 頂唔順叫左個coke zero😂其實佢仲會附送兩碗白飯 呢個酸菜魚既湯底撈埋飯 真心正 仲有 d酸菜好好味呀 就算放左落湯度 佢都唔會俾湯沖淡d味 酸菜本身既味仲係好夠 真心正😋…Read More

今日約左朋友傾d野 時間唔係好多所以黎左TKO gateway 睇下有咩好食見到呢間巧手製作都多人排隊餐牌上面既野幾得意 除左傳統點心蒸包仲有d丼飯夾膜包幾吸引山賊牛肉燒丼$29 份量好足夠 牛肉煮得好入味 送飯一流個味道日式得黎又有點中式 幾特別😂翡翠鮮蝦腸用料一d都唔馬虎 原隻鮮蝦 都幾大隻彈牙個腸粉真心唔錯 好滑 就算凍左小小都好滑鵪鶉蛋燒賣三大粒 好夠味 燒賣唔會過多肥豬肉 成粒食最正 好夾既配搭雞扎好足料 入面有芋頭 豬皮 豬肚 雞肉蒸菜肉包入面既餡料結實 好足夠而且唔會話好多肥豬肉 但係都好多肉汁香煎菜肉包 味道同蒸既差不多 但由於外面煎過所以有點微脆 入面餡料同樣豐富由於時間唔多 同朋友快快手叫左幾樣野share點知全部都好好食 仲要好抵食 下次再試其他…Read More

有一日行過佐敦見到倫哥喺佐敦道開咗一間新嘅分店 由於同屋企好近嘅關係所以就搵一日同妹妹去咗試啦呢間倫哥位於2樓 地方好大 好闊落 唔會坐到好迫一坐低基本上唔使叫任何嘢食 侍應就會自動送上頭盤頭盤係麻辣四季豆同埋麻辣雲耳 非常入味同開胃 淨係頭盤已經好好食啦好期待個雞煲呀雞煲黎之前 仲有刺身拼盤 帶子同甜蝦刺身好鮮甜呀 甜蝦連埋頭入面d蝦膏 好鬼正跟住仲有每人一隻鮑魚同埋花膠兩樣都煮得好入味 心機之作👍🏻嘩 雞煲未黎已經好極尚啦仲有個老火湯 一飲就知係好野 真材實料👍🏻講左咁耐 雞煲黎啦😍台面上面有張墊住餐具既紙會教你個雞煲點煮 但其實侍應服務都好好 每隔2分鐘就會過嚟幫你手炒雞煲 仲會話俾你聽幾時食得雞煲我哋揀咗中麻辣 雞肉質地非常嫰滑麻辣味好夠味 勁正 我地再encore左一次🙈食雞煲嘅時候同時會有一碟豬皮魷魚同牛柏葉一齊上 放埋落個雞煲度非常入味 極度推介食完雞煲之後就到火鍋嘅部份啦我哋揀咗個蕃茄粟米湯底呢個海鮮盤入邊嘅海鮮勁吸引尤其是個貴妃蚌 大隻得黎非常新鮮仲有隻蟹都係啖啖肉不得不提嘅係呢個牛頸脊 睇個樣已經流口水牛味非常之濃 食到停唔到口另外仲有炸魚皮同埋響鈴 送上枱嘅時候仲熱架 蝦滑同墨魚滑 都好彈牙另外仲可以抽籤會有串燒送個串燒蝦同埋個肥牛金菇串 都好好食最後仲有個甜品 黑糖涼粉 好好食 就算食到好飽都仲食得落😂總括來講 倫哥真係好抵食又有質素雞煲又好食 火鍋非常滿足 仲有好多種類既飲品都任飲 非常推介…Read More

星期五夜晚約咗朋友食野本來去咗韓國街諗住喺個度搵野食見到呢間門口神秘而特別既黑木😂 原來係食串燒架wor 同朋友決定試下除左普通既一串串串燒散叫之後竟然連串燒都有omakase 決定試下 好期待😍首先有前菜 食完都好開胃 尤其是個螺新鮮好味 食完就更加期待黎緊既串燒😍雞肉捧配溫泉蛋雞肉捧本身味道濃郁 再點埋蛋汁一齊食完全係兩樣好味既野加埋一齊 變成好好味😋雞肉串 肉質燒完都仲好嫰滑 入味燒白鱔 呢個真係不得了!!! 完全大愛😍佢個皮燒到脆卜卜 一咬落去 好香既魚油味加埋魚既質地 係新鮮既味道 呢個無得輸!牛肝腱肌呢個部位平時好少食 係半熟既情況下牛味非常濃郁 可見師傅燒既時間同火喉都控制得好好 再點埋旁邊既辣汁 好味!黑豚腩肉腩肉油脂同肉分怖均勻 食落口好香油脂味調味剛剛好 唔會好油膩 好想送飯呀燒魷魚魷魚燒完後加埋醬汁 唔會好乾 仲好好味肉質爽口彈牙 証明係新鮮野👍🏻一夜干第一次食一夜干 一上枱已經聞到好香呀水份乾左 魚既味道就更加濃郁左😋燒秋刀魚呢度係用新鮮秋刀魚燒架 燒完肉質仲好滑鮮味亦都好出 果然夠新鮮燒飯團燒飯團有名太子味 好好味 加上佢成個外面都燒到脆卜卜 咬落去個口感好正 燒得一d都唔馬虎串燒黎講 真係好高質係一個好滿足好飽既omakase!😋…Read More

今日返屋企前經過呢間丸茶手作 之前有聽過佢個名係其他地區 但未試過見佢新開 menu又幾吸引 所以試下Menu既飲品選擇都好多 大部分都係茶類見佢有幾款推介 於是同朋友揀咗其中兩款試下係等緊野飲嘅期間見到員工好努力咁喺度製作珍珠 好期待呀啲珍珠係新鮮製造嘅黑糖珍珠撞奶雖然黑糖珍珠鮮奶好多地方都有但都想試吓呢度嘅黑糖珍珠非常有咬口 好煙韌 黑糖味都好足夠而鮮奶 奶味都好濃 好飲呀 仲有好靚既黑糖紋桂花珍珠奶綠一飲落去好香綠茶味 呢杯用咗桂花珍珠同黑糖珍珠好唔同 桂花珍珠唔係好甜 但好香桂花味 飲落去個味同奶綠都好夾整體來講好好飲 下次經過會再買…Read More

今日同同事係中環做完一個朝早野 好肚餓同事立即搵下附近有咩好食 因為佢話想食壽司類既野 見到呢間係西街既 Chotto Maki d野食個外貌好吸引呀 同同事立即去醫個肚雖然lunch hour就黎完 但係店舖內仍然有唔少客人內裡坐位唔多 但係空間寬敞舒適本身餐廳已經有配搭好11款既rolls可以揀全部睇相已經勁吸引 食物既色調令人好開胃另外亦都可以自己 customize your roll 😏既然黎到 梗係要試下recommended roll啦Sea Monster 除左個名有氣勢 實物都好有霸氣Size好大舊 成個賣相好靚 令人垂涎欲滴🤤個roll入面有蟹柳 蝦天婦羅 青瓜面頭仲放左櫻花蝦同紫薯粉 材料好豐富咬落去口感帶點脆 炸蝦天婦羅新鮮加埋d醬汁 配搭好味😋另外我地仲點左個Philadelphia 係由三文魚 Cream Cheese 同牛油果組合而成既roll 雖然呢個卷無Sea Monster咁有霸氣 但係呢個組合一向都無得輸三文魚十分新鮮 加埋剛剛好熟既牛油果 仲有蟹子 好新鮮好好味除左Roll 見到餐牌上面仲有一件件既壽司選擇唔夠飽既話仲可以加沙律同湯 好體貼另外個雪櫃仲有一盒盒pack好既壽司最岩d趕時間既上班族 我同同事都決定下次試下 雪櫃入面都有唔同既飲品選擇總括黎講 係個比較新穎既Lunch選擇食物除左賣相吸引色彩繽紛 用料都十分新鮮好味道 每款Roll既配搭都好用心而且份量都唔少 十分飽肚 途經中環或者係中環番工必試 😋👍🏻…Read More

剛剛既星期五晚去左數碼港接朋友放工因為要就佢放工時間睇戲 睇完戲就順便係個邊食埋晚餐數碼港商場既選擇唔多 見到呢間日本野唔錯 Menu都好多選擇 所以就入左去試下啦雖然menu有好多選擇 有刺身壽司鍋物炸物串燒但店名叫奧壽司 梗係要試下d壽司啦😂件件壽司都好豐滿🤤 帶子非常鮮甜蝦同海膽都非常新鮮喔😋鵝肝壽司 一上枱已經嘩左一下 好大舊鵝肝呀🤤 流晒口水😋鵝肝燒到表面微脆 一啖食落去入口即溶好好味呀 忍唔住要再encore一舊到串燒既部分 我地叫左兩串牛舌牛舌厚切 咬落去口感非常滿足 厚得黎質感彈牙 燒到非常香口 好想再encore呀原條燒魷魚筒好開心呀 係原條燒 好香口燒鰻魚 鰻魚啖啖肉 加上佢既醬汁一齊燒好好味 可以媲美係日本食到既 好想要碗飯呀😂牛油帆立貝佢燒到個表面金黃色 小小焦脆 好香牛油味加埋黑椒調味 好味喔 而且每粒size都唔細燒銀雪魚 銀雪魚本來既油脂味已經非常豐富燒完之後個種香口既油脂味簡直大爆發最得意係個舊蘿蔔仔 顯示師父既刀工總括黎講 雖然地點比較偏遠但係以食物既質素黎講都好值得黎食等我快d再約朋友接佢放工再黎食先😋…Read More

今日同同事係總公司開完會出街食晏 由於平時中午無咩點過黎呢邊食飯 咁岩同事同我都勁鍾意食日本野 仲要今餐係同上司一齊食 所以同事一早上網search左呢間蟹道野田 佢話難得黎到中上環 要食好d wor😂 淨係睇個門口已經好有日本feel 😍餐廳既環境令人好似去左日本咁入面既座位唔多 有兩張卡位同一行壽司bar枱面前有兩位師傅 全程都見到佢地一手一腳做好每一碟食物Lunch有幾個價錢既set可以揀 有唔同既丼 亦都有由師傅發板既Omakase難得有上司請 梗係要試個迷你懷石料理啦🤤點完餐之後 聽到侍應用日文向師傅落單之後就見到師傅開始製作 好新鮮既感覺呀真係好似係日本咁😆唔駛等好耐 第一道前菜已經黎啦分別有刺身 小炸物 同茶碗蒸蛋😍刺身非常新鮮鮮甜 肉質爽口跟住就係小炸物 佢地既外貌非常精緻其實全部都食得架 個小西瓜係由明太子做成非常有趣又食得另外炸既有一塊魚仔 非常香脆另外炸蝦 外層有d脆 內裡蝦肉質地彈牙茶碗蒸蛋 見到面既材料已經覺得好豐富有蟹腳肉同三文魚籽 令鮮味加分蒸蛋非常嫰滑又帶點鮮味跟住呢碟係熱盤最底既係一舊冬瓜 面頭有風乾火腿同魚籽醬風乾火腿既咸香味非常濃 冬瓜剛好有中和既作用天婦羅天婦羅蟹腳 肉質非常結實 啖啖肉 好滿足炸粉剛剛好 唔會太厚 炸得香脆燒鱈魚 鱈魚燒過次後 油脂味道香濃食入口肉質非常嫰滑可口 重點黎啦 毛蟹釜飯😍師傅會首先介紹下個飯 又會show俾我地睇下個充滿蟹肉仲有蟹蓋既飯 好吸引呀🤤跟住師傅就會開始落蔥去撈個飯 好香呀飯食落非常鮮甜 啖啖既蟹肉係口入面 好滿足蟹蟹對唔住呀 你咁望住我都無用架🙈😂跟住就係甜品 係原味既雪糕 配埋旁邊既黑蜜 同埋底既栗子 好夾既組合總括黎講 呢餐真係令人好滿足同十分回味呢個迷你懷石料理有齊咁多樣野食 樣樣都新鮮製造之餘 又唔會話要等好耐時間岩晒d lunch想食好d但係又唔多時間食飯既客人…Read More

星期五同朋友係海港城行完街 朋友話想食日本野 但係周圍都好多人排隊食飯 於是就上網搵到呢間日本餐廳 地點好方便 就係Apple store 隔離既大廈入口 非常易搵👍🏻好彩時間尚早 唔駛等就有位啦😎入面既裝修真係好似去左日本有幾個卡位 壽司bar枱位 同埋有間房餐牌上面既食物種類有好多 由刺身壽司到燒物料理 好似居酒屋咁點完野食之後發現枱上已經準備好小食呢個係蓮藕 類似漬物 蓮藕片切得非常薄混埋佢既汁 甜甜的咸味 非常開胃因為同朋友都想食得健康 所以一開始就點左個豆腐沙律😂豆腐非常嫰滑 車厘茄鮮甜 好耐無食過甜既車厘茄! 成個沙律食得出用料非常新鮮!👍🏻跟住重頭戲就黎啦!呑拿魚腩手握壽司🤤🤤🤤😍😍😍淨係睇個色澤已經令人流口水🤤吞拿魚腩壽司 切得厚身 味道鮮甜一放入口 係會溶架 好感動😭係香港真係好難食到會溶既吞拿魚腩個一刻好似去左日本咁😋旁邊既厚燒玉子味道都唔錯梅子大葉免治雞肉棒唔知係咪因爲梅子既關係 未食已經聞到好香食落都非常香口 雖然係免治雞肉但食落都非常有咬口 唔會話太軟淋淋無口感加埋上面既醬 非常香口牛肉網燒牛肉雖然係燒到全熟 但肉汁仍然豐富肉質亦都足滿油脂 濃濃既牛肉味😋食到停唔到口明太子露荀炒飯明太子既咸香味非常香口 露荀係炒飯入面仍然爽口成個炒飯味道都好夾 令人想食完一碗又一碗炒雜菜食得太多肉啦 於是又叫個菜食下先炒菜新鮮爽口 加埋木魚絲 一d都唔馬虎最後梗係要食埋甜品啦😝食日本野點可以唔食綠茶雪糕 定律黎架麻😂綠茶雪糕非常有日本既味道 絕對唔係馬虎既綠茶味 好好味呀 食一球唔夠囉🙈總括黎講 整體既食物質素都好高質尤其是吞拿魚腩壽司 令人回味無窮😋服務質素同環境都令人非常滿意😎…Read More

今晚約左好耐無見既朋友食晚飯 想搵個地方坐得舒服傾下計野食又好味地點又就腳既餐廳🤔於是就係網上搵到呢間意大利餐廳 留意到佢主要係因為見到佢d相好靚好多花花😍 完全係港女必去影相呃like既好地方 同埋見到d食物都好精緻🤤餐廳位置係尖東站出口行兩分鐘就到 好方便通過一條長樓梯之後 就會到達餐廳我同朋友一上到去 即係心心眼左😍好多花好Elegant好似花園呀🌻🌼🌷🌹🌸好彩時間尚早 客人仲未係好多 我同朋友兩個港女當然不停咁影相啦🙈 侍應們都好有禮貌 又問駛唔駛幫我地揸機影完一輪 我地終於肯坐定定睇menu有位著西裝的侍應有耐性地向我地介紹餐牌同Chef's special 呢度真係除左裝修同裝飾好靚之外連用具都好夾 呢個係熱水壺同茶杯 都挑選得好用心 好配合個環境我地首先點左兩杯mocktail一杯係Virgin Mojito另一杯係有草莓味既mocktail兩杯都有薄荷葉 味道好refresh 好適合夏天侍應首先送上一籃香草包同埋包條仲會配埋自製既南瓜醬同埋焗蒜頭蒜頭原粒焗 一上枱已經聞到非常香蒜頭焗到軟身 放一小粒係包上面食 非常香口個人比較鍾意香脆既麵包條 點埋南瓜醬 南瓜味非常突出😋前菜我地揀左Baked Portobello 係大啡菇上面有一層芝士再加上半熟蛋另外旁邊仲有d 火箭菜同紅菜頭整穿蛋黃之後 蛋漿中和左本身火箭菜強烈既草青味 配合埋半溶既芝士 令大啡菇既味道更豐富 Lobster Bisque龍蝦湯既味道非常濃郁 湯既顏色質地潔身鮮甜味好明顯 飲得出係用份量十足既龍蝦熬出黎而且真係有好大粒龍蝦肉架 同平時飲個d好唔同 龍蝦肉肉質彈牙 非常新鮮 好滿足😋Chef's Special - Barramundi Fillet with rainbow vegetables Pesto sauce 呢碟魚既擺盤有心思 影相好靚 擺碟靚d令人胃口都好d 😂 魚既外皮香脆 肉質滑 啖啖肉充滿鮮味底下既彩色椒同瓜粒除左為菜色增添色彩之外味道都唔錯 夠新鮮Osso Bucco Risotto係好出名嘅意大利飯 黎到意大利餐廳梗係要試下啦 牛仔膝本身既牛味香濃 肉質燉到非常軟稔入味 牛骨中間既油脂味非常濃 愛牛人士必食意大利飯加入了藏紅花 口感creamy厚身粒粒risotto 都同醬汁融合 好好味呀😋黎到甜品既部分 同朋友揀左兩款shareBaileys Tiramisu 都係意大利餐必食既Tiramisu 用玻璃杯上 同平時食既一件件唔同面頭有一粒金色既半球狀類似朱古力既物體刺穿之後 原來入邊係流心既醬 有d咖啡又有d酒既味 加埋下面一層層既cheese mousse同手指餅 Perfect Match! 酒味非常濃郁 正😋👍🏻Creme brûlée 好得意呀😍😍😍😍😍要講10次一個cream brûlée 都可以設計都咁得意真係估佢唔到 淨係個造型已經100分啦 😍佢用既碗係一個浴室造型既碗 面頭係類似奶泡狀既泡泡 加上隻糖霜做嘅鴨仔 食得架燉蛋嘅蛋味香濃 有陣陣既雲呢拿味 連旁邊裝飾嘅黃色蛋糕同藍色糖都食得架😋呢間餐廳總括嚟講令人非常滿意無論係充滿花花嘅舒適環境 定係廚師用心設計嘅高質食物 都令人心心眼同朋友傾計聚會都因為呢一餐十分愉快🤗約好咗同朋友下次再黎呀😎…Read More

今日係九龍公園游完水就係附近搵野食白加士街出左名多好野食 不過下晝就少d選擇見到呢間熊拉麵 門口裝修都幾日本feel好似幾正宗 所以就入去試下係香港要食稍為好味正宗d晚日本拉麵都唔平呢間餐廳入面既裝修座位同格局都好似日本既拉麵店 由於一條友獨食既關係 就揀左坐係吧枱位置可以見到師傅專心煮拉麵😂呢度既點餐紙非常詳細 分別可以揀拉麵既粗幼軟硬 配料 同埋叉燒既肥瘦 可以滿足到唔同既客人既要求叉燒有分三種 有餐牌例明有咩唔同 都幾詳細火炙肥叉燒當然係肥妹首選啦😂 枱面上有幾款配菜可以自己加有辣芽菜同味菜 兩樣加入拉麵度都幾夾幾好味枱頭亦都有小紙條提醒客人有橡筋同圍裙供應 好適合我呢d咁斯文既女仔 好細心呀😂最後我揀左招牌熊拉麵首先講個湯底 湯底係極濃既豬骨湯底 奶白色充滿豬骨既油脂香味 非常可口我揀左1.25mm幼麵 普通軟硬度 拉麵掛湯力強 有咬口 火炙肥叉燒 脂肪燒過後好香 而且煮得非常入味食拉麵必食既有味溏心蛋 無令人失望外面蛋白醃得入味 咬開內裡蛋黃流出同埋叫左個coke zero 店舖勁細心 會提供雪杯好似飲啤酒咁 咁可樂就會keep住凍啦 好細心呀整體黎講 呢個價錢食到碗咁正宗既拉麵 係抵食又好味既 會再番轉頭😊…Read More