HKnursefoodie's Profile

[荃灣 - 性價比西餐]都應該係第四次黎呢到食，之前幾次都係一大班人食，今次兩個人食個早飯，又有另一風味，佢嘅位置感覺有啲似去左離島嘅高級西餐廳~啲野食好食，但又唔算貴~所以前排第一次黎過就來再黎~🔹Crispy Popcorn Chicken🔹 酥炸雞球~外皮金黃酥脆~但裡面嘅雞肉真係好嫩，又無雪藏味~有驚喜嘅開胃小食~🔹BBQ Pork Ribs with fries🔹 燒豬肋骨每次黎都會叫~因為佢嘅燒烤醬好濃郁~啲肉質好嫩又好入味~而炸薯條係永遠都會清枱，好好食，唔油膩~🔹蜆肉扁意粉🔹 好有驚喜！蜆肉應該係新鮮，因為粒粒脹卜卜，好鮮甜~而且勁多蜆肉~扁意粉、辣椒仔同車厘茄嘅酸甜香辣，再加埋橄欖油香，係平時少食嘅味道~但絕對係好食嘅~🔹Chocolate Brownies with chocolate ice cream🔹 雖然好飽，但最後都叫左個朱古力brownies~擺盤好靚~啲brownies係剛焗好，熱熱地，脆脆地，入面又軟軟地，好朱古力味，加埋朱古力雪糕，有啲冰火嘅感覺，好鬼好食！食完好完滿！原來而家做緊promotion, follow佢社交平台有八折~抵！…Read More

[荃灣 - Chill Cafe]好耐冇去過南豐中心，見到呢個位原來變左間Cafe，就入黎試下~因為本身呢個位置氛圍格外舒適，望住樓下人來人往嘅地鐵站，喺到享受好野食，真係勁Chill！好有後花園嘅感覺~🔹南瓜湯🔹 是日餐湯~真材實料嘅南瓜湯，好幼滑，新鮮嘅清甜~🔹前菜沙律🔹 新鮮蔬菜搭配芝麻醬~口感清脆，我最愛~🔹珍珠帶子海鮮野菌茄醬意粉🔹 珍珠帶子好多粒~配埋啲野菌口感好好~茄醬嘅酸甜好夾~有時好怕勁酸同勁甜嘅汁~🔹香煎美國穀飼Prime肉眼牛扒（8OZ）🔹 牛扒即質素唔錯~揀左五成熟，又真係煎得外焦內嫩~個薯蓉超好味，又好滑，食唔停~仲要配埋勁甜嘅燒菠蘿，好滿意！🔹凍Espresso Tonic🔹 黎cafe就係要飲杯coffee~叫左杯凍Espresso Tonic，咖啡濃郁味同氣泡一齊飲，爽呀！咖啡好香~…Read More

[荃灣 - 大眾飯堂] 不得了！荃灣廣場開左河内~我嘅飯堂之一，平靚正！而家仲有2人餐，再抵啲！🔹河內生牛肉湯河🔹 好大碗！攞盤靚~粉嫩嘅生牛肉~牛肉湯好香~河粉好多，好入味~🔹香茅豬扒撈檬🔹塊豬扒好大又好淋~都有香茅味~食撈檬其實係食佢個汁，呢到汁唔會太酸，又唔會太重魚露嘅鹹~🔹安南鮮蝦紙米卷 & 田園灼生菜🔹都係個餐包埋，真心抵！🔹河內小食拼盤🔹太肚餓嘅關係~叫多個大滿足拼盤~有齊米子卷、扎肉、雞翼、蝦餅、春卷~🔹椰汁三色冰、鮮芒西米露🔹消暑解渴之選~食越南嘢冇椰汁冰點得嫁~…Read More

[荃灣 - 驚喜海鮮火鍋]星期五嘅夜晚喺荃新天地揾野食，見到有打邊爐放題就求其入去試下，喺無乜期望下，反而驚喜連連，值得分享！🔹海鮮拼盤🔹 一上桌就令我驚艷~拼盤10揀6~全部都好新鮮~仲要洗得好乾淨~鮑魚都仲係郁緊，生蠔勁大隻！龍躉片估唔到咁好食！🔹蒜蓉粉絲蒸龍蝦🔹 今晚另一個亮點！升華左成餐飯~龍蝦蒸到剛剛好~肉係彈牙嘅~連啲蒜蓉粉絲都清碟~🔹蟲草花燉雞湯🔹 睇落去清清地~但飲落唔簡單~湯底濃郁，滋味十足~飲完好舒服嘅感覺~🔹火鍋配料🔹 真係要讚下啲牛肉同豬肉~完全無期望下食到中高檔嘅肉，係幾咁有驚喜~仲要其他野食都唔差~蔬菜係出去任拎，全部都幾新鮮~自己整左個拼盤出黎~開心~…Read More

[葵芳 — 抵食海鮮放題]呢排興食撈海鮮，知道葵芳開左新嘢，放工即黎試下~🔹活海鮮🔹 有大大隻鮑魚、鮮蝦、扇貝、花蟹，大蜆~全部都好生猛~ 煮完樣樣都彈牙鮮甜~🔹熟食🔹 有海鮮、炸物~有蠔、龍蝦仔、薯餅、大腸仔、糍粑…樣樣都好吸引~唔知食得邊樣~🔹湯底🔹 揀左菇菌湯同金湯花膠雞~鴛鴦鍋唔使加錢~菌湯味道清新且不油膩~就香濃鮮味~🔹牛肉🔹 有安格斯牛肉~肉質嫩滑，有牛味~又唔會好多脂肪，好啱我~🔹生果/甜品🔹 另一重點黎啦！就係新鮮即開榴槤同埋椰皇~呢個價錢任食呢兩樣野其實都好回本~仲有山竹添~雪糕雪條款式唔多，但都係我鍾意食，已經好滿足~…Read More

[荃灣 -打卡新派潮式手工菜]放假食好啲系列！有間新開嘅新式潮州餐廳~個人覺得每一道菜都充滿驚喜，因為啱我得卡得黎又新穎/好食~🔹滷水拼盤🔹 食潮州嘢，滷水拼盤係必試！細細碟但都好多野食~各樣野滷得入味，下面嘅豆腐入哂味~🔹潮汕炸乳鴿🔹 炸乳鴿皮香肉嫩~咬落去啲肉汁出哂黎~真係好想再黎多一隻！🔹芋蓉豬仔🔹 可愛嘅豬仔造型~入裡係香滑嘅紫色芋蓉~甜而不膩，食完心情好好！🔹鳳眼蝦餃🔹 蝦餃皮薄餡多~全部都係彈牙蝦肉~橙色外皮好吸睛~🔹黑蒜帶子燒賣🔹 燒賣上面加咗黑蒜，味道超有驚喜！因為睇落去似冬菇嘅黑蒜係甜嫁~加埋帶子同個肉餡好好食~🔹鮮荔枝球🔹 甜甜嘅糯米荔枝球脆皮，入面包住好juicy 嘅蝦球~口感好好~🔹小小梨子🔹 造型討好~好可愛嘅咸水角~🔹翡翠石榴果🔹 又係驚喜之作！原來係豆苗餃~又係好鮮味~🔹辣流心燒賣🔹 未食過流心嘅辣醬燒賣~少少辣味好過癮~🔹粒粒葡萄茉莉綠茶 & 咸話梅手打檸檬茶🔹 又一力推打卡之作~附送出煙茶壺，開心~葡萄茉莉綠茶清香，真係有提子喺入面嫁~咸話梅檸檬茶酸酸甜甜，真係解渴又醒神！🔹養生滋補美顏🔹 呢碗糖水有好多料~味道清清甜甜，係嗰種好滋補又美顏嘅感覺~…Read More

[銅鑼灣 - 主題餐廳] 又黎支持下主題餐廳，基本上一有鍾意嘅卡通角色就會黎幫襯，今次係Mofusand！喵~~~好鍾意幫襯主題餐廳，因為一入去就係開心嘅vibes~而佢嘅周邊係拉麵碗，湯匙~實用又靚！🔹特製牛奶拉麵🔹 Mofusand魚蛋真係好可愛，唔捨得食~牛奶湯又香又濃~有Mofusand專屬炸蝦，日式叉燒，豬軟骨，溏心蛋~玉子蛋係心心型，好靚又好味~🔹 特制黑醬油拉麵🔹醬油味好出，但又唔會油膩~材料一樣，但湯底就完全唔同感覺~🔹特製章魚燒🔹望住個紙兜上面嘅Mofusand，好食嘅程度絕對會增加~可愛到呢~🔹特製三色芭菲🔹呢個size超好~同入面無乜cream, 主要係三色雪糕同水果~下面係蛋糕仔~成個組合唔會好濟~🔹特製士多啤梨梳打 & 特製白桃烏龍奶茶🔹棉花糖靚到唔捨得食~梳打飲到最後都有味，白桃烏龍好有桃味，奶茶唔會好濃~打卡dable, 又好飲~…Read More

[荃灣 - 水準和食] 其他分店都有幫襯過~就係無黎過荃灣呢間~今日喺到食個late lunch,絕對係超滿足~坐喺和室，望住個靚景食好西~正！🔹豪華海鮮丼茶漬飯🔹 有甜蝦、三文魚、呑拿魚、帶子、三文魚子~刺身好新鮮，有啲驚喜~加埋蝦湯變茶漬飯鮮上加鮮！🔹和牛肉壽喜燒定食🔹正當我慢慢享受茶漬飯嘅時候，望一望隔離已經差唔多食完，好彩仲試到塊和牛，真係幾嫩又好香牛味，唔怪得食得咁快~🔹鎌倉紅葉茶屋抹茶提拉米蘇🔹每次幫襯必叫！水準依然，打卡外型依然~食完好滿足~🔹黑蜜原味蕨餅&抹茶蕨餅🔹跟餐加左碟蕨餅~兩個味都唔錯，質地就淋啲~但我個人好ok~🔹鎌倉紅葉茶屋特製軟雪糕芭菲🔹大食鬼上身！好足料！啲抹茶cream好豐厚，好似食雪糕咁~食完飽到上心口！但好開心~🔹飲品🔹冰雜莓&香橙紅茶- 唔加糖漿都已經好好飲，好refreshing!雪糕抹茶拿鐵-濃濃嘅抹茶味，但又唔會苦~好飲！…Read More

[尖沙咀- 驚喜法國菜] 忙完一排，要好好慰勞返自己~行完街見到想試好耐嘅Odelice!，真係無揀錯，好有驚喜！服務超好！味道好~份量都唔少!🔹餐湯&餐包🔹 忌廉蘑菇湯 - 飲得出新鮮，同濃得黎又唔會好杰好濟~餐包- 暖嘅，心思為係牛油粒上面加左鹽~🔹法國 Charolais 生牛肉他他🔹第一次食~ 口感好好~比食魚生更好咬口~味道好特別，又開胃~少少辣辣地同香料，加埋脆多士，食唔停口~🔹法式點心拼盤🔹有三文魚他他、蟹肉tart、炸忌廉球、迷你蛋餅、Ham，配脆多士~全部都好食~🔹阿根延安格斯肉眼牛扒🔹肉質唔錯，好香牛味~忌廉source好惹味~薯條金黃色，好香脆，好飽都keep住拎黎食~🔹原隻烤維蝦🔹勁多芝士同忌廉汁啲上面，令到龍蝦肉好層次感，下面啲薯粒索哂啲汁~🔹飲品🔹Winter Cranberry Fizz -酸甜平衡適合開胃~Frozen Tropicolada - 菠蘿香蕉椰奶，好夾嘅組合~…Read More

[荃灣 - 新西餐推介] 今日開會無食晏，放工經過見到新開，就入黎食個early dinner~叫左兩個鐵板餐同沙律~豐富到好似食聖誕大餐咁~🔹薯菜 & 餐包🔹 波浪薯條用車仔上，好Cute, 好打卡dable ~餐包係甜包，好開胃~🔹忌廉湯 & 酥皮龍蝦湯🔹忌廉湯好香好滑~酥皮似甜包，配香濃龍蝦湯，唔錯~🔹煙三文魚巴馬火腿沙律（配黑醋）🔹好少見有煙三文魚同巴馬Ham一齊出靚~加上面頭好似雪花嘅芝士同黑醋，所有野加埋好開胃~🔹招牌鐵板肉眼牛扒🔹牛仔鐵板上枱，又靚又熱辣辣~肉眼好嫩，醒埋黑椒汁會食唔停~🔹鐵板美式雜扒🔹有豬、雞、腸、火腿~樣樣都好嫩，好入味~加埋招牌沙嗲汁，好地道，都好好食~🔹特飲🔹芒芒椰椰 - 好香甜~一啲都唔會酸~好好飲，唔夠喉~藍莓香蕉沙冰 - 話係沙冰，但一啲都唔一粒粒，即係好真材實料~好香好滑~…Read More

[上環 - 快樂晚餐] 喺附近做完野，好想食茶記，一search先發現原來佢開左分店，即過黎幫襯下~可能係放工時間，無乜人，同銅鑼灣分店好唔同~不過一樣食得開心！🔹叉燒蝦仁特濃滑蛋飯🔹 Meun話係4.3特濃牛乳滑蛋~又真係好好食喎，入口好嫩滑，啲蝦爽口彈牙~加埋半肥瘦叉燒同汁超好食~有啲餐廳個汁超甜，我唔鍾意~🔹瑞士汁雞髀湯一丁🔹隻雞髀好大隻~瑞士汁好入味，但又唔會太鹹~配真出前一丁，同炒蛋多士~滿足~想講個炒蛋又係呢一個口感，好綿，好香~🔹吉列魚柳什果沙律餐🔹塊魚柳都幾大塊，厚肉又炸到外脆內軟~配埋什果沙律，開胃~🔹飲品🔹想講佢啲奶茶幾滑~檸茶有4大片檸檬，少有~…Read More

[旺角 - 打卡Cafe] 其實想黎打卡好耐，今日終於黎到！喺到食野真係好舒服，今晚播緊周興哲嘅歌，好舒服、好浪漫~加上啲佈置實在太靚，只係怪自己部電話影相唔夠靚……🔹餐湯、餐包🔹 南瓜薯蓉湯 - 濃濃嘅南瓜味，配埋好幻滑嘅薯仔蓉~口質好好~蒜蓉包 - 又香又脆，點埋湯食一流~🔹慢煮阿根廷穀飼西冷配阿根廷香辣醬🔹西冷外面煎到好香口，入面就好嫩滑~雖然話係香辣醬，但係就唔太辣~反而覺得清清地，食到牛味~🔹慢煮豬肋骨配燒烤醬🔹一上枱呆左，全份原來好大份~未食過咁大嘅ribs~但内又夠淋，加埋BBQ醬，無得輸~🔹玫瑰抹茶🔹濃濃嘅抹茶，加埋香噴噴嘅玫瑰花瓣~又有拉花~ 賞心悅目~🔹手工黑芝麻latte🔹有芝麻漿喺底，飲落好香芝麻味，但又唔會有燶味~口感係滑漏添~唔錯~…Read More

[荃灣 - 超正韓國菜] 好間中先會食韓國嘢，因為食黎食去都係炸雞~又坐得無咁舒服~呢到打破哂我嘅概念~呢到裝修好靚，好大~坐得好舒服~野食種類好多選擇~同都好好食~下次要再encore~🔹驚喜二重奏🔹 真心驚喜~因為牛扒係鐵板上~炸炸聲~自己睇住生熟黎食~正！炸雞就一定好食！成日都好驚訝點解韓國炸雞可以咁脆，但入面啲肉咁嫩咁juicy!仲有比一般好味嘅bbq醬點~沙律又好fresh好開胃~多重享受~🔹香辣芝士八爪魚🔹熱盤上，仲要有靚仔哥哥親自抄~好多八爪魚呀，食極都有咁~加埋少少辣嘅拉絲芝士，好滋味~🔹魚介湯鍋🔹份量好多，食韓國嘢相對濃味，有呢個湯鍋balance返，成餐都食得好舒暢~🔹藍橙荔枝梳打🔹藍色控打卡必叫，同唔係得個樣嫁~好飲到尾，無變淡~🔹暮色百香🔹一Jar上好開心！飲左好多杯，味道好清甜，喺出面未飲過嘅味道~🔹蜜瓜雪冰🔹打卡首選！啲冰都係綠色嫁，證明係用心製作~食落好棉滑~完尾作結~…Read More

[觀塘 - 好味台灣菜] 地膽帶我去佢嘅飯堂~餐廳喺工廠大廈到，自己真係唔會識揾~坐低一陣轉頭就滿座~可以反映到質素~🔹牛三寶麵🔹 三寶有牛腱肉，牛筋，牛肋條~牛腱肉淋得黎好有咬口~牛筋簡直係骨膠原化身，入口即融~牛肋條又係好淋，好入味~好有牛香~🔹紅燒豬腳拌麵🔹豬腳就係彈牙，爽口~啲刀削麵厚薄適中，撈埋啲汁，好好味~🔹麻辣鴨血🔹台灣嘅味道~而且真係鴨血，唔係豬紅~🔹酥炸鱿魚🔹鹽酥版嘅炸魷魚鬚~外脆內軟，又好野味~🔹飲品🔹凍蜂蜜綠茶 - 野飲好抵，呢個清清地，好解膩~凍黑糖珍珠奶茶 - 黑糖剛剛好，珍珠都有甜味，唔錯~…Read More

[銅鑼灣 - 音樂主題餐廳] 知道The L. Square 好唔同餐廳~今次就試下呢間音樂做主題嘅西餐~屈機嘅係有成個打碟位，好pro~以為會相對嘈，但入到去啲聲量剛剛好~音樂係好多熟悉嘅歌remix左~令人好舒服咁食飯~🔹Lobster bisque🔹 真材實料~好濃嘅龍蝦味~好滑嘅口感~仲有粒粒龍蝦肉~🔹Caesar Salad🔹賣相靚~菜又新鮮~開胃~🔹Australian Grass Fed Rib Eye Steak🔹錯覺以為有塊心心牛扒~不過擺盤係靚嘅~肉眼一入口就好有煙熏味~但又唔會有焦燶味~好突出到入面嘅牛香~🔹Seafood Lover Linguine🔹有大蝦、魷魚圈、大蜆、帶子~全部都好彈牙~意粉就掛晒啲海鮮汁~…Read More