leowong1108's Profile

今次去呢間餐廳最主要嘅原因係想試下個威靈頓牛柳，咁喺訂位嘅時候就pre-order咗啦。去到餐廳入去坐低個感覺都幾舒服嘅，因為間餐廳都幾大同埋啲座位都好闊落，環境唔錯嘅。咁坐低之後就嗌咗個小食拼盤啦，個小食拼盤嘅價錢就係二百三十幾蚊，咁但係個小食拼盤嚟咗之後到開始食個感覺就麻麻地。入面有炸牛油果啦、炸芝士啦、所謂嘅沙律就係兩條菜、兩隻雞翼啦、同埋幾片嗰啲墨西哥嘅薯片呀，其實本身個小食拼盤入面啲嘢都已經唔熱㗎喇，份量又少，至於食物質素就麻麻地。跟住就到個威靈頓牛柳，其實個威靈頓牛柳佢寫住係2人用嘅，但係一放低我就覺得其實一個人用就差唔多，兩人用就一定唔夠。呢個 威靈頓牛柳 價錢都唔平，要$788蚊。咁開始品嚐啦，個蘇皮 就都幾鹹，我就覺得係鹹得滯。而牛柳其實都幾難切得開囉，整體感覺食物質素就真係完全唔值呢個價錢，埋單總共係$1200蚊。我完全唔明點解openrice會有咁多人畀好評佢，完全真係諗唔到，我都畀佢呃咗。…Read More

我已經好耐冇寫食評，但光顧左呢間所謂 "最優秀火煱店" 咪走雞 之後，真係吾想再有人比佢地所得既好評星星及評分欺騙到而走去食，所以真係要寫出黎比大家知道。首先，佢地既服務只係一般，有時叫侍應都吾應。第二，食物質素都只係一般，雲吞、肥豬肉多過乜、蝦就細細粒。D丸都係普通，同响街市買一樣。牛肉幾好味，但吾值這價錢。第三，芝士雞㷛D雞吾係一隻雞，而係D雪藏雞肶或雞件組成，仲要加埋隻雞吾熱，店員話已經得叫你食，感覺極差。第四，價錢極貴，呢個食物水準收接近四千元，非常吾值。第五，坐客隻腳成日撞到張大枱下面既鐵枝，(房内)，好明顯張枱的設計有問題。第六，連信用卡都冇得用，食幾千蚊野要帶現金。完全理解吾到一間無論 食物水準、價錢、種類、服務 都吾達標既火煱店都有咁高分？…Read More

這間舖之前叫跑馬地，我光顧過五、六次。現在易手; 今次我一次光顧。餐廳內裝修冇變動跟之前沒有分別，今次叫左個黑松露野菌意大利飯 以及意式茄茸龍利魚焗飯，首先品嚐既係南瓜湯，入面既南瓜茸好香，吾咸; 之後食意大利飯，飯太林; 黑松露味都夠香，焗飯好入味; 龍利柳冇雪味，吾錯。不過; 咖啡及奶茶真係極之吾掂，千奇吾好飲。…Read More

之前聽朋友講左好幾次話恆豐中心地庫有拉麵食，幾間鋪頭一齊任你揀食邊間; 感覺好新鮮，所以今次就去試下。入到去的確覺得幾特別，有五間拉麵店任揀; 於是揀左一間阿修羅叫左一碗豬軟骨拉麵，等食都等左35分鐘，到見到碗拉麵真係眼前一亮。。。咁細碗。麵身食落都有D咬口吾太林，豬軟骨都煮得夠林; 味道還可以，麵豉湯底部ok，吾太咸，但碗麵價錢就吾值$80蚊。…Read More

第一次食海鮮蒸氣石鍋，真係難忘兼失望既一次飯局。首先; 我地一行10人選擇自選海鮮而不吃半自助，之後去揀海鮮，有海蝦一斤; 大約手板長度，龍蝦5隻; 大過手板少少，龍躉魚; 斤半，蟶子10隻，鮑魚仔10隻，手板大元貝10隻，桂花蚌5隻，蟹糯米飯2龍，菜心，勝瓜加14支啤酒一共六千元。講ㄧ講味道，海蝦，龍蝦，蟶子，鮑魚仔，桂花蚌，菜心，勝瓜; 味道不過不失，龍躉魚有些少酶; 味道冇鮮味，大元貝有鮮味; 吾錯，蟹糯米飯有蟹鮮味; 糯米飯有咬口，粥都吾錯。但係六千大元食這個份量以及質素既海鮮，一定冇下次。…Read More

呢間西餐廳係我响佐敦行街揾野食既時候無意中揾到，而食過之後都覺得可以再幫襯既西餐廳; 亦都係暫時唯一一間。呢間西餐廳可以選擇既食物吾多，不過水準都吾係差既，當我响佐敦想食西餐，就會諗起佢。最起碼食物既香、味佢都有齊。羅宋湯味適中吾太濃又有少少辣; 牛柳吾會太薄同有肉汁，豬扒夠厚不過就嫌乾身得滞。最正係個意大利雞腿飯，洋蔥汁夠香同雞腿肉夠滑。不過入面既坐位真係迫，坐得吾太舒服; 當多人既時候就慘喇。…Read More

骨㷛皇 - 一間食物水準同價錢都成正比既火鍋店。店內空間大，檯吾太多，坐得舒服; 又有電視睇，如果覺得嘈又有房，最低消費都係大約二千元，扺玩。食物水準吾差，尢其雲吞同餃類、丸類都幾好味。雲吞好少肥豬肉; 同埋隻蝦都冇雪味。個人覺得韮菜餃最正，冇乜肥肉; 皮夠薄。另外仲脆鯇魚腩，夠新鮮又吾太厚。仲有牛肉都幾好食; 個人喜歡佢既鮮牛，夠牛肉味。啤酒又成日有promotion，每位都係大約三百元，坐足一晚，扺!…Read More

第一次幫襯呢間井尸北海道米比薩兼第一次食米比薩。用餐時段係星期日夜晚八點，等左二十五分鐘先有位，跟住由叫食物到有野食又等左二十五分鐘。叫左一個意大利飯及米比薩，意大利飯味道一般; D飯軟硬適中，個米比薩就真係有D失望，完全淨係感覺到只係食緊上面D餡料，主要個米比薩吾知去左邊?…Read More

响深水埗工作差不多四年，第一次黎呢間點心專門店幫襯。一望入去成間舖都滿哂，心想食物水準應該一定吾差。等左十五分鐘有位，入到去未坐低已經問飲咩茶; 我都吾客氣即刻比埋張劃定既點心紙佢。叫左蘿蔔糕，灌湯餃，金錢肚，蝦腸，小籠包以及鵪鶉蛋燒賣。碟蘿蔔糕真係令我眼前一亮，用芽菜以及青、黃椒加XO醬一齊炒; 的確好食，燒賣肥肉吾多，金錢肚既黑胡椒味夠濃，不過就林左D。蝦腸D腸粉好滑; 蝦又冇雪味，灌湯餃以及小籠包都吾錯，呢個價錢有咁既質素; 值得。…Read More

W..Burger係我食過幾間漢堡飽店中最值得推薦，首先佢雖然個舖名叫burger, 但係佢仲有其他食物，例如熱狗，沙律，飯及粉類，都係味道吾錯。佢既漢堡飽除左賣相ok之外，塊漢堡扒味道仲吾錯; 咬落有牛肉汁既香味之餘，再加埋其他配料如大磨姑，蕃茄，洋蔥，芝士等等，真係好味。店中賣既熱狗以及意式粉麵都吾錯，就算賣相同味道部吾差。不過價錢吾平，正所謂一分錢一分貨。…Read More

第一次去Novotel Hotel食自助餐，入到餐廳時看見大約只有半間餐廳坐滿，心想呢舖大鑊喇; 吾通中招，再諗下或者今日係平日所以少人D啫。坐底之後開始攞食物，刺身只有三文魚，壽司款式就多D，不過味道一般; 熟食中條清蒸石班及海蝦吾錯，其它海鮮都係普通; 和牛及羊架都係一般，有一樣野食物反而覺得真係OK, 就係碗豬軟骨拉麵; D豬軟骨吾太林又吾多肉，湯吾咸而麵又吾太林。好在Haagen Dazs雪糕任食，都吾係輸哂。團購價錢$300一位，坐足三小時; 總括黎講都OK, 但如果超過呢個價就無謂幫襯。…Read More

第一次到新記餐廳試食撈丁，因為有朋友話佢聽佢朋友講呢間舖既芝士撈丁好食，所以去試。地方環境普普通通，似一間舊式茶餐廳; 跟住睇完價錢牌，都已經覺得吾普通; 再見到黎到果豌芝士豬扒撈丁同雞扒腸飯，真係個心涼左一截。又細豌，又少餸，每豌價錢$50找返$2。豌芝士麵味道一般，吾差又吾特別好，但豌飯真係嘛嘛，我可以肯定冇下次。…Read More

食左咁多間日本菜壽司店，在一年半前終於揾到一間平靚正日本菜食店，就係呢間山葵。九龍城山葵原本同一條街有二間店，但由於人手問題就整合為一間。呢間店舖壽司款式都吾少，而且仲平靚正，食材新鮮又好味。仲有其他食物，例如烏冬，拉麵，刺身，熟食都吾差。例如蒜片牛柳粒，牛肉鍋等等，都好好味。…Read More

昨天第一次到元朗嘉麗園食牛腩麵，因為有朋友推介。坐低叫左碗賓沙腩麵($60元一碗)及雲吞麵，碗賓沙腩麵真係令我失望。第一，食落去簡直同一碗普通牛腩麵冇分別; 第二，成碗麵既牛腩都吾似賓沙腩; 另外，碗雲吞麵D雲吞又冇蝦，總括黎講呢間鋪係吾會再幫襯。…Read More

10月24号晚上同朋友共2位到此用餐，叫左一個最貴$380既盛夏刺身盤，當刺身盤黎到既時候，見到個盤就靚，但刺身九成係魚，仲得十幾舊，完全感覺被騙。但又因為同一位心儀既女性朋友一齊，吾想跟店員理論，為有硬食。  仲有油甘魚壽司，賣相同味道完全吾得，仲差過其他連鎖店。…Read More