minibubble's Profile

我同阿囡鐘意食既野好唔同，佢喜歡西餐，我喜歡中菜，唯獨對台灣菜大家都有共同喜好🤩喺屯門行街無意間俾我哋發現左「芋見好圓」依間小店，除左甜品仲有正餐，雖然地方唔大，但簡單整齊，店員又有禮👍必食有騸牯牛系列🐂，每日全港得15隻左右，平時都係少數火鍋店先食到，好罕有架。🥢堂灼騸牯鮮肥牛牛丸湯刀削麵🍜騸牯肥牛切得好薄🥓，色澤紅潤，紋理清晰，油脂分佈得好平均，這亦是騸牯牛的賣點。即場加入滾燙的牛骨高湯，奶白色清湯味道香醇, 牛肉片輕輕一灼即轉色。肥牛肉質十分實在，超有口感的，牛味濃郁而富油香，本地肥牛真的不輸蝕給外國牛肉。牛丸就勁彈牙爽口，入面好多汁，好好味。加埋一樣咁有口感既刀削麵，成碗麵都無乜好挑剔。🥢沙嗲騸牯牛冧肉煎蛋飯帶點茶記味道既做法，牛冧肉入味軟滑易咬，加上略帶甘甜的沙嗲醬和半生熟煎蛋🍳，更惹味，口感豐富。🥢黑糖芋圓波霸刨冰🍨身為芋圓控對甜品更是欲罷不能，這款刨冰好夠份量，都只係$45，跟餐仲優惠，超抵食。配料有芋圓、地瓜圓、大小珍珠和蜜豆花。刨冰加上香甜黑糖，冰凍綿滑又消暑❄️。芋圓煙韌十分有口感，比用水果為配料的刨冰更多一重古早味。🥢招牌手工芋圓4號 對芋圓意猶未盡，還可以點芋圓系列大飽朵頤。這款有大芋圓、仙草、珍珠、粉粿，全是我最喜歡的配料，湯底更有不同口味可選，我就點了桂花茉莉綠茶🍵。成碗都好清新，仲食到淡淡桂花香又唔會太甜，感覺好輕怡😋🥢小芋圓冬瓜茶🥤連飲品都繼續芋圓，足見我哋有多沉迷😆清甜冬瓜茶加上小巧芋圓，多了份粉香和咬口，有點台式奶茶的感覺。🥢冬瓜檸檬烏龍茶凍🍹非常清新的一杯，檸檬烏龍茶酸酸甜甜好解渴🍋，晶瑩茶凍爽彈順喉，清清地係舒服既味道。…Read More

去過唔同既貓貓Cafe, 旺角上樓既「貓啡」係最chill既一間，木系小清新設計，靠背地墊、小帳篷裝飾，令人有仿如置身在家的休閒感。這裡的貓也是自由自在滿場走的，而且大部分收養的都係流浪貓，亦有貓貓可領養，真正的Pet friendly。保障貓咪健康衞生，入場都要除鞋或者穿上鞋套。依度既貓貓都好友善，亦打理得乾淨，完全無異味，見啲貓貓食得訓得，隻隻肥肥白白，就知佢哋生活得好開心，每隻貓既頸帶都附有QR code, 可以睇到佢哋既名稱同資料。食物方面以西餐同輕食為主，亦有意粉等主食，質素仲好好添，真係喜出望外。明太子蟹肉扁意粉賣相精緻，一絲絲蟹肉滲入意粉之中，加上濃稠的醬汁和鹹鮮的明太子，混合起來每條意粉都掛滿醬汁配料，味道口感都十分好。炸薯角配黑松露沙律醬薯角香脆鬆化，本身已經好惹味，再點上香濃的黑松露醬更加美味。燒章魚丸子 - 好難得餐廳內食到章魚燒，仲要即叫即做，熱辣辣漲卜卜真係特別好味，外脆內軟，鱆魚粒都幾大，加埋木魚碎同埋紫菜絲，好有街頭風味。百香果菠蘿沙冰 - 好有夏日感覺，味道清新沙冰幼滑，沒有添加糖份都好清甜，好解渴。朱古力沙冰 - 味道香濃細緻，加上忌廉更加幼滑。…Read More

一入夜，酒吧林立既諾士佛台就好熱鬧。如果唔想太嘈吵，想靜靜地又Chill咁飲野、傾下計，樓上酒吧Gulu Gulu咕嚕咕嚕系唔錯既選擇。依度環境舒適，地方都幾大，有桌球打又有live band唱歌，氣氛好好。逢星期二四 9pm後仲有女士免費Welcome drink ，有驚喜🤩雖然系free cocktail都絕對有誠意，Summer Memories 有清甜菠蘿味🍍，感覺好夏日；另一杯系燈泡造型💡，有清新橙香味🍊，賣相靚又好fresh。意猶未盡見到佢哋既signature「歌劇院cocktail」🍹，4款都勁靚，忍唔住叫左杯打下卡。「交際花」好有Phantom of the Opera既感覺，精緻既舞台加上面具，再即場點燃旁邊的裝飾，金光閃閃✨，設計好有心思。以佛手柑甜酒調制的cocktail，入口甘香淡雅，優雅香氣配搭肉類或海鮮都好適合。飲酒配串燒最match, 點了帶子、豬頸肉、山賊牛肋串🥩、日本黑豚腩肉、虎蝦🦐。帶子雪白厚肉，味道鮮甜。牛肋串和豬頸肉充滿嚼勁，肉味甘香；黑豚腩肉油香豐富，跟日本大蔥伴吃更有風味。另外點了軟殼蟹蟹膏意粉🍝，酥炸軟殼蟹松化美味，意粉爽滑彈牙，蟹膏提升鮮味。西班牙辣肉腸意粉，餅底薄脆惹味。風沙咸蛋黃炸雞🍗，一客6件都算幾多。溶化的咸蛋黃包裹無骨雞件，色澤金黃松化，雞塊嫩滑入味。Happy Hour （星期六至四 4-9pm)優惠仲有$10串燒和$10杯紅/白酒、氣泡酒、啤酒或汽水優惠，真心抵呀。…Read More

早前行過Yoho見到《Phi Coffee & pancake》開左新店，阿囡就話好想食，早前趁暑假尾聲立即帶佢去食。原來依度仲係Pet Friendly🐶, 靠門口一排座位係可以帶寵物一齊食既👍夏日限定推介有泰式和芒果系列🥭，配搭創新，多款菜式都好吸引😋🍴椰香冬蔭功海鮮意粉🍝這個fusion有創意又有驚喜，怕冬蔭公太辣仲可以叫減辣，小朋友都食到。海鮮份量多，連殼青口、大蝦、魷魚，都大大隻新鮮爽彈。意粉沾上香辣惹味冬蔭功醬汁🌶️，濃烈的香草味，酸辣口感十分開胃，意粉彈滑，整體配合得很出色。🍴漢堡扒全日早餐🥯手打超厚漢堡扒加上忌廉白汁，質感實在，肉味香濃。另外有煙三文魚、炒蘑菇、多士、香腸、煎蛋和半個牛油果，種類豐富，個樣少少，清新輕怡又不會太飽膩。🍴糯米芒芒椰奶沙冰🍹芒果椰奶加上香葉糯米飯，充滿泰式風味。飲品濃郁香甜，濃稠適中，糯米飯椰汁香濃口感軟糯，充滿特色。🍴香葉檸檬特飲🍋檸檬梳打加上青檸、檸檬葉，更添一份清新風熱帶風味，冰凍解渴，炎炎夏日消暑首選。🍴泰式梳乎芒果糯米飯🥭賣相已經十分吸睛，兩大塊圓渾厚彈的梳乎厘班戟，加上香糯椰汁糯米飯和原個切片鮮芒果肉，鹹甜交融刺激味蕾。梳乎厘蛋香突出，輕軟鬆彈滿滿的空氣感，每一口都是幸福感。我哋猶如吃了頓新派泰國菜，配搭和味道都無懈可擊，每款食物都好有水準，服務又好，下次一定要再食。…Read More

咁熱既天氣，都係室內活動hea下岩我哋😆午後同阿囡去嘆個下午茶已經好chill。Yoho Mix既Pause it係以白色為主既文青咖啡店，整體簡潔舒適。下午茶set幾十蚊價錢親民，仲可以加錢轉拉花咖啡或特飲。黑椒牛肉牛角酥🥐 - 牛角酥充滿牛油香，鬆化香脆，牛肉片有粒粒黑椒，加上新鮮沙律菜，味道清爽輕怡。温泉蛋卡邦尼意粉🍝- 簡單的材料但煮得好卻有很多技巧。意粉彈牙有口感，白汁濃稠適中，加上鹹香煙肉，醬汁掛滿每條意粉，香濃滋味。芝士黑松露薯條🍟 - 滿滿一盤份量超大的，直身薯條加上香濃黑松露和芝士醬，無得輸既絕配。培茶Latte - 除左咖啡，強烈推介這杯。有精緻拉花，培茶比抹茶多了份烤烘的香味，茶味突出又不苦澀，順滑醇厚，連小朋友都喜歡。熱帶水果冰茶🍹- 充滿甘橘和菠蘿香氣，冰涼清新，夏天解渴首選。…Read More

食燒肉要食放題先滿足，慶祝阿囡考完試一家人去安平燒肉食餐好既🎉。點左新餐單既「120分鐘日本A4+和牛饗宴」，除左各款靚肉，仲有海鮮都係任食，好豐富。🥢日本A4+和牛🥩 - 油花分布細緻均稱，厚薄適中，輕輕一燒好快食得。入口既有口感，油脂香味飄散，肉味濃郁，忍不住要叫多幾碟。🥢日本A4+和牛壽喜燒- 選用肉質柔嫩的牛肩胛肉眼，薄薄的牛肉片與清甜的壽喜燒汁一同煮熟，充滿日式滋味。🥢澳洲M8和牛肩胛和安格斯牛小排既脂肪的分布均勻，肉質實在，牛味香濃，各有特色。🥢極厚切檸檬牛舌 - 烤原條牛舌搭配清新醒神既檸檬，驅走夏日既悶氣。仲配埋沙漏計時，充滿儀式感，烤熟既牛舌清新爽脆，口感一流。其他必食肉類仲有✅壺漬特調牛肋肉、✅蘭王蛋月見牛、✅日本醬燒A4+一口和牛丁，分別用上秘制醬料調配味道，別有一番滋風味。🥢海鮮有灸烤生蠔(鹽蔥/鹽蒜）- 新鮮即開，每只生蠔都光潤飽滿，店方還貼心地附上鍚紙盤，把蠔肉起出再烤更快熟。烤蠔多汁，味美鮮甜。🥢威士忌釀鮑魚 - 清新飽魚加上威士忌醬烤制，酒精的微熏帶出獨特味道。赤魚一夜乾 - 選用魚背部位，烤熟後啖啖內，細嫩多汁，清淡鮮味。🥢炭烤白鱔🐟- 白鱔好厚肉，烤熟後外焦內嫩，入口即化，魚香四溢，配上即食紫菜伴吃更好味。還有黃油蒜烤帆立貝，結合牛油和蒜香，味道豐富；兩款灸烤霸王蝦配以鹽蔥和黑醬油，味道濃郁，肉質鮮嫩彈滑。自助區仲有多款炸熟食、炸物、蔬菜等任食。🥣醬料專區提供十多款不同醬汁，包括招牌黃金醬以新鮮蔬菜汁配上台灣麻醬，味道清新爽口；姜味可樂醬，甜辣交融相當獨特；五味醬酸甜可口。其他還有泰式海鮮醬、台灣甜辣醬、椒麻口水醬，柚子醬、香辣烤肉辣椒粉等，好有特色。最後仲要留肚食甜品同Häagen-Dazs 雪糕🍧，120分鐘真系未停過口，超豐富😋…Read More

喺荃灣楊屋道街市附近既大紅袍火鍋，一踏進店內就被濃濃既宮廷風包圍，裝潢傳統而精緻，地方寬敞空間大，仲有貴賓房，十分適合人多的聚會。佢哋主打靚食材，唔系放題火鍋，無限時可以慢慢享受😋。而最近仲做緊特別折扣優惠，身份證上含有 1，5，7，9 四個字其中一個或以上即享有優惠 ：1個字9折、2個字85折、3個字8折、4個字75折（數字不可重覆及不計括號內數字）*優惠不適用於星期日、節日及公眾假期*火鍋湯底推介要試椰子雞湯底，湯底本身已有五指毛桃、杞子等藥材，加上半只鮮雞和兩個原個椰子🥥超足料。倒完椰汁一定要刮埋啲椰子肉落去，味道會更清甜。放配料前建議先飲一碗椰子雞湯，鮮甜滋潤，飲完喉嚨好舒服。🥢大紅袍牛肉三拼🥩分別有手切本地肥牛、頂級安格斯牛頸脊和封門柳。三種牛肉都有不同口感和風味，肉質新鮮，味道香濃，是上品靚牛。🥢手打芝士牛丸拼墨魚丸都好高質。芝士碎鋪滿整粒牛丸，食落既香濃又creamy。墨魚丸爽滑彈牙，鮮味十足。🥢椒鹽九肚魚抄出大排檔風味，魚肉表面香脆，肉質嫩滑水份十足，相當惹味。🥢紫菜炸響鈴拼炸魚皮，新鮮即炸，松化香脆十分惹味。其他仲有招牌水餃、牛柏葉、貢丸，豆腐、蔬菜都新鮮又大碟。另外仲可以$28點一杯🍋香水檸檬茶🍹，勁大杯，冰涼解渴。…Read More

食火鍋想食得精緻，身為元朗人推介「大滾友火鍋」，以宮庭風為主題，店內裝潢古色古香令人如穿越時空回到古代，龍頭雕銅鍋、仿古風醬油瓶、還有每款菜式上菜時的氣派排場，充滿驚喜🤩單單是湯底都有十幾款，每款都各有特色又吸引。天氣開始熱「點選了香濃豆乳蜜瓜濃湯鍋」，清清地又消暑。端上湯鍋時已令我哋十分驚喜，原個哈蜜瓜🍈加上玫瑰花造型冰粒🌹，紫椰菜仿花瓣，配上煙霧效果💨，真的有種在吃御膳的感覺。玫瑰冰粒係雪凍的豆乳濃湯，而湯底仲有新鮮龍躉魚片，足料又矜貴，味道香濃又充滿魚香，鮮甜清新，剩飲都好好味。「大滾友牛肉拼盤」🥩有7款牛肉，牛頸脊、牛𦟌、安格斯牛、骰仔牛肉粒、牛舌片頂級雪花牛肉和牛皇后。全部係手切牛，口感特別豐富，牛𦟌和牛頸脊都有滿滿嚼勁，肉味濃郁；安格斯油花重，甘香稔滑。最特別要推介係牛皇后，其實是牛血管部份，平時較少地方食到，而口感是超級爽彈，有牛香卻沒有內臟味，亦沒有油膩感，味道不俗，一定要試試。「伊比利亞橡果豬」 滿滿的一碟份量很多，口感彈牙有韌勁，肉味獨特，香濃又不帶半點豬羶。橡果豬剛熟就可食，保持肉質口感嫩滑，味道更好。「勁辣跳舞牛丸」手打牛丸混合左紅椒片和其他香辛配料🌶️，個人覺得辣椒味濃郁，辣度可接受，未至於辣到跳舞😂而牛丸都幾彈牙結實，真才實料。「大滾友響鈴拼盤」 有原味和鹹蛋黃各三件。即炸響鈴香脆鬆化，特別喜歡鹹蛋黃味，炸到起沙的鹹蛋黃包裹着響鈴，鹹香惹味。仲有「雜菜拼盤」有粟米、香芋條、窩筍、新鮮蔬菜等。飲品推介「自家製竹庶茅根」，清甜天然又解渴。最後附送一桶「火熖焦糖豆腐花」🔥，即場點火把黃糖燒成焦糖，增添風味。豆腐花順滑，焦糖帶點香脆，估唔到一個咁普通既既甜品也咁有心思👍一餐精緻的宮廷火鍋，令人喺視覺和味覺都充滿衝擊，十分回味。…Read More

經常去荃灣西行街食嘢，西鐵一出唔怕日曬雨淋就直入商場，食店選擇又多又有特色。復活節假期時就去左一間充滿藝術感既餐廳「Parkside@Nina」，佢既空間寬敞，設計概念來自歐陸式大教堂🕍，樓底高、高拱門、啡格磚，令人瞬間如置身雄偉的建築物一樣，打卡好有氣勢。另外餐廳有大量珍貴木化石展出🪵，全部都歷史悠久，充滿觀賞價值。食物以西餐為主，有pizza、意粉、扒類等，選擇都幾多。原只香蒜迷迭香烤雞🍗烤雞外皮烤得乾身薄脆，有香濃迷迭香味，雞肉嫩滑入味又不過鹹，另附有紅酒汁可點🍷，提升烤雞的香味。配菜可選薯條或焗薯🥔，加上不同蔬菜，味覺上幾平衡。🍽️烤三文魚菠菜薄餅🍕餅底用上酸種發酵，更健康之外，口感更鬆化實在，味道獨特多了層次感。鋪上芝士、原片煙三文魚🐟和羅勒葉🌿，味道清新咸鮮，簡單而美味。🍽️特色木化石朱古力蛋糕🍰小朋友一睇餐單第一時間鎖定要吃的甜品。造型真的有點木化石的感覺，實際是朱古力卷蛋加上朱古力薄片🍫，外型精緻配合餐廳主題。朱古力蛋糕十分濃郁creamy，入口即溶，口感順滑😋…Read More

前排天氣又涼返，抓住寒流的尾巴去吃個台式火鍋，當然係去我很喜歡既「牛大人」啦。火鍋食材配料超多的，還十分高質，最近還推出「#黑白盛宴」，多左好多新款前菜和配料，一個價錢任食120分鐘，抵食。我哋選了「#日本A4黑毛和牛火鍋放題」，仲送海鮮拼盤和澳洲M9和牛牛丸。湯底都多左新選擇，黑白湯底幾吸引：黑色是養生黑蒜雞鍋，白色是三文魚豆腐鍋，一個香濃，一個鮮甜，健康又有益，未落配料前先飲返碗暖下胃。肉類主打必食日本A4黑毛和牛，每片都滿布雪花，色澤紅潤，一睇已知高質；入口肉味香濃適中，口感嫩滑，好快就清曬一碟，可以任點任食真系好幸福。仲有伊比利亞黑毛豬梅肉，口感爽彈，肉味突出油潤，不鞋不韌品質得高。其他必點靚肉有安格斯牛小排、封門柳等，一樣高質。海鮮拼盤有鮮飽魚、生蠔、蟶子、扇貝，十分新鮮。另外有炭燒鹽蔥飽魚、柚子燒汁鮑魚、古法醉鮑魚任食，每款都各有特色，創新又特別。除了一系列火鍋配料，黑白盛宴仲有多款熟食必食。「鹽酥髒髒雞」是炸雞灑上海苔粉；而「鹽酥美乃雞」則是加上秘制蛋黃醬，一款清淡一款香甜。還有「黑.雪映山葵豆腐」、「白.藤香鮑魚豆腐」、黑豆腐，連豆腐都咁多選擇，相當豐富。飲品除了汽水和自家冷泡茶，更有黑白啤酒合體的少爺啤，味道比較清而不澀，酒精成份也不太強，易入口，食火鍋岩曬。甜品必食有Movenpick雪糕，有芒果雪皅新口味，好fresh解膩。而「仙花雙圓」就系豆腐花加仙草、芋圓、珍珠等，香甜滑溜，充滿台式風味。120分鐘食到夠鐘先停，不得不讚食物水準高，選擇多又新穎，食得開心滿足。…Read More

屋企附近的Brava Java以藍白希臘風為主題，小小的店子給人精緻光潔的好感，食物也滿有水準的，享受一個悠閒下午茶真係好寫意。🍽️Brava Bacon All Day Breakfast🥪 最開心一次過試到唔同食物，有香草腸、煙肉、焗豆、炒蛋、大啡菇、香草薯粒、蕃茄、意大利軟包。加$10可轉黑松露炒蛋。全日早餐要做到樣樣都有水準都唔容易，這個真的推薦。炒蛋加了黑松露，炒得香滑濕潤，蛋香混合菌香，好好味。啡菇稔軟多汁，香草腸嚼勁不錯，帶點黑椒微辛幾惹味。煙肉原條烤香，脆口鹹香，配意大利軟包好match. 🍽️肉醬煙肉千層麵🍝吃過很多千層麵，這個味道係比較「清」，沒有過量的芝士和肉醬，還加入羅勒葉和菠菜，健康又無咁膩。千層麵層層分明，軟硬度適中，口感極佳，整體口味都好岩我。☕️Cold Brew White 樽仔咖啡十分精緻，店員更温馨提示若覺得咖啡味濃，可以試試倒入杯同跟冰塊溝淡一點。喜歡濃味咖啡的我梗係試下原味，香濃幼滑，奶香適中，口感好實在，十分喜歡。🍹Yuzu Soda賣相精緻，喜歡裝飾那檸檬片的細緻。柚子梳打就是清新，沒有過甜的負擔，飲得舒服。🍰開心果巴斯克蛋糕 招牌甜品，見好多人專登黎買，一定有吸引之處。青綠色的蛋糕好小巧精，面層鋪上烤香開心果仁，蛋糕體超級幼滑, 芝士味唔太搶，開心果的奶香味十分突出，香濃而不膩，細細件二人食剛剛好。…Read More

身為大西北居民，總有幾間心水食店一食再食，「公車泰國餐廳」就係其中一間啦，每次想食泰菜都第一時間諗起佢，喜歡佢座位寬濶，環境舒服，上菜快服務亦好👏泰式火焰雞🐔優惠價$98半隻好抵食👍燒雞用了不少泰式香料醃製，烤香後皮脆肉滑，肉嫩多汁唔鞋口，好惹味。酸辣鳳爪沙律🥗酸醋辣椒汁的味道調配剛好，不過酸也不過鹹，鳳爪入味嚼勁十足，相當開胃。蠔餅🐚食開港式蠔餅，泰式蠔餅就係第一次食。蠔餅整體較軟身，偏向似潮州蠔餅，外層都煎得脆脆地，蠔肉帶點木薯粉的煙韌感，蠔味突出，並有泰式香料味道。炸蝦餅🦐一客6件份量不少，每件都厚實半圓的，賣相可愛。咬落彈牙實在，有蝦味，又不會太多粉，香口惹味。泰式炒金邊粉🍝味道酸酸甜甜，金邊粉口感Q彈，既惹味又開胃，仲有好多隻鮮蝦，爽口彈牙，混合花生碎一齊食口感更豐富。龍眼冰、青檸茶🍹$18有一杯凍食，好抵。龍眼冰清甜潤喉；青檸茶茶味香而不澀，加上青檸味道清新解渴。…Read More

朗豪坊新開不久既Bingo & Cook以懷舊韓式大排檔為主題，熱鬧又富玩味的感覺，吸收不少人到訪，門口也經常站着排隊人龍，人氣爆燈！食物賣點係夠巨型，每碟都份量十足，眼見每枱也放得滿滿，十分豐富。晚飯有套餐可選，價錢也較化算。我哋4個人就點了兩個套餐，啲野食大碟到成張枱差啲放唔晒😂🍽️原味燉排骨🍖份量十分大，燉排骨十分稔軟，一撕即開 ，也忟燉得入味，加上芽菜等配料，味道更看濃口感豐富，啖啖肉食得滋味。 🍽️牛肉水冷麵🍜這碗麵真的十分足料，麵餅大夠3-4人食，煙韌爽彈；牛肉、生菜、青瓜、雞蛋加上酸甜冰凍的湯汁，很開胃又清新。🍽️泡菜豬肉鍋🥘巨型鍋物，佔據了大半張枱的位置十分壯觀😂天氣凍凍地最適合食熱辣辣湯鍋，原塊豬腩肉加上豆腐、年糕、白菜，以香辣惹味泡菜湯浸煮，份多惹味，腩肉亦很稔軟，豐富又暖胃。🍽️蜂蜜黃油味炸雞（半份）🍗韓國菜中炸雞佔好重要地位，係必食item. 有4款不同口味，點了蜂蜜炸雞，外層鬆化沾滿蜜糖味粉，加上香濃牛油味，採用無骨雞件啖啖肉，咬落去香脆惹味，雞肉嫩滑多汁，甜甜地又夠入味，半份已經好多件，抵食。🍽️海鮮煎餅🦐以魷魚、蝦、帶子等海鮮加上大蔥煎成脆餅，沒有下太多粉，更香脆吃得到食材原味，十分推介。飲品每人點了一杯🍹有Citron Ade、Mango Ade、Grape Ade、Blue Lemon Ade, 色彩繽紛，清甜解渴。遇上有食客生日🎂餐廳更會安排店員圍着一起唱生日歌，好有氣氛，食完依餐感覺自己年輕晒😝…Read More

形點内的Tera係我哋經常食既餐廳，亦係商場內少數可以帶狗狗入室內既餐廳，真正既Pet Friendly🐶店舖雖然唔大，但充滿日式木系設計，仲有榻榻米座位，都幾特別。食物以和洋Fusion菜為主，梳乎厘班戟最受歡迎，每次黎必食。今次點了兩set晚餐，有餐湯/沙律、主食、飲品，都幾抵食。🍴煙三文魚忌廉貓耳朵貓耳朵一粒粒沾上稠度剛剛好的忌廉汁，口感爽彈煙韌，掛汁不錯。配上煙三文魚鹹鮮提味，簡單的組合卻相當出色。🍴黑松露野菌意大利飯野菌和黑松露香氣突出，醬汁味道香濃，意大利飯吸收了醬汁稔軟入味，令人不禁一口一口放入咀裡。餐飲的芒果香橙烏龍茶，淡淡烏龍茶香，加上芒果香橙酸酸甜甜，結合來亳無違和感；蜜桃柚子梳打，清甜解渴，味道可喜。套餐還有餐湯或沙律🥗，這天供應的是薯仔忌廉湯🥔，濃稠和滑，有粒粒稔軟薯仔粒增加口感。另外可以體驗價$108加指定甜品一份。今次試了 #豆乳梳乎厘班戟🥞，即點即做大約要等15-20分鐘。班戟一客三件重叠一起，上枱時仍熱辣辣相當飽滿，鬆軟Q彈。班戟鋪滿清幼滑香甜豆乳醬，加上日式丸子、紅荳蓉、厥餅和楓糖醬，配搭一絲不苟。班戟厚身鬆軟，微微濕潤帶空氣感，並有香甜蛋香，每一口都很豐富滿足。小品式店子，食物沒嘩眾取寵的花巧，卻精緻細膩，味道恰到好處，即使吃了很多次，仍然喜歡到訪。…Read More

就快到聖誕🎄，到處洋溢著節日氣氛，約左幾個朋友喺尖沙咀食飯，見Pici人氣強勁，平日晚飯時間有8-9成入座率，其中有唔少外藉人士，見咁旺場一場黎到就一試啦。店鋪唔大，走歐式酒吧路線，因為好多外國食客，入到去竟有置身外國既感覺！12月有Festive Specials, 睇落幾吸引，我哋試左幾款，仲可以順便參加聖誕大抽獎，頭獎有馬爾代夫5日4夜機票+住宿package, 碰碰運氣都好呀🤩🍽️ 海鮮濃湯🫕橙紅色的海鮮湯有濃濃的海鮮香味，用上大量海鮮如青口、魚柳、八爪魚、蝦肉熬煮，味道十分濃郁，帶微辣的餘韻，更有層次感，酥皮熱辣香脆好味。🍽️ 鴨胸鵝肝多士配無花果醬平時比較少食煙鴨胸，質感和味道都幾似火腿，配上清甜無花果醬和脆多士，再加少許火箭菜，整體油潤又不膩。🍽️ 藏紅花野豬意大利濶面🍝藏紅花醬汁濃稠鮮甜，濶面口感爽彈，掛汁度一流，每一口都充滿醬汁，野豬肉稔滑肉味香濃。🍽️ 蕃茄肉醬芝士千層面🍝滿滿的芝士十分澎湃，溶化與肉醬和濶面混合，口感十分creamy豐富，內層仲加入薯仔粉，一粒粒增加口感。🍽️ 奶油鱈魚意大利雲吞🥟墨魚汁皮做的雲吞, 加入鱈魚茸做饀料，味道鹹鮮特別，雲吞皮軟滑粉糯感重，口感豐富；加上奶油醬，更能突出海鮮味道，又不會覺得溜，很喜歡這道菜。🍽️ 開心果Tiramisu🍰原來tiramisu 跟開心果好夾，以開心果代替傳統用咖啡酒，香滑的意式芝士，加上開心果碎，細滑中帶嚼勁。開心果有獨特的奶香令整杯甜品都甜蜜起來，好味。🍽️Mixed Berries Sorbet 🍧酸酸甜甜好fresh, 雪皅好細滑，飯後食夠曬解膩。🍽️Italian Passion🍹百香果、檸檬、羅勒和梳打，酸酸甜甜又解渴，很易入口。🍽️Venetian Iced Tea🍑冰茶加上蜜桃、檸檬、百里香，一入口百里香既味道都幾強烈，慢慢滲出香桃味和茶味，清甜特別。…Read More