mika921's Profile

在黃埔要搵嘢食太容易, 但對食物有要求既男友來講, 搵一間好食嘅餐廳有難度, 最後揀左一間近屋企而新開既西餐, 同佢食好西兼慶祝生日😙地點好方便, 地鐵D出口, 就喺旁邊既美食坊, 上一樓, 由於book左位, 係門口稍等一陣就可以入座, 環境幾優靜, 唔會好嘈傾唔到計, 裝修都係以黑白為主, 簡潔而有格調睇左menu, 揀咗一個set B 同set C, 食物上桌速度都算快, 有餐湯同頭盤, 個湯分別係南瓜湯同黑松露湯, 南瓜湯比較普通, 黑松露湯好香, 味道蠻不錯焗蟹蓋變咗蟹肉多士, 另外嗰個頭盤係香芒大蝦沙律, 正正常常, 冇特別終於到主菜上桌, wow德國鹹豬手，咸香撲鼻，外皮香脆，好夠味，點埋個芥辣醬就Perfect!!! 另外一道係美國牛柳, 叫左五成熟, 夠淋而且冇血水, 水準之上來到Boring, 點可以唔叫返杯Boring Punch, 好吸睛, 味道係fruit punch, 甜甜地又有叮點兒酸酸咁, 為今晚畫上完美句號, 男友很滿意下次可以叫埋三五知己再encore…Read More

近排旺角成為TG之地, 人流明顯減少, 今晚我跟朋友來個快閃晚餐, 選了地點方便的旺角中心, 地庫的鐵牛, 剛開業果時食過都ok, 但今次令人跌哂眼鏡.....沒有服務可言, 明明有位, 卻偏要安排坐在兩張拼桌的中間, 食物明顯都退步了, 湯底只有死咸, 返到屋企勁口喝， 唔知係咪落左太多味精定鹽，麵不太彈口, 一大敗筆， 個麵唔好食， 已經衰左一半，正常少少得個幾舊鹽酥雞, 好彩有六小粒雞，哈哈！咁既質素盛惠$59，你覺得值唔值? 見仁見智啦…Read More

很久沒有來過梅窩宿營, 星期日是投票日, 原來不少食店關門沒開, 一找之下搵到津津, 沒想到人是那麼多由於朋友有寵物，只可坐門外兩張桌，其餘可以入室內有冷氣的座位， 叫了星期日限定，蕃茄蟹檬，索價不便宜喔！$63 等左一陣，終於上桌啦！份量好驚人🙈有肉骨, 肉丸, 蟹肉, 要拆殻🌚湯底是鮮甜蕃茄, 未致於超濃味, 但食得出是海鮮一同煮的鮮味！抵讚, 其餘部份是普通 整返個近鏡先! 賣相吸引👍🏻👍🏻👍🏻值得一試…Read More

新蒲崗總是給人一種好舊嘅感覺, 除咗考試局, 某米之蓮甜品, 相信大家都唔會特登對呢個地方有好深刻嘅印象! 相反我對這𥚃有一種情意結, 可能係以前都係附近讀書啦☺️近排竟然比我發掘到一間好好食嘅甜品, 所以特登約咗我嘅甜品達人一齊去"食好西"(食好的東西咁解😁)可能係早來(未到晩市繁忙時間), 暫時未算好多人, 先找個小角落坐下, 便看看餐牌, 我們各自叫了一杯飲品, 梳打 and 咖啡之後就到我哋頭盤, 本身都好鍾意食軟殼蟹, 所以就叫咗酥炸軟殻蟹配黑松露醬, 一上枱都覺得唔錯! 上面有啲番茄皮乾, 應該都有炸過, 但有少少失望, 感覺好似炸完未停過D油, 有D過油, 如果在乾身D脆D就會好食D跟住就到主菜, 達人對食好有要求架! 主菜就由佢話事😏叫左法式香酥油鴨脾伴太陽蛋及法包估唔到好似份早餐咁上桌😂要將隻太陽蛋搞爛佢, D蛋汁慢慢流落隻鴨脾到, 鴨肉好嫩滑, 份量唔多兩個人share啱啱好! 如果配埋法包食就冇咁膩, 旁邊仲有蜜糖, 喜歡鍾意甜食都可以, 得左😜最後就梗係甜品啦!!! Yeah✌🏻 64%朱古力慕絲配朱古力雪糕, double chocolate 🍫 🍫 朱古力迷之選, 個朱古力唔太甜, 食得出佢個慕絲係層層味道甜品賣相好少女, 雛菊擺設尤如搽上香水一樣, 錦上添花, 上邊仲有啲餅碎, 豐富左口感, 我對朱古力有好高要求, 呢個絕對係合格之上, 推薦!!!!另外一個係好出名嘅薑汁梳乎厘, 由於考慮到相機食先後, 會影響食梳乎厘嘅最佳時間, 我哋決定食咗先講😂老老實實個薑汁味唔係好出眾, 要慢慢咀嚼過後after taste先有少少感覺得到, 但個梳乎厘口感比起出面食開D空氣, 確實係有啲唔同, 好似實在D.....旁邊一樣係有雛菊擺設, 少女心返晒嚟! 旁邊嘅曲奇仲有得外賣另買添! 老細表示係自家手作的, 有誠意有水準的小店買少見少, 有緣經過不妨支持一下, 香港實在不難看見處處也是連鎖食店.......…Read More

自從冇讀書之後, 已經甚少去新蒲崗, 咁啱有個好耐冇見嘅同學仔搞咗個小型聚會, 咁啱就係約喺以前學校附近, 原來呢個區已經變咗好多啦! 政府合署拆咗, 連以前嘅公園都變成左新商場, 環境變得面目全非了原來係巴士站旁邊內有乾坤, 晏晝時間會係飯堂, 夜晚搖身一變就變成火鍋飯店!!! 大熱天時打邊爐最啱, 基本上香港人365日都會打邊爐, 哈哈! 環境就一般, 重點係食物, 朋友們都知我唔食牛, 就特別推介我食呢個龍蝦拼盤火鍋, 個湯底竟然係南瓜海鮮湯, 好鬼正, 個套餐仲包埋一碟菜, 符合均衡飲食, 價錢仲要係$198, 夠晒兩個人食其他坊間閒閒地一個湯底都已經＄200, 其他有叫牛嘅同學仔, 佢哋都不約而同話啲牛好新鮮, 目視本地牛肉色澤同紋理, 都唔係便宜貨! 正所謂一分錢一分貨另外有一個要大大推薦, 就係鬼馬墨魚膠, 原來係將啲墨魚膠放係油炸鬼到, 同埋唔使擔心啲油炸鬼會浸淋哂, 因為油炸鬼一放落去就會背向天另外值得一讚佢哋嘅響鈴係新鮮炸嘅, 所以$32真係交足功課架!不知不覺食咗三個鐘, 呢度冇限時, 唔會趕人走, 可以慢慢吹下水食下野, 唯一不足就係呢度啲抽風系統唔係強勁, 食食吓有侷促感, 呢排日日都咁熱, 個冷氣開細啲都唔得掂XDDDD總括來講, 唔好拎任食火鍋做標準, 俾多少少食返啲高質嘅嘢食, 斷估冇人鍾意劣食掛…Read More

講起high tea, 近期最hit莫過於上環DK Cuppa Tea, 食住個the beauty & the beast個勢, 出埋玫瑰下午茶! 我今次並唔係介紹佢, 而係早前食過Royal Fantasia皇家奇想曲下午茶, 今次係好閏蜜特意揀呢個地方同我公佈佢既wedding的消息, 地點好近我, 收工過去只需十分鐘, 當晚好surprise見到我好鍾意的小熊, 一入到去......隻眼已經離不開那個會轉轉的小熊的攞設再來一杯welcome drink, 巧克力薰衣草茶soothing love, 能放鬆身體及心靈, 提高睡眠質素以及改善消化系統, 飲落去唔會好甜朱古力味, 隱約有少少薰衣草香, 都幾有趣既配搭食野前, 可以先將願望寫係明信卡上, 係DK門口郵筒寄出, 另外有一套五張的magic card, 每一張卡都會介紹一款香薰精油~有不同的芝士拼盤, , 莎樂美香腸, 仲有個法國鵝肝配小餅乾, 估唔到最好食既後頭, 登登登英式肉醬肉丸薯蓉, 入面分別有牛肉同豬肉丸, 牛肉丸真係超好味, 啖啖肉, 同平時係街外食既, 堅有分別! 果D會係好多肥肉加筋, 完全冇肉味~平時戒食牛既我, 基於皮膚唔好, 今次都破戒左~~XDDD, 初初仲以為食物份量唔多, 一定唔會飽肚, 事實並非如此, 少年真係太年輕了~哈咸點過後, 便是甜點上場~有國旗馬卡龍, 黑松露蛋糕, 皇冠小熊黑朱古力, 樣樣都靚到唔捨得食, 當中以黑松露蛋糕最令我印象難忘, 黑松露的咸與蛋糕的甜, 出奇地夾,  沒有互相搶去對方的風頭, 相得益彰~結尾用玫瑰朱古力心太軟, 濃濃的朱古力上加上陣陣花香的玫瑰花辨, chocolate lover的我, 深深愛上了...............我與小熊皇子的邂逅告上一段落~寄出心願卡~加抽埋扭蛋~我們抽到同一款呢~太有運吧謝謝閨蜜祝幸福快樂…Read More

手慢撲唔到咩68,98蚊機票, 呢到真係可以填補番心靈上的若有錯失, 唔駛等特價機票都食得到日本好味道, 真係太好了! 其實有個祟日的吃貨朋友約我來, 要不我每次經過旺角也不知道佢既存在啦~就真的地點不是難搵, 只是不顯眼, 行過左都不為意而已剛好上來的時間是lunch hour, 原來佢地晚市有omakase, 即係廚師發辦, 有平至600, 到1000+任君選擇午餐餐牌也不失禮, 超過十款可選~花多眼亂, 每個套餐都包埋蓮藕前菜, 沙津, 茶碗蒸同麵鼓湯我喜愛的茶碗蒸, 入面加入了上湯, 蛋蒸得剛剛好, 幼滑不鞋口, 絕對唔係街邊連鎖店出品! 好吃~沙津亦不錯, 新鮮可口唯一係麵鼓湯偏咸左少少, 本身食野食得比較淡口, 朋友反而覺得幾夠味嘩嘩嘩, 鳗魚山!!! 將一條長長鳗魚變成小小一塊, 堆砌而成的鳗魚飯, 鳗魚色澤分明, 而且目測到應該幾肥美~先吃一口鳗魚, 胞美肉嫩, 連同鳗魚上燒汁, 簡直完美~連埋蛋絲一齊食, 更加減低油膩感, 飯用上日本正宗珍珠米, 可以話係相當出色, 係日本閒閒地食個鳗魚飯都要花上2千幾YEN, 仲要唔連餐+唔保證好食, 好食既野貴少少都值得花, 唔好食既野俾多一蚊都唔值, 以性價比來講算得上超值! 呢個weekend lunch簡直令我消除平日工作的煩惱, 常言道, 食物可以醫治心靈, 美味食物更加是相得益彰, 錦上添花朋友的金槍魚腩飯, 賣相看似平平無奇, 吃過金槍魚腩後, 才知道愈簡單的愈考起廚師的功夫, 實為驚喜萬分呢個隱世地方, 我一定會再來, 人生第一次omakase想必會在這地好好品嘗…Read More

女生嗜愛甜, 相信沒人反對~2017年的第一日出街, 除左出街行個大運, 仲為肚子搵來好睇又好食既野慰勞下佢(嘻嘻 :) ~相約左幾個閨密好友一同係旺角食好野! 有人提議tea time不如搵個地方坐低食件cake傾下計咁話, 誤打誤撞搵到Doux, 當日時間尚早, 人不算太多, 大有可能前一日人們玩得盡慶, 仍與周公作樂中, hahaha.............環境很開揚, 顏色主要用黑白兩色, 夠簡潔, 開放式bar table,  中間有一張大既橢圓形桌, 岩哂一大班朋友, 桌上放滿了不同的手工啤酒, 店員就說餐牌上有些款式是cross-over手工啤酒而成, 安排坐下接過餐牌後, 眼晴一直離不開餐牌上面甜品的精緻造型我自已就心儀蜜桃bb同小蜜蜂, hehehe......細問之下, 呢兩個係舊餐牌保留下來的, 其餘係新出品~嘩....我的蜜桃bb~ Ruby Peach, 好似花一般的美麗~伴碟的佈置令人賞心奪目, 睇得出佢地有花心思係甜品上面, 要知道色香味俱全, 食物的賣相同香味比味道往往早一步令食客心內有數, 「相機食先」年代, 賣相的確不能馬虎~  外面有層微脆的朱古力, 之後係幼滑的蜜桃慕絲, 甜而不膩, 仲有蜜桃流心jelly, 酸酸甜甜, 保留蜜桃bb係有原因的最後到我的嗡嗡嗡~Honey Comb~檸蜜芝士慕絲配以份子料理整成既意式沙冰, 一軟一硬, 再加埋隻搶眼既小蜜蜂, 真係未食已經加哂分~檸蜜芝士慕絲, 檸檬味比蜜糖味更出眾結果俾我地成班人食哂, 唯獨食剩小蜜蜂, 真係唔忍心食左佢落肚到~而且舒適既環境, 令用餐及聊天更為滿意! 有機會下次會試下螺絲朱古力, 聽聞也是熱門款式之一呢~…Read More

其實三條女夜猛猛都唔知食咩好, 一於上網睇下仲有邊間未關門, 同埋大家都唔想食得咁飽, 所以今晚開餐地揀左係CWB L SQUARE呢間專食PASTA之地 - Y PASTA, 1516之下, 決定SHARE, 試多幾款之餘又唔會食到好FULL主菜前, 當然少不了食個沙津先, 雖然當日就唔係夏天, 但經美女店員推介個夏日田園沙津(SUMMER SALAD), 話時話成日食Caesar Salad都食到悶啦~~~~蔬菜好新鮮, 最特別係配以士多啤梨汁, 夠哂fresh, 酸酸甜甜都幾開胃架酥炸雞脾菇配芝士醬,估唔到酥炸過後雞脾菇仍然好juicy, 保持到汁香, 而且個sauce dip左來食, 仲正D來得Y Pasta, 意粉自自然然成為我地既主角, 首先係黑松露醬鮮带子意粉, 真係好香黑松露味, 意粉好彈  , 带子算係清爽, 冇乜雪味, 最讚係略炒過既意粉唔會油淋淋, 最怕食到成口油, 感覺幾健康 野菌大蝦扁意粉, cream sauce底相對之前, 我比較鐘意黑松露醬, 發現到佢地意粉有個pattern呢係碟上的食物經過悉心既佈置, 在相機食先年代, 真係好重要!正餐過後, 甜品是不可缺少的^^ 焦糖燉蛋加玫瑰蘋果(配哈根大師雪糕),  焦糖燉蛋面上確係有微微燒過的焦糖, 蛋是幼滑得像慕絲一樣, 一硬一軟配合, 絕配也! 玫瑰蘋果說到底是apple pie, 經師傳整成玫瑰花形, 別具心思~反而有點怪是綠茶口味的雪糕, 有點怪怪的!!! 無疑哈根大師是很好吃~哈哈, 食完佢地都打烊lu~…Read More

韓風, 簡直無處不在呀! 唱K, 有K POP; 化妝有K BEAUTY, 睇劇, 有OPPA, 就連食野, 都潮食韓國食物 (炸雞, 部隊鍋, 韓燒)~近排好多酒店都做緊優惠, 仲有埋煙花睇添, 表姐佢知我今個月生日, 叫我獨自去偷歡....sor....係偷食~haha, 扔低班男人, 齊齊成班姊妹過大海搵下食, 散下心! 實行食出香港 XDDD晚餐我地一行四人, 揀左一間大家都未食過既韓燒店, 細問之下原來佢地剛開業不到一星期左右, 就連openrice都仲未有comment,  何想而知有幾咁新, 問題天天都多的表妹(即係我)仲勁八問多句, 澳門店同香港店有咩分別? 澳門店係直屬韓國, 所以材料餐牌都跟足韓國, 香港店是特許經營, 或多或少會未必跟足韓國佢地分店更遍佈世界各地~話時話我係澳洲果時都食過韓燒wor~order完食物後, 見到個爐同一般有D分別, 旁邊爐邊蛋有一部份變成網位, 原來呢個設計別有用意, 平時燒完d食物, 放太耐會overcook, 就變左肉乾, 將燒好既食物放係網位, 一來可以令食物既油份隔走, 二來唔會燒到過哂龍, 聰明又貼心既design~爐邊蛋可以話係我最鍾意既, 落蛋漿前會有店員平均地加入泡菜, 令到爐邊蛋不再單調乏味~幸好時間剛剛好, 爐邊蛋邊金黃色, 微脆得來, 中間有些少流心感, 介乎熟與未熟之半熟狀態, 確實一次又點會夠丫~結果咪refill多幾次前菜有沙津同牛壽司, 牛我要戒口所以冇食, 沙津菜都幾新鮮, 食韓燒點少得生菜呢~同樣好Fresh套餐內包左一個湯, 我地有人唔食牛, 就轉左嫩豆腐海鮮湯, 小小的一鍋, 估佢唔到, 材多過湯, 睇個色以為好spicy, 結果一d都冇, 味道似雜菜湯, 則普普通通而已豬套餐五花肉, 護心肉等等，燒五花肉同樣有技巧！先燒熟兩邊，再用剪刀分成小塊，燒到有點金黃色，微焦就ｐｅｒｆｅｃｔ啦～係就係肥左ｄ，但齒夾油香，回味無窮，確實要試多幾塊我地仲叫左飯團，呢個飯團有蟹子，蟹柳，青瓜粒，同紫菜碎，ＤＩＹ自己既飯團，唔駛擔心印度阿叉上身，會有膠手套提供埋～咁就唔怕整到成隻手都係飯搞下又撈下，終於成形了～因為有蟹子係到，所以口感係脆卜，青瓜減低飽膩感，其實個樣就唔係咁好睇，但勝在味道搭夠，實行「我很醜，但我很溫柔」～特別一提，護心肉（豬），一聽個名勁似內臟，個店員解釋番原來係心臟附近的肉，唔屬於內臟部份，唔係間間燒肉店有既，質感好似食緊牛肉，實質係豬肉來～味道都幾好！`食到最後飽飽地，最正就係燒菠蘿ＸＤＤ，甜甜地又酸酸地，好ＪＵＩＣＹ，開胃又醒神：）我地四條友食到捧住個肚，經歷左今日喪食之旅後，睇來減肥之期遙遙無期ｌｕ～嘻嘻…Read More

眨眼已經係中上環一帶返工左一段日子, 假假算係半個港島人, 收工約朋友gathering都會揀附近, 一來方便二來有各式各樣既特色小店, 今晚朋友仔帶我來到九如坊, 旺中帶靜又易搵既地方! 印象中佢地既waffle(之前食過),係超哂班餐牌封面不少得皇牌甜品, 先諗諗頭盤主菜食D乜先亦有沙津可選擇海鮮飯好吸晴😍😍😍餐具極盡特色單骨雞翼, 有香草灑係面, 蜜糖做醬汁, 幾開胃, 加上單骨, 方便食用, 冇平時食到食面都係咁論盡:)呢個係全晚最好食, 牛油果刺身, 聽個名仲以為係日本菜, 原來個IDEA係由日本菜拎靈感, 個牛油果香軟, 旁邊仲有D新鮮蔬果, 係店員親自去菜檔買番來架, 側邊有D芝士碎同SPICY POWDER, 沾埋個汁, 實行有兩種享受巴拿馬沙津, 好彩D菜幾新鮮, 唔係個SALAD就冇咩特式豬仔骨, 上次食完覺得幾juicy, 所以今晚決定encore, 識食一定要沾埋個沙津醬食, 好食得多~  什果沙冰, 入面d水果佢地即叫即製, 夏天飲真係透心涼呀~皇牌也不能少, waffle揀左大熱綠茶味, 水準依舊, 外脆內軟, 入面有matcha麻糬, 食下傾下咁就幾個鐘, 環境好岩三三知己聚會, 以地區來算, 價錢亦都「貼地」, 唔知幾時又可以約到bff出來? 出左來做野先知要約人係好難> < …Read More

當你試過離開香港生活一段日子, 就會自自然然覺得到香港生活壓力有幾咁大, 想減壓? 好多人會揀shopping, 食野, 與其咁啦, 將香薰元素結合食物(food therapy), 最好不過!!!DK Cuppa Tea老闆娘&香薰治療師Kat有見及此, 不斷打造不同主題的Tea Set, 今夏特別挑選了愛神之子邱比特與賽姬故事. 名為「賽姬戀曲 Love of Psyche」, 好友帶我來到中環的DK, 店內有各式各樣既香薰產品售賣, 氣氛優靜, 縱使街道上再急速的步履, 一進來便有種緩緩停下來的感覺, 是店內的香薰作用嗎? 不曉得, 反正好好享受現在就好了~店員把一壺菠蘿椰子茶遞來眼前, 有淡淡菠蘿及椰子香味, 特別選用有機蜜糖,三者配合令人仿如海灘嘆緊一樣, 難怪佢地叫呢款茶holiday dream, 哈哈! 唔講得笑, 我refill左5~6次, 會有一飲再飲既衝動, 唔知關唔關佢有鎮靜緊張情緒同促進消化之效呢? 旁邊對天使之翼cookies影相一流, 香脆可口~話左會包括香薰元素, 每人都有五張magic card同一張許願咭, 誠心抽一張magic card, 話時遲那時快, 我抽到既係Happy仔, Kat就解釋呢張card可以顯示當時你需要/處於的狀態, 明顯我好需要”Happy” (啟發, 快樂 平衡), 仲拎左款May Chang山雞椒既香薰精油等我聞一下之後就把願望寫上許願咭掛上充滿能量的許願樓梯兩旁, 集合眾多顧客的願望, 實現能量大大提升咁話 :)飲完杯茶, 當然有主角「賽姬戀曲 Love of Psyche」出場精緻的decoration, 包括飄雪水晶球, 邱比特, 天使之翼, 相機急不及待ready啦, 當然也唔少得selfie下滿足偽少女的心, 個tea set內有齊咸甜點, 先講下咸點部份, 龍蝦二重奏係分子料理, 小杯上的多士配以法國龍蝦mousse, 個味好濃郁, 原來由上湯製成的, 將mousse放上多士一齊食, 正好多!旁邊有六款迷你酥餅 (橄欖, 意大利火腿, 紅燈籠椒, 菠菜, 招牌肉卷), 當中sausage roll招牌肉卷不得不讚, 細細件唔會食到好飽肚, 完全岩哂我呢D眼闊肚窄既麻雀仔, 一定一定一定要沾英國蕃茄醬來食, 個sauce酸甜適中, 倍感惹味!到甜點部份, 邱比特造型既薰衣草乳酪芝士蛋糕, 係我best buy! 入面有一粒粒食到既薰衣草, 夾帶著淡淡的乳酪芝士味, 白朱古力的邱比特公仔, 可愛到唔忍心吞下去, 所以俾bff外帶邱比特俾佢個小朋友朱古力閃電泡芙亦都好正! 外面鋪滿朱古力醬, 入面有濃而不膩的朱古力, chocolate lover真係不能錯過呢, 之所以有閃電泡芙之名, 係好味有如閃電之快其餘在青春寶盒的甜點分別有榛子天使馬卡龍&藍心曲奇,一邊食一邊聽故仔, 不知不覺就食完個tea, 去開有ig既你, 著白色/藍色衫連埋個tea set影相放上ig 同fb, 再tag #dkcuppatea #dkaromatherapy #loveofpsyche #賽姬戀曲 就可以額外獲贈天使面具, tag 多3個朋友仔, 仲俾你扭蛋一次 (我抽到條天使之翼既頸鏈添) …Read More

香港近來吹起一陣綠茶狂熱, 屈指一算, 市面上比較多人認識的有御前上茶, sweet cha cha, via tokyo, 中村藤吉, 凡係有綠茶既野, 老死「甜品達人」定必第一時間「探子」上身mode, 今次亦不例外, 連同甜品胃(在下正是~)一齊去探下路目標地點希慎的京林屋, 幸運地避開了晚市人龍hehe, 店員還詢問要不要座坐私隱度高既"燈籠座", 我地都係正正經經坐番桌椅~我對香港限定既抹茶芭菲好有興趣, 睇見個模型都一心打算叫呢個打開餐牌, 咸食只有綠茶蕎麥麵(熱/冷), 主打當然係甜食啦, 種類有芭菲, 0者喱雪糕, 芝士蛋糕, 蕨餅等等......「甜品達人」特別對芝士蛋糕情有獨鍾, 可惜綠茶偏淡, 芝士味同綠茶味好似兩頭唔到岸, 唯一texture算係幼滑, 紅豆微甜, 雪糕較冰感, 最後白玉, 欠缺了本身的煙韌感, 確實令老友從希望中帶點失落香港限定既抹茶芭菲, 賣相吸引!! 頓時秒殺了不少手機的記憶體, 影左一陣feel到抹茶軟雪糕溶溶地, 啦啦聲先食左個軟雪糕, 抹茶味真的濃郁~而且有甜中帶甘, 停不了接著一口一口地讓抹茶味在舌頭上慢慢彌漫著, 0者喱好QQ感, 特別一提, 抹茶芭菲入面仲有一小件鋪滿糖霜的抹茶蛋糕, 沾了抹茶混合物, 濕潤度over哂, 那抹茶軟雪糕算是我喜歡 索價不到百元, 是可接受之內的 :)…Read More

重慶雞煲你可能食得多, 但芝士雞煲又試過未呢? 講真, 我聽過大胃女神去食完之後, 飽到頂住個肚到第二朝都食唔落野, 同埋一聽到芝士都深感飽漏, 但稀客老友提議去挑戰下呢個傳說中既芝士雞煲, 實行去拜會一下佢咁話!自從轉左係荔枝角上班, 就好似由一個地獄(觀塘)去到另一個地獄荔枝角), 相信係工業區番工會好明白此時此刻心情, lunch出去搵野食, 多人到呢, 相反夜晚就水靜河飛, 呢晚我同老友係荔枝角一直行去長沙灣, 話遠唔遠, 話近唔近, 行左20分鐘就到, 一於當熱身消耗下D體力, 再同雞煲戰鬥一番未夠七點, 好彩未見有人潮, 店員安排了一張二人桌俾我地, 但我個心係到諗, 張桌咁鬼細, 放左個雞煲仲邊有位放其他野? 佢地張桌旁邊有個兩三層既架, 可以放下野食, 地方淺窄, 冇謂放到一桌都係啦~既然兩個人小小地點都要整番個招牌黃金芝士雞煲(小), 份量足夠2-3個人, 朋友仔仲話食呢個雞煲要出”超必” (其實係…唔係lunch留肚, 留qutoa夜晚食盡佢……),正所謂人出錢, 你出命既原故, 抵諗D就捨命陪FD子啦個雞煲就唔可以話好大個既, 同埋食哂D雞, 可以再加其他火鍋材料, 我地呢D大胃王, 一於決定要加D菜, 帖加D肉先夠! 個芝士雞煲要煮至滾起先食得既, 實在太邪惡啦~成PAT芝士係面, 當滾起果時, 再撈勻佢, 陣芝士香真係令人垂涎三尺, 食指大動呢XDDDD入面除左有雞之外, 仲有其他配料, 洋蔥, 芹菜, 蒜頭等等, 夠哂惹味! 芝士雖濃但不至於飽漏, 食完哂D雞, 可加入芝士雞湯繼續食!蔬菜都幾新鮮, 豆腐金菇都絕不細份, 特別一提係黑豚肉, 色澤分明, 肥瘦適中, 一點也不鞋口及韌身, 不過實在太大碟, 高估左大家既戰鬥能力, 都食剩左幾件一路食店只都會問要唔要加湯, 同埋由七點食到十點期間, 都keep住有人龍排隊, 所以話呢為食既香港人真係無處不在xdd飽都反哂艇都唔駛三舊水, 出面閒閒地食個火鍋都要兩百蚊起跳, 以呢個價錢食到有gimmick又唔錯既野, 都算值得一試啦, 當然如果有多幾個人一齊開人share就更開心喇…Read More

真係大件事~竟然話香港會落雪!!! 真係聞所未聞, 見所未見, 雖則話係外國見過落雪0者, 唔講得笑呀, 呢幾日又凍又落雨, 天寒地凍就最岩打邊爐啦!位於土瓜灣的打邊爐海鮮火鍋燒烤店, 店名打正旗號打邊爐, 唔賣葫蘆唔賣藥, 無花無假, 我地一行八條友入到舖頭, 幸好還未到晚市繁忙時間, 被安排到入面既內堂位置就座間舖裝修普通, 沒有華麗的佈置, 內堂亦未見有電視機的出現, 雖則話有都未必會睇, 但點都想有D電視聲係耳邊咁既, 像是有怪癖一樣火鍋的湯底是靈魂所在, 我地觀宏哂張order紙, 鎖定左三款, 花甲蟹鍋, 花膠螺頭烏雞及鮮活烤魚, 實行有雞有魚有海鮮, 差點以為食緊團年飯咁豐富…嘻嘻本身就好怕食有殼既海鮮, 自己雞手鴨腳輪輪盡盡咁, 花甲蟹鍋中只吃了花甲, 新鮮度一般, 亦唔係好大隻, 食到其中一兩有沙, 有待改善呢!花膠螺頸烏雞, 湯底會較清甜, 花膠螺頭真材實料, 相信用來做火鍋湯底, 一定事半功倍, 簡直就係超驚喜!! 最深得我心既反而係平平無奇的鮮活烤魚, 識好多人因為怕骨所以避開食有骨既魚, 其實魚肉有含健康蛋白質, 我曾經見過個朋友, 佢皮膚超級好, 原因佢好鍾意食魚, 就連佢阿媽懷胎十月都成日食魚, 唔知有冇直接關係啦佢入面有芽菜, 花椒八角, 芫茜, 菇菌, 唐茜芹等等, 店員提醒要煮至滾起先食得, 等滾起既同時聞得一陣陣魚香, 而烤魚外皮事先已經煎過, 等左一陣, 終於食到啦, 一早知佢地唔多食魚, 我包辦左1/3條, 認真誇張!!!個魚汁鮮中帶甜, 更有點點微辣, 將層次再提升, 拿, 呢個魚汁一定跟白飯一齊食, 否則有如食薯條唔沾茄汁一樣, 未夠完美!肉質幼嫩, 但幼骨都幾唔少, 不過都睇到d骨, 唔怕食到既, 人地電視汁撈飯, 我就魚汁撈飯, 食下食下, 食左成碗飯咁多, 夜晚我多數食半碗架咋, 可想而知, 個鮮活烤魚真係無得輸~再者成條咁大既魚都係三百幾, 性價比算高, 抵食!…Read More