feimui.fi的个人专页

天氣咁凍，朋友仔約食飯，首選一定係打邊爐！嗱嗱臨上網book位食牛大人。嚟到牛大人必定係食澳洲牛肩卷套餐！累積咗多次經驗之後，每次都係轉攻澳洲和牛！值得一讚，就係佢哋送每人兩粒M5和牛牛丸，非常彈牙，兼夾Juicy，冇得彈！之前食牛大人都係配珍珠奶茶，今日見到強波酸啤🍺 Jumbo Sour獲得2022《AIBA 澳洲國際啤酒大賽》金牌嘅啤酒，又難得冇揸車，即刻叫返兩杯嚟嘆下！另外想重點讚吓個雪糕！今次口味超特別，係紅絲絨芝士蛋糕！時間過得快，120分鐘話咁快就完，相信好快又忍唔住要再去食㗎啦🤣👋🏻…查看更多

朋友仔為左食生酮宇治抹茶忌廉卷就揀左呢間食野。walkin唔需要等位, 位置就係cheesecake factory隔離～頭盤有青醬雞胸沙律配檸檬醋醬, 個雞肉唔知係咪慢煮既呢? 好稔, 又啖啖肉! 唔係好食到檸檬醋醬味, 如果中意少醬沙律既應該會好岩食, 但我個人如果多返少少會出味D主食叫左個Panini 檸檬汁烤雞煙肉芝士意大利三文治, 有公整的烤紋、外酥內香的麵包, 好食過一般三文治第2個主食係忌廉黑松露醬配雜菌芝士意大利飯, RISOTTO唔會過硬/軟, 岩岩好, D菇粒粒分明, 又有咬感到甜品啦, 對於我朋友來說, 係主菜先岩, 哈哈! 生酮宇治抹茶忌廉卷! 好濃既抹茶味, 濃得黎唔會苦澀, 入面D CREAM又打得好香滑, 好滿足抺茶控野飲當然係揀宇治抹茶鮮奶啦呢度環境好舒適, 雖然係OPEN AREA, 但都自成一角, 人流唔算多,歎一個悠閒的周末。🍵🧁…查看更多

開始轉涼，即刻想食香噴噴、暖笠笠嘅煲仔飯，search到呢間煲仔飯店黎講比較grand啲既網上都多人推薦。叫左個臘味煲仔飯，係店舖的招牌菜首選👍🏻，臘味係自家工場製作，有信心保證。臘味份量足夠，啖啖肉又不太咸，配上白飯，加上蔥花同秘製豉油，吃起來好滿足，煲底嘅靈魂飯焦更加是香脆可口！家鄉小炒皇有驚喜，鑊氣十足，用XO醬瑤柱、蝦干、腰果等材料料咸咸香香很惹味，韮菜花夠爽嫩冇渣，值得推介！霸皇蔥油雞係雞髀位，夠入味！雞肉亦夠嫩滑，不錯。…查看更多

聽左B仔涼粉咁多年，終於有日入元朗可以順道一試。滿心歡喜，叫左個B仔涼粉share，都幾貴😂。大盤到O哂咀，啲水果擺晒喺上面，要食咗啲水果先可以「筆」啲涼粉出嚟😑，如果唔係會跌。水果唔算超新鮮，有D仲要酸既😩，成$86真係有D伏😓。係咪我唔識叫呢？😅…查看更多

Lunch time去飲茶，呢到12點9前埋單大中小點既點心都有優惠。坐低極速落單，上菜速度都幾快，我地12點到都可以搭9埋到單走人🤣。折完每份點心盛惠$19.8，都算抵既！…查看更多

食新野，仲試業緊。安排我地有位但又無人執枱😑。諗住叫常餐..竟然話最少要等15-20分鐘🤯。最後點左午餐。餐湯揀左中湯，一般。唔知點解要有膠碗😅，唔夠環保♻️叫左乾蔥豆豉爆雞配白飯我expect會係一道惹味既餸..但唔係😅。試業都咁一般🥲，點要D客返轉頭。…查看更多

今日4個人去飲茶棗皇糕，素鵝，魷魚鬚都幾好食。小籠包就一般，皮略厚。重點！西施泡飯好食，分到大約6碗，落咗啲脆咪好有口感，但係太多芫荽🤣，如果唔食嘅朋友最好早啲出聲。呢到D waiter 有d hard sell😂，同埋午市食到趕頭趕命，好快就趕你走。…查看更多

第一次幫襯！$45 蚊6舊有三舊花之戀，兩舊三文魚子軍艦，同埋兩舊三文魚壽司味道比我想像中好，唔會太伏。但係食完好似無食過野咁🤣，唔夠飽，返去仲要啪多個杯麵😂。…查看更多

係呢頭咁耐都未幫襯過。Weekend都有全日制常餐，定價唔平。炒蛋OK，但塊多士就麻麻蕃茄濃湯豬扒通粉個湯底一D都唔濃😅，豬扒好細塊，但肉質係OK既。總括嚟講一般，應該唔會再試。…查看更多

今日食茶餐廳，12:30都仲有位。叫左土魷蒸肉餅，5分鐘就食得，住家餸，肉餅唔算好肥，但都幾腍。送飯好食。碟飯大到…3個人都食唔哂🙈$48蚊包湯包凍飲，都算抵。…查看更多

Weekend夜晚要等位，都等左成半個鐘。叫左海南雞飯同雞肉喇沙同埋黃金雞翼，全雞宴😝。香口，但可能撈左D咸蛋黃之後係咁脆，不過係好食既！雞好嫩滑，都幾多下。唔知係咪雞肉浸左落湯到，呢款雞肉比較鞋。喇沙湯底椰香味好重😋。有期間限定pandan dessert，有興趣既朋友可以試下。…查看更多

好多人話呢到D雞ok，今日試下佢。都幾好生意。由落order到拎得短短幾分鐘已經有5個人落左單！輕量版無骨海南雞飯都唔少！黃薑飯好香！雞都幾滑，明明話無骨但係雞翼係有骨既😅。反而個sauce就麻麻地，我都係prefer普通酸辣汁多D。中規中矩，學生買會抵食D。…查看更多

Lunch Time 生意勁好，係app叫左個快餐，成大半個鐘先有得拎。沙爹牛麵牛肉多，公仔麵煮得腍左D厚多士唔夠脆，但呢個唔係重點，重點係佢既吉列魚！有成2大塊！仲包埋煎蛋同腸仔。勁多野先$45，好抵食！…查看更多

係附近快食，媽咪話呢間佢食開下午茶。叫左麻辣牛肉米線幾香，可以再辣D，唔夠麻，同米線淋左D，但味道唔錯煎鍋貼幾好食，底煎到微脆，咬落入面都有肉汁！價格唔貴，媽咪話下午茶仲抵！搵日再試下。…查看更多

因為想用消費卷coupon先黎食既一餐，仲要分單比錢。$45 半隻雞 都OK既炒通菜 幾惹味咕嚕肉，勁少肉，配菜多過主菜😑，D肉仲要勁肥同淋。太濃味。仲要勁少牛😑！好孤寒呀！有好多進步空間。…查看更多