第一次食評就俾咗呢間新開泰式餐廳好難得喺香港食到正宗泰國菜嘅味道泰式黃咖喱大頭蝦睇落個醬好紅，以為好辣。點知食落去甜甜地送飯一流。鴨肉生菜包平時食開嘅係豬肉生菜包，呢間餐廳就特別d用左鴨肉，食落去除咗平時豬肉生菜包嘅味道口感之外，仲多咗一個脆脆嘅口感。原來廚師將鴨皮炸到酥脆！幾有驚喜！泰式蝦醬炒飯炒飯最重要嘅係飯唔會過濕。而呢個炒飯就做到乾得嚟都有返少少嘅濕潤。飯經過喉嚨唔會有不適感。每一啖都有淡淡蝦醬味配合，非常之惹味！最後食埋個泰式糯米飯，暖笠笠嘅糯米配上凍凍地嘅芒果，完美！…Read More
