平凡中的幸福滋味's Profile

早放工有時就係有點壞處，次次約食晚餐都要等朋友放工～所以自從轉了新工都少約了朋友平日食晚餐不過今次為左好耐無見既好友，又想發掘一下新美食地點，就一於去友人工作附近既長沙灣一嚐美食啦！！在等候友人放工既時候，我已經搜尋過OPENRICE長沙灣一帶的美食附近有之前食過的米走雞，不過今日不算太有胃口還有就看到這間大獲好評的平民茶餐廳問一下友人，大家都有興趣食下，就決定今晚在此用膳！等埋友人放工一齊行過去，餐廳外貌與一般茶餐廳無異餐廳大概容納到３０人左右吧，不過好彩時間尚算早，入到去仲有空位入到去一坐底已經有店員好好服務咁拎個餐牌比我地望到今晚Set dinner價錢一點都不貴，可能地點問題吧～每款大概100-150蚊就有交易，最貴的都只是$168但食物卻是西餐常用的選材，鵝肝﹑澳洲牛柳﹑安格斯西冷扒等等見到都流晒口水喔！！看到隔離枱主菜的份量並不細，所以我地兩個女仔決定只點一個SET DINNER，再單點一個意粉和一個小食～一個海觧黑松露醬意大利粉非常抵食，只是茶餐廳價錢，$65但用料卻不少，一碟意粉有多款海鮮，鮮蝦﹑青口﹑帶子等等，全部食落都新鮮，頗有口感！推介!!!!至於意粉味道不俗，雖然黑松露味還不算強烈，但意粉不淋身，兩個SHARE一個份量亦不少～另外小食就點了芝士焗蟹蓋一奉上枱已經聞到香味！蟹蓋上的芝士焗到金黃色，好正！！更令我們驚喜的是掀開芝士面層，入面的塞滿好多好多的蟹肉我倆一人一羹咁分享，啖啖肉！有濃郁的芝士配上鮮甜的蟹肉，真的太美味了！當小食來說$48有如此質素，實在抵食！而SET DINNER的主菜－鵝肝牛柳不消一會也上菜了非常厚身的牛柳，上面放了一塊鵝肝，和香草奶油，旁伴了沙律和薯角，整碟的賣相很不錯先切了一口的鵝肝試，果然不負我所望，鵝肝煎到香脆，令人想一食再食！！至於牛柳略為厚身，牛味好香濃！雖然肉汁香濃，但略嫌厚身，始終女孩還是不想大大舊的放進口中至於伴菜亦有水準的，薯角熱辣辣又炸得香脆總括來說這個價格的SET DINNER，配埋餐湯和甜品，價錢親民，味道不俗難怪網上的好評不絕！下次再來找朋友聚餐，這間隱世茶餐廳必定會是我心水餐廳之一！呵呵～ …Read More

好久沒試過放工和男朋友二人約會，出街食飯今晚趁男朋友放假，而我又早放工，可以到旺角行行逛逛直落睇戲Book了八點幾點的場次，所以要在睇戲前醫飽肚我們來到了朗豪坊前的街，經過了這間Amour Corner餐廳外放了個Set dinner menu，有二人的set dinner，菜色的幾吸引！望入餐廳好似都幾浪漫，好適合情侶進餐，因此我們沒多想就入去了入到去店員給了我們二人晚餐的MENU，就是店門掛住的那個挺喜歡菜式的配搭，有前菜﹑沙律﹑湯和兩款主菜，仲送埋甜品都只是HK$298心想價錢都好抵食！因為主菜都有羊架﹑牛扒等比較上等既食材～所以我們毫不猶豫選了二人晚餐，主菜點了烤澳洲牛柳扒和忌廉海蝦墨魚麵前菜好快就上了，青蘋果鵝肝多士給我意外驚喜本以為這個餐價錢不太貴，鵝肝只會好細件但估唔到都唔細件，而味道仲好好添～最特別係呢個多士加入了一薄片蘋果所以食落可以沖淡鵝肝既肥膩感，感覺好清新！而鵝肝同蘋果既味道竟然係意想不到的MATCH～件多士唔太大件，大概食三啖左右～咁就唔怕食得好狼狽！而湯和沙律就不過不失啦！至於主菜我地兩個SHARE食的，首先講　烤澳洲牛柳扒呢塊牛扒牛肉味好重，一咬落去好濃的牛肉香味既汁湧出黎，好JUICY 雖然一D都唔韌，但我就略嫌厚身左少少，不過呢個價錢真係好滿意　哈哈兩個SHARE既份量一D都唔少，仲有埋好香的配菜薯蓉在旁食完一個主菜其實已經飽左７成另一個主菜烹煮時間較耐，是忌廉海蝦墨魚麵比較失望的是呢個只有一隻大蝦，相比起好足料既牛柳扒是有少少失望不過因為我地都已經有７成飽，所以都覺得好足夠了墨魚麵煮得好香，配左忌廉汁都無蓋過墨魚麵既味，呢樣好難得！！麵條有口感，加上忌廉汁都幾多，可以每條麵條都沾上忌廉汁，正～～！另外值得一讚既係呢個份量預得恰到好處，食完唔會覺得好膩（因為有忌廉汁通常太CREAMY都會感覺好膩），呢個食完剛剛好！最後食得飽飽之後仲有埋甜品！！意式奶凍 & Dreyer’s雪糕窩夫好快就捧上了～兩個甜品一款味道較清淡，另一款則較濃味我和男朋友一人分別食了一款，我當然揀了喜歡的朱古力味甜品啦！！窩夫上放了一球石板街雪糕，是dreyer’s的雪糕所以當然係好味啦！至於下面的窩夫食落好香脆，食既時候未變淋身配埋雪糕食好好味！！總括而言，呢間餐廳真係好抵食！氣氛亦好浪漫，燈光比較暗好適合傾計或者情侶黎食飯，係鬧市黎講實屬好難得，入到黎完全感覺唔到出面就係繁華的旺角街道呢～餐廳已經設計好聖誕晚餐，好多野食但價錢都係比平時貴少少，搞到我都心郁郁想係度book度食飯過聖誕添 > < …Read More

一直覺得甜品來來去去都是差不多款式，所以食甜品主要是找個地方坐坐，和友人談談天，再吃點甜的所以甜品味道只要水平普普通通，已很不錯但有次和友人食完飯局後來過這間甜品店食，店內的甜品口味好獨特，我們同行四人點的四個甜品款款有驚喜，加上服務貼心，更添好感今日難得和朋友在附近食完晚餐，還有一點胃口，想食甜品，想都不用想就揀了這間甜品店～很難得地，今天不用等位～可能我們晚餐吃得太早，沒太多人和我們爭位食甜品 XD甫坐下已經有店員遞上餐牌和水了看到餐牌內樣樣甜品都勁吸引！吃過上次的又想翻炒，但又想試下新野～好苦惱 -.-店員看我們想了好久，過來推薦了幾款比較有名或大獲好評的款式，態度非常好呢～～最後我們點了一個獲獎的甜品－Test Tube 2.0 和焙茶心太軟等候期間才發現到原來對面的黑板上有介紹Test Tube 2.0有每一枝的詳細介紹，成份等等，越睇越想食呢~~好快地TEST TUBE 2.0就捧上來了～我們先試了OASIS（有檸檬片在面的那枝）吃落果然有SURPRISE！口味好清新～一點都不像平時甜品般只有甜味～這個不算好甜，但淡淡的果香～真的想不到椰子奶凍和波蘿MOUSSE味道會這麼配搭的！至於中間的紅茶奶凍吃的時候會感到有點點苦澀，然後有濃烈的茶味湧出來可以沖淡剛剛食完OASIS口中的甜味，再食第三枝～因為第三枝是特濃朱古力，所以都推在最後吃這個味道還好，但沒有好SURPRISE的感覺喔！同時，另一個甜品 焙茶心太軟 都整作好了～好香呢！！！我是一個好喜歡飲茶的人，也喜歡吃茶味甜品，覺得有點點苦澀，更覺回味這個心太軟有別於平時食開的口味，本身也怕茶味太濃會覺得太苦但流出黎熱辣辣的溶漿味道恰到好處，沒有太苦也不會太漏配埋雪糕冷熱一齊食簡直係好美味的享受！呵呵，感覺好幸福呢到我們食到中途餐廳已經開始滿座，應該是人們食完晚餐了又找地方食甜品真的好幸運自己不用等位就食完可以離開這間服務貼心，甜品味道獨特，又會研發新款式～是值得再次光顧的餐廳！ …Read More

又到了友人生日的日子了，相識超過十年每次生日都係食西餐日本菜為主。。實在欠缺一點新意～今次和友人相議後決定來一點新意思，友人說想食辣雖然我個人食辣既能耐不高，但壽星要求到，還是要頂著頭皮上的！最報到OPERICE胡亂找找就找到了這間川菜餐廳好近地鐵站，不過位置有點偏僻，不是我平常會經過的地方餐廳位於樓上，找到大廈你就會見到好大個藍色招牌在樓上呼喚緊你XD一路上去既時候，我的感覺有點像準備去挑戰賽　哈哈～希望菜式不是清一式全辣的…因為我倆都是早放工人類，所以我們用餐時間很早上到餐廳基本上只有一兩枱客在用餐餐廳大概有十多張枱左右，店員安排我們坐窗邊四人枱，都頗為闊落之前上OPERICE睇過一些比較出色的菜色，和友人都討論過想食可惜來到才知有些菜式已沒有了，是有點失望的經過一番商量後，點了三道菜，一碟小食和一樣冷盤幸好友人都很體恤我，只有兩樣菜式是辣的　哈哈，讓我都可以放心食飯很欣賞廚房上菜速度快，可能因為我地早食飯點完菜傾一陣計已經上菜了～實在太高興！因為我地兩個來之前都喊著肚餓的總括全晚菜式，最令我滿意的是－燒汁獅子頭　($78)一向都頗喜歡食這道菜式的我已經好耐無食過了一見到餐牌有已經忍不住點來食，雖然看不到有人推介，所以都是沒抱很大期望誰知道沒抱期望都菜式竟然是最令我驚喜的！這個獅子頭SIZE都幾大，有一個網球咁大吧？！食起上來個汁好香好濃，滲晒落個肉球度雖然獅子頭主要材料只係豬肉，但要份量比例恰到好處，煮得香口入味，才會好食否則只會是一道平淡無味的豬肉球驚奇地，這裡的獅子頭好有水準！我很喜歡！接著推介友人讚不絕口的一道麻辣菜，就是 四川牛肉麵 ($68)了友人最近因為工作需要，經常到內地出差，她對那兒的麻辣菜式並不太欣賞她喜歡的麻辣菜是有麻有辣，愛麻多少辣，但內地的菜主要是好辣但不麻而這個四川牛肉麵就是很麻，正合她口味！！但我這個吃不到辣的，吃了一小碗已經食不下了，哈哈其實麵我還可以接受到的，但浸了湯的牛肉真的好辣　嘿嘿所以整碗都被友人食下去了，她愛得很呢～～！一邊食既時候仲一邊讚話真係好好食…另一樣很惹味的菜式－三椒雞 ($158) 味道都不錯上菜的時候見到整盤都是紅色的，盤上舖滿了辣椒嚇驚了我，但點了菜總要試～食第一舊的時候發現原來並不是很辣，反而覺得很惹味對我這個承受不到太辣的人來說味道還算挺好！雞肉的味不會被辣味蓋過～肉質都很鮮嫩到我們食到中途餐廳已經多人，我想大家都是喜愛食辣之人，過來麻辣一番！ …Read More

早前聽到友人說快要到新加玻找工作和生活，可能一段短時間都不回港了感覺有點不捨得～所以趁住她未飛前，都見多幾面，食多幾次飯～眨眼間我地都相識快有十年，實在希望她在新加玻生活愉快！所以今餐當然由佢話事，我請客啦～！！她選了九龍城的泰菜，本以為黎到九龍城來來去去都係食個幾間，但她今次選了一間我都沒有試過的泰風情，感覺都挺新鮮的因為早放工的關係，我比較早已經到了九龍城行逛一下雖然九龍城對我來說都不大方便，因為交通工具選擇不多但泰風情位於大馬路旁，就位於頗有人氣的半熟蛋糕店旁邊，位置都較明顯方便等埋朋友到就入座，餐廳呢個時間唔算好FULL店內大概有三四十個位，之後食飯途中好似見到有客上上層坐店員安排我們坐四人卡位，所以好寬敞舒適看過餐牌後實在眼花瞭亂，比較傳統的泰國菜式都有聽過店員介紹，決定點了一客半打的黑毛豬串燒，生蝦刺身，招牌豬手和辣椒膏炒大蜆配薄餅全晚都令我最喜歡的就是這個黑毛豬串燒 我看混整本餐牌都見不到它的存在，聽店員講先知原來呢個菜式唔係時時有係隱藏左既HIDDEN MENU，如果咁啱嗰日有靚既黑毛豬先有呢個黑毛豬串燒真係燒得好香口，本身好怕豬肉會好鞋或者好多肥膏油淋淋估唔到呢個黑毛豬比例好平均！！肉同肥膏係大概２：１左右，咁樣食落唔會好韌～個串燒配埋沙嗲醬真係好夾好好味！！兩個人每人三串都覺得唔夠喉～另一推介招牌豬手亦都很不俗～雖然這一碟對我們兩個女仔黎講份量多左少少但個汁配起個豬手都好正！如果叫個飯「食送」黎食一流!! 可惜我地已經點了一客薄餅然而這個豬手配上泰式酸辣汁真的好開胃！如果人數多一點SHARE黎食就PERFECT啦！至於辣椒膏炒大蜆，本身我就有Ｄ怕辣，不過朋友就辣味愛好者，話好想食呢個加上店員說這個不會太辣，就即管試試捧上來的時候已經聞到好香！試一試Ｄ汁，都唔會好辣～等上埋薄餅既時候點汁食，發現比我想像中配襯！加上薄餅係熱辣辣，每一塊唔會好厚，因為太厚個感覺好似食緊麵粉呢隻薄餅本身已經好香，就算唔點醬都有味！當然點左醬就更惹味啦～～至於蜆都算多，一盆入面都有差唔多十隻蜆，隻隻都大大隻隻隻入面都有肉，雖然係啖啖肉，不過唔算好甜成晚泰菜都好滿意，再配埋椰青，好鮮甜～原來係日日由泰國新鮮送過黎的！大大個，D椰子肉好滑嫩～好似食完皮膚都會滑D咁XD今次食左呢間泰菜，又再一次證明九龍城真係食泰國野既好地方！呢間幾樣招牌菜都整得好出色，價錢中等，唔會貴，但份量都幾多下次多D人可以再黎食多款式既菜，哈哈！…Read More

和友人在九龍城食過泰國菜之後仲未傾夠，故然耍找下場食甜品剛好泰菜餐廳對面街就有一間甜品店對我印象中，九龍城的甜品間間都很不俗，不會中伏的，所以也沒多想就入去了入到店內才知道原來看上小小，但都坐到好多人因為正有一班年輕學生，大概２０多人在食甜品，好不熱鬧～～看到他們，實在令我回想起年輕時的自由，哈哈由於泰菜食過已經好飽肚，所以想食點輕食，無咁HEAVY的甜品但無可奈何，看到　雙丸椰皇紫米　就忍不到口，好想食！價錢亦好估理，原個椰皇上，都是$38先說友人的甜品，她點了　芒果豆腐綿花冰我試過一口綿花冰，好有趣，真的是豆腐味～！從來沒試過豆腐味的綿花冰，想不到平時淡淡的豆腐味都可以製成綿花冰一食落去就好有豆腐味，感覺有點像食豆腐花，但是是即溶版的！好特別～～至於我的雙丸椰皇西米，一捧上來已經覺得好香椰味，流晒口水！！這個甜品用料好足，除左有湯圓，仲有芋圓！仲要係好正宗台灣芋圓個隻味，煙煙韌韌，好有口感！至於個西米一路食都覺得好香椰味，雖然西米露唔算好多西米，感覺比較稀少少但已經好足夠，因為有好多其他配料食，如果太稠反而會好heavy好漏，會食唔晒所以個人認為份量已經好充足 食完真係超級滿足！今次在九龍城食了兩間新餐廳，下次過黎搵食又可以多個選擇啦～～～在此亦祝願我友人在外地生活愉快！！！…Read More

第一次為同一餐廳寫兩篇食評，因為兩到訪都各有特色，各有驚喜上次食過一次就一直念念不忘，好想再找朋友過來食多一次～終於，左約右約下約到朋友們來食啦！好期待呢～但記緊一定要訂座，上次餐廳由七點到十點十一點都一直滿座如果不訂座真的有機會摸門釘喔！今次我早到了，始終是工業大廈，入夜後人流較少所以都建議到大廈的Lift lobby等候朋友，那兒燈光比較光猛照舊地，上去前保安會截停並耍求我們出示身份證作登記雖然程序比較麻煩，但能確保大廈安全，又未嘗唔係一件好事～甫到門口已經聽到入面有好熱鬧眉聲音，似乎今日都仲係好多人，哈哈果然好餐廳就多人來食呀！店員安排我地坐低後就已經等唔切要叫野食啦～因為大家都好肚餓既關係，我地一人點一個主菜，之後share食～推介既set dinner有5款，唔啱食都唔緊要，因為單點亦都可以加$40轉餐我好喜歡呢個安排，因為我想食既　輕煎北海道刺身帶子﹑黑松露意粉　就係不在set dinner名單上～首先講一講頭盤，因為今次食的同上次個menu已經唔同了車打芝士焗美國薯仔及鮮蝦﹑辣蕃茄，菜色賣相好繽紛！食落口感好豐富，雖然有辣蕃茄，但辣味唔重，所以怕食辣既朋友都唔洗太擔心辣而唔點呢個前菜～本身薯仔味道淡淡地，好平凡～但加左芝士和辣茄後，即刻惹味得多，仲好開胃添！哈哈，胃口大開呀！主菜上得都好快，食完一碟就差唔多上第二碟～今次最喜歡的是　澳洲和牛配喜馬拉雅山礦物鹽　和　自己點的　輕煎北海道刺身帶子，黑松露意粉朋友是一個很愛吃牛扒的愛好者～見到SET DINNER有這個時二話不說已經決定要點了~ 不過都正合我意，嘻嘻澳洲和牛配喜馬拉雅山礦物鹽　賣相好精美，除左牛扒和海鹽外，仲有一點美觀的伴碟汁，看上來好artistic呢～先講牛扒，牛扒很厚身，但肉質唔韌～而肉和肥膏分佈都好平均，唔算肥，所以咬落口感非常好本質肉味都好重好濃，但如果點少少海鹽一齊食，肉味會更突出，仲可以減低牛扒肥膩既感覺，唔會咁快食濟不過其實一人分一件，好快已經食晒～想添食添呀！！另一個喜歡的就是　輕煎北海道刺身帶子，黑松露意粉，一向黑松露意粉都是我必點的菜色上次來食完黑松露飯已經回味無窮，今次來都一定要再點輕黑松露的菜色很滿意的，幾個月沒來，水準依舊的好，總之食既時候你會感受到廚師對煮食的熱誠～味道既配搭恰到好處，不會偏咸或偏重香草味（因為我好怕香草味），意粉醬汁好多，不怕吃到底會沒醬汁撈意粉意粉上有３隻大大隻的帶子，每一隻仲大過個5蚊，好正！帶子肉質好嫩滑，唔會感覺痴牙或好乾，不知是因為品種還是煮法的關係，可以整得咁滑溜 食完幾點主菜後大家都超飽了！因為份量都好足，如果細食的朋友可以考慮SHARE少一個食，咁就可以試多Ｄ甜品啦　哈哈今次食set dinner配的 芝麻蛋糕平時如果自己點的我就不會點芝麻蛋糕，但這裡SET包埋的就即管試試食落芝麻味唔算好濃，清淡一點～作為飯後甜品算是不錯的我挺喜歡中間的芝麻餡打得好CREAMY，好滑輕輕食一舊唔會覺得好膩第二次來都是食到好滿意的一餐，全晚餐廳都很FULL，但捧上來的菜全部都好一絲不苛的製作，一Ｄ都唔馬虎～這就是我喜歡這裡的原因！不會因為多人客，FULL BOOKING，而態度變得高傲或水準下跌不過如果定期會研發新菜式，增加新鮮感會更好喔！…Read More

與友人聚舊，友人話好想食魚生，上網找到位於鬧區既七福神 見佢話想試下，我亦懶得找餐廳，就決定去食七福神啦！！ 七福神地點非常方便，如果位置有得打分，我一定會比滿分！ 因為連我這個路痴都唔洗望地圖就搵到！我朋友搭地鐵，我坐巴士，大家都可以落車5分鐘內到達餐廳，仲唔叫方便？！餐廳位於一樓，很細心的，有餐牌放在地下個counter位置比大家睇清楚合唔合口味先上去！值得一讚！ 上到去餐廳都full得七七八八我尤其怕迫狹的餐廳，很幸運地，這間餐廳的位與位之間好鬆動～ 唔怕比隔離枱聽到我地既對話啦！ 而更令我滿意的是，就算餐廳客人很多，都肯安排我地兩人坐卡位 卡位是闊落得很！如果迫迫地坐應該坐到6人或以上 整晚坐得非常舒服，和友人由8點一直傾到11點，都無趕我地走～仲不斷幫我地refill水，服務很不錯！！已經到左8點，我和朋友都非常肚餓！加上朋友好想食和食料理 來到這裡見到個餐牌已經覺得好多野食想點，但始終都怕眼闊肚窄～ 但又實在忍不住口！樣樣野食都好吸引呢～～（BLING BLING眼 哈哈） 首先當然不少得朋友想食的魚生拼盤，我們點了 六品刺身盛盒 $168 一上菜已經覺得刺身質素好好，好新鮮～ 有我愛食的三文魚，帶子和甜蝦～～六種刺身都係呢個價錢，實在抵食！ 最緊要係魚生都是厚切，咬落啖啖肉！食完之後好想再enco～ 餐廳上菜好快，一邊食刺身既時候已經陸陸續續上晒D小食… 特別推介的包括這個 鰻魚炒飯 $65，份量對我們來說非常足夠 一聞已經覺得好香，廚師炒到D飯金黃色，粒粒分明，好均勻～ 最最最緊要係用料好足，唔會話呢個價錢得好少鰻魚好多飯，而係 你每食一啖飯至少會有一兩粒鰻魚係入面～！好正！ 我地一人食左兩碗後都仲未食晒，可想而知份量有多足夠呢～ 是必食推介喔！！！ 第二樣令我surprise的是 一口朱古力芝士年糕 $38以為芝士年糕好多日本餐廳都有，但見有朱古力呢個配搭幾特別就想食，嘻嘻！ 這個其實是年糕點上朱古力醬食～ 我和朋友都係甜食愛好者 對這個是大愛喔！芝士年糕個芝士餡好濃芝士味，一咬落去中間基本上都是軟心的芝士餡 點上甜甜的朱古力醬，又咸又甜的，好特別 這個配搭我挺喜歡，不過應該見人見智的～ 今晚興致非常好，我地都決定開一枝梅酒share飲 紀州南高梅梅酒，300ml都只係$78，雖然唔知紀州係邊 哈哈 但捧上來的卻是好討人喜歡的梅酒， 一來是因為店員用一個小木桶一直冰陣住枝酒，因為暖酒實在太太太難飲了，有些餐廳會選擇落冰在杯中，但這樣又會令酒變淡； 喜歡的第二個原來因為酒的酒精味不濃，梅味好突出！一邊和朋友談天說地，一邊淺嚐，慢慢就會一杯又一杯的飲過來～ 最後我們兩個不愛酒的女孩竟然飲完覺唔夠喉呢，哈哈！！ 最後令的出乎意料的竟然是這裡的甜品！！實在太好味！！！ 我地點了一個 椰子雪芭 $40 作結，由於食得實在太飽，點不到兩個，就點了一個share食～ 怎知道… 發現這裡的雪芭比雪糕店的雪糕更滑更香！！！ 雖然感覺不太像雪芭，較像雪糕 但椰味非常香濃，亦好滑身～ 是入口即溶，又不會覺得膩的甜品！ 如果不是太飽，我一定會自己再點一個獨食哈哈哈哈～～～ 總括而言，餐廳各方面都令我好滿意！ 整晚在淡淡的酒精影響下，和友人渡過了舒服、輕鬆的一晚，實在不亦樂乎 下一次，我想食日式料理時，必定會想起的一間好餐廳 <3…Read More

今天和朋友相約在佐敦食飯，剛巧可以去地鐵站附近的銀行禮品換領中心換領久久未有時間領取既禮品～～一舉兩得！ 由於友人是哈佬吉蒂迷，聽說這裡附近開了一間Hello Kitty中菜廳 難得平日少人點，去潮潮聖！怎知道非常失望！食物質素不好之外，價錢亦偏貴。。。唯有安慰自己這是只此一次 T T 食完失望至極的餐廳，唯有找些甜品食食去安撫一下自己心情！ 然後找到這間－「楓」，這間餐廳好有趣，有凍肉賣，亦有獲得不少正評的甜品食！ 見位置實在太近（地圖顯示員只需一分鐘XD），加上附近的甜品店不多，就和友人雙雙決定去這裡食點甜味兒，沖淡一下～ 餐廳門口放了一個雪櫃，雪櫃放了多種甜品～賣相不錯！雖然店內空間不大，但有張小bar 枱可以容納兩三個人的～ 我和朋友沒多去想，就進舖了！ 入到去和店員order了兩件Cheese cake 環顧店內，看到兩個較大的冷凍櫃，與店員問一聲才知道原來店內仲有賣凍肉和刺身 聽到有泰國生蝦刺身，聽到突然好想食呢～～～剛剛都食唔飽，但偏偏店裡售賣的是未解凍的… 幸好店員主動話可以幫我地解凍，等我地邊食cheese cake，一邊等 ;D 先食兩個芝士蛋糕，一個是 藍莓芝士蛋糕 ($14)，另一個是 原味芝士蛋糕 ($14)店員從雪櫃找出兩件，然後放上碟給我們食 藍莓芝士蛋糕 一咬落口唔算係好實淨個樣cheese cake，但個芝士味好濃～同時藍莓味亦很突出！然而藍莓不算是好甜好膩的那樣，整體整個cake都好清新！！有驚喜～ 至於　原味芝士蛋糕 更討我喜歡，因為一咬落口有濃郁的芝士味，非常香口～可能太耐沒食芝士蛋糕，食落口有種幸福感濃出來，回味無窮！！ 芝士蛋糕不算大件，當做飯後甜品非常適合！食完不會覺得飽肚，然而會齒頰留香，好正！估不到在鬧市中小店都可以食到令人回味既芝士蛋糕～～ 食完蛋糕，泰式生蝦刺身都解凍得七七八八了 每一包生蝦配製既泰式辣醬，先試一試個醬 你會發現佢辣味酸味比例很適合，食落唔會好辣，但好過癮～ 之後先食一件生蝦，沒有點醬的 生蝦感覺好新鮮，夠爽口～蝦雖然唔算大隻，但好肥美！！ 點埋個醬食，真係可以媲美泰國餐廳的生蝦味道，當然，這裡便宜抵食得多！！真係意想不到呢～ 食下一隻食下又一隻，兩人一邊傾計一邊食生蝦 酸酸辣辣，好惹味！亦好快就清晒成包生蝦了 聽店員說才知道店其實主要做外賣，下次如果經過就可以買多幾包生蝦番屋企同屋企人share食～yeah!!…Read More

最近好似興起 甜品店做埋正餐，記得上星期和舊同事去食飯，食完正餐要周圍搵甜品店，行左幾條街都搵唔到，實在好唔方便～～～ 所以正餐甜品一齊做既構思實在唔錯，可以唔洗轉場，由頭傾到尾，食埋甜品再散水 之後有次同朋友討論呢個話題，大家都話見面想搵間呢D餐廳試下 就揀左身在鬧市，大家都方便既 糖太子行到門口，見到裝修好有歐陸小店既風格 外面放左幾張小枱，再望一望店入面，都幾FULL 因為無枱既關係，店員安排我們坐了門口的位置 店舖唔算好大，位與位之間是有點迫狹的，而門口位有人出出入入，會有點不方便 不過店內裝修都幾別緻，牆上都有些歐陸佈置，有點像置身於以前DIY的歐陸小店咁，好特別～！ 看了menu，已經忍不住想點野食，因為望上去好似好好味，加上我地好肚餓 快快手揀了兩個set diner之後就等上菜 一個set diner包主菜、餐湯、蒜蓉包和飲品，價錢大概70 – 110蚊左右，都幾抵食！！首先上的是我點的 黑松露醬帶子燴長通粉 一上菜已經聞到濃郁的黑松露味，食落個汁都好重黑松露味，配埋長通粉食好一流！！加上汁好多，唔會搞到D長通粉好乾身 而帶子食落唔似平價帶子，幾有口感！食落唔會痴牙，都幾滑～ 整體而言是不錯的～～ 至於朋友點的 紐西蘭西冷扒伴薯菜 接著亦上菜了 本以為價錢唔洗不過百，都沒什麼期望！反而給我surprise呢～～ 七成熟的牛扒，煮得恰度好處，咬落口唔會韌，仲會有好香既牛肉汁湧出黎 仲要份量都好足夠，牛扒大塊，薯條亦好多 而薯條既味道亦令我覺得驚喜！因為我好愛吃脆卜卜既食物 呢度炸既薯條非常之脆，一食落口有點辣口，所以一家是新鮮炸的 唯一不足是薯條 稍為咸了一點，如果少一點咸味就perfect了 不過這個味道已經夠我食不停口了 哈哈 第二壓軸當然是甜品啦！這裡大部分的甜品都是配 乳酪雪糕，比較健康一點～ 見到好多人都介紹這裡的乳酪系列，我就沒試了～ 自己點了一個 榴蓮班㦸 ，而伴碟的都一樣是乳酪雪糕 榴蓮甜品要好食一定要使用靚榴蓮，趁住仲係食榴蓮既季節，當然要點啦 估唔到係出乎意料外的好食，朋友不好榴蓮，本身怕自己一個獨食三個咁creamy既班㦸會太膩，但我食完仲覺得唔夠喉！ 榴蓮非常甘甜，用料亦好足，唔係少少榴蓮多多cream嗰種 至於cream係打到非常滑身，一入口就溶 配埋個薄皮真係好好味～～！！！ 食下一件，食下又一件，好快就食晒 至於乳酪雪糕 味道適中，唔會太酸，亦唔會太甜 食完一件班㦸再食D雪糕balance番個肥膩感係剛剛好的！ 真係好食到想encore~~ >3< 本身怕甜品店製作正餐會不好食，但呢間餐廳令我好有好感～ 以後等我再搵多D甜品正餐既餐廳同朋友一齊食先 後話：如果呢類型餐廳可以有正餐配搭甜品優惠會更更更吸引呢 …Read More

之前食過工廈覺得有驚喜好好味，今日放假有時候，決定再去尋找好味道！ 呢個感覺就好似尋寶咁，你永遠唔知道自己會搵到寶藏定係石頭～～ 所以揀之前，當然都要OPENRICE一下睇下評價同啱唔啱食先啦！ 今次就帶左個朋友去呢間慕茶，因為本身個人都好鐘意飲茶，見到食評話佢D茶幾特別，再加上有好味又有創意既雪糕，忍不住上去食個LUNCH 撘Lift上到7樓，你要兜一大個圈先會見到餐廳，初時以為自己行錯，原來真係係Lift lobby 背後方～不過行到門口你會見到好簡約既大門設計，門口有D乾花係出面做decoration，好清新好有歸隱田園feel 門口旁邊有個黑板貼滿即影即有相，相信都係客人係度既留影，無仔細睇～但睇得出餐廳都幾有心思係佈置上 ^ ^ 加分！ 一入到去見到有一枱十幾人既客將近食完，應該係附近番工既同事一齊黎食Lunch，餐廳將五六張枱拼湊成一張長枱～見佢地都食得幾開心，心諗間餐廳都應該唔難食掛 張menu有圖文並茂，有適合素食者既，亦有廚師推介～～ 廚師推介個名望落咁吸引，就同個朋友一人叫左一個食！另外點了兩杯飲品，我點了杯熱飲－杭白菊綠茶，朋友點了玫瑰冰茶 先上了飲品，試一啖朋友的 玫瑰冰茶，本以為玫瑰冰茶沒特別，因為好多地方都有得飲，點知原來好有驚喜！朋友形容，一飲落口有「叮」一聲既感覺～ 因為味道好清新，好淡淡的玫瑰味湧出黎～而味道可以持續好耐，好香 >3 < 至於我的 杭白菊綠茶，我先泡了五分鐘，等味道濃D焗出味先飲～ 一開頭飲落口都有少少苦，但之後味道回甘… 比平時飲開既香片嗰類茶味道單調一點，無咁濁味～都不錯的！ 之後就上意粉了，今天沒有天使麵，所以兩個都是意粉 朋友的 抹茶卡邦尼鮮蝦意粉，我試了一啖，估不到意粉都有幾濃的抹茶味 不是那種只灑了D抹茶粉係面的菜色，你食每條意粉都會食到抹茶味，所以如果閣下係抹茶控就真的要來試試啦！ 至於我的 黑松露煙三文魚忌廉汁意粉，上菜一刻已經聞到好香！！！搞到好肚餓 ~~ 食落黑松露味都好濃，麵質都好滑！呢個價錢食到呢個質素，其實算好唔錯了～～兩碟意粉份量都好足夠，我地兩個女仔食晒好飽好飽！ 但女仔飽極都仲有第二個胃放甜品的～ 見到雪糕櫃上今日的雪糕款式，好多款都好吸引！揀唔落手 店員好好，肯比我地試下味再揀定一隻 最後我點了玫瑰味，朋友點了伯爵朱古力味 玫瑰味有點似朋友飲既冰茶味，但奶味多一點，雪糕好滑身！ 同埋喜歡 佢食落好清甜，個味仲可以stay係舌頭好耐 不過只有一小球，食完唔夠喉呢 > < 這一餐又食出工廈驚喜味道，尋到寶藏呢～ 這裡的茶品和雪糕實在令人回味，下次唔黎食正餐都可以上黎買杯雪糕帶走！…Read More

好耐無見朋友們，聽到一位老朋友打算轉工，就立即約她食飯UPDATE一下近況 約了日子才知道原來她剛好今天會有FINAL INTERVIEW，如果成功了就夢想成真 實是為她高興！所以都特地選定了一間餐廳和她慶祝 剛好上OPENRICE 見到這間位於太和的日式餐廳，評價都很不錯！加上我們一個住馬鞍山，一個住上水，這裡剛好是中間點！可以不需要出到旺角尖沙咀這些鬧市都找到好野食 PP入到餐廳燈光比較暗，這樣傾計比較舒服一點 值得一讚的是，一坐到位子就發現牆身有插蘇位，而且是每張枱都有 相信是讓顧客使用的！非常貼心 知道現代人都是低頭族，玩電話都玩到沒電了，到這裡就可以邊食飯邊叉電～今晚是慶祝友人成功考到DREAM JOB，所以當然是由友人發板點食物啦～～ 我們肚子都非常餓，加上點單紙上的串燒看上去都非常吸引 這裡點一兩枝，那裡點一兩樣，不自覺地就點了好多！ 我們都開TURBO準備狂食！哈哈～～另外餐廳除左傳統串燒外，仲有5款名為鬼馬串燒的食物 聽上去都覺得好盞鬼呢～　然而我們已經點得好多了 餐廳首先捧上的是 特上刺身盛合，我倆都是魚生迷 看到當然是眼都閃啦！因為每樣看上去都好吸引，好肥美 三文魚、赤貝、海膽等等 特別係 海膽和三文魚，一點都不會覺得腥，好新鮮 因為自己本身好怕腥的海膽，但這個入口好鮮甜，完全唔會苦！另外三文魚吞拿魚都好厚切，D紋睇上去好平均，好靚 咬落好有口感！～～ 簡直係想叫多客三文魚刺身再食 嘿嘿 食完魚生開始上串燒啦！由於實在食左太多唔同款，好好味！要拼圖分享～～燒鰻魚 $58（左上）、燒香蕉 $12（右上）、芝士牛肝菇（左下）、新疆羊肉串 $15（右下） 燒鰻魚 個汁好濃郁！而鰻魚本身算好肥美，仲有一大舊，所以我覺得好抵食！ 食落好似嗰時我係東京鰻魚專門店食嗰D，好好味！鰻魚骨好軟，唔會覺得卡住喉嚨～ 配埋飯食會更好，不過我地想試多D唔同款既串燒，所以無咁做到 至於燒香蕉 味道唔算好特別，但香蕉算好甜好味！燒到少少燶，食落香口D 加埋朱古力醬食，真係好似平BBQ個種燒香蕉咁！香蕉肉燒過，所以暖暖地淋淋地，好味道～ 不過要視乎本身你對燒香蕉有無特別愛好啦！哈哈芝士牛肝菇 有一塊芝士舖在牛肝菇上，牛肝菇一咬落口非常多汁！我最喜歡燒菇的味道，可以鎖住D汁係個菇入面 <3 唯一美中不足的地方係塊芝士不夠溶，如果咬落去芝士可以溶出來，兩者配搭一定很好味！ 新疆羊肉串，其實自己並不食羊，但朋友就愛食 不過朋友堅持叫我一試，咬落口，又唔會覺得好蘇… 反而幾有咬口，都仲有D汁 不過只係叫左一串，我就唔同朋友爭食物啦另一張串燒拼圖，厚燒鵝肝－鹽燒（上）、厚燒鵝肝－辣味（上）、 鵝肝雞翼（左下）、鵝肝燒飯團（右下） 很難得地，我們都是鵝肝愛好者！來到這裡見到好多款不同煮法的鵝肝，我們都好想每樣每人食一件XD所以我們點了四款帶有鵝肝的食物 說真的，這裡的鵝肝性價比很高，幾十塊的價錢但煮出來非常好味！ 幾款鵝肝水準都好高，外層香脆，一咬落口就即溶，好甘香！ 鹽燒味不算好重，但更加可以帶出鵝肝嗰種特有的甘味出黎，加上鵝肝已經切細，所以一口一件，唔會太肥膩；辣味食落口幾惹味，因為第一次試上辣味鵝肝，好新奇！鵝肝雞翼的鵝肝已經釀入雞翼入面，雞翼就已經去骨 所以每一口都好FULL，食到雞翼同鵝肝COMBINATION既時候個口感特別豐富，平平無奇的雞翼即刻變得好特別！ 這裡的創新實在值得一試！因為配搭起來都能帶給你驚喜！最後就是的都好喜歡的鵝肝燒飯團，由細到大都好鐘意睇日本卡通片，見到日本人好喜歡食飯團，所以對飯團好有好感 燒飯團就更甚啦，因為香口既食物一向都會令我流晒口水架 食左咁多舊鵝肝其實點都會有少少肥膩，但食呢個就啱啱好，因為佢配埋飯 可以中和番個個肥膩既感覺 另外值得一試既仲有 明太子手羽 $18，雞骨全部取走了，完全不留任何痕跡 而雞翼入面就釀入了明太子，食落帶點咸咸地和辣味 有點似食緊辣味雞翼的感覺 但因為釀入了雞肉內，個辣味好平均咁湧出來，唔會似平時有辣醬／辣粉係面個種雞翼咁，只係得表面有辣味～ 最後想介紹多款燒物，就係牛油燒半殻帶子，有地獄、芝士、蒜蓉味 $138 三隻味既帶子各有特色，由於係連殻上，所以連D汁（精華）都可以食埋 見到佢到個殻微焦，應該係D汁剛剛煮滾就拎上黎，應該係最好食 三隻味當中地獄汁味道較重，但唔會蓋過帶子既鮮甜味雖然我地只係兩個女仔，叫左咁多野食，我地全部食得晒！ 因為每款串燒都好高水準～～ 而且有好多創意食物，令我好欣賞呢度既廚師，唔會只係製作一D大眾化既食物，亦會靠自己創意去創造唔同既燒物／串燒 我遲下一定會再過來這裡試下其他不同的串燒，尤其對五款鬼馬串燒特別有興趣～～～ 呵呵～ 大埔好去處！下次帶埋男朋友來食 ：P 順帶一提，無意中得知這間退廳的午市非常抵食！魚生飯配飲品都係60幾蚊 我會LUNCHTIME再來再食的～～～…Read More

大埔太和一帶甜品店好多，不過大多是連鎖式經營的甜品 個人認為連鎖式的都不會有好大的驚喜，通常都不會難食，但就是吃不出熱誠 所以都較喜歡試小店今晚和男朋友在附近食完飯，剛巧在轉角經過這一間 蜜密，聽到個店名已經覺得好Sweet 就忍不住入去食了！入到去老闆都好好人，主動過來推介招牌甜品 這裡的甜品有幾個都好有特色，例如：Honey secret，星星、月亮、太陽，拿破崙等等，不過因為晚飯太FULL了，吃不落口感太HEAVY的甜品最後我們點了一個　星星、月亮、太陽 和 伯爵茶焦糖燉蛋伴鮮果拼雪糕 SHARE食一邊等的時候聞到好香好香的味道，未等到口水都已經流了！星星、月亮、太陽 是三款迷你甜品都結合，有楊枝金露、香芒拿破崙和芒果雪糕 甜品的名字好有意景，亦很浪漫！不過也不是亂改的，因為真的有星星形狀的果粒在楊枝金露的旁邊，配襯著～ 楊枝金露的芒果味較濃，椰汁味就少了一點，不過都是個人口味！我喜歡椰味重多一點點 不過材料就很足的，有芒果粒也有柚子肉　 至於香芒拿破崙好有水準，三塊漲卜卜的酥皮，中間夾著CREAM及一薄片芒果肉 一口咬落口好鬆脆，唔會淋，反而因為酥皮漲卜卜，咬落口有Cho cho聲，然後就會弄到滿枱都是碎屑 哈哈 食得好無儀態呢～至於芒果雪糕味道不是好特別，但我反而欣賞他們把芒果汁點在雪糕杯旁 雖然只是簡單的伴碟，但看上來美觀得多，亦有誠意得多了！ 雪糕本身奶味較重，但上面舖上了一層芒果汁，所以吃上來芒果味和奶味好平均，不俗的！至於另一個甜品，伯爵茶焦糖燉蛋伴鮮果拼雪糕 反而給我們一些驚喜 甜品一樣的精緻，但特別的是焦糖燉蛋真的食到茶味 本來點的時候都怕味道會不夾，但吃起來淡淡的伯爵茶會在滲出來，好香！ 另外一讚是覺得燉蛋好滑溜的，基本上一入口就會溶掉了 甜入心頭，令我覺得有一種好幸福的感覺！這也是我喜歡吃甜品的原因。 到我們食完的時候，店舖外已經擠滿等位的客人我們還是讓個位子給他們享受一下食甜品的美好…Read More

一向喜歡尋找平民美食的我，今次聽朋友介紹來到黃埔的新餐廳 多年前我曾經在黃埔工作，算是有一個情意結 巧合地有朋友們現在也在黃埔工作，決定約埋一齊食Café Charm’s，順便當懷緬一下這個地方一直覺得黃埔這個地方是美食寶藏，以前在這裡工作時，經常可以食到驚喜的美食！ 今次來的Café Charm’s，然而我已經忘了這裡的路，都要靠友人帶路才懂行過來。。。餐廳的裝修有點日式，比較簡單，但入到去感覺好RELAX，可能又有D梳化位，枱與枱之間也不會迫狹 剛入來的時候餐廳不算好FULL，但食食下發現都好多人入黎用膳，特別係年輕人為主 其實餐廳侍應大都是後生仔女，感覺上好有活力呢～～～ 這裡的餐牌好吸睛，食物圖片都好靚！！！好想全部都叫晒黎食 最後我地叫了幾個SHARE食特級水牛城雞翼，呢個小食我地個個見到都即刻話要嗌，因為大家都好鐘意食雞翼XD 雞翼好香口同脆，咬落肉質都好嫩，唔點醬食一樣好味 至於點醬味道完全不一樣，帶微酸和一點點辣，食完好開胃！即刻食指大動！主食我們點了一個 挪威煙三文魚黑松露野菌忌廉意大利粉 ，一捧上來已經聞到好香的黑松露味！ 食落唔算係好CREAMY嗰種意粉，但係卻有好香的黑松露味，呢個黑松露同野菌既配搭永遠都係咁夾，咁好味！！至於呢碟 手工和牛漢堡 更係我既必食推介！ 店員告訴我們，有外國客人曾經對他們說他們的薯條是全香港最好食的！ 所以我們怎可能不試試呢？ 的確，這裡的薯條捧來的時候熱辣辣，可以知道是剛剛用薯仔炸出來的 好脆好香口的薯條，配上茄汁，好正！ 至於和牛漢堡，是更令我SURPRISE，因為真係好滋味！ 厚切的和牛食落口感鬆軟，有D入口即溶既感覺！牛肉味亦好濃，配埋芝士和醬汁一齊食，好滿足！最後女子組食飯又點會放過甜品呢？！ 友人愛吃士多啤梨，一見到 花樣、迷人窩夫（士多啤梨窩夫是也）已經二話不說決定要食！因為賣相實在太靚了！ 好足份量的一個甜品，窩夫上放了好多士多啤梨和香蕉，還放上了兩個雪糕球 3－4個人SHARE食剛剛好 整個窩夫一齊唔算好CREAMY、但口感好豐富，好SWEET最後一提，喜歡咖啡的朋友下次來一定要點咖啡來試試，因為這裡的拉花師傅拉花技術非常高超朋友點了一杯咖啡，拉了一隻好可愛的熊！一邊飲心情都變好呢 （可惜我不喜歡飲咖啡）這間新餐廳好有朝氣，亦令我感受到這裡的年輕人對美食的追求和努力，他們會過來枱邊問你們餐廳食物的評語，會想一直進步！所以我都好希望他們繼續努力，為黃埔加添一間有水準的美食餐廳！…Read More

聽在黃埔附近工作的朋友提過附近有間不俗的拉麵店，今晚和朋友相聚 不想去旺角尖沙咀這些去到厭的地方，想起這間店子來，就決定來一試！我倆都對紅磡的路不太熟，只知道有架小巴可以搭落去黃埔 上小巴時還怕不知落車，點知小巴司機會每個站嗌，問乘客有無落車，好細心的服務喔！原來一落車步行一分鐘就立即到了！位置超方便呢！ 在街口見到紅色燈籠上寫上拉麵的日文令我立即回想起日本的拉麵～ 好想去日本再食拉麵喔～～～好啦，不要離題，看到門口的日式報置已經覺得好有日本FEEL！ 一入到店內更覺得自己好似置身於日本拉麵店 開放式廚房，就好像日本拉麵店一樣有幾個位子在對住拉麵師傅的，另外旁邊有多張枱仔，不過整間店不算大，大概只有20-30位子左右和其他拉麵店相似，都是有黑白赤天王和限定天王 本以為限定天王是牆上貼上的胡椒天王，不過一問才知道原來胡椒天王已售完 現在的限定天王是冷麵來的，所以我改要了白天王好喜歡有得自選口味的拉麵店，好像每碗拉麵都是為客人度身訂造一樣 特別有意思，也吃得特別稱心的！而我這個不吃蔥的蠢蛋，當然會走蔥啦！拉麵捧上了，好香的豬骨湯味喔！ 先飲了一啖湯底，有好濃郁的豬骨味，但不會覺得油膩麵質方面，由於我好怕吃軟淋淋的麵，所以選了硬質 吃的時候好滿意，麵條好有咬口，就算吃到最後浸了湯好一陣子都不會淋，好正！至於叉燒配料，薄薄的幾塊，份量都好足夠！不覺得肥膩，又不會太厚！ 流心蛋我覺得煮得略為熟了點，因為蛋黃並沒有流出來，如果可以生一點點會更好，因為我喜歡把蛋溝在湯裡一齊食！叫一碗拉麵當然不夠，我們還追加了小食！點了一個豚角煮 之前還沒有試過這個小食，上到來才知道是分開兩食的，有一件半肥瘦厚切豚 和 一小碗切粒豚肉粒，我們還問了店員該如何吃這個小食 原來豚肉粒點湯食的，而厚切豚就可以直接食落口 厚切豚肉是半肥瘦的，怕胖的朋友就要點這個了 而我這個不怕胖的，好快就食完整個厚切豚肉！這間隱世小店做得非常日式，店員服務還很好！又細心！ 順帶一題：這裡的筷子都刻了拉麵天王的名字，好有心思！！…Read More