JoiceChan1989's Profile

可能大家食呢度外賣就食得多，但有無訂過佢地既到會呢？琴日訂左晚上到會，黎到食物仲暖既！訂左30人份量嘅野食，點知食到好飽都仲有剩，盤盤都放得好密。講下食物先，燒賣同牛肉球無諗過係成個乒乓波咁大粒，仲整得好好味添！食雞絲粉皮同芒果腸粉果陣有驚喜，無諗過塊皮係有彈彈質感、又唔會黐牙好味呀！而芒果腸粉裏面估唔到咁真材實料，有大大粒芒果肉主食黎講我個人覺得意粉都唔錯，仲有炒烏冬同糯米飯，其實全部都好食！好想快d有下一次活動再訂！…Read More

Poster寫$75+食放題，所以就好奇入去睇下價錢點計。一入去已有職員問你要邊款，佢會幫你禁飛，但講得好快同有d唔耐煩，所以最好學識左先去。Step1 邊款牛？三拍子牛扒、牛柳、西冷牛扒Step2 要幾多克？三拍子牛扒180g $75 300g $109 400g $139牛柳200g $85 300g $115 400g $145西冷牛扒200g $120 300g $175 400g $229飲品$15一罐免費任食任飲部分：沙津菜、白飯、牛肉湯、飲用水、醬油原來放題意思得呢d，好疑惑🤔我選了牛柳200g $85和西冷牛扒200g $120。雖然對於放題呢個字好有疑惑，但牛扒還可以，但牛肉醬略咸，所以我放了黑椒和鹽調味已足夠了。我喜歡它可以自己烹調成熟度和調味料，可是不懂控制就會弄巧反拙，會過熟，所以好唔好食都要靠你自己了！抵食…Read More

我見好多人推薦美肌鍋就點左，但覺得無乜特別，唔太濃，少少咸味，可能係因為食材新鮮，唔想蓋過咗啲味。醬汁有大阪燒汁好好味，唔點豉油啦！以為最平既牛質素會好差，勁多雪花肥膏果款，點知唔係，冇乜肥膏，啱晒我呢啲唔鍾意食肥既人，仲砌的好薄，滾20秒食得，豬肉仲好食。我見佢有一座大機砌片，感覺好專業。甜品有Haagen Dazs 雪糕🍦，以為又一定係d唔想食既味啦，普通既朱古力，呍呢嗱，士多啤梨，點知原來有我鐘意食既味呀，焦糖脆餅同曲奇雲呢拿，仲有藍莓同芒果紅莓，我食左4球，我覺得佢好有心思，迎合大眾口味。$179有意想不到的食物質素真係抵食，上鍋速度快，員工服務好，一定唔會唔理你，有一個員工仲過黎幫我「筆」雪糕添。…Read More

大力推薦特色台灣店，好似置身台灣一樣，但位置都幾難去嘅，觀塘MTR B出口，要行幾條街先搵到日升中心，仲有上兩條扶手電梯，唔係順住，要兜另一面再上，不過係值得一搵嘅小店。裝修很美，可以影相打卡。點了鹵肉飯、椒鹽香菇、大腸麵線、醉雞，仲有最鐘意食既刈包，但一定要熱食，其實全部都好好食，食到好飽，下次想試下食豬手黑糖冰本來以為用飯碗盛，原來係湯碗，建議可以兩個人share一個，加多幾個toppings，抵食d。食完真係會好滿足…Read More

很快上了菜首先上了雞絲粉皮、上海生煎包、牛𦟌湯，雞絲粉皮好難有得輸，好味；生煎包個底好硬，深啡色，小心燙口，咬下有湯流出，餡料夠味；湯味好清無乜特別，但牛𦟌非常林。可能桌子太小了，所以沒有一次過上，食完也很快收走碟子。之後上紅燒牛肉麵，有好濃鹼水味，本人不喜歡這種味，所以落了很多醋辟味，一般，唔會再叫。小食：招牌醉雞、鎮江肴肉、青瓜海蜇醉雞入味，肴肉無特別，好似一舊鹹嘅啫喱咁、青瓜好多，冇乜海蜇，醋同麻油配搭，好味。蟹粉小籠包，有濃蟹膏味，應該係全晚最好味的食物。…Read More

條街好多人，但店好彩又無乜人，唔洗等，因為好熱，點了牛𦟌涼麵，幼細麵，麻辣（小辣）。18:29落單，18:34到，很快到。食物份量很大，一定夠食。望落以為唔記得俾辣，原來响裏面，雖然我叫的是小辣不是很辣但很麻，牛𦟌有甜味，算林，整個麵不會太乾，略嫌芝麻醬太多，加上麵質煙un ，食完有點濟。櫃桶冇紙巾，要自備，有點麻煩。…Read More

好熱既天氣，登龍街好多拉麵店都要企响店外等。我見呢間店外面冇人排隊喎，又拎過米之蓮獎喎！就入去啦！店內原來都有人等緊，經理叫我看餐牌，看完先付款。我揀左塩味玉子拉麵，然後耐心等候，等候椅子有4張，如果即將到我既時候就有得坐嘞！等左10分鐘左右就有位啦！然後店員帶我就坐，收左我點嘅單，再確實一次邊碗係我，就走左～等左5分鐘師傅就喺我面前擺上我要嘅拉麵，講咗句唔識聽日文，應該係碗麵嘅名。拉麵幼，質地不軟不硬適中，碗湯淡淡松露味，真係好淡㗎！其實我覺得好普通，因為食開都係濃味湯底，同埋個麵好少，不過加埋玉子就啱啱好，最好味就係呢隻糖心蛋啦！如果食一定要加埋呢一隻蛋，呢隻蛋先係重點，好好味架同埋食完即刻飽左。…Read More

星期六晚，7:45pm又係周圍排長龍，見呢度唔洗排，又肚餓，所以入左去。叫左2人扒餐，先上左兩杯白酒，身邊好多細路勁嘈又跑來跑去，玩到個沙包流曬d發泡膠豆豆出黎，不過我都明白小朋友好難坐定定，所以都忍耐。之後等左20分鐘，都仲未有野食，跟住同侍應叫跟單，即刻上到頭盤，食左一啖已經上埋羊架，究竟點解等左咁耐，而家可以一次過上曬？好想知原因(｡-_-｡)食食下杯白酒都唔凍，即刻變左藥水味。羊架5成熟，肉身軟、味道不錯但有少少位韌，薯蓉和蔬菜都不錯。這個質素價格適中。我諗如果唔肚餓淨係想坐下都可以嘅。…Read More