caleblin20's Profile

正所謂人生不如意事十常八九食到一餐難食既西餐好易會嘔今日有人book曬檯話帶我食好西點知山長水遠黎到石門間所謂既餐廳係個隱世商場裡面已經心知不妙但可能有臥虎藏龍所以我地就入咗去一坐低個侍應介紹我地聖誕combo話烤春雞同埋焗龍蝦得而家呢個時候先有有人帶我黎食所以我交曬比佢話事所以叫咗個荒誕combo主菜佢點咗鮮帶子明太子汁意粉同埋黑松露烤春雞個餐包兩杯紅或白酒由於得我飲所以叫咗兩杯紅點知酒一上檯杯酒凍過今日15度既天氣完全冇expect過係杯冰凍紅酒開始覺得唔多妥安妮肥頭盤先黎個普遍餐廳例牌，煎鵝肝先唔講衛生問題（之後講）鵝肝唔差因為都係急凍拎貨返黎然後煎之後到個周打蜆湯呢個真係經典基本上呢杯湯係水然後加咗D麵包同蔬菜粒同埋幾粒蜆肉飲咗一啖就冇再飲人生飲過最難飲既湯莫過於此如果係開粉既湯咁應該係偷工減料個白水湯之後到鮮帶子明太子汁意粉味道唔算太差但帶子既直徑細到好似藍罐曲奇D曲奇餅咁（應該細過）然後D汁擺到明係忌廉加水或湯然後加D明太子同飛完水既意粉撈成所以起曬泡賣相唔多ok成pat落完老蘭劈酒既嘔吐物咁意粉之後到個黑松露烤春雞首先唔講賣相兩隻雞腿應該係焗唔熟比人界咗幾刀再返焗但個色似係烚到半熟然後先放焗爐烤所以隻雞腿好多唔同刀痕同埋D肉鞋過D即食雞胸肉然後pat幾pat難食既黑松露醬係雞腿上面就完成咗呢個奇怪餐最後係碟上面既西蘭花烚到淋過煨蕃薯完全冇QC可言基本上呢一餐除咗頭盤我係食曬其他嘢每碟我都係食咗兩啖就收皮呢間餐廳既質素仲衰過D茶記西餐出得聖誕combo就應該係拿手嘢或簡單貨先推出點知翻曬艇一字記之日伏！所以都唔期望佢其他嘢會好味差D唔記得講個甜品蒙布朗栗子塔不過都係冇嘢好讚普通栗子蓉係個厚皮tart上面求其一間餅店譬如東海堂都好食過佢好多我都係試咗一啖就冇食衛生問題就係伴碟既salad竟然係由做侍應既一雙手（掂過曬D餐牌，落單pad，林林總總既嘢）冇洗手就手拿D salad放碟...睇評語好多人都好評又話超水準，性價比高，好食，滋味，驚喜既良心小店我就真係有驚冇喜唔知D人係味蕾有問題定係未食過西餐？冇乜嘢我都係返出市區搵外賣返屋企食真係一年容易又聖誕食到奇怪餐廳真荒誕聖誕快樂願各位食到美食而唔係劣食…Read More

經過媽咪雞蛋仔忍唔住買咗份格仔餅食我知佢馳名雞蛋仔但大家都係同一蛋漿何必分得那麼細加上以前試過大澳阿伯雞蛋仔就好似D人成日講既once you go black返唔到轉頭食其他雞蛋仔由於當晚冇乜人買等咗一陣就有新鮮出爐既格仔餅一拎上手，嘩，你阿媽個仔丫好重手份量十足呀！叔叔食開既格仔餅係薄身的原來媽咪雞蛋仔既格仔餅已經又大雄進化到變咗技安由於佢太過厚既關係我叫多醬都變咗好似冇醬咁有點兒失望望口感食落去好似食緊特厚窩夫而非格仔餅食咗一半已經唔想食可能叔叔年紀大比較stubborn以然徘徊係舊時既口味不思進取冇跟住時代既尖啄去進化所以唔係好啱食冇特別我都係下次返去太安樓食返傳統格仔餅媽咪雞蛋仔既窩夫我諗我都係唔會再搓ps. 格仔餅一定要一定要一定要多醬…Read More

我唔係鏡粉but好鍾意食通粉所以去親茶記食都係叫早餐AN年冇食維記咁啱去開深水整嘢順便食個快餐維記既豬潤爽甜但好似薄身咗冇以前咁厚湯底依然都係個陣味通粉可惜淋咗D雖然通粉既口感就好似飲紅酒咁好個人化不過我覺得硬返D就益芝班凍奶茶就冇乜特別同普通茶記差唔多飲開「我杯茶」就知好大對比安妮肥呢餐快餐整體係開心既不過比以前遜色咗DD…Read More

今日抽起條筋想食雲吞咁啱又經過一品香，點知留下不生難忘的味覺衝擊。叫咗一碗菜肉雲吞配鍋貼豆漿。鍋貼賣相可接受，但落單後唔夠5秒後上檯已經心知不妙。第一口咬落去既感覺好似咬緊舊乾咗既凍麵團，裡面冇肉汁不在話下，第一次食鍋貼既皮係厚到好似隔咗夜既硬身菜肉包咁。由於鍋貼既餡充滿味精所以搞到好口渴，一飲杯豆漿不得了。竟然係一杯冇味好似溝咗水既豆漿。威士忌溝水就飲得多，豆漿溝水真係第一次。到雲吞上檯，賣相都ok既，點知筷子一夾就知瀨嘢。包雲吞個師傅包個刻應該充滿住激動既心情。D雲吞實到好似乒乓肉丸咁，而裡面d餡都係同鍋貼一樣，經過滿滿的味精洗禮。食咗一粒半已經頂唔順。整體上今餐最好味係湯裡面D菜。不過由於個湯都係有嚴重既味精所以食完都係好口渴。而家口渴到好似係撒哈拉沙漠行咗兩日兩夜冇飲過水咁要搵水源。隔離檯兩位羅致光口中所講既中年人士，食完自己個餐聽到佢地竟然話好味然後再追加鍋貼同雲吞。。。一品香做咁重口味既食物可能係用心良苦，等味覺退化既老友記可以品嚐到久違既味道。對於味覺健全既人士，一品香，可一不可再。…Read More