東尼哥's Profile

早幾日我個仔話介紹啲好特別嘅野食，蒸汽火鍋，聽落幾特別，佢話好好食。於是就訂咗今日去試吓，入到去地方唔算好大，但座位編排闊落唔迫，張枱都闊，坐落尚算寬濶。剛過午飯時段，客人不多，環境清靜。睇餐牌我個仔介紹“八府巡案”，有半隻龍蝦，鮑魚，蟹半隻，蝦，聖子，白蜆，牛肉，豚肉，牛丸什菜等。玩法幾得意，唔同食材用適當蒸煮時間蒸，蒸出來食物生熟程度剛好，味道不錯，較有食材原有味道，食到最後還將蒸煮後流下嘅水再煮南瓜粥，唔錯。今餐好滿意，無論餐廳環境食材處理，不似求其做，係有誠意做，會推薦為食朋友來試吓。…Read More

石籬邨最近兩個月翻新咗街市，多咗個熟食檔區，終於有時間去參觀吓，有燒味檔，多餸飯，點心檔，麫包檔。行到入面見到有間賣潮州粉麵舖，望落幾企理，跟住同我老婆入去試吓，本身自己比較喜歡食腩河。坐低叫咗兩碗粉試吓，我叫咗五香牛三寶河(牛腩，牛肚，牛根)，老婆叫潮州四寶河，凍奶茶加碟蠔油芥蘭。食完有驚喜。牛腩食落唔粘牙，牛肚爽口，湯底唔咸幾清甜。…Read More

間唔中會去食日式放題，仔女鐘意。之前多數去尖沙咀果間，今次試吓銅鑼灣廣場一期呢間。時段是昨天下午5:30至0730。呢間有自助區，有沙律，春卷，薯條，燉湯，生果，飲品等。點餐前食少少野，都幾唔錯。有幾樣做得好好。刺身切得算厚身，冇雪味，口感很好。壽司大細適中，飯不凍少少暖，很好。天婦羅乾身唔油，鷄鍋居然有少少魚翅。今餐都好滿意。…Read More

呢間大喜屋來過好多次，食物品質一般冇乜問題。環境不迫，我一家四口坐六人枱，算鬆棟。點餐用QR code經客人手機落單，其實唔錯。在第三次落單，手機顯示不成功落單，好自然隔一分鐘再襟，又唔得，又一分鐘再襟。五分鐘襟咗三次落單。最後送來係同一數量食物三次，查詢侍應，他態度不想理會客人，只回應一句係你哋落單的，放下便算。好食的不會五分鐘連落三次單！我只想反映QR CODE手機落單有漏洞，希望貴公司注意，無謂浪費咁好食物。…Read More

美孚呢間牛車水已開業超過十年，多年前食午餐，個場都幾爆下。食物質素一般，尚算可以，午餐價錢算貴少少，有加一服務費。前兩日夜晚收工約八點，在美孚附近，諗住去幫襯下。個場咁大，竟然得兩枱客，都覺得奇。 諗住食少少野，見餐牌價錢加咗價。小菜套餐價錢平均差不多要九十蚊，咁叫咗碟星洲炒貴刁，加凍奶茶，埋單$72蚊。碟炒貴刁，色水淡黃，有幾條肉絲，椒絲幾條，毛仔幾粒。食落淡味，河粉炒得好碎濕濕，筷子夾唔起，肉絲有縮味。最後食咗一半河粉走人。呢餐太失望。…Read More