JackieKwan's Profile

星期日，完咗event收工，已晚黑10點幾。平時極少去呢頭，作為新界人，對呢間餅店認識亦唔多😅本來只係hea下渾下吉，所以問老闆收工未，怕阻佢，老闆幾親切話等埋人先收。望下望下，醒起過兩日去台灣探朋友，咁不如買啲手工嘢做手信。本來想買曲奇，但又好似冇乜特別，又怕碎，最後買咗幾重嘅花生朱古力。又見到雞蛋餅及鳳凰卷，童年回憶返晒嚟。返到屋企急不及待開雞蛋餅食，好脆口、濃濃蛋香又唔太甜，好正。鳳凰卷就未食。出年過年，賀年食品，又多一間選擇。…Read More

第一次去：晚上八點幾，排長龍，不了！第二次去：下午5:40，剛過了下午茶至5:30時間，可惜，但都照入去。冇乜人，環境舒服整潔，QR code 落單，唔駛同人講嘢，正。只叫了伯爵茶疏芙里珍珠pancake ,好好食，好鬆、唔太甜、有啲果仁伴碟服務亦好正常。六點半後開始多人。見其他人叫了pasta 、牛、意粉，感覺上啲人都幾滿意，下次要食多幾款…Read More

純粹攝時間，在鬧市一條偏靜少少的街裡，飲了一杯black ,還算舒服，不焗促、不吵鬧，不少人也是歇著，也有一張室外枱。咖啡有層crema 😃, 亦香濃，不酸不苦，適中大眾化（本人不是專家，只會分啱唔啱口味）。美中不足冷氣偏冷，令咖啡很快涼了。注意：只收現金 …Read More

已是短期內第三次光顧食物： 質素穩定，份量亦恰好，一定唔會唔夠食，推介pizza ，足料、香脆、薯條都好食，唔會太咸及燶，意粉會跟一片香脆蒜茸包、沙律新鮮、每次都會叫牛油果蟹肉沙律，夠新鮮飽肚咖啡：espresso tonic 唔錯，點set 就加$28，加大就好似再加$4，仲可以加幾蚊轉豆，顧客就是喜歡自遠環境：簡單、坐得亦舒服、乾淨企理、光猛，唯一美中不足係商場環境本身，但絕對可接受服務：不過不失，中上，用QR code 落單已變成公司慶功午膳之選，讚…Read More

CP 值高。全部$40蚊有找，口水雞、海南雞，連埋椰子雞湯，唔錯；糕點就一般，始終食慣朋友自家製；但肉骨茶配飯或米粉有驚喜，而家變成我冇咩想食既必然之選，有埋雞腳、豆卜，肉骨都多（好飽），米粉有芽菜，大讚！仲有醬油膏、辣椒及蒜茸。…Read More

食了午餐 南瓜湯 ：堅有南瓜蓉，本來不錯，唯獨唔夠熱，少少失望甲丁乙（All Day Breakfast, ADB) : plating ok, 份量夠多, 香腸賣相不差，牛角包望落去賣相一般，但原來微脆，有牛油香，仲有兩條春卷，好味。整體質素中上另加$15 升級 Dalgona Coffee (叫：純粹跟風），頂！個咖啡cream .... 不得了，濃濃咖啡香。我人生唔食cream, 都撩咗幾啖，愛恨交纏，人生糾結。慳咗幾日calories, 死於佢手。但心甘命抵！ …Read More

去完海洋中心睇完醫生，搵杯咖啡飲下，思考一下人生，不錯的選擇。可能平日關係，算靜和舒服，但如坐滿人會偏迫，檯與檯空間較窄。雞扒主要用香草醃，不太咸，適合簡單口味的我、沙律菜無特別，但醋很香濃，味道和感覺即時提升、+$10轉比高包（原本是多士），見到comment 有人話偏乾和硬😂，是有點乾，但我這個幸運地偏脆，如有牛油果醬或忌廉芝士就不得了😅值得再來…Read More

一向少寫食評、亦不是相機食先果類人😅忍不住讚下：❤️第二次幫襯，食物水準平均地高❤️服務態度殷勤親切，人較多，但快手快腳❤️不是高雅類別，但環境唔錯，清潔乾淨，又不算太嘈❤️蕃茄湯底讚，蕃茄味濃，我估應有落茄膏，但不失鮮味，朋友和我，飲了幾碗😅❤️唔鍾意食丸既我，都覺牛丸及貢丸好味，朋友就話款款都好得。個人最鍾意牛九，爽口彈牙、牛味濃，口感有啲似牛根丸❤️可能同我叫既牛部位有關，唔記得係乜，中間偏高價錢果款，牛肉有少少鞋口，唔係入口即溶果種，但牛味就好香好濃，完全抵銷了鞋口不足之處，我食了很多❤️份量也夠❤️菜也很新鮮，感覺仲洗得幾乾淨，平時最怕啲舖頭求其洗下沖下。仲有水蓮、A菜等台灣蔬菜選擇，讚❤️水餃雲吞也是爽口彈牙，入面唔係肥豬肉一定會再幫襯…Read More