amandaatang's Profile

轉咗地址之後無論環境定食材都升級咗✨為咗對比吓新舊店嘅質素，再試返佢哋嘅鳥海山鐵板餐，價錢同以前一樣，冇加價喎 ($1198)是日精選剌身總共有四款剌身，每款兩片，店員會推薦食用順序，都係時令嘅海鮮款~全部都好新鮮，唔係連鎖迴轉壽司店嘅質素，包括:- 帶子- 石垣鯛魚- 間白- 油甘魚鮑魚鐵板燒 - 食落爽口，唔痴牙- 總共兩隻，每隻有四塊厚切片龍蝦鐵板燒- 份量好多- 調味出色- 原殼上，店員推薦挖埋殼入面食鵝肝多士- juicy多汁- 完全不膩牛肉薄燒 - 入面包住蔥- 肥瘦均勻 (最怕太肥)- 啖啖肉、多汁櫻花蝦炒飯- 夠乾身，粒粒分明- 多櫻花蝦，有蝦味野菜- 調味落咗蒜粒- 滿滿一盤，一定夠飽甜品仲有兩粒雪米糍高興見佢哋轉咗新址之後多咗客人，平時lunch set都好抵食，想食鐵板燒的話推薦呢間✨…Read More

去完日本旅行之後對日本菜念念不忘，喺香港食返高質嘅日本菜都唔係咁簡單，今次就嚟咗瀧宴試下佢哋嘅dinner tasting menu，順便慰勞下努力工作嘅自己🙏🏼餐廳嘅位置喺Sugar+26樓全層，入到去發現現場只有~10個bar檯位，人少少好舒服，每個位都可以望到師傅處理食材1. 自家醬汁煮南非鮑魚- 大大隻，切開4件- 蘿蔔入味- 味道唔會太甜/太鹹2. 季節剌身- 雕魚、鯖魚、拖羅- 細心提示食用順序，每款剌身配唔同醬增加層次感，而且可以減輕魚嘅腥味- 每片都好有份量，拖羅冇筋👍🏼3. 金鎗魚腩手卷- 原來係蔥拖羅壽司- 但係配合糯米+日本和菓子威化餅，好特別嘅組合4. 海鮮茶碗蒸- 上面淋咗蟹肉醬汁- 蛋夠滑5. 澳洲龍蝦- 用龍蝦膏去炒- 每人足半隻開邊龍蝦份量- 肉質細嫩唔會癡牙6. 香煎鵝肝- 鵝肝好肥美juicy，厚厚一片- 好有心思地配襯入口清甜嘅日本黑豆，食完鵝肝可以解膩繼續食其他菜式🥰7. 厚燒+薄燒牛柳- 同朋友去就可以試晒厚燒同薄燒- 一如既往，肉質唔會痴牙- 個人更推薦薄燒8. 季節吸物- 店員介紹係鮮熬嘅鯛魚湯- 味道濃郁，湯料有山藥9. 煙肉香蒜炒飯- 中規中矩~10. 炒雜菜- 同炒飯一齊上- 呢一日就係芽菜同香菇為主，比較清爽，作為最後一道菜好適合11. 甜品- 寒天配巨峰提子汁- 醬汁食落感覺有酒味，唔會似小朋友啫喱~一開始睇menu又唔覺咁多嘢食，點知逐道菜式上菜嘅時候原來都好飽肚😂，男仔完全唔駛擔心唔夠飽！整體餐飲體驗好好，食材品質高之餘店員態度都好友善，好適合同一兩個朋友嚟嘆下~…Read More

好耐之前嚟食過一次，嗰陣已經覺得幾高質可以再二刷，點知今次嚟食再高質咗同抵食咗🥹🫶🏿忍唔住要即日寫返篇好評！依家佢哋出咗個day menu $98 (加一)，salad + main + dessert/soft drink如果又想食甜品又想飲啡可以用跟餐半價優惠order飲品，大部分大概$20-30就有一杯，好抵食🥹🥹Cheese Burger- 作為芝士控表示好滿意- 唔係得個樣，芝士味好濃- 入面塊牛肉漢堡扒、薯條都好好食Grapefruit Expresso老闆娘(?)好好傾，感受到佢好熱愛美食最近天氣熱到中暑，我同朋友滴晒汗咁入去，老闆娘默默地放低部手提風扇比我哋吹🥹絕對會再食啊！…Read More

原來尖沙咀嘅韓國街附近有間高質居酒屋！採用木系裝修，餐具配襯好有心思，係令人舒服嘅用餐環境，好適合同朋友飯聚/淺酌！和風紫菜魷魚鬚 $88- 份量多，做佐酒小食一流- 魷魚鬚唔會韌，輕易咬得斷- 炸粉唔會太厚，食到紫菜味自選燒鳥串燒 (3款) $108- 揀咗雞肉、三角雞軟骨串、免治雞肉棒- 雞肉唔會柴，最欣賞免治雞肉棒，口感彈牙- 價錢方面三串嚟講有少少貴🤏🏿明太子玉子燒 $72- 微甜- 好軟綿綿，口感一流明太子蟹籽蝦冷烏冬 $118- 配料有3隻大蝦，蟹籽份量適中- 欣賞餐廳選擇用嚟入饌嘅烏冬，口感煙韌，絕對唔係嗰啲cheap cheap烏冬成口麵粉- 份量都幾飽肚白桃梳打 $48- 正常發揮，唔會太甜- 冇化學藥水味，而且唔會化學元素表咁嘅色，感覺比較天然值得一提呢間餐廳服務態度非常好，已經好少可喺香港地會遇到啲咁主動serve顧客嘅餐廳🥹職員見我哋就嚟食完會主動提供牙籤，仲主動refill配魷魚鬚嘅沙律醬添🫶🏿嚟呢度食飯絕對唔駛受氣～推！…Read More

Royal Inn喺尖沙咀The One入面，出名裝修華麗，打卡一流，最近仲新出咗日式綿綿冰添，就過嚟試下佢哋嘅晚餐平日晚餐都係睇返All Day Menu，就試咗意粉、牛扒同甜品意大利風乾煙肉蕃茄意粉 $138- 擺盤精緻，份量適中- 意粉汁有粒粒蕃茄肉- 意粉偏硬身，唔會腍啤啤- 煙肉足料，有咬口炭燒8oz安格斯裙柳牛扒 $298- 熟度order咗medium，出到嚟合適，唔會過熟- 切好上，大概有9-10大塊- 牛扒上面已經灑咗海鹽吊味，另外都附上牛扒汁- 肉質軟嫩- 配酸忌廉焗薯，焗薯值得一讚，好少餐廳連配菜都咁認真，配以酸忌廉上，而且原個薯仔切咗好多薄片去焗，食落有酸忌廉薯片嘅感覺～綠茶綿綿刨冰 (green tea kakigori) $108另外有雜莓、蜜瓜口味，都好吸引- 好少餐廳有得order刨冰類甜品，今次試嘅綿綿刨冰有驚喜- 配料包括: 雲尼拿雪糕、綠茶寒天、麻糬、紅豆，特別係綠茶寒天淡淡茶香- 冰底應該係牛奶冰，本身跟一小杯濃縮綠茶汁上，自己淋上去，就可以自行調較濃度~- 份量都幾大，適合3-4個朋友分享~…Read More

鳥海山鐵板餐 $1198 (加大龍蝦+$80)個set有沙律、是日精選剌身、活龍蝦、活鮑魚、鵝肝多士、牛肉薄燒、野菜、櫻花蝦炒飯、味噌湯是日精選剌身總共有四款剌身，每款兩片，店員會推薦食用順序，都係啲平時壽司店好少有機會食到嘅海鮮款~包括:- 苙貝: 脆口，唔癡牙- 平目魚: 佐以昆布酸汁- 蓮子鯛: 炙燒，香口- 油金魚: 厚實，唔腥四款剌身用唔同方式簡單調味/製作，難得一見有心思嘅剌身拼盤，而且唔會有腥味/雪藏味活鮑魚 - 食落爽口，唔痴牙- 總共兩隻，每隻有四塊厚切片- 調味剛好大龍蝦 (+$80)- 肉質厚實 - 醬汁濃郁- 原殼上，方便龍蝦控挖埋殼入面食~鵝肝多士- 多汁- 完全不膩- 本身冇乜點食過鵝肝，以為係好粉好濟的，點知好juicy牛肉薄燒 - 包裹滿滿的蔥- 肥瘦均勻- 啖啖肉、多汁櫻花蝦炒飯- 粒粒分明- 多櫻花蝦，有蝦味野菜- 落咗蒜粒，香口整體鐵板燒嚟講唔算油膩，剛剛好，店員上菜時會介紹每道菜色，推薦大家去試鐵板燒小店啊~…Read More

觀塘捐窿捐罅會揾到好多小店，今次就嚟試咗呢間燒物專門店串燒屋依家做緊2.5小時任飲任食，平時放題都係一個鐘起兩個鐘止，呢間就鬆動啲，5人以上仲加到3.5小時添!!同一般放題一樣，除咗主食之外，仲有自家製甜品、冷盤、飲品任攞，仲有個牛奶公司雪糕櫃添~佢哋餐廳嘅特色係自轉串燒，一串串放上個爐上面就會自動翻轉，一路燒肉一路同朋友傾偈都唔駛擔心忙住睇火，而且店員見我哋啲串燒開始出油，都會細心提醒可以食喇~主食就分三大類：串燒、網燒、炸物基本上海鮮、豬牛羊、丸類都應有盡有特別推薦佢哋嘅炸物，香芋地瓜丸同脆皮香蕉都好好食~…Read More

今次dinner時間嚟到工業風嘅Burgeroom食美式burger特量芝士牛肉漢堡 $115- 漢堡如其名，唔止芝士特量，成個漢堡份量都好大件，配正常漢堡有嘅內餡：蕃茄、生菜、千島醬- 話明特量芝士，啲芝士真係多到好似瀑布咁，而且溶咗之後鋪滿成塊牛肉，好滿足- 牛肉特厚，保守估計起碼有1.5cm，啖啖肉，而且唔乾唔柴，唔會食到好口渴菠蘿燒烤醬牛肉漢堡 $98 (加芝士 +$10)- 份量一樣大大份，絕對食得飽- 內餡同其他口味一樣，配生菜蕃茄，本身配埋生洋蔥，但朋友唔食洋蔥，同職員講聲就可以走咗佢~- 菠蘿夠juicy，食落味道好夾牛油果醬芝士薯條 $68- size一樣大大份，兩個人share就會好啲~- 薯條厚身，粉漿薄- 芝士份量好慷慨，多到可以每一條薯條都沾滿芝士，芝士控絕對要試啊- 牛油果醬好fresh，感覺係原個牛油果打成做醬，食落無添加~荔枝冰茶 $38- 飲到荔枝肉，唔係淨係水果糖漿- 甜度適中推薦去開附近行街嘅朋友嚟食，餐廳仲做緊lunch burger combo優惠，加$30就有薯條同飲品，好抵食…Read More

芝士吉列豬扒 $68 (午市定食)- 份量多，有五大舊豬扒，定食跟白飯+味噌湯，我一個女仔就食唔曬- 吉列豬扒嘅炸粉好鬆化，唔油膩，用呢個價錢食到呢個質素嘅炸物幾驚喜- 芝士拉絲，豬扒邊都有，唔偷工減料~- 白飯雖然話係珍珠米，但食落感覺普普通通~是日冰紅茶 (+$6)- 荔枝冰紅茶，夠大杯消暑~明太子雞翼配醬油湯巑岐烏冬 $64- 份量相對輕盈，跟餐有兩隻雞翼- 雞翼冇骨，唔油膩- 明太子微辣，幾惹味溏心蛋 (+$8)- menu寫明使用「新紀元·曉」嘅雞蛋，放心衛生進食~- 蛋味食落就唔覺好特別~總括嚟講，午市定食呢個價錢食到呢個質我覺得算唔錯，會回頭!…Read More

上沾麵之前先上一細碟小食，係紫菜包天婦羅脆脆，店員會提示你卷起佢食，幾新奇蝦汁醬油沾麵 $79- 個人認為食過性價比最高嘅沾麵!!- 沾麵一上檯嘅時候，見到湯嘅面層有層油喺上面，朋友有少少嚇親😂😂- 湯食落好濃郁，本身沾麵冇乜味，所以沾咗湯之後岩岩好，鹹淡適中，而且温度保持得好好，通常沾麵湯底愈食愈凍，就會好油膩，但呢間嘅湯底夠熱- 沾麵軟硬適中，份量唔太多，岩岩好夠飽- 配料有一隻切半溏心蛋、兩片叉燒、幾片荀片、些少櫻花蝦、蔥花- 叉燒半肥瘦，食落有驚喜!!燒過之後好香口，好好食!!- 溏心蛋就建議唔好留到最後先食，會溶咗xd-鑑於一般嘅沾麵都$80起跳，呢度$79就食到signature嘅沾麵，絕對值得去試下~另外店面雖然的的式式，但好有日本小店嘅味道，係唔錯嘅飲食體驗~…Read More

抹茶麻糬包 $35- 包體係抹茶麵包，面頭有啲墨西哥包嘅脆皮粒粒- 內餡係抹茶奶酥+牛奶麻糬(?)，餡料份量多，連頭尾兩片嘅麵包都食到麻糬，抹茶奶酥味道平均，唔會過甜- 唯一美中不足係舖頭冇提供切片服務xd，自家大約切到6-7片肉桂卷 $12/1; $22/2 (可配搭其他款式)- 每次去享樂必定encore嘅款式，個人最愛!!- 肉桂內餡多到痴住曬喺張烘焙紙上面@@，大滿足- 知道肉桂口味唔係人人都承受到，但呢款係豐富得嚟肉桂嘅香味又唔會太濃烈- 只可以話$12真係好抵抹茶紅豆蛋糕 $12/1; $22/2 (可撘配其他款式)- 配搭肉桂卷一齊買，$22就試到兩款- 望落細細個咁，但份量重手，底部會見到好多紅豆粒粒- 味道中規中矩，冇咩特別驚喜～…Read More

如果Cookie Vission開喺屋企樓下，一定個個禮拜都買嚟食QQ上次嚟有個uncle店員好好人好敬業，唔會迫你買多幾個焗住要有個盒裝住，我淨係買一個佢都好明白，大家如果食唔曬淨係order一個都不必怕羞🫶🏿Matcha Latte $45- 表面灑咗一層抹茶粉，上面toppings再放咗粒一開二嘅marshmallow，非常吸睛- 入面驚喜地係matcha lava流心餡，一切開就係滿滿嘅抹茶醬- 抹茶味回廿，對抹茶控嚟講好滿足🥰- 面頭嘅棉花糖岩岩好中和咗抹茶嘅少少苦味，又唔會甜到膩，好欣賞佢嘅配搭同用料份量🫶🏿Mini Oreo Donut Balls (10pc) $55- 個人認為好抵食，每粒都沾滿oreo碎，滿足感max!- 冬甩包體唔駛多講，咬完落去會回彈，動L動L🫶🏿…Read More

本身想試焦糖燉蛋，但發現呢隻味冇得walk-in，同樣想試呢隻味嘅朋友記住要pre order咗先喇~肉桂波波 $28- 目測5-6粒 (食完先發現唔記得數xd)，每粒嘅size大概細過乒乓波少少🤏🏿- 口感紮實，有少少彈牙，唔會係出面麵包舖用麵包當冬甩咁嘅質感- 肉桂糖份量適中，唔會太多太少，但同樣肉桂味唔係特別特出- 會形容為入門版口味，如果諗唔到揀咩味/鍾意食original嘅口味，可以pick肉桂波波試下個冬甩texture啱唔啱口味🫶🏿…Read More

午市7折優惠進行中，性價比好高!!五目九宮格盛盒 $328 (7折)- 份量兩個人食岩岩好，主要7格都係牛/和牛（厚切牛舌腩、A4和牛、壺漬牛肋肉、蔥卷牛舌等等)，其餘兩格就係豬、雞（味噌五花腩、柚子雞肉）- 每個部位嘅和牛都好好食，油脂分布平均，食嘅時候真係有去咗日本嘅感覺紫菜月見飯 $28 (7折)- 日本產雞蛋，放心撈飯食- 加埋和牛送飯，大滿足!Sapporo啤酒 $48- 買一送一，平均廿零蚊就有一大杯，配燒肉食一流!總括嚟講成個用餐體驗都十分之滿意，我哋二人同行獲安排坐bar檯，但其實bar檯都好闊落，最估唔到係餐廳通風做得好好，第一次食完燒肉唔會成身bbq味…Read More

平日下午一點幾開始排隊，以為前面得幾個人好快排到，點知一等就等咗一個鐘，除咗排隊等落單之外，仲要等食物即叫即整，排到落單嘅時候先知好多款已經停售/售罄，但舖頭告示嘅資訊實在太唔統一，建議牆上嘅menu都貼啲label話俾排緊隊嘅人知仲有咩款可以揀。傳統刈包加柚子醬 $42- 滷肉有少少令人失望，睇圖以為係厚切滷肉，原來係切四、五片上，肥肉多- 花生碎混合咗柚子醬，塗滿成個刈包，配撘滷肉係幾清新嘅，但食到最後就嫌醬料太多- 整體份量中規中矩，如果唔駛等咁耐，會回購抹茶忌廉芝士壓餅 $35- 份量足，皮薄，內餡係滿滿嘅抹茶忌廉芝士- 對於一個抹茶控嚟講，抹茶嘅濃度未係話好滿足，食落好似出面麵包舖嘅抹茶芝士撻內餡一樣，唔太突出，但如果唔係追求抹茶回甘果種，就會覺得幾易入口都係果句，值唔值得排咁耐去試，就真係見仁見智喇。:)…Read More