keithyung2014's Profile

我哋所叫嘅係 兩份餐柴火雞 & 織金竹笙烏雞椰小盅. 我感受到隻雞死得好慘, 可能佢死嘅時候係80歲, 仲老過我阿媽煲嘅"湯渣", 還記得三隻中指咁長嘅雞槌, 我諗老闆經營生意一定有一點困難. 中間仲有一條好長嘅菜心, 咬落去淋patpat冇菜味. 紫薯飯方面, 始終"健康飯"都未必咁好食, 不過尚可改進嘅地方喺啲飯應該唔好凍冰冰, 同埋軟一啲會好啲。 如果你問我燉湯係點, 這個還可以. 我都認同不加然比較淡反而會健康啲, 椰子味比較重, 烏雞味道不太明顯. 五十幾蚊細細盅, 我都覺得OK, 始終喺誠品隔離租金都比較貴。最後, 我永遠都唔會再去呢間, 完。…Read More

叫得為食魚, 個感覺一定覺得食完條魚會令到自己好為食. 當見到條魚嘅價錢之後, 就知道原來係個老闆好為食, 收人三百幾蚊鯇魚。 咁冇計啦唯有叫辣雞煲。一上菜, 望一望見到隻雞好實, 就夾一嚿嚟試下, 點知隻雞 好似四十幾歲咁, 老到柴皮, 雞煲嘅醬汁, 冇香味, 毫無辣味, 淨係將一樽蠔油倒曬入去, 得個鹹字, 一隻雞嘅份量, 好似得一半多少少, 呢間嘢唔識煮雞煲, 點收人哋二百幾蚊隻雞. 室內冷氣潔淨程度尚算合格, 啲夥記都OK. 呢間係我有生之年食雞煲都算係最差嘅一間. 如果佢喺Foodcourt開檔, 只要將個水準預期降低, 食完你都一定會容忍唔到炮轟佢. 最後我打賭一年內一定執笠. 希望佢畀啲良心做生意, 唔好日日坐喺度發牛豆. 講完! …Read More

叫咗個All Day Breakfast, 真係有啲喜出望外, 首先個煙肉, 每一塊厚切, 用料十足, 但漏得滯, 頂層嘅脂肪令到成碟都係油; 配搭兩條粗身豬肉腸, 錯誤地選取太過肥膩嘅腸仔, 食到成口都係油. 炒蛋有啲似塑膠產品, 真係整得好老. 塊麵包有啲事宜家傢俬, 擺喺雪櫃嘅麵包, 完全冇咗麵包嘅質感. 最後幸好係番茄同冬菇幫咗佢好多, 可能佢哋出世已經好優質, 食落都還可以. 指令我叫咗個冬陰功鮮蝦意粉, 蝦身體背脊黑色, 食落還可以, 不過唔可以叫好食. 冬陰功味道比較單一, 筲箕灣有一間餐廳食冬陰功意粉層次咁畀佢重. 最後就係價錢, 上面嗰個138蚊; 下面嗰個128蚊, 仲要有加一服務, 雖然服務員態度好, 樓底亦都高, 但係冷氣唔夠, 有d熱, 經過今次我絕對唔會再來. 由於可能係西半山嘅關係, 所以價錢一啲都唔平, 性價比差. …Read More