胃真真's Profile

兩個人真係唔知食乜好，行下行下，見到呢間食肆同時有越式同泰式，被佢的二人套餐吸引，$188有四款食物再加兩杯食品，分別係沙律，小食，蔬菜及主食各選一款，選擇都唔少，分量亦足夠，總有一款啱口味，我地揀左青木瓜金柚蝦沙律，泰式碳燒豬頸肉，馬拉盞炒通菜，蝦頭膏海鮮炒飯，沙律係我至愛，所以覺得好好味，豬頸肉同炒菜正常，炒飯炒得好，就略嫌唔夠味，但都唔難食，order左杯檸檬薏米水，可能只得一片檸檬，所以唔夠味，但就有好多薏米，總括而言，下次都可以再試其他款式食品。…Read More

近排真係好鍾意去石門搵食，有朋友生日，大家都住沙田區，石門係當然之選，揀左呢間壹鍋峰, 大家決定試佢的海鮮套餐，以人頭計, 每位$278，包括店舖選擇之五款時令海鮮，再由客人自選五款火煱配料，另一份麵食(每人一份)，如果食唔落咁多麵食，可以兩份麵食換一份蔬菜，早一日或之前訂位仲會送多一款海鮮，海鮮上枱係有少少驚喜，大大隻蟶子，鮑魚，蝦，蟹，貴妃蚌及蜆，但食落就有少少失望，新鮮的, 但無想像中的鮮味，蜆仲有少部份已爛殼，結果攪到有少量殼留係湯底裡面，火煱配料就唔錯，份量亦足夠，大家都食到飽飽，以現金付款仲免收加一，價錢係比一般的貴少少，但勝在無限時，可以慢慢坐慢慢傾。…Read More

位於石門的京瑞廣場, 真係好多食肆, 總有一間啱你口味, 今次選擇食米線, 由於我地有架BB車, 都驚放唔到, 但服務員好樂意幫我地安排一個放到BB車的位置比我地, D服務員姐姐知我地第一次幫襯, 都好殷勤咁介紹有乜好食, 三個人各自order左三款唔同湯底味道的三款餸料米線, 最後大家都可以試到九款餸料, haha, 再order左三款小食, 泰式鳯爪, 口水雞, 同炸魷魚鬚, 每款餸料同小食都好正, 特別推介腩肉, 墨魚頭, 豬大腸, 同炸魷魚鬚, 唯獨雲吞同口水雞就應該可以改善一下, 豆漿好香豆味又唔太甜, 薄荷賓治ok, 雜果賓治就太甜了, anyway, 下次必定會再去. …Read More

大角咀位置真係好唔就腳, 自己開車就難泊位, 但朋友介紹一間韓燒任食, 唔方便都即管一試, 結果無令我失望, 有三文魚刺身, 多款壽司, 三文魚好新鮮, 前菜夠入味, 個人最愛泡菜同青瓜, 熟食種類比其他一般的韓燒係少D, 但味道唔錯, 燒之肉及蔬菜種類正常, 新鮮, 乾淨, 整齊, 湯有兩款, 蘿蔔牛骨湯, 我就試左泡菜蕃茄牛肉湯, 好好味, 忍唔住飽到上心口都飲左兩碗, 仲有紅豆沙及幾款甜品, 水果, 雪糕同雪米糍任食, 最重要係服務好好, 結賬每人都唔駛$200, 堅抵食. …Read More

今晚約了朋友在禾輋交收東西, 一齊食晚餐, 朋友建議這間店舖, 地方都幾大, 感覺舒服, 我們點了一個星洲燒雞餐配木瓜絲田園沙律, 燒雞半隻, 不過不失, 肉質一般, 但還可接受, 木瓜絲田園沙律新鮮, 但不知是否師傅太重手, 望落已經好多油, 沙律汁酸酸甜甜, 很合我口味, 香辣牛肉炒飯, 非常乾身, 香口, 不算太辣, 好味, 但食了一大半才記起要影相, Haha, 再加一個泰式酸辣無骨鳳爪沙律, $42, 但份量都不少, 好入味, 酸辣味配合得剛好, 免收加一, 埋單都是$173, 超抵食. …Read More

非常不幸地身體不適, 要到威爾斯醫院急症室, 等了又等, 到晚餐時候, 非常肚餓, 唯有就近看看有什麼好吃, 行下行下, 行到愉翠苑商場, 即被這間店吸引, 店內坐滿八成客人, 再看看門口餐牌, 價錢平, 選擇多, 二話不說即入坐, 朋友order了咖哩牛坑腩珍珠飯, 我試了一些, 咖哩味濃, 非常香, 牛腩夠冧, 送飯一流, 怪不得餐牌名都說明是得獎, 我自己order了墨西哥瘋狂辣肉醬焗扁意粉, 肉醬辣度, 意粉軟硬度及焗的時間得都掌握得好好, 飲品就可以半價, 最驚喜的是居然無需加一服務費, 真心抵食, 有機會一定再試其他食物.…Read More

酒樓周街也是, 大多數都是集團式經營, 縱使是集團式, 但每間分店的食物質素也會各有不同, 今日去到荃灣廣場, 試了這間稻坊, 和之前試過的稻坊真係質素好好多, 環境亦不錯, 裝修隔局特別, 除一般點心外, 有很多其他小食, 我們就order了鯪魚球, 炸魷魚, 牛脹, 雲耳, 煎餃子等等, 燒味拼盤, 每樣都好夠味, 炸物又脆口, 不會滿口油, 腸粉又薄又滑, 整體所有食物都好正, 所以必定下次.…Read More

荃灣區食肆多, 各式各樣都有, 在不知想吃什麼的情況下, 選擇了這間越式店舖, 地方不算很大, 但都可以坐不少人, 但可能樓底比較低, 所以有點嘈, 但仍可接受, 一點鐘前門口已經企滿食客等位, 今天大約等了不足10分鐘便可以入座, 午市食物選擇還不少, 除了小食和沙律外, 其他都是餐, 送飲品, 凍飲加2元是常識吧, 但凍咖啡要加3元, 莫非凍咖啡有其特別之處特別好味? 所以有機會下次必定試一試, 今次四人同行, order了一個越式牛丸湯粉, 一個招牌香茅豬扒飯, 一個招牌香茅豬扒金邊粉同一個冬蔭功海鮮泡飯, 牛丸彈牙多肉汁, 標明招牌的豬扒好有驚喜, 果真是招牌豬扒, 香煎鎖住肉汁, 啖啖肉, 吃到停不了, 冬蔭功一般, 不太辣, 但抵食, 因為分量很多, 除了有蟹柳, 魷魚, 蝦, 蕃茄, 秀珍菇, 還有四隻大青口.…Read More