Smile Person's Profile

早幾日諗起想食芝士溶岩飯，所以今日同媽咪嚟咗韓國街～呢間oppa我都食過幾次，事隔幾年再嚟食🤣呢度啲嘢食都幾邪惡😈第一個梗係叫我心心念念嘅秘製章魚蛋漿熔岩炒飯 ($198)啦～會有人喺旁邊幫手整，本身先有蛋漿同芝士，用火槍燒到芝士溶溶哋，就將佢哋撈埋一齊😆個樣有少少似納豆🤣但真係超好食，拉絲芝士🫶🏻章魚切到一粒粒，好爽口，本身個飯微辣，好惹味～另外叫咗個蟹膏蟹肉紫菜包飯 ($108)～份量唔少，啲蟹膏唧哂出嚟，超正☺️入面有啲蔬菜，增添返爽脆口感😆之後仲叫咗三色韓國煎餅 ($168)🫶🏻分別係泡菜、蔥同南瓜，我最鍾意食南瓜，甜甜哋幾煙韌😌另外亦叫咗韓國飲品，韓國蜜桃梳打 ($27)同埋韓國果肉果汁（提子）($25)，極具韓國風味！嚟到呢度真係止咗我股癮，好正好邪惡☺️…Read More

原來鍋霸已經開幕五周年，聽過咁多朋友推介，今次先係第一次食🙈今次嚟到佐敦分店，我覺得環境都唔錯，我哋兩個人坐卡位，基本上都好鬆動，每枱旁邊仲會有張枱仔比大家擺嘢食，好貼心！呢度餐嘅選擇都好多，店員話最近推出咗個全新時間自主吃到飽火鍋套餐，只要加$40，就可以由120分鐘變成無限時，好flexible，加上依家第二級同第三級都做緊promotion，分別每4位同每2位就會送價值$168嘅手切安格斯prime grade 牛肉，好抵啊～不過我見除咗肉之外都有唔少配料可以叫，所以我哋就叫咗個吃到飽第一級 ($313)喇～湯底方面我哋叫咗椰子雞鍋，椰子味非常香，入面亦有唔少雞髀，十分真材實料～首先會有一份炸物，我哋就叫咗鹽酥雞同花枝丸雙拼，加埋shake shake粉，為炸物再加添一份邪惡！之後就會上Prime Grade 牛肩胛肉同西班牙無激素豬肉片，肉嘅質素相當唔錯，唔會碎濕濕，而且肉味濃～我哋亦都再叫咗好多配料，令我哋印象最深刻係有脆鯇骨腩同埋鱔片，唔係度度都有得食架！另外佢哋嘅餃同丸都有好多種類，總有幾款啱食🤤值得一讚嘅係蔬菜類都洗得相當乾淨，食得好放心～出面嘅醬料區好乾淨企理，而飲品亦有好多選擇，除咗自家製冷泡茶，仲有常溫同熱飲，切合到唔同客人嘅需要～最後食埋一人一個雪糕就非常滿足喇😚仲有一個位值得讚嘅係店員收碟收得好快，唔會阻住枱面位置，又可以再叫嘢食🤣🤣…Read More

今日同男朋友去咗食餃子，去呢間好多人推介嘅家後2.0，夜晚人客都幾多，可能都要預返少少時間等位🙊我哋一人叫咗一份灼餃 ($42)，本身仲配咗老火湯～老火湯完全無添加味精，係媽媽嘅味道😋我叫咗芹菜豬肉餃同埋麻辣白菜餃～佢嘅調味調得啱啱好，唔會太鹹，芹菜好香，鍾意芹菜嘅唔可以錯過😛麻辣唔係好辣，反而有陣麻香，想辣嘅就要𢳂枱頭嘅菜甫😗男朋友叫咗洋葱豬肉餃同菠菜豬肉餃，兩款都好飽滿，仲用咗紫洋葱，香味充滿哂成隻餃子😉😉另外梗係唔少得小籠包豬肉餃 ($44)😉煎得超香脆，而且入面真係好似小籠包咁爆哂汁😋相當好味～要飲食均衡，叫埋碟$20嘅油菜🤣另外，嚟家後嘅第二個目的就梗係巴斯克蛋糕啦😍我哋一人叫咗一件，分別係原味 ($30)同開心果味 ($35)～好欣賞佢個蛋糕中間仲係流心，質感好好，又唔會過甜😗又食餃子仲食咗甜品，人均都只係$100鬆啲，抵食！…Read More

我平時喺大埔食開嘅Route 83竟然喺白石角開咗分店，梗係同男朋友去試吓啦～呢間分店位於一個新嘅屋苑下面，餐廳環境十分舒適🥰我哋夜晚去到佢有set dinner，所以我哋都一人叫咗一個～我就叫咗手打安格斯漢堡（自選菠蘿) ($92)～另外仲加咗$10轉黑松露薯條～Burger本身都好厚，啲材料好豐富，尤其是加咗菠蘿更加可以平衡返當中嘅膩感🥰佢嘅薯條係粗薯條嚟嘅，配埋個醬好好食～另一個就叫咗半份香草燒雞配芝士焗薯 ($99)～雞燒得非常juicy，份量都唔少～仲有啲沙律伴菜😆本身set dinner亦都配咗一個湯，今日就係忌廉煙肉湯～同埋都可以叫普通飲品，我哋就加咗錢叫特飲😆一杯係榛子朱古力，味道好濃，而且又唔會好甜～而另一杯係玫瑰奶茶，好香嘅玫瑰味，上面仲有花瓣添！而我哋覺得未夠滿足，就叫多咗個食肉獸pizza ($95），佢係薄批嚟嘅，配料都唔少，好惹味😆今餐食得好滿足，亦都覺得佢同大埔嗰間嘅水準一樣，完全冇失望！…Read More

申子一向都出哂名高質，今日又掛住佢喇，所以過咗嚟食晚餐☺️我哋坐單邊卡位，都幾舒服～佢哋成日都會有啲新品推出，今次呢個menu樣樣都好吸引，有和牛又有蟹膏～我今次就揀咗呢個申子海膽和牛燒 ($378)，本身睇相已經覺得好吸引，仲要有店員親自細心烹調添！首先會將和牛燒熱，之後就會將飯夾入去，每面都燒至五成熟就會加上海膽同魚子，真係超正呀！入口即溶，而且和牛同海膽都幾match，一啖食真係有少少意猶未盡😌另外我哋亦叫咗上次嚟食都有叫嘅拖羅蓉脆米餅 ($98)，本身拖羅都好澎湃，配合米餅食口感非常豐富～另一樣次次都叫嘅仲有極上鹽燒牛舌芯 ($128)，每次食都好有水準，牛味足，口感亦完全唔會韌，我最鍾意就係加埋柚子鹽，令牛舌味道更出！男朋友話一定要食吉列千層豚肉 (三重芝士) ($238) 喎！呢個啲芝士真係爆哂出嚟，而本身啲豚肉油脂都好豐富，超滿足呀～～而蓬松玉子 ($108)都好有驚喜，佢唔似一般玉子比較實心，而佢係有啲流心，有芝士香氣，蛋味亦好濃！最後都比佢個軟芝士黑豚卷 ($48)，吸引咗，軟芝士同黑豚味道好平衡，完全唔覺得邊一個有搶戲，做得好好～整體嚟講呢一間居酒屋有創新料理，而且又有啲大路嘢食，可以食得非常滿足🤗🤗…Read More

燒烤堂呢一間串燒店好出名，我本身都有食過旺角分店，而今日就帶埋男朋友過嚟試吓荃灣分店喇🙆🏻‍♀️呢間舖頭好企理，一入到去唔會油淋淋，而且有超多選擇～好鍾意佢就住肉類分類，而且仲會remarks返究竟係邊一種風味，例如日式、韓式、新疆等，仲有啲係佢哋燒烤堂自創嘅🤣而佢哋嘅點餐紙亦都有一啲十大推介，我哋都叫咗唔少🤣佢嘅串燒其實都嚟得好快，所以都要密密食，唔係張枱會擺唔晒㗎🤪我覺得串燒嘅份量都算大，而且調味都好足夠，等我介紹幾款我最鍾意嘅比大家🫶🏻🌟鹽燒原塊雞皮 ($22)平時食開嘅雞皮好多都係細細塊串埋一齊，但呢個係成塊㗎🤣燒到超級脆身，而且唔會好有油膩感，超正！🌟厚切鹽燒牛舌拖羅 ($48)唔係講笑，本身牛舌好厚，但係竟然一啲都唔會韌，仲好爽口，好濃牛味😋🌟鹽燒豬肋肉 ($24)呢件幾有驚喜，佢寫明係稀有部位，食落嘅肉味濃，而且肉質好嫩，仲燒得好香😋🌟蒜蓉燒蟶子 ($52)記得上次喺旺角店食過已經好有記憶點，今日果然都唔會令我失望，蒜蓉味好香，但係仍然唔會掩蓋咗蟶子嘅鮮甜味😍🌟檸蜜牛油包 ($20)大大塊牛油已經夠邪惡喇🤣加上本身上面有少少酸甜，我覺得好好食呀🤣🌟蜜糖燒菠蘿 ($18)大家都知燒完嘅菠蘿真係好甜，呢個都係！仲非常多汁，令我encore咗一次🤣🌟青檸梳打 ($28)🌟冷泡白桃烏龍茶 ($18)配埋串燒，飲啲fresh嘅嘢就最好喇～大大杯 幾襟飲🤣食足6樣十大推介🤣正啊～呢間嘅選擇多，好味，性價比高🫶🏻…Read More

今日同男朋友行開北角，見到有間新開嘅pokebowl，啱哂依家天氣咁熱食😋入到去係木系裝修，啲位都好舒服～呢度係自助手機點餐，比埋錢就好快有得食喇😗鍾意呢度有set好嘅pokebowl，亦可以自選，配菜好多款揀，好正☺️我哋都係鍾意自選，揀啲自己鍾意食嘅😗我主食就揀咗虎蝦仁同埋雜錦香菇，蝦仁連尾，好爽口，有6隻架～香菇都唔少，調味唔錯😛配菜我就叫咗泡菜、海帶同秋葵，好少食pokebowl有泡菜同秋葵，好特別亦好襯pokebowl!😗另上嘅昆布豉油好香，配埋飯同沙律菜，比想像中更鮮味～男朋友就叫咗三文魚，好新鮮肥美😌而配料叫咗牛油果、蟹柳同粟米，個style同我果個好唔同，牛油果勁多，食完都好滿足😋而山葵蛋黃醬都好香，唔會好攻鼻～另外我哋都叫咗個沖繩炸芝士 ($38)～有六粒，炸得好脆，為呢一餐增添咗少少邪惡🤣飲品我哋就叫咗杯Oreo曲奇奶昔 ($40)，奶味好香濃，整體又唔會太甜，唔錯😗整體嚟講，坐得舒服，食物都唔錯👍🏻…Read More

今日放工同男朋友去咗荔枝角工廠大廈搵嘢食😋嚟到呢間黑布小巷～係自己手機點餐再出去櫃檯比錢，就會有嘢食嚟喇～好方便😌Menu好好，有個推介column，等我哋唔洗選擇困難🤣我哋揀咗慢烤雞腿芝士蛋吐司 ($56)，入面啲芝士湧哂出嚟，勁誇張🤤雞扒調味啱啱好，仲keep到嫩滑嘅肉質～成個吐司口感味道層次都好好👍🏻另外我哋叫咗個手工滷肉雞扒便當 ($69)😌竟然有兩大塊炸雞扒咁多，而且炸得好香脆，極度邪惡🤣我亦都好欣賞佢嘅滷肉，唔會好肥膩好鹹，反而啱啱好😋跟以上兩樣食物可以加配小食同飲品，小食方面我哋叫咗花枝丸配淮鹽 ($28)，又係炸嘢🤣但係花枝丸好爽，令人好想繼續食～嘢飲方面，我哋叫咗一杯冬瓜茶 ($9)同一杯桂花烏龍 ($12)😚咁熱嘅天氣，解暑解膩一流～大食嘅我哋仲叫咗個芝士火腿肉鬆蛋餅 ($42)，爆曬餡大大嚿，絕對唔孤寒🤣最後仲叫咗個甜品添🤤芋頭椰汁三色圓 ($46)，估唔到佢嘅芋頭已經係打到溶晒，係我鍾意食嘅芋頭西米露質感😗芋圓都非常煙靭，正呀👍🏻兩個人食到勁飽都只係人均$130左右，有時係呢啲工廠大廈食吓嘢都幾好😌…Read More

今日同媽咪去咗銅鑼灣行街，諗起呢一間餐廳，尖沙咀分店就食過啦，銅鑼灣分店係第一次食～呢度嘅裝修比起尖沙咀更加有情調😆而呢度嘅lunch係一個semi buffet形式，出面有沙律吧，只需$98就可以任食大約10款食物🤤如果小鳥胃嘅女士可能可以食沙律吧就夠飽喇～亦可以加錢選擇想食嘅主菜，啱晒我呢啲大食積🤣叫咗主菜之後，好快就會上餐湯，餐湯嘅忌廉味都好濃😆未嚟主菜嘅時候就出去睇吓有咩食啦～最多嘅係沙律部份，包括有煙三文魚沙律、長通粉沙律、紫薯沙律等，同時亦都有兩款炸物同兩款甜品😆絕對夠滿足😋主菜嚟喇～我就叫咗個美國頂級牛板腱 配磨菇燒汁 (+$158)～首先一嚟到賣相已經滿分，牛板腱非常軟腍，亦好香濃牛味，蘑菇汁非常有誠意，亦都有啖啖豐富嘅菇🫶🏻而底下亦都有啲番薯蓉，所以唔需要怕唔夠飽😋而媽咪叫嘅就係脆皮豬腩伴香草燒菠蘿 配 日式洋蔥汁 (+78)😋脆皮豬腩整得啱啱好，皮脆肉嫩，加埋甜甜地嘅日式洋蔥汁同菠蘿中和返膩感，好味道😋最後當然都有兩杯餐飲～好鍾意呢間餐廳坐得好舒服，侍應嘅態度亦非常好，依然都係對呢個餐廳品牌有好高嘅評價☺️👍🏻…Read More

今次行過K11 MUSEA竟然見到一間新開嘅餐廳～見到個Menu都幾吸引，就同男朋友入咗去食啦😆餐廳坐得非常舒服，一開始會上餐包，餐包非常出色，勁鬆軟，加上好濃牛油味😌一開始我哋叫咗個煙三文魚沙律層塔（二人份） ($188)😋上枱就係一個港女下午茶嘅三層層架🤣份量絕對唔少，除咗跟咗麵包之外，仲有啲好新鮮嘅蕃茄同埋生菜，同埋兩種醬汁，可以自己mix and match，好好玩🫶🏻睇到個Menu最吸引我嘅就係呢個龍蝦海鮮海龍皇湯意大利麵（二人份) ($299)🦞半邊龍蝦超多膏，而且肉質非常彈牙～帶子都非常鮮甜！佢嘅海鮮真係好多，仲有蜆、青口、魚等等，非常豐富，令到成個湯都係好濃😋😋男朋友就話想食個意粉，煙肉卡邦尼意大利寬條麵 （$142）～配料相當豐富，啲鹹肉非常惹味☺️而醬汁都好Creamy，好好味😌最後都叫咗個甜品～牛角包窩夫伴雪糕 ($68)😆個雪糕竟然係軟雪糕～同成個外脆內軟嘅窩夫超夾😆食完真係好滿足～我哋當然都叫咗杯嘢飲啦，就係雜莓乳酪 ($58)☺️好清新，唔會過甜，味道非常均衡👍🏻喺K11 MUSEA嚟講，食到呢個質素性價比真係超高，見到佢哋仲有早餐、午餐、下午茶嘅Menu都好吸引，同埋佢哋所有嘅麵包都好好食呀～絕對係會再回訪啊！🤤…Read More

今日陪男朋友上咗佢個fd東涌嘅新居house warming，佢朋友推薦呢間大頭蝦南風海鮮酒家一齊食晚飯😋本身聽到係大排檔嘅形式都好驚會好熱，始終而家夏天天氣熱辣辣🥵不過原來佢有室內位置係有冷氣嘅😌如果大家唔怕熱，或者下次冬天嚟食都可以試吓坐出面，更加有風味😌講返嘢食先😝我哋四個人嗌咗四道菜～好吸引呀有胡椒豬肚雞煲 (半隻$258)😆首先一嚟即刻飲啖湯先😋湯底濃味得嚟又唔會太鹹，一飲就知冇落味精😉我哋雖然只係叫咗半隻雞，但雞嘅數量都好多🤩而且雞肉仲好嫩滑，配埋豬肚一齊食好夾😋配料仲有啲枝竹同娃娃菜，令到成個雞煲嘅味道更加平均🤗另一個叫咗京蒽芥末牛柳粒 ($118)～本身我話想食大排檔必嗌嘅薯仔牛柳粒，但男朋友話見到呢個芥末牛柳粒咁特別，出面未見過所以就話要試吓🤣食落芥末味好香，但又唔會太過攻鼻，調味啱啱好😌而且啲牛柳粒好嫩，唔會整得太老咬唔開🤩叫返個菜食吓先～欖菜肉鬆四季豆 ($88)係大排檔必嗌嘅小菜😋四季豆炒得香口得黎又唔會太油膩，連埋啲肉碎一齊食勁惹味😋嗌得太多濃味既餸，最後決定嗌個清淡啲嘅勝瓜肉碎浸魚肚 ($98)清一清味蕾🤣勝瓜同魚肚吸收哂上湯嘅精華，食落好清甜爽口🤩佢哋嘅小菜份量都好多，四個人食嗌四個餸已經勁飽🤣好彩我哋冇嗌白飯，如果唔係實食淨好多🤣聽講佢哋嘅燒味都好出名，下次嚟一定會試吓🤗…Read More

今日又嚟咗馬祖打邊爐😆無限時的確係好吸引😆我哋揀咗個每位$408嘅餐，有極級Prime Grade安格斯牛頸脊😍啱晒我呢個牛魔王🤭湯底方面都好多選擇，我哋揀咗養生蟲草花桃膠雞鍋，湯底好有誠意，入面都有豐富嘅湯料😋啲雞件就算煲幾耐都仲係好滑～出面嘅醬料區好乾淨企理～而飲品除咗罐裝飲品外，有四款自家製飲品，冷泡茶好正，又解膩😍仲好貼心咁有埋暖櫃，有暖笠笠維他奶同茶，啱哂想養生嘅朋友👍肉類方面，牛頸脊嘅肥瘦非常均勻，牛味好香～而黑毛豬亦都唔差，完全唔韌，而且好香～呢度係用QR code落單，啲配料好多選擇，無論蔬菜、丸類、海鮮都比其他火鍋店齊全～灸燒芝士丸超好食🤣而佢嘅海鮮都算好新鮮～另外值得一讚嘅係，落咗單之後嘢食超快送到👍🏻呢度最signature就係可以shake shake地瓜條，我揀咗甘酶粉同埋海苔粉，好玩又好味😋甜品方面每人可以揀一個雪糕，都有Dreyer's同Movenpick等等品牌，好滿足😆無限時唔洗趕頭趕命，又可以同朋友傾耐啲，真係好正☺️…Read More

我諗好多人都知道我好鍾意打邊爐，今日嚟到荃灣海之戀嘅牛牛日式火鍋放題試吓😋我哋平日嘅夜晚嚟到，叫咗Level 3嘅澳洲和牛牛肉放題 ($318)🙆🏻‍♀️呢個級數已經可以食到幾靚嘅澳洲和牛，油脂唔算好重，但係勝在肉味好濃，口感同味道都非常正，好欣賞佢呢度啲牛肉都好大塊，唔會碎濕濕，食得非常滿足🥰而湯底方面，我哋一個叫咗泰·酸辣蝦鍋，估唔到都幾濃味喎，酸酸辣辣好開胃，泰式風味濃，裏面仲有蝦添😆而另一個鍋叫咗黃金酸菜鍋，我自己覺得呢個比泰式嗰個辣少少，但酸菜味都非常香，有少少酸菜白肉鍋嘅感覺～講到放題，呢度出面嘅材料，好似菜同菇等等都好新鮮，而丸類都有唔少選擇，佢嘅refill速度都相當快，唔怕冇嘢食😆另外我亦都好喜歡佢嘅熟食，除咗我鍾意食嘅麻辣鴨血之外，竟然仲有炸鮮奶😍搞到忍唔住食咗啲熟食，飽咗少少🤣飲品選擇都唔少㗎，不過我見佢而家做緊優惠，可以加$15叫純綠妍奶蓋同埋黑糖珍珠鮮奶，咁就每樣都叫咗一杯嚟試吓，估唔到打邊爐舖頭都可以拍得住台式飲品店嘅質素，又可以過下口癮🤣另外我哋都加咗兩個葡撻 ($20)，佢都幾大個，而且酥皮好香脆，熱辣辣好味道👍🏻最後梗係食埋支甜筒先走啦，90分鐘啱啱好非常飽，好滿足地走人😋…Read More

今日同男朋友嚟咗呢間成日經過嘅餃掂，晚市都幾多人，不過佢算坐得幾舒服～呢度除咗餃子之外，都仲有啲小食可以嗌～見佢呢度有個狀元九鼎湯，覺得好似好正，所以叫咗兩個湯餃😋我叫咗至尊松茸豬肉餃八隻 ($80)，佢個湯的確好鮮甜，加埋水餃都幾夾～呢個水餃大大隻，咬開就感覺好香嘅菇味，啱晒我呢個菇怪🤪而男朋友就叫咗大白菜豬肉餃十隻 ($57)，每隻都係非常飽滿，餡料亦都好鮮味👍🏻之後我哋叫咗個香煎軟心芝士餃七隻 ($58)😋入面都有唔少粟米，再加上軟心芝士，邪惡之選😋咁邪惡，我都係食返個上湯松茸時蔬 ($35)先，份量都唔算少，而且仲有杞子同松茸🫶🏻最後呢度亦都有啲特色嘢飲，我哋叫咗一樽山楂雪梨水 ($28)，清清甜甜，解膩一流～呢間餃子店位置方便，而且都幾抵食，絕對值得幫襯～…Read More

今日放工同男朋友嚟咗呢一間喺重慶大廈旁邊地庫嘅Ha Noi越南菜😆呢度嘅餐牌食物種類超多～連越南河都有好多選擇😉所以我哋一人叫咗一個主食，然後再叫咗小食～我叫咗河內生熟牛肉湯檬 ($69)，好鍾意佢呢度嘅生牛肉好嫩滑，而熟牛肉好重牛味，肉質一啲都唔韌～湯底鮮而不鹹，配埋檬粉食非常好食👍🏻份量都勁大碗，食完都飽咗一大半🤣男朋友叫咗越式豬頸肉撈檬 ($67)，一上枱第一個反應係啲豬頸肉勁多😍而且油脂勁香好好食～撈檬再加埋酸甜汁，食完一啲都唔覺得膩～小食方面，叫咗法式牛油雞翼 ($54)，雞翼炸得好香脆，上面嘅牛油，再加上蒜蓉勁惹味，勁邪惡😗另外亦都叫咗個越式生菜包 ($108)，估唔到份量都幾大，香料味重，炒得好香，包埋生菜，味道好均衡😉飲品就叫咗牛油果沙冰 ($36)，非常Creamy，牛油果好滑，唔會過甜，做得好出色！呢餐真係食到超級飽😆😆…Read More