tszyan lee's Profile

由細到大住係沙田一直都知金城小廚好出名，今次難得帶埋屋企長老試下佢地既手勢，夜晚6點左右到已經要等位，大約等左半個鍾頭左右就有位喇，雖然位置唔算闊落但都叫做舒服的～一坐埋位，侍應姐姐就送左幾碗湯，服務一流。另外今次叫左幾樣餸質素都唔錯！咸魚煎蓮藕餅，咸魚味唔算好出，但勝在大大件，煎得好脆，好岩小朋友食呢百花裂茄子，一上到枱就覺得好震撼，大大碟，茄子同墨魚肉配搭得恰到好處黃金蝦球，呢碟菜式好出色，食2落好濃既咸蛋黃味，正…Read More

一直都知道石門食店林立，餐廳種類眾多，今次來到這間西餐主要是在餐廳門口看到餐牌價錢比較其他餐廳相宜，而且餐廳裝潢亦很舒適，實在適合一個人靜靜地吃飯呢～點了“招牌重芝士鮮茄豬排焗意粉”，餐牌上看到招牌和重芝士的字眼就很雀躍，焗意粉即叫即做，一上枱時熱騰騰，豬排和意粉比例剛剛好，分量十足，整體來說這個價錢對得起質素，下次必然會再點！…Read More

今次黎到怡和大廈既food court，餐廳林立，好多選擇，有中餐、日餐、西式、印度式等等，食客都好多元化，有不同國藉的食客，完全體現出香港是一個國際大都會。今次來到這間食店主要是同事極力推介，他說喇沙湯底味道濃郁，是必點的菜式！首先，跟平常的food court一樣，雖自行走到所屬餐廳先點餐，侍應是外國人需以英語點餐。娘惹喇沙，同事果然沒有介紹錯，湯底十分濃郁，配料亦十分多，分別有大蝦、雞蛋、豆腐卜、雞絲！慳價錢確實有點貴，午餐加上一杯凍咖啡盛惠158大元🥲…Read More

黎到九龍灣食lunch，朋友介紹呢間好出名既酸菜魚，但今次食既係口水雞，原因係見到隔離枱既口水雞睇落好唔錯，一上到枱當然係好唔錯，今次配左紅薯粉，湯底有有許味精感覺，但唔口渴都合格的，口水雞份量算多，雞件都幾滑，啖啖肉，好足料，伴隨仲有唔少花生，好開胃，讚讚讚👍🏻👍🏻👍🏻…Read More

每次出街諗唔到食咩，第一時間都會諗起euro gogo，點解？！因為性價比高之餘，仲要坐得都幾舒服，今次黎到沙田行街，緊係要幫襯呢間euro gogo啦～～～蜜糖雞翼一如既往咁好食，大隻雞翼，配上滿蜜糖，真係好好食🤤千島海鮮pizza(半份）雖然只有三塊，但勝在味道唔錯，千島醬同海鮮好夾，個簿餅底好脆，絕對唔會食一件就飽鮮茄磨菇腸仔意粉每次都必點，茄汁味好濃，好多磨菇同腸仔，意粉焗得岩岩好，一點都唔乾…Read More

每次經過尖東，都想一嘗佢既片皮鴨，今日終於有呢個機會喇！今次試左個二人套餐，見到種類同份量都惹少，用指定信用卡會有特別優惠🤤花雕醉雞🐓對於二人份量黎講，都算幾多，兩個人份2到五六舊，雞件好滑，酒味好重。北京烤鴨（片皮鴨）半隻份量🦆烤鴨皮同鴨肉既份量一半一半，每一塊皮都可以夾一皮一肉，啖啖肉，麽麽皮既份量略嫌唔太夠霸王山莊揚州炒飯呢度既招牌炒飯，每次黎到必點的菜式，份量好足，每粒飯都好有質感，會想食完一碗又一碗，哈哈。…Read More

睇戲前唔算肚餓就入左敏華搵野食，本身想食個菠蘿油同蛋撻，點知兩樣都賣晒，最後叫左一人邊爐同屋企人兩份分喇湯底：蕃茄湯底配米線配料有手打牛肉、芝士竹輪、金菇同大量娃娃菜兩個女仔食其實都好夠，湯底好濃，一啲都唔咸，讚…Read More

行經旺角，間間餐廳都要排隊，嘗試係openri ce訂位又搵到呢間，放工咁肚餓所以就入左去試喇，環境係唔錯的，位於朗豪坊food court旁，當晚唔算多食客，坐得都算舒服。涼拌蒿荀絲+土豆絲本身叫左酸辣小木耳的，但黎錯左，唔緊要啦照食，兩個平平無奇的小食，份量唔多，過咸什錦小籠包餡料好鞋口，根本食唔出係咩味，唔多掂😅酸菜魚呢個酸菜魚係敗筆，滿心期待，點知淡而無味好似用水滾完就算，好失望楊支甘露沙冰+酸梅湯無乜特別的飲品…Read More

香港地無乜食店有提供冒菜，烏蠅館一直都好出名但咁耐以黎都無試過，難得今次行經烏蠅館，lunch hour 都係等一陣就入得，當然要試一試佢啦，食店裝修古色好香，好有老香港既感覺😋外婆麻辣鹵豬大腸飯 $48lunch黎講算唔錯，不過不失，豬大腸啖啖肉，非常惹味，份量對於女仔黎講岩岩好，十分推薦🤤…Read More

今次帶好耐冇返香港既朋友行旺角，行到攰就見到呢間環境好日系就好自然咁入左去，一望到就覺得好chill好relax既PHI coffee & Pancake，呢間cafe環境CP值十分高，一睇就知係打卡專用由於唔係好肚餓，皆在都係同朋友坐下，所以叫左杯hot latte，面頭仲有拉花，味道方面，一飲就好濃既咖啡味，同一般連鎮店既咖啡好唔同另外朋友叫左呢件士多啤梨紅絲絨蛋糕，食落都算有層次，不過不失，下次應該都會再點…Read More

呢間食店位於人流好旺既葵涌廣告場，每次經過都坐滿食客，難得今次唔使排隊緊係即刻衝入去，呢間食店主打砂鍋雞麵，所有麵都係用砂鍋上，非常熱辣辣，枱枱都見到人叫呢個招牌🤤砂鍋姖松茸蟲草花螺頭花菇雞配刀削麵🐔朋友叫左呢個麵，湯底超級濃郁，好重松茸味，花菇同姖松茸巨量，食極都仲有，雞都好滑，刀削麵咬口唔會過硬，整體唔錯砂鍋花膠雞湯翅配米線🐔一上枱好驚喜，竟然有隻大雞脾，一如概往的好滑，花膠大大塊有2-3塊，湯底有金華火腿好濃好濃，雖然食完好飽都飲晒成碗湯，正…Read More

爸爸比較喜歡中菜，所以今次特登揀左左呢間中菜廳滿小館提早同爸爸慶祝父親節，位於尖東，都算方便，餐廳裝潢都好得體，當日都坐滿食客，點左幾個小菜都好高質，屋企人表示滿意🤤🤤🤤冰鎮甜酸豬爽肉好適合打卡既小菜，一上枱就出晒煙，味道不過不失脆米柚子蜜蝦球脆米通炸到脆卜卜配上甜甜既柚子蜜好惹味，再加埋大大粒炸蝦球，讚👍🏻懷舊鳳尾蝦多士蝦多士唔係度度有得食，滿小館既蝦多士好值得推介，未食過咁好食既蝦多士，唯一缺點係貴，可按人頭落單，下次再黎食一定會再點…Read More

星期日同屋企人本身想試大圍名物-大圍小館，點知一黎到落一雨不特止仲大排長龍，眼見隔離粵軒唔使排隊，就試下喇（但聽屋企人講原來粵軒平時都大排長龍，閒閒地都排一個鍾😂）個個都好肚餓，所以叫左個飽肚既炒麵，豉椒牛仔粒煎米粉，呢個真係有啲驚喜，牛仔粒好大粒，好嫩口一啲都唔鞋，都好巧師傅功夫，米粉煎都好香口，好香脆，岩晒後生仔食，個醬汁洽到好處，同個米粉好夾，一黎就清晒😆 但唯一美中不足係份量比較少，如果份量再多啲就好喇…Read More

同朋友係沙田shopping行到攰攰地，經過見到唔使大排長龍既simplylife緊係食個tea先啦，期望不大，皆在搵個地方坐下休息下☕️士多啤梨芝士蛋糕🍓🍰賣相真係打卡一流，士多啤梨份量唔少，芝士蛋糕同士多啤梨中間有一層好厚既鮮忌廉，中和左芝士蛋糕既濃厚口感，每一啖都食到士多啤梨同蛋糕，味道唔錯，但唔會令人下次再想order😄…Read More

半夜想食宵夜竟然比朋友搵到呢間會開24小時既茶餐廳，竟然夜晚十一點幾都仲營業一入到餐廳就比裝潢吸引住，仲要每一枱都有客人，原來都有人同我地一樣會半夜口痕食茶記😆一入到去緊係order名物蘋果批，但店員同我地講一早已經賣晒，雖然係咁但店員都推介左其他菜式比我地，服務唔錯🙈茄汁焗豬排飯🍅🍚店員表示呢個係招牌，當然要試一試啦，一上到枱已經覺得好舊香港，同一般連鎖快餐店既焗豬好唔同，醬汁微酸但惹味，配上炒飯底，粒粒分明好惹味，豬排好大塊，就算焗左都有香脆既口感…Read More