padre's Profile

兩百零蚊 食兩個鐘， 美國澳洲牛小排 都有， 感覺上都唔差。十一點幾去到冇乜人 ，不過臨走嘅時候就好多人，所以早啲去有著數。講真 ，牛肉嘅質素如果你好挑剔 要比較，佢唔算最好食， 良心說話中等啦。如果佢哋肯喺食材方面再做好啲，牛肉味濃啲，分分鐘打贏好多 其他放題。佢有一道仔 tactic 嘅就係樣樣都有，例如 榴槤大福、開心果泡芙 ，豆腐花， 關東煮....雪糕味好淡唔夠濃， 很樂館嘅就起碼都dreyer's 啦。值得一讚嘅就係佢嘅脆鲷魚片 味道真係好唔錯。…Read More

其實幫襯都唔少 ，order 嘅 食物 亦唔算少 ， 但係如果叫咗咁多食物 ，再加幾杯咖啡 ☕ 都要驗守這個規則只半個時辰需便要離開交枱， 說真的，有時真係大殺風景，乜嘢 mood 都冇曬。感覺上今天都唔算多人， 畀我平日嚟 叫做小 Tim......其實真係有啲心噏，因為 特登 搭車 行路 過嚟，飲杯咖啡 ☕ 食下 意粉(經典Carbonara卡邦尼意粉)； 未食已經開始 語重深長咁同你講 ，只可以食一個鐘便要交枱， 你話 啦，心理上都畀佢打曬折扣啦。另外 vegi set ok 啦 ，不過唔好釆都唔多夠沙律醋。講真其實中規中佢都唔錯，打算得閒都搭車過嚟飲杯，但係經歷過今日 嘅感覺 ，以後就真係會幫襯少好多喇。 …Read More

今天叫做一杯凍椰汁咖啡.... 都幾特別，不過相比之後我都係喜歡純正的凍，冷萃咖啡。今日食咗一個 煙三文魚沙律 ，遇上好好味啲三文魚都唔錯，不過，如果 D 醋汁多一啲就會更加好食。飲咖啡食沙律呢個早餐非常健康 ，突然間文筆大發....🍁 凍椰汁咖啡....凍椰汁咖啡， 漩渦輕攪，星雲流轉， 像宇宙初開， 混沌中孕育天與地。 椰香繚繞， 如銀河低語， 咖啡苦澀， 似人間相遇的輾轉。 天，托起無垠夢想， 地，承載腳步徬徨， 愛情....是那滴落杯中的微光， 在冰涼與溫熱間， 綻放永恆的碰撞。 凍椰汁咖啡， 一口，品盡宇宙蒼茫， 一瞬，喚醒人間情長。…Read More

朋友介紹，咁咪搭車去試下囉， 我今日因為時間關係 所以只可以買出去食， 冇所謂啦 take away 一樣咁開心， 只不過就享受唔到佢哋嘅廉價下午茶。$230 狠狠地 買咗半隻燒鵝，返到屋企 都算唔錯。肥叉就真係冇得頂 ，朋友冇講大話，我全家人都覺得恰到好處，下次一定會返頭買。鹽焗雞非常好味 ，夠淋，可能係雪雞( 對唔住我 check 唔到，我只可以講可能)； 姑勿論點但係真係幾好味，買咗半隻，早知買一隻啦。燒肉 都算中規中矩唔錯，不過見到佢哋有燒腩骨， 下次應該買嚟試下。…Read More

嚟到深水埗想食豆腐花，於是 入去這間好多人 都知道嘅 ，有歷史嘅舊舖。外賣拎走，有豆腐花、煎釀豆腐、魚腐等等....夥記可能因為 有歷史同埋好多粉絲嘅關係 ，你唔能夠將佢哋 當作 成一定好有禮貌，一定好有如日本 小店中 的禮貌週週， 反而你同佢落單，佢聽錯你都要當自己講錯咁你就天下太平乜事都唔會發生。豆腐花拎到返屋企可能天氣熱有少少味道唔同咗，但我相信冇變壞都食咗，放心，我而家都未死得㗎。😅 煎釀豆腐一般啦 ，同以前味道差唔多， 驚喜 唔算有但係 都合格嘅。 魚腐 都係一般般啦。祝願佢哋生意蒸蒸日上夥記態度越來越好祝願佢哋嘅食物都 大有改進越嚟越好食…Read More

非常奇怪打電話訂位夜晚滿曬座，所以只好晏晝 嚟呢度飲下午茶。地方都算幾大，可能時間三點幾唔算多人，差唔多任你坐， 都是舒服 感覺上都好有 澳洲 feel....天氣太熱呀，如果唔係坐戶外都幾好； 坐喺大梳化有啲 background music ，County songs, 唔錯呀。叫咗一杯 long back ， 飲落咖啡味唔錯 ，感覺上少少 nutty，body 都算係夠full，用配鬆餅 好好味 ! 😋 叫咗份 T-bone, 牛柳嗰邊 ok 都算唔錯 ，牛扒嗰邊就比較硬少少。甜品今日試咗個 麵包布甸 ，上枱嘅時候有雪糕， 真係少少地杯咖啡都係一種享受。有驚喜係沙律覺得好好味 😋…Read More

搭地鐵入青衣 穿過青衣城 到天橋到青衣公園到一間天主教堂 過馬路 到巴士站到青衣邨上天橋落天橋到大王下村入村向右手見到一間隱世小店......原來開正午十二點， 老闆告訴我收兩點 ，再由五點開到夜晚大約十點。的確有些奇怪原來好多這個小島的居民也不知道有這一間隱世小店， 感覺上 佢哋嘅 椒鹽 九肚魚 真係好唔錯， 起碼皮唔會厚，魚都係上價貨， 入口皮即溶 魚都唔錯好香，第一次去當然要考下佢哋嘅炒功， 佢哋嘅乾炒牛河係合格嘅。另外都叫咗個蒜蓉蒸魷魚， 碟下面有粉絲， 要嚟配白飯 好好味。白飯嘅質素如果能夠再好啲就好喇。…Read More

你估佢唔到，呢家 青衣 小島咖啡店原來都唔少人幫襯， 其中一個咪我囉....原來呢間 咖啡店 換人都幾勤，有時冇幾耐又轉一批； 當然有好有欠缺，最近佢哋嗰批職員嘅禮貌都有改善值得一讚。不過法國管理上真係有少少問題， 例如荃灣熊貓酒店嗰一間都有好多人會無啦啦唔幫襯揸落去坐， 但值得一讚職員好有技巧會走去問使唔使幫手叫嘢，順便拎張 餐牌畀佢睇；我發覺呢一種態度非常值得學習，因為又唔會令客人難堪又可以增加生意額何落而不為？ 既然大家同公司青衣城真係應該去 借鏡 學習， 青衣城好多人 買一杯嘢霸三張凳坐足成個下午，拎電腦喺度做生意自己好似有個 partition 咁， 喺度買保險同埋補習唔使講， 其實都冇乜問題，不過有聲音污染真係 noise pollution 好唔文明，將星巴克嘅格調即刻降低兩三格。最離譜嘅就係有一啲顧客 完全唔買嘢一個人八三張凳，坐喺度剪腳甲有，捽腳趾有，嘩！ 你諗下好核突㗎。希望青衣城 職員努力，見到有人不妨問下佢哋使唔使幫手叫嘢，起碼等啲人唔好咁離譜唔使錢又阻住有心想入去飲咖啡嘅。希望我哋生意蒸蒸日上，咖啡越嚟越好飲，服務人群。…Read More

最近嗰一次寫這一間食評應該都係舊年大約十月 ..... 今年走訪幾間食海南雞嘅，真係各有千秋 有啲都係差咗。有位食評家同我講，顧客最是『有情』但亦是最是“無情”。你好食，他們讚不絕口，縱是排長龍排一個鐘兩個鐘顧客仍是情款心心當你係情人一樣， 絕無詐你型。講講今天叫咗 咖哩 牛腩， 朋友相對調咖哩牛腩撈麵， 㗎央多士， 腸仔 etc 朋友同我覺得牛肉畀以前嘅感覺 失色好多， 佢真係特登嚟呢一間試下㗎 ，以前佢覺得都唔錯，今次佢覺得好似牛肉嘅品質 down 咗 grade， 大家交換 試 下果然一樣 冇得比高分， 咁就真係慘喇 ，就算換過買食材 想 upgrade 都有時間㗎。所以有時明明想幫襯你 ，諗起質素都好似會卻步， 請勿 對我說我們無情 !…Read More

其實同一日我試過另外一間 崩沙腩，食完之後覺得伏伏地， 因為想買啲返屋企畀家人所以見附近又有一間牛公館，雖然未 試過 咁咪入去 犧牲下 做個實驗囉....都算唔錯喎食飯時間都畀我咁好彩搵到卡位， 可能我個樣唔夠靚仔所以好多新入嚟嘅客人佢哋都唔敢同我搭枱( 對唔住各位 followers , 我自會檢討一下) 我當然叫崩沙腩但係難得原來佢有牛沙瓜( 最近唔係好多粉麵店有)， 咁咪叫個雙拼囉。服務員其實雖然 窩窩(raw)地但係都好有禮貌咁問我 要唔要加飲品( 因為之前 我睇過其他食評話佢哋最失敗嘅係職員嘅禮貌)， 我亦都好有禮貌問佢沖奶茶係唔係用植脂奶定黑白奶，佢哋話用『植脂奶』咁我梗係打死都唔會 飲奶茶啦， 終於加咗12蚊叫咗個檸檬梳打。崩沙腩嚟到 其實 個樣真係唔算靚仔等你食落去 好有牛肉味喎，以咁嘅價錢真係算好唔錯； 相反牛沙瓜睇落去真係個樣係“掂”㗎，但係食落去呢就普普通通稍為 咸咗少少， 不過都收貨㗎。嗰杯飲品就真係普普通通啲檸檬唔夠味所以 兩樣加埋衝撞之下 都唔算太好飲臨走我都買咗個 牛沙瓜 + 墨魚丸 湯河，再加一個崩沙腩 + 坑腩 湯河....回到家後家人覺得味道可以牛腩都算出色。…Read More

最近我突然間唔知 發咗乜嘢神經，好鍾意食崩沙腩.......有鑑於呢一個前提，所以喺荃灣 就喺琴日夜晚 黃昏 去到 角落頭，有一間專賣潮州嘢亦都有燒味( 我之前食過佢嘅墨魚同埋肥叉覺得肥叉幾有水準， 當日 臨走時攞咗佢將菜單見到有崩沙腩，所以係有預謀嚟㗎)其實裏面地方真係唔係大， 不過都有卡位，所以 我同人搭枱之下用咗一邊 ， 一個人坐喺度 享受一碗崩沙腩加豬手湯河。冇幾耐碗湯可 來都來了 ，崩沙腩望落去有層次好似傳說中擦子膠一樣 幾鬼靚仔， 狠狠的咬落去 感覺 有啲失望，因為我期望中嘅美麗牛肉腩香味完全喺我嘅 潛意識裏面係搵唔到㗎:(； 不過都算好彩 因為 雙拼要加錢 $8，我只係加咗八蚊就享受到一隻非常淋嘅豬手 ，本來冇諗佢咁淋但係估唔到隻落之後有幾鬼好食喎。見到佢有潮州嘢 魚飯等等，但係今日畀我嘅感覺我就有啲 “選擇困難症唔”敢買喇。…Read More

喺荃灣路德圍， 這裏好多 食店，所以要闖出名堂的確唔容易....今日去荃灣 ，飲咖啡嘅時候突然間想試下 好味嘅叉燒； 立刻用電話 google search 下，邊度有叉燒？見到原來都好多間燒味舖 ，但係佢哋嘅分數 由二點幾至四點幾分。最後揀咗一間 四點幾分最高分嘅 買咗外賣....叉燒嘅感覺好特別 ，真係佢似乎「糖份」唔係用 平常嘅蜜糖 ，所以 食起嚟有啲炭燒 popcorn 嘅味道， 好特別， 100分 滿分 我畀70分啦， 如果佢用嘅豬肉更加靚 我可以畀到 90。另外我買咗 燒骨腩， D 皮就唔係脆㗎喇， 肉質真係仲有好大進步空間， 我索性 返屋企 用嚟炆其他餸 ，又或者煲粥算啦 。😐雖然試咗兩樣，但係覺得佢哋如果想競爭力好啲(尤其是佢哋話自己燒嘅)， 真係要好好加把勁。💪…Read More

青衣城最近多咗好多新 食肆， 可能咁嘅原因今日中午去食飯覺得有些微嘅改善。中午套餐 $78， 有個椒剁蒸鯇魚， 今次味道都中規中矩，有白飯，加一個湯， 都計茶位； 今日唔算多人坐得都算舒服。另外叫咗一個銀魚仔蒸肉餅， 都係套餐未到還可以， $78。今日覺得啲白飯冇以前咁硬 算係進步咗， 可能附近多競爭所以自己有自知之明， 職員嘅態度都略有改善。唯一要講下嘅就係既然都做開中菜，點解 茶葉冇多種選擇呢？ 又唔係唔使計茶錢，點解唔大方啲畀多一兩隻選擇都唔係太麻煩啦。…Read More

嚟到奧海城，想食下海南雞， 是到一間地下泰國菜 ，款式好似幾吸引 於是入去試下....海南雞飯， $138； 普普通通啦 唔算太有驚喜， 值得進步的地方油飯可以香啲 ，雞的份量可以多一些， 豆腐湯 都算okay 三 款 醬汁幾特別。烤魚用嘅係盲曹， 中間夾著 香茅燒烤 ，$148， 中午時分食就比較化算， 味道我覺得香香地算係唔錯。跟餐嘅凍咖啡我就覺得好一般喇， 如果你真係好需要享受一杯 美味咖啡你可能唔收貨， 你當係 免費送贈咁就冇問題。環境都算寬敞， 中午時分盡量唔好靠街邊因為陽光曬到好熱。…Read More

行完書展好大雨 ，從天橋落去 轉過彎就到，所以都 濕咗 少少身。大約中午兩點 15分都非常多人， 好彩啱啱搵到座位 ，大家如果想去三點後會少 D 人 ，不過就未必有 午市 了。叫咗個三鮮炒年糕， 味道幾好真係有啲老上海懷舊 feel, 嗰啲火腿好似 真係喺上海嗰一種， 所以 真係發思古之幽情； 心中不其然講一個『正』字。不過可惜 比較稍鹹 ，而且鹽的質素 其實大有改善空間，(我喺屋企用唔同品質嘅鹽煮出嚟嘅餸真係好有分別㗎)。有一個 午飯叫做炒鱔糊， 有例湯同白飯， 都係嗰一句如果炒鱔糊啲鹽用靚啲嘅效果一定好唔同。小籠包難得佢真係灌湯 ，不過湯就唔算有濃味， 所以佢哋真係可以考慮一下佢哋嘅高湯加 多一錢肉緊。鍋貼覺得 ok 㗎， 中規中佢啦。少少失望佢哋好似唔多次係上海人( 純粹我估㗎咋)，因為我用上海話多謝佢哋，佢哋好似冇乜反應唔識聽。…Read More