EagleMoon's Profile

早上自己一個去尖沙咀行,因為唔想多人同人逼(雖然其實the one本身唔會太逼😂😂😂),所以都選擇12點左右就去食。之前一晚已經鎖定食呢間,因為本身Menu吸引,所以今日就按原定計劃去呢間。我上到去,其實只係有人,但絕對唔係多人,我在門口,示意1位,reception明明見到我都無理,走左入去幫手,咁我覺得佢可能人手唔多所以要幫手,呢個就算。等到佢出返來,我再次示意1位,佢表示1位要坐出面,其實裡面都有位,但佢地入面既位係俾多人d坐,所以1位就要坐出面。好丫,我可以理解入面既位可能坐多點人,所以留俾幾位既人食,呢個可能係公司政策。我1位坐出面,省位入面既位,我可以接受,但我最不接受既係外面既位其實無吹到冷氣,可以話好焗下,咁我問你,係咪我一個人食就要焗,無冷氣,你要省入面既位可以,但每個來吃的都係你既客,同樣有消費,而且仲要收加一架喎,我黎得食都係唔想逼,想舒服坐下,享受下一個人既午餐,做咩要無冷氣地食d又熱又辣既野? 如果咁,我不如選擇無加一快餐店都舒服過你。好老實講,我係好想食,仲打算食完好介紹朋友食,可惜但我坐低一陣已焗到有點暈,加上我坐起外面,也沒覺得會有人過來俾我落order,所以我決定不光顧. 唔該你地檢討下,至少出面既冷氣應該要改善一d,我一個人食唔等於要接受比較差既環境去食囉。…Read More

雖然說唱K重點在唱K,但其實食物質素都很重要的,食唔飽點唱😂😂😂食得開心自然唱得開心 ! 之前參考食評已見有人說牛扒唔錯,前幾天終於試左,牛扒的確唔錯,肉質比很多西式cafe和餐廳做得還要好,推薦👍💝…Read More

平時食泰國菜多數都係幾個人share比較多選擇,因為一個人很難食到太多野。呢間既lunch set好吸引,而且自己一個食也很適合。吃了一份海南雞喇沙,喇沙好好食,海南雞對我黎講就油左d,不過味道亦唔錯的。個沙律有一隻蝦和柚子肉,感覺比較健康。70多元一個set包了飲品,整體覺得唔錯, 下次會試其他野,Menu中好多野都想試😂…Read More

我比較懶,唔想講太多啦😂最值得推薦既係一口牛同海南雞。一口牛做得比好多地方既牛扒好食,而且一碟都幾多😊無骨海南雞半隻都好多件了,肉比較厚而且唔肥。個咖哩牛楠都係,看下去唔多但其實好多舊也大舊,不硬,剛剛好。另外藍碟花青檸梳打個味幾清,唔錯唔錯。…Read More