852foodie_preludi's Profile

如果你鍾意食蛋包飯，就一定要嚟試吓呢間位於灣仔嘅貓之眼喇！😋🔆咖喱豬肉+忌廉雞肉蛋包飯$88呢個配搭好新鮮！咖喱豬肉屬正常發揮，而忌廉雞肉就奶油味好重好滑😝而主角——蛋包飯真係好正，尤其係啲蛋煮得好嫩滑，完全係高水準食物👍🏽餐廳坐位比較少，所以嚟食記住要預多少少時間排隊🙈蛋包飯嘅餸仲可以揀濃茄牛肉，亦都有漢堡扒，不過今次冇試到，下次再去嘅時候一定要試一試‼️鍾意蛋包飯嘅你，記得快啲嚟試吓啦😝…Read More

唔知食西式定日式好？咁就嚟將軍澳中心嘅Table啦🤩除咗有意大利飯、意大利麵同埋牛扒，亦都有日式咖喱飯同埋烏冬，選擇非常多😙🔆慢煮大啡菇牛肝菌野菌黑松露意大利飯$118黑松露味十足🤤除咗有大大嚿啡菇喺面，飯入面亦都有好多唔同嘅野菌，超級足料😆不過碗飯食落有少少膩，一個人自己食未必食得晒😬🔆鹽燒厚切牛脷北海道咖喱蛋蓋飯$118超級足料‼️有大大碟好滑嘅蛋蓋飯，亦都有六塊好淋嘅牛脷，食落超滿足😋以日式咖喱嚟講，呢碟算係比較辣，怕辣嘅朋友嗌之前要考慮吓🤓不過咖喱汁只係放喺側邊，所以可以自行決定辣度😁晚市套餐可以半價加飲品，今次嗌咗杯玄米抹茶燕麥奶。不過抹茶味比較啖，食完主餐再飲呢杯奶就比較膩🙈加$38就可以配埋是日餐湯同埋酸種包，今日嘅時候餐湯係黑松露椰菜花湯，味道相當唔錯🤩成間餐廳以西式簡約風為主，環境都幾優美，不過餐廳位於商場正中心，途人比較多，所以相對失色少少🙂‍↔️不過整體而言呢間餐廳冇乜挑剔之處，嘢食都好足料，十分推介😝…Read More

想用實惠嘅價錢享受壽喜燒？🤩牛舍一定會係你嘅不二之選😁🔆精選牛肉湯鍋二人餐（美國肩胛肥牛300g ）$248今次同朋友試咗呢個二人餐，除咗有基本嘅配菜，例如係皇帝菜同旺菜之外，佢哋亦都有附送沙律蕃茄仔同埋豆腐作為前菜，食完都特別開胃😙而肥牛就不過不失。雖然份量較少，但兩個人都勉強夠食😁日系嘅裝修，座位都尚算闊落，如果想同朋友聚會都係一個唔錯嘅選擇🤓而家關注佢哋嘅社交媒體網站嘅話，入座仲會附送埋牛舌㗎😝…Read More

今次嚟到樂富廣場嘅Foodcourt，搵到一間日式同意式fushion嘅拉麵店‼️🔆慢煮叉燒芝士拉麵套餐（蕃茄湯配日式章魚燒）$60估唔到將意式嘅湯底混入拉麵會咁特別😙蕃茄湯唔會太稀，又唔會太濃，配上日式拉麵同叉燒都幾夾！所有套餐都可以配小食，今次揀咗日式章魚燒，食落都好入味，絕對可以媲美其他章魚燒專門店😋唯一美中不足係芝士🙈芝士份量唔算多，而且湯底唔算好熱，所以好難攪勻啲芝士，令到芝士味唔算太出😞只要出示學生證或樂悠卡，就可以享有減$5嘅優惠😁但係餐廳始終喺Foodcourt入面，所以場地都有少少逼同埋嘈😞呢間餐廳仲有好多其他嘅日式x意式crossover，例如係羅勒香草拉麵同埋卡邦尼拉麵，小食亦都有好多選擇，絕對值得嚟試一試🤩…Read More

夏日炎炎嘅天氣，相信唔少人都會諗起食沙冰解暑🤓而今次我哋就去咗甜姨姨，試吓唔同嘅沙冰🤩🔆黃到金（芒果沙冰）$158呢個沙冰主打菲律賓呂文芒果，配楊枝甘露。芒果唔會太甜，令到成碗沙冰一啲都唔膩，食到最底嘅時候嗰啲楊枝甘露仲會保持住呢個沙冰嘅新鮮感‼️但係淋上去嘅芒果醬相對之下就比較化學，有少少似芒果軟糖嘅味🫠🔆初心（草莓沙冰）$128 草莓沙冰食落去，反而係最有驚喜🤩一開頭潷落去嘅士多啤梨味，完全唔似糖漿，反而仲有平時士多啤梨嘅清新，配埋希臘乳酪嘅酸味、士多啤梨乾、同埋椰果，令到成碗沙冰嘅層次好豐富😝🔆 400次髒髒Kitkat冰（朱古力沙冰） $148一諗起Kitkat通常都會認為成個沙冰會過分膩/甜🫠但係因為有8%美祿粉中和返Kitkat帶嚟嘅甜😝配埋朱古力雪糕，配上朱古力醬同埋朱古力雪糕，令你喺食一碗沙冰嘅時候食都唔同朱古力嘅風味🙂‍↔️試咗咁多碗沙冰，我哋都認為士多啤梨味係最特別嘅‼️因為會沙冰都比較大🤓如果大家都有興趣嚟嘅，建議帶埋啲同伴一齊享受…Read More

屯門雲貴風一直都係米線關注組喺屯門嘅榜首⭐️今次有幸一嘗呢間人氣王，嘢食嘅水準果然拍得住佢嘅人氣🤩🔆酸辣米線$61（蘿蔔，辣腩肉，豬頭肉）｛中辣｝整體上中辣同譚仔嘅三小辣差唔多！酸辣湯會帶有少少花生嘅香味，而啲配菜都係湯頭度煮到好入味，雖然米線有少少腍，但係都唔影響佢嘅發揮😝至於場地就有少少逼夾🙂‍↔️見到其他食客入嚟嘅時候都有少少困難😬但好味嘅食物又點會被環境所影響呢？😋住喺市區嘅人不妨走入嚟試吓😍…Read More

面對即將全面結業嘅泰國沙冰After You，除咗Shari Shari 之外仲有啲咩拍得住佢哋嘅水準？🤔就係位於尖沙咀嘅八時神仙草‼️🔆香草芒果奶蓋雪花盛盤$98佢哋嘅芒果沙冰唔會太過甜/膩😋中間總會有少量嘅芒果粒，保持住成個沙冰嘅清新🤓不得不讚嘅就係佢哋嘅芒果醬，酸甜嘅比例啱啱好，配上奶蓋真係食過翻尋味😚🔆抹茶米麻糬雪花盛盤$98佢哋嘅抹茶沙冰配上米麻糬竟然意想不到嘅夾🥳第一啖食落去嗰個抹茶味濃到衝上天靈蓋🤩再配埋米麻糬獨特嘅米粒口感，每一啖都好似食緊一款新嘅甜品咁😝佢哋仲會配埋芋圓同埋紅豆，食到有少少厭嘅時候，配搭埋都好過癮！唯一美中不足嘅就係坐嘅時候有少少逼夾🤔❗️大家記住留意番用膳時間係45分鐘，而每人嘅最低消費係$45，同埋係唔接受現金支付嘅‼️…Read More

估唔到興咗一年有多，位於尖沙咀山林道嘅韓式刀削麵舖頭水準都仍然保持咁正🤩雖然間舖頭有啲細，但係同朋友一齊坐都唔會好迫逼夾，店員都好親切‼️🔆豆汁冷麵$78 喺香港接近夏天嘅春天食到一碗咁爽嘅冷麵真係透心涼❗️🔆海鮮韭菜煎餅$68煎餅食落嚟一啲都唔會太油膩，平時唔鍾意食韭菜嘅朋友都覺得煎餅脆卜卜，海鮮嘅鮮味都冇比韭菜蓋過😝餐廳就坐會附送即醃嘅泡菜😋夾住麵食又係一個新嘅配搭🥳如果間唔中想同朋友過吓韓國癮，呢間刀削麵都會係唔錯嘅選擇😎…Read More