lalala1234的個人專頁

今日同朋友小聚就揀左呢度,第一次黎,所以都幾期待。因為係下午茶,所以選擇士多啤梨磚塊，和熱帶水果茶，我很喜歡士多啤梨磚塊，忌廉加士多啤啤加脆口多士，一啖過，好正，價錢唔貴，70蚊，熱帶水果茶不是太甜，很好味。PS 兩個人完全都係食唔晒,3個人食我諗會好好多。…查看更多

雙份鵝肝軟殼蟹漢堡 $268愈豐富愈開心  兩塊鵝肝都煎得外脆內軟 帶點油 甘味 好食～軟殼蟹係原隻炸 好足秤！炸得好脆🦀呢個組合真的不錯 推介 個包鬆脆 又有芝麻香味  雖然比較貴 但兩個人share都一定夠食 …查看更多

平時來都系食晚餐，今次試下佢地個下午茶。今次叫左個波菜意大利飯同玫瑰熱朱古力，個飯軟硬適中，口感好唔錯,但我略嚴佢咸左小小。黎果陣出面落大雨,所以叫左杯熱朱古力，飲完成個人暖粒粒,杯野勁靚仲有陣陣既玫瑰花香，完全唔捨得飲，甜度岩岩好，飲完會有種失落感。哈哈。啲服務都好好！…查看更多

行街行得攰就熙係買小食食下喇,今次經過叫左個 台灣紫心香芋丸 $42 一粒入面頗多香芋蓉 出面黃黃地個層都甜甜地😀個人覺得幾好食 口感係煙煙韌韌～亦唔會太甜 不過就稍嫌有點油膩total有6粒 都算抵食！…查看更多

同學生經過好想食就買左。今次叫左 原味加士多啤梨味Twist 細杯。 糯米糍，士多啤梨，可可粒topping 。一杯包一款topping，每加一款加6蚊。價錢系中環區黎講，唔算貴。士多啤梨味乳酪有啲酸，加埋原味可以中和翻小小個酸。好中意個糯米糍，做得好有咬口…查看更多

今日同閨蜜行街經過見到佢地個二人下午茶幾吸引，所以就入去試下。個人覺得服務一般，好似無乜耐性。等左超過20分鐘，都未有野食😫 餓到呢。。。成個套餐份量，二人岩岩好。個鵝肝醬多士，多士唔系多士，個包都無烘過，好失望。食唔到有鵝肝味。 個焗薯角芝士味好濃。👍👍 個脆魷魚圈加泰式甜酸醬 好開胃。 個炸雞翼就系單骨 炸得耐左 啲肉有啲老，同好咸。 芒果蝦多士幾好，個包系脆脆的 芒果醬好濃好好未。 browine 好濃味幾好。芝士蛋糕就有進步空間，因為芝士味唔夠濃…查看更多

今日番工去左呢度食D野先,可能時間已經係夜晚9點幾,所以等左10分鐘左右就入得。我點左一份紅燒牛肉面同熱帶水果茶。最中意佢呢度D面好爽口,牛肉好入味,夠晒林。個水果茶個人就覺得甜左小小,所以都會加小小水 等佢無咁甜係服務就一般般,成日都唔夠人,效率一般。…查看更多

又黎食蒸氣鍋，真系一流，今次系海鮮大餐，南非鮑大大隻，肉質鮮嫩彈牙，蝦大大隻又爽脆，牙拉斯加長腳蟹簡直一流，鮮味唔在話，仲啖啖肉，人小啲都食唔晒。牛肉，豚肉呢啲都幾唔錯，佢地既小籠包同糕點都系要推介俾大家的！唯一系服務有待改進, 可能我地唔係叫套餐,所以D野食上得有D慢, 有D侍應叫唔睬 扮睇唔到LAW…查看更多

我一向喜歡吃韓國壽司,覺得佢方便又好味😋工作完經過就入黎呢間韓國餐廳。一入去個感覺幾好☺️裝修簡單干淨我揀左坐窗口位最正  日光透入黎 好舒服今次叫左韓國壽司,份量就一般,對於一個女仔黎講就岩岩好包得幾實,唔會話一夾就散晒 (最怕) 紫菜唔會話好林 配合傳統配料,好味…查看更多

食過幾次茶木都係自己或者同朋友得兩個人，今次一班朋友同我係下午茶慶生，朋友提議尼食個甜品。等左位都有15分鐘，可能荃灣比較新。 叫左一個石板街麵包磚3個share. 店員話要等,因為即叫即做。無所謂，新鮮d仲好。 Wow. 都幾大個。成個好似art piece,放得好靚，馬上相機食先。 當大家諗緊夠竟點分之際，原來廚師好貼心地將入面面包切粒，方便share. 面包焗得剛剛好，軟硬度適中，好鬆化，朱古力雪糕很濃很香朱古力味，配合雪糕內碎碎的果仁，和好煙un的綿花糖，又熱又凍，好有口感，很特別，很滿足的一道甜品。但小小缺點，食到最後個層面...…查看更多

同朋友聚下，想嘆翻個靚靚下午茶，呢度都系一個唔錯既選擇。Tea Set 做得幾精緻，150幾蚊2個人食都真系唔錯的。咸點同甜品都幾正，最中意系佢個馬卡龍唔太甜，Nice!!!…查看更多

平時去開KLN BAY果間,見屋企附近開左,就去試下。入面嘅環境唔錯，卡位夠大又寬敞，很快就有服務員來招待我地，我叫咗2個晚餐，BB豬同野菜意粉，羅宋湯，凍檸茶，BB豬皮脆有肉汁好新鲜like唔太咸味道啱啱好wow，野菜意粉呢個配搭幾FRESH，羅宋湯夠熱味道濃郁，正!仲有件蒜茸包脆卜卜都唔錯。最衰今次試唔到個特飲,下次一定再來試!!!…查看更多

今年生日屋企人請我去Cham 食，之前睇其他食評寫唔錯，所以都幾期待下，咁岩佢又做緊promotion。佢個環境好舒服好有氣氛，睇住個維港夜景同屋企人摸住酒杯食飯，傾計，個畫面，諗起都覺得正。有專人serve你，成個感覺簡直一流！每道菜都系一道道咁上，唔會話搞到食唔切啲野凍晒。今晚前菜有法國蠔，鮮甜，有種好香既海水味，齒脥留香，配白酒，正！餐湯系龍蝦忌廉湯，味道香滑濃郁。之後有黑松露帶子，煙肉腸同火腿卷。飯方面我揀左海鮮意大利飯，幾好食，啲飯軟硬度同濕度岩岩好。主菜有鵝肝安格斯，我叫左5成，但好多翻來熟左小小。個鵝肝打破左我對鵝肝個睇法，甘香可口，從此令我愛上食鵝肝。配埋香草磨菇汁，無得彈！最後系薑蛋撻做甜品，呢個配搭好正，系個皮厚左小小姐。食到最後，上晒餐飲之後，餐廳為我同我妹準備左生日蛋糕，Tiramisu，賣相好得，味道不過不失，口感就一般般。今晚系難忘既！…查看更多

今日同朋友慶生去食，呢個啲service幾好，好貼心，可能平日去 人唔多。點左個Rubyribs ，洋葱圈，安格斯漢堡，凱撒沙律，海鮮焗飯，煙三文魚天使面，經典doublechocolate cake 同幾杯cooktail。啲野食上得好快，有啲唔系好食得切，搞到啲野食攤到凍晒，好彩都系好味既。啲沙律比平時食開份量稍稍多啲啲，6個人食岩岩好，正！Jumbo Size cocktail 真系好大杯，兩個人飲一杯都有啲勉強，不過真心好飲同抵飲，推薦呢杯有好多berry mix 埋既cooktail俾大家，有橙同淡淡既薄荷香，飲落幾舒服。經典chocolate cake double 就有小小失望喇。啲cream太多，個蛋糕又縮左小，但好在味道仲keep左水準。…查看更多

平時一有時間同屋企人幫襯合記隔離果間食面，點都一定會叫合記既西多士過下引，西多都有翻咁上下厚嫁，好有小時侯既味道，厚厚既面包入面夾住香濃既花生醬，炸出黎熱辣辣，金黃色，完完全全剛剛好，唔會過晒火，宜家出面有幾多做到呢~再加埋支大樽可樂~正牙，簡直系一大享受。埋單 4支可樂加1件西多 50蚊左右，抵！…查看更多