Scandy's Profile

幾年前佢開舖嘅時候，我第一次幫襯，之後一直在冇去過了，因為覺得價格偏貴同食物真係一般。見佢裝修完畢，今日約埋朋友一齊去食個靚早餐，裝修之後座位比以前多好多，中間棵樹打卡位變咗係一張圓枱。服務員態度很好，而且幫忙點餐非常熱心。現在逢星期一至五，叫主食再叫飲品50% 社交媒體 upload 相，再有九折，好抵食。今次我哋三個都係叫all day Breakfast加杯latte ，主食食物質素不過不失幾好，反而三杯latte有驚喜，拉花好靚。…Read More

終於可以唔使帶住3隻寶貝搭車去嘆咖啡啦，今次行去就得啦好方便，新樓御海灣開左幾間新食店，見佢可以比狗狗入去嘆住冷氣食野光明正大咁，係屯門區真係少之又少。環境都好特別，好多單車露營擺設好有feel,感覺好relax,但室內坐位唔多，等天氣冇咁熱咁就可以坐外面。店員好有禮貌，而且對狗狗態度非常有善，如果有增設狗狗餐就好啦。講番食物，我點了甜點，牛角包窩夫超好味食落鬆脆又唔油，cappuccino 正常水準，價錢合理。現在有online booking 更方便…Read More

次次經過都有人等，今晚去試一試，兩人枱見唔使點等就試下佢，點知真係一試難忘，人生之中食過唔少台式菜，未試過一間食物，叫三樣三樣都咁難食。食物：1.招牌牛肉麵~味精湯底，牛肚咬唔到，蘿白有渣又有根，條豆卜一咬碎晒，麵份量少過一個福麵，夾兩野冇左，重點94蚊加12.黯然銷魂安格斯滷肉飯～肉碎膻味到嘔，再加條牛根加隻煎蛋，收你84蚊。3.甜不辣～overcooked, 只覺得食緊麵粉，魚餅一d魚味都冇，收42蚊。我真係唔識欣賞所謂這間台式食物，仲可以開分店係元朗，唔該個老闆做番d入得口嘅食物出嚟，唔好做d食物出嚟只供打卡。環境：裝修係靚嘅 ，店員服務態度係好。總結：見到百幾二百個食評係好，只有4個係差嘅，我就係第五個，都係個句，味道嘅野因人而異，本人就覺得真心難食。…Read More

荃灣區數下數下都有十幾間泰菜店，每次經過都見到好多人好迫下，今次早少少去食個晚餐。入到去真係好迫枱好細，其實同茶餐廳一樣，只可每人一碟加杯飲品，我地3個人已經係坐4人枱，叫4樣野3杯飲品已經冇位，唔怪得個個都係食海南雞飯同豬手飯。咖喱海鮮麵包 - 冇料得咖喱汁個包好似擺左幾日飛天通菜 - 好野味，但份量太少生菜包 -得個辣字，食唔到其他味道泰式炒河 -最好食之選半價可叫泰式飲品，不過不失總結：服務態度好，食物一段，價錢低食，環境太迫，一試無妨。…Read More

完全冇想過咁偏僻嘅地方會有食店，如果冇咗Google都唔知點嚟。一去到見到，原來隔離就係個camping 地方，環境好舒服好靚，而且地方好大，可以帶狗狗去嘅好地邊。叫左兩個set lunch 咖喱豬扒飯，肉碎炒河,再加蒜蓉包咖喱豬扒飯，咖哩好香，豬扒比較硬肉碎炒河真係好一般蒜蓉包有驚喜，有黃綠咖哩汁，好好味加10蚊有芒果沙冰，都實講好鬼甜。總結：食物一般，價錢比較貴，店員服務態度其實真係幾差，應該冇下次。…Read More

真心唔明白，點解會有咁多人讚依間店。下午接近兩點去食lunch, 點了一個三色刺身冷麵，原因外面真係太熱了，唔想食熱野。上枱面時冷麵隻碗大成咁，顯得冷麵好少，不過唔重要，我都係第一次食一碗又淋又暖嘅冷麵，刺身都係暖嘅，最終我食左廿分鐘走人，原因係好嘈吵，唔係食客講野大聲，而係店內播嘅日文歌好嘈又大聲，想舒舒服服安安靜靜餐下野都唔得。總結：裝修簡簡單單，感覺高尚，但播d鬼殺咁嘈嘅日本歌完全唔襯。店員態度好有禮，食物質素太差，我食到肚痛，價格偏高，唔會再幫襯。…Read More

訂位都等左一個月，終於試到了，去到人其實唔多，但原來地方好細，食物碟碟都好精緻下，每個盤都係得個幾件少少野放係到，而廚師更加唔夠人，一個人要走幾個counter, 食物味道全部一般，個個廚師刀功一流，切野有咁細件得咁細，八爪魚未試過食咁細片，大過指甲小小，馳名片皮鴨先嚇死你，得隻手指公咁大厚切，而且應該叫片皮肉唔係片皮鴨，甜品冇樣吸引，完全似以前卡拉ok或放題d冇人會食嘅四方型蛋糕，仲要係溶架，飲品方面有個水吧，叫凍檸檬茶，佢只會比杯茶你，麻煩你自己落檸檬汁，但我明明見到有新鮮檸檬係到，原來要叫先會比，真係好特別下。總結：食物環境都完全唔值咁嘅價錢，雖然open rice 有75折，我想講就算半價都唔會再嚟囉。…Read More

近期多咗去新田個邊食野，貪佢夠靜地方大又可以泊車，裡面大部份店都食過晒，整體都係難食，唯獨E間會再去食，因為食物水準算唔錯。一連兩個星期都有去食lunch 同tea, 先講下lunch, 雞脾飯同豬扒飯，真係好大件5x幾蚊算係咁啦。不過豬扒就真係麻麻地，可能比醃肉粉太多，塊豬扒變左粉紅色，食落去好勁化學品味道，反而雞脾炸到外脆裡面雞肉滑滑唔錯。到Tea 方面，厚切餐旦麵穩陣之選，不過價錢比較貴44蚊，而大雞脾薯條48蚊，雞脾有咖哩味幾特別。總結：衛生情況真係需要改善，成日都唔執枱，見有客入先執，好多烏蠅飛來飛去，食物一般，價格偏貴。…Read More

原本只係想坐下飲杯☕，點知行幾間都Full 晒，最後去到女人街見到E間有位，就入去幫襯一下。見到下午茶餐都幾低食 Pancake +☕，另一份係All Day Breakfast 都係6x-8x蚊，就試試佢。All Day Breakfast 正正常常不過不失Pancake 好有驚喜，好重蛋味，超好味， 而杯☕沖得好好，飲到底個花都仲係到。唯一間店有咩唔好，就係音樂太大聲，而且好rock 下d 歌，同個環境完全唔夾。店員服務態度好好有禮，此店值得再去…Read More

最近真係越開越多coffee shop 同 Burger 店，今日做完野經過見到一間小店，原來已經開左幾個月，但真係唔覺眼。店裡面好簡潔好細，坐位連bar 枱都唔夠十個，接近5點幾我只係叫做杯 cappuccino, 咖啡沖得幾好，有機會下之會試下其他食物。…Read More

一直以來去黃金海岸食晚餐，主打西餐為主，而且價錢比較貴，終於見到有間日式餐廳，價錢合理，可以一試。裝修就冇咩特別，一般日式風格，不過係現況就算比你裝修得好靚又如何，周圍都係膠板，一係就包書膠隔住，總之坐得舒服就算。我們點了兩個餐再加兩個甜品1.牛肉壽喜燒，湯底好咸，出奇地牛肉冇味，似湯渣，唔得。2.生薑豬肉飯，好食味道剛好，不過d豬肉下次可唔可以切細件d。3.綠茶Tiramisu，好滑，但綠茶味唔夠4. 綠茶紅豆軟雪糕，綠茶雪糕味好燶，但軟雪糕太多冰粒整體上間舖食甜品出色過主食。…Read More

最近周圍都開咗好多coffee shop ，今日做完野經過又試一試間新店，位置係朗屏西鐵站附近，不過間店要搵真係唔容易。裝修最特別係個天花燈，店舖好細好迫，只有十個位，講真純粹飲杯咖啡即走或買外賣係OK架，真正想同朋友坐下傾下就唔好啦…因為迫到隔離枱會完全聽晒你講野，如果想行手沖咖啡路線絕對唔建議，因為絕對同客交流唔到，環境所限，而且附近有間太勁嘅咖啡店，真係會好難做。主打咖啡，其他食物選擇好少，無法啦間店真係好迫好細，佢地想做都做唔到。店員好有禮貌，因為沖一杯咖啡，佢地真係要沖好耐下。我點了杯cappuccino 都要十幾分鐘先沖到，當時店內人唔算多，杯咖啡整體上都OK。…Read More

大大話話都幫襯過有十次了，今次就寫寫食評先，唔知店主識唔識睇中文呢。其實E間店同前面咖哩店係同一老闆開，所以有d食物味道係一樣。環境一般普通西餐廳，座位都算舒服，店員服務態度好好，不過請用英語對話會好d。點解我會成日去食或買外賣，因為佢地整Pizza真係好好食，而且選擇多，你鍾意點拼都得，而且價錢平，之前疫情關係，外賣有8折，一個Pizza唔使一百蚊去邊到搵，而且好食過間連鎖大集團PizzaH, 又貴又唔好食。一坐底會送幾片印度脆片比你食，我好鍾意食😋。我地二人叫左三樣野素菜咖哩角，好多薯仔好重印度香料味，幾好食烤雞半隻配薯角，我覺薯角好食過隻雞，因為烤得太乾主菜招牌pizza 冇得輸，熱辣辣勁多芝士，餡料好足厚過d餅底，外脆內暖，正。。要多d 支持下d小店，唔好比集團式霸晒個市場。…Read More

新開張試業有九折就去試下，先講環境以白色及叢林設計，而且勝在店舖本身樓底好高 用自然光經大玻璃射入好舒服，地方寬敞不過坐位唔多得十幾個，重點可以帶狗狗去, 我家老闆都好鍾意e到我點了cappuccino 同carbonara。味道方面意粉不過不失，杯咖啡就少少失望，又係起晒泡，咖啡同奶短時間內分離 ，幾難飲下。服務態度好好，職員有禮親切。可建議一下，更改一下餐具擺放位置，同擺放水比客人自己拎，通常飲完咖啡後有杯清水飲飲會好d。…Read More

係屯門區想帶主子一齊食飯真係好難，周圍食肆都唔歡迎狗狗，難得搵到間店，唔理佢咩菜式都好啦，最緊要係同主子一齊。裝修一般泰國餐廳，勝在地方寬敞，我地坐室外，現在還未算太熱可以接受，不過好多蚊要小心。食物方面真係超低食，幾十蚊一個set lunch 包飲品唔加一，我地叫左兩個餐。海南雞飯 - 雞好滑好食，不過飯就好鬼硬馬拉盞炒河，少少辣，好野味，好食。不過凍檸茶完冇茶味，下次都係飲泰式飲品穩陣 D。店員態度就真係一般。…Read More