寶寶吃四方的個人專頁

元朗烤肉放題唔錯既選擇，每次放假都見到好多人排隊，今日閒日lunch唔full，唔洗等位終於可以試下。除咗放題之外都有d lunch set，不過牛肉就只有一份，出面飯同湯仲有小食都係放題。我地選擇咗和牛level，308一位再加10%服務費除咗和牛之外，仲可以叫海鮮🦞蝦、扇貝、生蠔有限每次最多叫10碟，一d都唔會衝動下叫多左浪費食物最高級有甲羅燒，但係五百幾蚊一位lunch over budget，如果特別節日慶祝都不妨試下環境舒服，而且檯面都多位置擺野，每次食放題最怕就係叫咗野食冇位擺，呢度完全唔需要擔心上菜速度都好快，有AI服務員車到去我地檯隔離牛肉唔算太肥，肉味好鮮，唔會食到濟同埋全部牛都唔係冰凍，一燒就食得唔會出水，呢點好值得一讚…查看更多

返工得好短時間，食好野真係冇乜選擇，寶島餐廳外賣送得快，而且三十幾蚊超級足料，完全係元朗返工恩物，最怕就係等好耐，等得黎已經要開始做嘢唔知幾時先有得食寶島由落單到送上黎，唔洗20分鐘，開黎食仲熱辣辣，西炒飯夠足料，一份share兩個人食都夠飽有時間都好希望可以睇下用餐環境，不過外賣整體黎講真係各方面都幾好，另外同事叫左個炸雞比薯條，都十分重份量，雞比接近我塊面咁大🤣🤣真係良心企業最怕叫炸野起碼等半個鐘以上，送餐時間不得不再讚一次…查看更多

今日經過旺角，突然好懷念家鄉既烤肉味道出發行街之前已經係app度拎定飛，旺角比較多人，等左差唔多一個鐘已經算快，不過一d都唔悶，因為附近商鋪應有盡有，行到肚餓開餐就啱啱好我地三個人入去，職員好好幫我地安排左張長檯，有兩個爐，咁就可以唔洗爭爐人人有得燒出面仲有野飲自己針，可以根據自己份量，每次針少少🤏飲多d唔同既野飲仲有紫菜飯自己裝，少飯多紫菜滿足貪婪的我另外緊係唔少得掃qr code order大量溫泉蛋啦🤭不過最緊要食得曬，唔好浪費牛肉超新鮮，油脂分布得好好，有肉味得黎仲有和牛一貫有的香味，配搭溫泉蛋飯一齊食簡直絕配食飽之後從返童真，自己擠軟雪糕，仲有六個口味自己揀，每個味都可以少少咁試，唔怕肥又滿足到個胃…查看更多

呢一間牛角真係非常旺場，去食嘅寶寶們建議要提早九個字左右拎定飛每一次去每一次都全場滿席疫情下已經有一年半冇得再去旅行想感受下日本嘅味道，住在大西北唔出市區必選屯門呢間牛角放題因為除咗美食之外附近仲有連城商場可以行街，由於太多人光顧每一次拎完飛都一定等半個鐘頭以上，所以好建議大家用電話拎飛隨時睇住叫飛情況，喺附近行都差唔多就可以返去門口等叫位入座入座後會提供一次性口罩套牛味好足，且沒有多餘水分環境就視乎你地多唔多人，我地得兩個人就會安排較細既檯，但係都夠放牛、野飲、流心蛋飯當然如果多d朋友張台更大就更舒適啦掃qr code落單非常方便，而且上菜速度勁快唯一缺點就係等得耐，所以好建議大家用牛角個app拎定電子飛，我由元朗出發時已經拎定飛，到屯市泊好車，前面都要等多10位，加上只不過係閒日但係整體覺得，等幾耐都值，而且附近商場有冷氣慢慢行，唔肚餓行到餓就食得真係啱啱好…查看更多

每週都必須要光顧一次的烤肉放題店，新裝修後，由A4和牛upgrade到A5和牛，食材種類很多，平時必食的前菜同炸物都應有盡有最值得推介一定係A5和牛套餐，每塊牛肉油脂分布都好平衡，不過只係食牛就好快膩，所以建議必定叫一碗白飯，中和返和牛的油份。晚市同午市都試過，午市比較少人，電子落單上菜超快，而且上菜分量同落單一樣，一定唔會上少左餐具採用一次性筷子🥢拎上手唔會覺得唔舒服A5和牛油脂分布平均，入口即溶環境寧靜，全部梳化🛋️坐得好舒服服務員態度好好，就算餐單冇得走蔥都會馬上幫我安排價錢稱得上超值…查看更多

三年前住銅鑼灣嘅時候都上黎幫襯過，但係嗰時嘅感覺都係普普通通今次上黎感覺煥然一新，職員同經理服務態度都好好，主動推介餐牌建議我哋食又會根據我的宗教信仰唔食乜嘢而推介其他另外叫餐有湯贈送，呢個不得不讚，足料得來又唔會鹹，新鮮冇味精。依家天氣咁凍最啱飲碗熱湯，飲完之後感覺全身都暖返曬四川菜都算正宗，而且唔貴，2點後叫下午茶$29，跟埋野飲。另外再叫多左兩個午餐，加多兩份小食，人均消費都係$60唔洗唔食得辣可以叫bb 辣，可以入口，又開胃而且份量好足👍🏻👍🏻👍🏻整體感覺好好同之前比較完全唔同，值得再食…查看更多

喺銅鑼灣返工lunch唔知食咩好，疫情又再爆發，叫咗外賣。燒味飯來講真係好出色😋😋係冇得$53已經有個燒鵝飯，燒鵝有少少炭燒味，感覺同傳統嘅燒鵝唔同。肉汁都好豐富。絕對唔會因為價錢平而肉比少咗👍🏻👍🏻另外再叫多咗一份手撕雞，兩個人食都食唔晒全部肉都好入味好新鮮。外賣時間都唔算耐，拎到返公司都係熱辣辣唯一缺點就係唔跟嘢飲，不過唔緊要可以喺附近七仔買自己鍾意嘅嘢飲，所以整體嘅感覺都好好以後諗唔到lunch食咩都可以多個選擇，打工仔嘅恩物…查看更多

今日去咗路德圍一間刀削麵專門店，門面唔算好大，入邊嘅座位都唔算好多，但係10點左右去到都唔使排隊，四個人叫咗兩個餐同兩個小食，麻辣嘅味道好足夠，建議如果食唔到辣就唔好叫辣，因為辣嘅味道真係掂一掂舌頭已經麻痹🤣🤣鍾意食辣梗係可以叫大辣啦😊刀削麵夠粗好彈牙，湯底都好正宗！另外叫咗個醉雞， $52但係都有一隻雞比咁多，切開四個人都夠食。另外仲有個海蜇但係就比較酸少少🤏整體感覺唔錯，四人埋單都係205👍🏻👍🏻👍🏻食完仲可以出去食下其他小食同埋飲台式飲品…查看更多

位於時代廣場13樓，一出電梯就見到，超級抵食2:30至四點係下午茶時間，下午茶已經包左茶位費，超級推薦佢嘅人蔘烏龍茶，人蔘味唔算太重，但係飲落去回甘，感覺好特別。平時經過見兩點左右已經開始有人排晒隊等佢下午茶，我哋今日大概3:30都唔需要排隊仲可以坐卡位，最平嘅餐係有$38起至$58不等，如果想食小籠包或者醉雞仲可以加20幾蚊兩個人豪食買單，都唔使$200，仲可以用時代廣場嘅優惠券（滿100-50）擔擔面少少辣對於我唔食辣嘅人來講真係好好味，另外個傻佬炒飯都好香，份量好足夠，松子味好重，Last order去到四點但係職員都可以俾我哋慢慢坐低品嚐，急速城市嘅休閒體驗…查看更多

位於尖沙咀海港城入邊嘅一間日式拉麵店，初頭都驚價錢好貴，但係叫咗個二人餐都係三百幾蚊，另外再有折扣減完先$178，價錢可以接受。拉麵嘅湯底都好濃，拉麵都好好食，份量好足夠！！！餃子好足料，煮得啱啱好。而且拉麵入邊都有好多唔同嘅種類可以俾我哋選擇，粗幼硬度都可以根據你個人喜好去設定。入到去個環境好舒服，好闊落。令到我短暫好似真係去咗日本咁，疫情期間逗留喺香港都差唔多一年，真係好懷念日本嘅味道，係一個真心唔錯嘅體驗。…查看更多

同普通五香肉丁唔同味道，帶有少少甜味，就係呢個感覺令我魂牽夢縈，唔夠一個星期我又返黎食喇🤣🤣🤣今次飲港式味道——————「茶走」相信好多年輕一輩已經唔知乜係茶走，其實茶走就係熱奶茶，走奶換練奶。終於甜味既寶寶們都可以叫黎試下今次冇叫薯餅，叫左火腿奄列，成個套餐包杯熱飲，都只不過係$37，經濟實惠又好食平民首選😍😍😍避開鬧市既繁華，不妨入黎元朗呢間大排檔試下放慢步伐享受生活，比緊張既心情得以放鬆…查看更多

位於路德圍入邊一條內街，俾佢嘅漢堡包味吸引咗過嚟，細細的門面出邊排滿人等候，裏面有大概六至八個位，但係疫情關係入唔到去食。不過都唔影響成個餐嘅外表同埋味道等候時間比普通快餐店長，落單後等製作等咗25分鐘，不過一啲都唔悶，因為附近有好多其他美食同飲品店價錢唔算貴大概$60至$80一個餐一打開入邊個粗薯條都已經吸引，同普通餐廳粗薯條或者高級餐廳粗薯條都有得比再打開就係期待已久嘅漢堡包，無論係賣相定係味道都真係超出我嘅期待係幾唔錯嘅黃店選擇…查看更多

喺繁忙嘅都市入邊 ，入咗餐廳之後好似去咗一個與世隔絕嘅花園，入到去張凳係兔耳仔少女心爆棚！！用餐時間係規定咗90分鐘，但係我哋當日去唔多人可以坐耐d都得，職員服務態度好好，令我好似置身台灣一樣😊下午茶嘅價錢都唔算貴，我哋兩個人買單叫咗兩杯嘢飲都係$400內每一個餐同埋每一杯嘢飲同埋甜品都好適合打卡豬扒包好入味，另外再配埋薯條，我哋唔洗再散嗌意粉份量都夠兩個女仔食，我哋仲叫咗水果茶除咗飲之外仲可以食多d水果，叫埋甜品可以另上，唔使一次過擺晒係枱面咁大壓力…查看更多

到了食午餐的時間，但係早餐仲未消化完，想輕盈食又會唔貴嘅選擇，推介渣哥^.^雖然門面好細，條隊都好長，但係職員嘅效率好高，唔洗一陣就已經輪到我哋，買咗拎返辦公室食，我哋今次買咗一個腸粉套餐（四條腸粉、四粒燒賣、四粒魚蛋可選辣或者唔辣）芝麻甜醬辣醬麻油豉油都係可以選擇性去落，好人性化一個腸粉套餐都只係$27 ，價錢非常親民！ ！ ！另外加多咗個碗仔翅，足料入味得黎又唔會太咸成個消費用咗$49 ，銅鑼灣地區來講呢個性價比算高，唯一不足就係冇得堂食…查看更多

今日經過山頂商場見到新開喺地下一間好靚嘅飲品間麵包舖，裏面嘅嘢食沒有令我失望，無論係買相定係味道都滿分。雖然價錢稍貴，但係材料新鮮。我哋分別叫咗一杯士多啤梨芝士賴蓋和一杯芒果芝士奶蓋。甜度唔算太特別，比較新鮮。另外仲叫咗兩個包，正常價錢20幾蚊一個，但係份量好大，一個包已經足夠兩份食，另外一個包可以擺低做下午茶。無論係飲食環境定係打卡地方都好適合整體滿分服務都好好，排隊唔算耐，不過價錢方面就同其他麵包飲品舖對比，相對上會貴少少，但係物超所值！ ！ ！…查看更多