綺曼's Profile

今日放假行街行到攰攰地，見下午茶時間到就想搵間嘢食個下午茶先。上到上水廣場5樓就見到有間阿參，有職員熱情喺門口介紹有下午茶，所以索性入去食返個下午茶先。間舖都幾大，但感覺環境整潔衛生，坐低我第一時間點咗鴨腿滲滲，不到10分鐘便上菜了。落餐時員工提示鴨腿有錫紙包方便成隻攞起，原隻食真的感覺很爽。員工見我們有小朋友還細心問我們需要碗及小茶更嗎？真的很專業。價錢$38包飲品真的值回票價，下次再試其他茶餐。…Read More

晚上九點幾收工買宵夜返屋，叫咗個甲胸同魷魚蘇，我理解要時間製作。等了四個字我見到好多後過我號碼巳走，我仍未追單，直到見到有幾袋魷魚出咗，我才開聲問到我未，換來阿姐大聲喝一句「等等啦！」。嘩！我宜家係客，仲要等咗咁耐唔好意思都無，我唔係同你乞囉。到比我時佢啲單都包哂，但原來我啲嘢一早就系度，你以後都唔會再幫襯，分明唔想做生意。價錢又唔係平，比錢仲要受你氣，賣幾多廣告都無用啦。（希望啲老細正視下的員工態度）…Read More

本人於上星期在三個不同日子及時間，到此分店購買，但兩次正直下午繁忙時間12點及2:30都全塲只有兩隻包，最過份的晚上七點幾關門，本人便致電貴公司要求改善。但昨天晚上七點幾到店又是關門，真令人太失望，再好味也不會再回頭。…Read More

今日和朋友路過新達行街，見商埸裝修咗便入去行吓。行到六㸃有點肚餓，剛剛路過見到有間新店叫敏華，未試過便和朋友試試。到門口我們已排第四，但都不用十五分鐘便入坐，看餐牌見有龍蝦牛柳我最愛（龍蝦），第一時間即㸃。原來個餐都幾抵食，$114有一片厚多士/湯/飲品/龍蝦牛柳。鐵板來到服務員會提供紙巾遮住以防比汁彈到，一落汁嗰吓渣渣聲，正明嗰鐡板好夠熱。香草汁好濃，牛柳咬落有質感，唔會太硬。龍蝦面頭有芝士，食落更加美味。原本想試其他食品，但食完一個鐵板實在太飽，唯有和朋友下次再嚟試。…Read More