orzng's Profile

講起香港岀名既扒房，十個有九個都推介文華東方，今年因疫情無得岀國旅行慶祝生日，最後去咗文華東方staycation，順便book埋呢度既扒房試吓，點知結果令人失望。呢間扒房最岀名一定係威靈頓牛柳，數量有限，要預早預訂，好彩我哋即日訂都仲有貨。入到去waiter 好有禮貌帶我哋入座，又配上口罩袋，幾貼心。當日係星期日，入座率都有8成，心諗疫情下都咁好生意。 好快waiter 送上麵包同appetiser, 味道中規中矩。 頭盆揀咗oyster, waiter 推介creamy and 爽口各三個， 非常新鮮鮮甜。Cold dish另一半話好普通:(鵝肝配上red wine poached pear，yogurt and truffle，佢上菜，忍唔住嘩岀來，因為size比我相像中大，又唔會過熟，推介之作！另外另一半叫咗龍蝦湯，雖然係signature，不過就令人好失望:(，首先個湯唔濃，好淡，比起對面海間扒房差好遠，另外的龍蝦肉唔新鮮，一的都唔彈牙。好快main course 就岀現，waiter 會係你面前表現即場切開，又會問你切既比例，因為有啲女士會食唔晒，我哋要一人一半。waiter 切開後會再淋上肉汁。首先講吓佢好既地方，威靈頓牛柳本身係工序好多既菜色，一般都係扒房同西餐廳先會岀現。呢度酥皮焗得金黃，外層乾爽，無濕濕腍腍，切開酥皮又無甩皮甩骨，緊緊包住牛柳，牛柳中間粉紅色，生熟度恰好，又無岀血水，中間夾住既蘑菇醬又厚度平均，另外又伴上牛油薯蓉和蔬菜，賣相滿分。本身我哋都好期待，不過一食就好失望:(。我哋一食，咦！個皮淋既，雖然吃到濃濃既菇菌味，不過本身件牛柳略乾，要靠佢的肉汁先有味。最後甜品叫咗佢哋心太軟，雖然呢間係扒房者，但係個甜品都唔好咁求其呀！心太軟入面無流心架，只係一件朱古力蛋糕！失望到爆炸！因為book 枱時講咗慶祝生日，佢哋另外送上件芝士蛋糕，味道普通！雖然呢間扒房的菜色令人失望，不過服務真心好好，waiter 除咗介紹菜色，同你吹下水，關心下你需要，佢哋會每道菜式幫你地影相，仲要唔係求其影個隻！講真，如果未食過，可以一試，都係個句，一次就夠！…Read More

相信每個女仔都唔會對afternoon tea say no! 呢間仲要係Tiffany 海外首間分店，作為一個港女，無理由唔試吓因為疫情關係加上閒日，即日book 就有位。我哋book jor 2:30,不過2點已經去到，可能太早，店內只有幾枱客。除咗tea set 佢哋仲有西餐，不過今次主要食tea ，下次先試其他如果慶祝生日，可以同店員預約加個生日牌係tea set度。飲品就可以選擇$78內既，如果過78蚊就可以補差價。友人叫咗美式咖啡，正常味道。我就叫左no727 Tiffany blend, 店員推介款，black tea底加上rose and lavender 既花茶。 不過味道就唔係人人鐘意。我就麻麻哋，茶味唔夠濃，飲唔到rose味。 下午茶total 3層 include 鹹甜點。頂層：Tiffany鳥巢朱古力蛋，普通牛奶朱古力:(白桃奶凍配葡萄紅茶啫喱，的啫喱勁酸，同奶凍好唔夾，我淨係食咗奶凍:(杞子士多啤梨，呢個真心難食，入面有新鮮杞子，點解會甘配搭咖啡歌劇院蛋糕，好普通既opera玫瑰忌廉慕絲配荔枝啫喱，味道一般，可以入口中層：鮮蝦銅鑼燒，入面配魚子醬，海膽， 其實呢個配搭唔會難食，銅鑼燒個皮就淋哂，又凍冰冰，又硬，味道好一般 :(松葉蟹肉吐司，配蕃茄，蛋黃醬，青檸，中間最好食就係個，底層仲脆卜卜脆炸意大利飯球，配辣肉腸碎，甜椒，青瓜，水牛芝士:( 本身幾期待，不過炸過頭，內裡好乾，食到個口都損埋鴨肝醬配朱古力，味道略咸 雖然好濃鴨肝味，不過加上朱古力唔係個個人接收到，我見有幾枱客都放棄左佢蛋沙律三文治配青醬麵包，普通三文治，包皮略乾同硬底層：檸檬poppy seed scone 呢個set 最好食 清新檸檬味scone外脆內軟，配上clotted cream，無花果醬，榛果可可醬，一件唔夠喉呀相比Butter and earl grey 瑪德蓮就普通少少，整體略硬。整體來說，餐廳環境幾好，服務唔錯，會主動加水，又會幫你影下相不過成個tea set 有十幾樣野，好食嘅嘢得幾樣所以食tea set 既話，試一次好了！…Read More

因為家住附近，人流又不多，商場店鋪林立，一應齊全，所以經常在這里行街睇戲食飯，數到最有人氣的西餐廳，非Berliner莫屬，每天晚飯時段必定滿座，所以想要來食既朋友，最好book定位啦！講到德國餐廳，香港人一定聯想起黑啤同鹹豬手，冇錯！呢間餐廳都系主打呢幾樣，每次經過幾乎都會看到每張台上都一定有啤酒同鹹豬手 今次都唔例外，我同友人叫了：沙律（我忘記叫咩名了...），真心覺得呢個勁普通，只是一些沙律菜，加肉加蛋，加的醬就比你食，如果叫沙律的話，最好叫的有特色既，因為佢有好多種沙律選擇:(小豬豬漢堡包，呢個真系驚喜之作，因為一直都未試過，今次終於有幸試到，而且味道還十分不錯。漢堡包外脆內軟，中間其實系一塊勁juicy既五花腩，加上火箭菜，再配上甜甜地既醬汁（本人覺得好似蛋醬味），分量剛好，幾啖ko一個，唔會唔夠喉 因為佢唔系main course黎！最後梗系要叫番個鹹豬手啦侍應通常會問你要唔要幫你切，不過我都系中意自己搞點。鹹豬手個皮烤到十級脆，脆到會chi住你的牙，每次佢個邊都會因為太燶同太乾而唔要得，肉質亦都較亁，不過好在味道搭救，唔會得個咸字，所以都ok!另外我都見到好多人叫德國麵包，貌似好正甘，下次有機會都一定要試！…Read More

其實‘宏’都開業一段時間了，但不知為何突然一夜成名，香港人紛紛要去潮拜，要一試他們的綠茶產品。原因很簡單，因為日本綠茶風吹到香港，加上各方面不停地吹捧，香港相應地就出現了不同類型以綠茶為主的甜品店，然而‘宏’的綠茶甜品也有幸得到賞識，所以一夜成名lo 講多冇謂，試過最實際日本的綠茶甜品中，以芭菲最受歡迎，皆因大人小孩都中意。‘宏’的芭菲也不輸泄，雖然價錢小貴，八十多元，但分量很足，我一個人食唔sai！它最頂有一塊曲奇，緊接綠茶雪糕，綠茶麻糬，custard，綠茶啫喱，忌廉，栗米脆片組成，層次好分明，食既過程十分愉快，感覺一次過滿足所以願望！另外他們的卷蛋也十分出名：相比綠茶芭菲，這個卷蛋的綠茶味濃郁得多，蛋糕比想像的更為鬆軟，包住香滑濃郁的綠茶忌廉，食落一D都唔漏，掂啊！ 不過價錢小貴，三十元一件…Read More

那天在尖沙咀附近食完晚飯，剛巧經過厚福街，剛巧途徑甜品店，又剛巧有點口痕，就隨便進去了原來這間甜品店主打心太軟，我見賣相不錯，就叫了一個試試等了差不多十五分鐘，心太軟終於到了size比我想像小了一點，賣相也ok，希望味道不要令我失望吧....當我滿懷希望地界開它的時候，入面的朱古力沒有很‘潘湃’地涌出來，相反沒有什麽反應，我立即試了一口，原來心太軟不是熱的，而是微暖而已.....不過朱古力味道還是不錯的，味道很濃郁而外層的朱古力蛋糕就比較乾，整體來說它不是不好吃，只是十分普通的心太軟，如果叫主打就比較‘牽強’lo....我只有快快一口雪糕，一口心太軟比它ko掉.....很快，越夜甜品店就越多人，我只好帶著失望的心情離開........…Read More

九龍城可以說是半個美食天堂，火鍋，泰菜，甜品等等一應齊全。今次經友人介紹下，選擇了後生仔最愛的小曼谷，到底是否好吃到震，哈哈哈！那天吃飯時候大概七八點左右，正值食飯高峰時段，我們在遠處已經看到門口有一大群人在等候中。 大概等了半小時，終於可以進去了。 我們只有兩人，店員就叫我們坐在水吧旁邊，所以整頓飯我們在嘈雜的環境下度過.....我們叫了：因為我本身麻麻通菜，加上又唔中意馬拉盞味，但友人就讚不絕口，好用鑊氣，味道剛好，不會太鹹。豬頸肉燒得好香，肉質好淋（我食過有的好dry好硬），配上他們的甜酸辣汁，真系冇得頂最後因為見到太多人叫咖喱，我們又唔執輸，叫左個咖喱蝦和蒜蓉包試下大蝦真系隻隻都勁大條，同埋有蝦膏架！可惜咖喱偏甜，食芡汁多過食咖喱的感覺，有點失望蒜蓉包就普普通通，沒什麽特別，自己在家也可以整到的，甚至比它好的貨色，點上咖喱汁食，一定食到你飽我們也叫了：一點也不好飲，一點也不甜 :(整體而言，這頓飯正正常常，沒什麽特別和驚喜，環境比較嘈雜和不整潔，除非友人堅持再要去，我未必想再吃第二次......…Read More

印象中蛋包飯都算日式料理，本身香港人就喜愛日本風情，近來加上傳媒有力地報導，以致日本料理風吹到憾憾聲，四周都開日本料理餐廳，而蛋包飯就系其中之一。 數到香港人最熟悉的蛋包飯餐廳，莫過於呢間餐廳，話sai人地都聲稱自己系蛋包飯專門店wo 加上某某電視節目系甘吹谷，搞到心郁郁想試.....地點位於天后食街附近，甜姨姨甜品店旁邊，個日去到都差不多9點半，門口依然有幾個人排隊。‘wa，有冇甘多人食啊？’ 當時心想，等坐一陣就入得，一入去，坐爆人，環境都幾嘈下我們冇得選擇，被逼坐到餐廳入面，廁所附近，不過我們都冇所謂，最重要系我們看到廚房，更看到店員就甘系我們面前倒D碗碟，飯渣，被人感覺一點都不整潔 ，可能前面見唔到，但後面有人坐，咩都見到sai。一打開menu，第一感覺系價錢比想像中貴。sorry，呢個質素，但咁既價錢唔值lo，一個飯要成舊水，洗咩系度食啊，但難得一場來到，就豪比佢啦！我們叫了‘牛肉蛋包飯’ 和‘流心海膽蛋包飯’ 蛋包飯正路，牛肉飯炒過先包，屬於好難會難食料理之一，可惜蛋皮略薄，番茄汁太少，好在個飯有味搭救。到個海膽蛋包飯，本身已經貴（HKD158）如果要流心要再另加錢。店員上時會界開舊蛋，加紫菜粉比你，雖然好有特色，但味道方面認真普通，個飯冇咩味，需要配合番茄汁，BB醬先會好D，系就系食到好多海膽，但同個蛋包飯唔岩key。唯一可取地方只系個滑滑流心蛋， 但我中意牛肉蛋包飯more環境都算嘈雜，食物質素麻麻，所以快快食完就走lu。前後半個鐘搞定！唔會番噠！…Read More

行開呢頭，無意中見到有間日本餐廳，門口系甘播蘇施黃個節目。我一停下來望，oh，原來這是一間拉麵店，價錢適中，剛好又有點餓，又不用排隊（當時大概六點幾），二話不說就進去試試入進去，店面不大，大概只可容納十幾人，多人時需要搭抬。他們標榜這是一間明星拉麵店，當然唔少得明星簽名啦，全部簽名都簽系墻上，你一抬頭就可以一目了然！店員很快送上水喝menu，并作出推介，因為我第一次來:)，就叫了他們最出名的“達磨一品豚骨拉麵’ 同‘明太子雞翼’。整個拉麵不設個人喜好選擇，湯既濃度同面既軟硬度一式一樣。不過拉麵比我預期中好，會更符合香港口味。因為正宗日本拉麵個湯偏咸，呢個湯豬骨味濃而不咸，面的軟硬度屬於普通級別，但特別在於他們除了一般拉麵包含的叉燒，豚角，蔥，木耳，蛋，紫菜之外，更配上紅椒絲同明太子成本較高既食材。 更令人驚喜的地方是他們這樣的配搭令拉麵層次更豐富，更特別，令人一試難忘啊 對於特別鍾情明太子的我，唔洗講，一定buy硬啦！另外還叫了明太子雞翼翼翼屬於正常水平，配上明太子，一定不會難食，值得一提就是雞翼依然充滿肉汁，唔會炸到又dry又硬，掂啊！…Read More

有去過台灣既朋友一定知道，除了鳳梨酥，溫泉蛋等等台灣必買手信之外，雞蛋布丁亦系不少朋友手信必買清單中。之前只有台灣才有的雞蛋布丁，終於登陸香港啦。我還清楚記得以前每當朋友系fb showoff 新鮮空運回港的雞蛋‘殼’當時那種也想有得食既心情，不過現在隨時有得食lu！！地點位於永遠都水泄不通的旺角，不過不熟悉旺角既朋友可能有點難度，因為他位於行人專用區上的銀城廣場地庫內。 聽說剛開業時要排隊先有買呢！我也是看雜誌和聽朋友提起才知道（好out吧）。旺角真系幾時都甘多人，幾經辛苦終於入到商場，店鋪門前。 門面不大，可以話幾細，不過做外賣生意，所以影響不大。 他們只提供4件($58) 同9件($108)裝, 價錢不便宜，因為他們都系日日新鮮空運到港架！ 我地得兩條友，只系買了4件裝過下口癮！ 店員姐姐會詳細地解釋用咩做成，同最重要既系蛋殼系經由高溫消毒and 蛋殼內黑色點點系雲呢拿籽 ，可能有客人怕蛋殼唔衛生同黑色點點dirty 掛，哈哈！吃過既朋友應該完全唔會擔心呢個問題。店員亦會提醒客人布丁可以存放雪櫃3日。放心，我地出左個門口就會ko sai佢一吃落口就feel到淡淡既蛋味，緊接傳出雲呢拿味道，最后口中還留有奶香味，布丁雖然沒有日本布丁那麼Q同彈，但口感好滑，有種入口即溶感覺，正！布丁質感底部既雲呢拿籽可能我感覺和大部份人一樣，就系布丁一D甜膩感都沒有，唔會食到好‘漏’，要我一個人食一盒都冇問題啊！但要謹記蛋殼系‘真蛋殼’來的，如果太力扎壓會裂開架，請溫柔對待:)…Read More

位於新港既coco咖喱屋多人食就系人都知，有時可能要排成粒種先有得食tim。冇計，皆因佢價錢唔貴，味道又好咩當日我們下午茶時間去，所以等左一陣就有的入去lu，例牌叫左牛肉咖喱奄列飯（我最愛），牛肉少左的lo一上菜，香噴噴既咖喱味隨之而來，流水都留埋！ 牛肉一的都唔韌，滑蛋既新鮮又嫩滑，加上甜而不辣既香濃咖喱同白飯，真系好好味啊:)另外可以加$15跟兩樣野食，你可以選擇湯，沙律，飲品，雪糕。我選擇了凍檸樂同雪糕！雪糕冇得揀，有曲奇同草莓味，正啊！…Read More

applegreen 一向比我感覺清新同女士最愛，次次去親入面70%都系OL姐姐 同滿座。但唔知點解尖沙咀同新世紀分店陸續關門大吉，再三找尋下知道九龍城新開分店。系咪的租金太貴所以搬呢？ 比起MK 同TST，九龍城絕對唔系交通方便既地方， 但太懷念佢地了，幾唔方便都去試試。平時applegreen book位都可能full，但呢間五洗book之餘成間餐廳都幾空，原因冇咩人去（鬼咩，人流少得可憐），希望做得住啦！例牌叫了巴馬火腿蜜瓜Pizza，炸珍寶磨菇配黑松露忌廉醬同明太子意粉。 兩個人食分量剛好！巴馬火腿蜜瓜Pizza依然keep住水準，是為必叫菜色，pizza皮薄脆口，表面還有沙律菜同芝士碎，薄切蜜瓜同巴馬火腿之間還有少許醬點綴，咬落去咸咸地火腿同甜甜地蜜瓜形成強烈對比，一D都五乾，好juicy tim，中意食巴馬火腿蜜瓜呢個combination既朋友一定中意！ 不過會食到好‘ne hea’，要小心！炸珍寶磨菇配黑松露忌廉醬都系每次必叫，真系冇得頂！！炸珍寶磨菇炸到好次天婦羅咁，炸皮超薄，唔會吃幾件就好濟。炸磨菇依然系外脆內軟，超級juicy，配上黑松露忌廉醬，真系多重享受呢！每次我都‘liao’勁多醬，雖然肥，但超級滿足最后每次必叫就系明太子意粉啦！！ 意粉會附上一塊garlic bread，因為太脆關係，我都會俾人食，友人超愛呢塊包！ 明太子意粉屬於creamy系列意粉（餐牌會列明），濃郁既白汁加上明太子微辣既鮮味同魚子粒粒口感，成為我至愛意粉系列頭幾位，再滴少許檸檬汁，又令意粉味道更豐富，正！中意明太子既朋友一定like爆啊！ 食飽就帶著滿足既心情離開lu！ 希望香港可以開多幾間啦（目前得翻兩間ja）！…Read More

數到呢排最hit既野食，應該非鬆餅莫屬！ 早幾個月咖啡弄熱潮令身邊每位女士談論話題都離不開食食食。看來這股熱潮還有可能繼續。終於鬆餅熱潮蔓延至我家附近......系啊！我講緊位於太子既居盧。某某星期日既下午，我們漫無目的在太子附近閒逛，突然想起我家附近有間餐廳有好好食鬆餅，二話不說就去試試。餐廳位於大街，好快我們就到了，不過比我們想像相差甚遠，門面極富有中國特色，但餐廳入面小得可憐:(，應該坐得十幾人度，我們來到仲要等45分鐘先有得食，仲要同人搭台，都幾令人失望......不過為左試下個鬆餅系咪真系人地講到天上有地下無，死就死啦！個日天氣十分炎熱，一坐下就立即搵凍飲，三十秒就叫做個草莓鬆餅同凍朱古力！都等左幾耐下，終於野食到了賣相講真幾吸引，還有飄出陣陣香味，超級喜愛草莓既我都望到流口水 個鬆餅熱辣辣，烘到外脆內軟，咬落真系又鬆又軟，加埋酸酸甜甜既草莓醬同煉奶，真系滿足到冇得彈，我好怕食鬆餅食到口乾，但呢個唔會有呢個感覺，因為個分量足夠到令我每一啖都吃到草莓醬，雪糕同鬆餅！！！ 可惜草莓略酸，不過加埋的醬，煉奶一起食既話還可以接受（甘樣一定會好食）。之後杯凍朱古力勁失望，唔知佢地以為客人未飲過凍朱古力定偷工減料，我好肯定呢杯唔系凍朱古力lo，我200%肯定呢杯系奶水，冇朱古力味都算，仲要啖到系奶加水的冰多到覆蓋左半個杯，個刻真系火滾！ 其他人講到D咖啡幾好飲都冇用，一間好既餐廳應該要每樣都好吃架嘛。服務態度麻麻，都幾唔情願做你生意甘。的位又逼，坐得勁五舒服，，最重要系價錢一D都五平！！！拿拿林食完就走了。…Read More

因小妹中學系附近就讀，對天后唔多唔少都有特別情感（幾多回憶下），但之後有幾年未踏足過這片土地。終於因友人既提議下重遊舊地 ，特別選擇了一町目食晚飯。有五年冇去過，居然同以前一模一樣，好懷念 ，一般情況下都五洗點等位既，但假日最好打電話book定會好的，因店面都五系好大，有sushi bar 臺！佢地既set dinner幾出名，因為之前次次都食牛肉火鍋，今次就試下個刺身定食啦！他們會配以白飯，沙律，味增湯，蒸蛋。我幾中意個沙律，個汁酸酸甜甜好開胃，但味增湯麻麻，偏咸，我唔太喜歡。好快蒸蛋就到！本人超喜愛蛋料理，這個蒸蛋認真不錯！味道剛好，好滑，入面例牌有菇，雞肉，新鮮蒸好上菜，確保熱辣辣！吃完前菜冇耐，正餐就來了分量唔多，但加埋飯食，都幾飽肚。刺身件件都好新鮮，冇腥味，不俗！ 另外友人叫了銀鱈魚定食，一樣有白飯，沙律，味增湯，蒸蛋。鱈魚燒得剛剛好外脆內軟，淋上燒汁，加上豐富既油脂，食落去簡直一流啊 ！碟邊附上蛋黃醬，食落又系另一種感覺，正！另外我們叫了燒牛舌牛舌有兩串，每串有3塊，每塊都幾厚下 ，五次其他店切到好薄.....碟邊附上黃芥末，令厚燒牛舌更加有層次！就甘食又得（表面有黑椒鹽調味），加埋黃芥末亦得，得左 XD之後食埋個迷你雪米池，就好滿足離開了 <3最後附上小短片以供參考…Read More

如果唔系幾個月前來吃過buffet，都唔知原來30樓都有間餐廳，仲要個景系勁靚tim！上網見到D人話呢度有幾靚，搞到自己都心思思要來試！ 上到去大概7點，得小貓三四隻，個天已經黑sai， 勁有feel啊！呢度系有酒賣既餐廳，wine，beer，cocktail，咩都有。可以選擇坐出面or入面， 我就當然坐出面啦，有靚景啊嘛！ 因為系露天餐廳，所以系可以食煙既！ 如果想飲下酒，煲住煙談心既朋友，呢度系唔錯既地方 我們叫了$388燒烤盤加2杯wine or beer 餐。 等左幾個字，就上菜了（即燒架）！個燒烤盤有帶子，大蝦，雞翼，肉串，牛扒，施華力腸等。帶子同大蝦燒得剛剛好，唔會太咸or冇味，味道好香，見到都流口水啊，個蝦頭仲有膏架！雞翼都好正，燒到外脆內軟，加上淋左的蜜糖，真系食緊‘蜜蜜燒雞翼’啊！肉串有雞肉同牛肉，雖然肉串本身有味，但加埋個沙爹醬，冇得彈！施華力腸就正路，一定唔會唔好食。牛扒就咸左小小！加埋beer 一起食，真系勁滿足！食完燒烤盤就吹左陣水，見到越來越多人上來飲野，而大部份都叫cocktail，我們都叫杯試下啦！價錢都系$6X， 因為太多選擇，我都唔記得叫左D咩  , 只系記得一杯有pear， 味道清甜，感覺好清新！ 另一杯有菠蘿，味道濃D，heavy D，兩杯都好好飲！又吹下水，好快到9點幾，見有d口痕，我們又叫左個甜品試下！ 冇計，女仔系咁架啦！呢個真系驚喜！ 價錢$6X, 分量都幾大，一個人可能太多，兩個人食剛好。 個souffle感覺好輕柔，鬆軟，口感軟綿綿，又唔會太甜，加埋個icecream，猶如‘冷靜與熱情之間’呢！好快就KO左個甜品，就帶著滿足既心情離開lu！…Read More

我相信一講到甜品，唔會有女孩子對佢‘say no！’  有留意電視飲食節目既朋友都唔會對呢間餐廳陌生！因為系附近食完飯，已經差唔多到晚上十點，店內只有小貓三四隻，所以店內有勁多空位，不過都系大檯，但咁樣店員唔比我地（兩個人）坐門口附近（舒服的），要我地左坐系角落頭度，感覺衛生好差，空氣唔好，成個feel即刻差左！！！  因為已經食到勁飽既關係，我們只系叫左個懷舊粒粒雪糕(HKD28)同栗子拿破崙(HKD40)。一講到粒粒雪糕，就回想起小時候七彩繽紛粒粒雪糕，依家真系冇咩地方有得食了。 所以系必叫！唔講唔知，粒粒雪糕其實系分子料理來架！咁樣成出來既雪糕因為大大縮短液體結冰既時間，所以會比一般雪糕口感更滑架！ 通常叫呢個都要等10分鐘，比時間佢地即製啊嘛！ 好快雲尼拿粒粒雪糕就整好lu超愛粒粒雪糕既口感，好像食冰既感覺，冰感十足，但一入口，雲尼拿同牛奶味即刻系口裡面湧出，好爽啊！ 夏天冬天食都一流！當然，作為一間創意甜品餐廳，要令你有驚喜，凈系咁系唔夠架，你食落去會發現，佢地仲加左--->‘爆炸糖’。系啊！你冇聽錯，入面黑色勁次朱古力既野就系爆炸糖，完全貫徹店名'black and white'的風格。除左一般粒粒雪糕入口‘爆’既口感之外，仲加埋爆炸糖更加‘爆’既威力，完全令人一試難忘啊！好啦，食完咁開心既雪糕後，就食個蛋糕lu不過個蛋糕真心令人失望:(，我都系聽人話個拿破崙有幾鬆化好多層次先試，但事實並非如此.......講真，個賣相系真心靚同吸引的！ 欣賞過後，當我想‘分開’兩份既時候，先知賴左野。 塊所謂鬆化可口既酥皮好硬，硬到差的咬唔開，最後我要令起塊酥皮先可以食到個拿破崙，但就冇左個所謂既層次。個custard加埋pat cream同蛋糕味道都不錯，但栗子味唔系好出，唔次食緊栗子蛋糕。雖然分開食都得，但咁樣仲系叫食緊“栗子拿破崙”咩？唉.....我見人地話呢度既朱古力同fro yogurt 都好食，下次有機會會再來試，希望會令我驚喜啦！…Read More