nana lam 1210's Profile

首先去到餐廳嘅時候，入去會有人帶我同朋友坐低，但因為仲有另外一個朋友未嚟，所以我哋諗住睇吓餐牌有咩食先但係枱上冇餐牌只係掃QR code完全冇提示個QR code究竟係邊度掃，坐咗一段時間只有一啲小吃在枱面上連一杯水都冇俾我哋到我哋叫野食個陣，個女侍應都叫做好好禮貌，但我覺得全場嘅侍應嘅服務態度一般同埋好似睇唔起我哋會大額消費中間嘅過程都唔需要話服務員點樣嚟招呼我哋只不過你問我服務態度係特別差囉，只可以講話個賣點係餐廳有一啲特色嘅場地影相最後埋單都要嗌咗三次先有人幫我地埋單，但係我見到其他嘅侍應都係企喺度行行企企，冇理過我哋聽完就算呢間餐廳可一不可再…Read More

今日同一大班朋友夜晚食飯，我book位嘅時候知道有分兩段時段，一段時段係5:30至到8:00，另一段時段係8:30至到12點，我覺得時段嘅安排都不錯👍🏻另外因為我哋係揸車入去食飯，都覺得搵位泊車冇難道！但最緊要book位嘅時候一定要揀冷氣房因為咁熱嘅天氣好難會出去露天食蒸氣邊爐🫕餐牌有唔同嘅價錢嘅選擇，都好分明好清楚，服務嘅姐姐都好熱心去介紹，當然有不足之處，就係安排人入座嘅時候唔多唔少都有少少出錯，問題都不大。當我哋出去揀海鮮嘅時候，有職員叫阿Ken，好細心解釋點樣去選擇海鮮點樣揀最新鮮嘅海鮮同埋會落手落腳幫我哋選擇幫我哋去捉💯同埋食物嘅質素都不錯👍🏻雖然揀咗冷氣房，但係因為太多人用蒸氣鍋打邊爐啦，局限左係一個空間裏面，所以令到房裏便都比較熱，建議可以加設風扇令到空氣比較通爽加涼快同埋服務人員不錯啦，服務員姐姐都會每次都會幫我哋介紹點用幾多分鐘去蒸，幫我哋執枱啦👍🏻晚飯到尾聲都會問我哋食唔食糖水啦，服務態度算係好有水準食物質素都不過不失！PS:最後都要多謝姐姐請咗我哋食小籠包啦，同埋阿Ken 真誠嘅服務態度，值得為呢一餐飯加分💯…Read More

我最愛去的一間日本餐廳最欣賞佢哋嘅服務態度同埋佢地認得出每位客人每位職員服務態度好好，就算而家帶住口罩，都會感覺佢地面上帶住笑容見面時會好友善地向你打招呼我最鐘意佢地店內的海膽，味美又鮮味我每次去都會食，價錢相宜店內簡單裝修，都企理乾淨，衛生防疫高同埋每次見你茶杯冇茶，會即刻為你加茶，又會同你傾下計，感覺入去似朋友多過客人有別於其他日本餐廳我覺得一餐飯食得開唔開心，除咗食物質素之外，服務態度都會影響成餐飯既氣氛食得開心食物質素高服務態度非常好真心推介…Read More

我大約在夜晚7:00入席，我都明白店內係坐滿咗好多客人，同埋可能店內裏面嘅職員人手不足，所以都要喺門口等一位男士帶我哋入席！但係我感覺佢啲語氣同態度不友善！加上我也覺得佢有一點兒不耐煩！正當我叫佢落單嘅時候，旁邊嘅客人都準備落單，佢示意叫我哋等陣，同埋係一個落單嘅過程當中呢都係態度不耐煩，因為由入門口度坐低佢都冇俾個我哋有兩杯茶，但我眼見新入職的客人都已經有茶了！係我食飯嘅途中我見到佢，好好禮貌好殷勤咁招呼包廂一台客人，對比我哋出邊坐的客人來說可能我哋啲消費不及裏面高，所以換來兩種服務的態度，真係感覺差天共地！到最後買單的時候，係另一位職員好好態度來幫我哋買單，當找錢的時候，佢將一本錢補飛落枱，我從來未咁到如此難受！其實都係食一餐飯我又唔需要你好好嘅服務態度，加上我都冇得罪任何人，唔知點解換來咁嘅服務態度！服務質素差，食物麻麻，價錢也不平！我諗呢一間舖得一個着便服嘅男人態度差之外其他職員嘅態度都好好👍🏻…Read More