Michael1985's Profile

今日下午經過和宜合道熟食中心，再度光臨呢間餐廳。點左一份印度燒春雞同埋一杯芒果奶昔。芒果奶昔由新鮮嘅芒果榨出嚟，價錢比一般嘅印度或巴基斯坦餐廳用芒果果汁溝出嚟嘅貴，但係好明顯可以分得出新鮮芒果同芒果果汁嘅分別，$31絕對值得一試。另外，印度燒春雞繼續保持應有嘅水準，雞肉唔會太過乾身，保持肉質嘅嫩滑，鐵板上嘅燒春雞保持熱辣辣，加上綠色嘅特色薄荷醬，令到燒春雞嘅滋味加倍提升。呢間印度餐廳雖然價錢偏貴，但係水準絕對一流，價錢同品質都係一致，絕對值得大家去嘗試。…Read More

今日於灣仔工作，食中午飯行過莊士敦道灣仔商業登記大廈，於是走上去呢間薔紅餐廳食中午飯。我同另一位同事都同時點左個燒春雞加意粉，大概等左15分鐘已經上菜，隻脆皮春燒燒得好好，肉質保持到雞肉應有嘅嫩滑，唔會太鞋，而且意粉都做得唔錯，保持到意粉應有嘅少少彈牙水準，唔似一般意粉咁齋用熱水過一過就算數。總括黎講，算係一個值得推薦嘅餐廳同套餐。…Read More

今日中午行到荔枝角附近，見到呢間印度菜食店，於是入去裡面試食。打開Menu，發覺有好多選擇，原本諗住食個烤餅+香燒春雞。落Order叫餐個時，女服務員見到我咁樣叫，就推薦左個午餐「香燒雞脾飯」俾我，個飯轉烤餅只需要+$8，後來我決定都係要返食飯好過，於是最後就決定食「香燒雞脾飯」+「印度香料奶茶」。個「香燒雞脾飯」係飯同雞脾分開上嘅。雞脾用鐵板上，有一細塊黃檸檬+少量洋蔥，後仲有一細鍋煮熱嘅瑪莎拉醬汁另上，於是我倒落碟白飯上面。「香燒雞脾飯」味道一流，雞脾肉質唔會太韌，掌握火喉非常恰到好處，個瑪莎拉醬汁滾熱咁淋上去，令成個雞脾飯更添美味。😋唯一有少少美中不足就係杯「印度香料奶茶」，茶味唔夠濃郁，落埋糖都仲係覺得味道偏淡，無左印度香料奶茶個種滑同黑胡椒個種微辣味道。成個中午套餐只係食左$50，價錢合理，下次經過一定會再幫襯，而且女服務員態度非常好，亦都主動介紹點餐，係一間服務良好同價錢合理嘅食店。👍🏻👍🏻👍🏻…Read More