鈴木 人's Profile

滑蛋芝士豬扒飯喺香港食呢啲平民級數嘅日本菜就預咗係港式茶餐廳日本菜，所以都不需太認真什麼賣相同用餐細節。當份餐擺低時，賣相算係合格啦。賣相過關，味道就係真正考試，麵豉湯夠熱，顏色淡黃，以三文魚肉熬製味道唔算濃厚，咸度都適中但油層比較厚。輪到主角滑蛋芝士豬扒，先試滑蛋⋯⋯⋯⋯⋯⋯係完全唔合格，首先蛋底底味不夠味! 第二，滑蛋煮過頭變成海棉狀態又硬實又鞋柴，加添番枱面上嘅豉油，咁就可以調節番味道，但蛋質就完敗無得救囉。芝士豬扒睇落好似好厚，其實都係炸粉作怪，而一啖咬落去，就即刻湧出來一點油膩味，而且係整塊豬扒都帶有呢個油味! 好在，芝士在豬扒內都溶得夠，夾起來亦有拉絲，但芝士味不濃。而白飯份量就比較小咗啲，不夠食晒成碟蛋，飯質有黏糯感入口軟熟夠熱。今晚在半場坐客環境下冷氣感覺不太夠，枱櫈排列比較緊湊，而最令我驚嚇係自助水機出水恍如失控，一出水就淺起，一不小心就彈濕衣服，我不明白店長為何不跟進此情況。整體用餐體驗唔算太好。…Read More

呢間食肆想試好耐，但礙於中午太趕，店家中間亦有落場時段一直無機會試，所以都係晚飯時間係最好嘅時候試啦。 首先要投訴嘅係個<商場？>，我喺香港真係第一次遇到無冷氣在公共地方嘅場，正直呢幾日三十幾度又焗又熱，店家雖有擺放大型涼風機出門外，但都無濟於事! 去食嘅人最好先用apps攞飛，到差唔多先好上去門口等。大約等咗30張飛，入到鋪內冷氣都不算足夠，但店內枱櫈間距充足夠梳闊，所以不致於太焗促及不舒適。點咗兩份定食，招牌嘅「吉列豬扒定食」同「XX牛溫泉蛋定食」及「油金魚腩刺身」。吉到豬扒對比連鎖店有過之而無不及，而且豬扒厚度都有一隻手指左右，咬落吉列皮層鬆化而不鬆散，眼見每枱都係必食嘅定食，而且份量亦不少! 另一定食係「XX牛溫泉蛋定食」(🤣忘記咗個名)，呢款定食溫度相對較低，可能係怕牛肉和溫泉蛋會變熟透，牛肉本身係入味及淋身，但可惜有筋在肉片中間位，咬落變得有啲韌。唔知係唔係我唔好彩果碗係咁啦。油金魚腩忘記影相，但魚片係厚切而且解凍做得好，係幾好食。🤭整體用餐都係舒服嘅，食物質素正正常常，驚喜唔算大但都可以再去，因為未試好多人點嘅鐵板燒。🤣🤣🤣…Read More

第一次幫襯，專登揀晚餐時間，因為呢間出名排隊勁多人，諗住就算企都唔洗又熱又曬，到時食都無心機啦！點知1830去到好彩只得一家四口在前一位，所以只等5分鐘左右就可以入座。晚餐原來星期五六日都只得鐵板套餐(加$28)有飯、湯、沙律及汽水。以一間小店嘅作業方式來說我覺得無可厚非的，兩個人各點一份套餐，牛舌芯和二重牛舌＋司華力腸。兩份對比，叫二重牛舌係相對抵食，因為真係食到不同部位及不同烹調方式。 牛舌芯在二重牛舌亦有得食，雖然係用咗6-7成煮熟方式處理，但舌芯兩端位置的確係太韌，差不多等於1/4條食唔到。另一主菜舌尖側相反，柔韌度剛剛好，但就唔係太入味，但當點咗黃芥末醬就啱啱好，用舌尖卷小小白飯一齊入口係一流嘅👍🏻。另外，本人極之歡喜佢哋嘅湯，可以話係我近年來出街食飯最好飲嘅湯，好香牛肉味而且不油膩，一般日式餐廳嘅麵豉湯簡直不可同日而語，另外冷盤沙律份量亦十足，生菜捲着牛舌心食抵銷油膩感簡直係美妙！仲有應該自家製嘅黃芥醬，中間夾雜左啲蔥，淨試味時十分嗆喉，但當點咗牛舌或司華力腸，就變得溫和好多。舖頭位置不大有狹迫感，但好彩未至於背貼背，鋪內油煙味唔算濃，枱面、餐具和地面整體清潔度亦良好，樓面妹妹態度有心機有耐性值得一讚。店內冷氣就真係唔太夠同較污糟，希望店家注意一下，整體來講用餐體驗可以比70分，餘下分數係因為睇唔到廚房同洗手間，所以冇計算在內。…Read More

兩個人入去食晚餐，入座時(約1830)明顯比早一個多星期流失咗八成半客人，點咗一個咖哩牛腩飯及一份常餐「沙牛麵+火腿奄烈」。先講咖哩牛腩飯，個飯底都算OK兼夠份量，但個咖哩牛腩就好奇怪，牛腩肉量小但就好多牛筋再配蘿蔔拓底打個咖哩汁在面。牛腩肉係五香牛腩方法煮，明顯係同車仔麵同一個餸，牛腩好實好硬完全係唔夠時間煮淋果隻，但係牛筋就出奇地好淋而不爛碎。咖哩汁係有色無味果隻，蘿蔔雖無生根不太硬但亦不入味，而成個餸係偏凍。而常餐沙牛麵就落單要爽麵，呢點係做到嘅，但個湯底都係唔太夠熱，至於主角「沙牛」就韌到不得了，完全係近牛筋膜位部分而且最離譜係未完全切唔斷，係一大片喺筋膜果邊連住。講返個沙爹汁就完全唔香唔濃，只係淡淡咁知道係沙爹汁囉。 另一主角火腿奄列就好夠份量，但個涵就好淡無乜味，好似得火腿本身嘅味當作底味就算咁。成個套餐最出色竟然係件多士，夠厚夠熱夠脆。最後係兩杯餐飲凍及熱檸茶，茶色都透徹但茶味唔濃，而檸檬就明顯係平價貨，只有苦澀味不覺有檸檬香。 整體因為新開店，衛生同環境都係好嘅，食物出品嘅時間較慢，食材用料明顯性價比屬中下程度。…Read More