Thomas_ya's Profile

喺佐敦地鐵站出口行5分鐘左右就到 好就腳喺門口已經見到好多介紹手切牛 新鮮海鮮等 入面裝修都好有新鮮感 唔似平時啲打邊爐鍋底種類選擇都唔少另外仲有串燒可以叫 飲品價錢都好平 一班friend一齊飲酒打邊爐好爽醬料都係自助 基本上打邊爐需要嘅醬料呢度都有齊我就鍾意豉油 辣椒 蒜蓉 炸蒜打邊爐係半自助形式 首先嗌咗鍋底 之後可以喺雪櫃度攞嘢食每一行就係唔同價錢 用唔同碟去區分望落去都好新鮮 同埋睇得到去揀嘅感覺正過寫紙落單可以望吓想食啲乜先拎叫咗招牌金湯火鍋雞上到嚟已經見到好濃嘅湯 忍唔住飲咗二碗 唔會油膩係甜甜地嘅南瓜雞湯 入面真材實料 紅棗蟲草花冬菇南瓜杞子雞花膠每樣嘢都好入味 而且啲雞好新鮮蟲草花爽口 未落材料打邊爐已經好滿足肥牛有用保鮮紙包住 keep住新鮮食落都係有水準嘅牛肉 豬頸肉爽口彈牙 推薦另外仲有食到墨魚滑 同埋魷魚都係好推薦…Read More

每次一想食放題 就一定會揀旺角呢一間已經第三次嚟食 地點就腳座位對比其他放題 舒服好多 夠闊落可以手機app落單好方便淨係飲品嘅選擇 已經睇到眼花撩亂每次都飲幾款 試到好多新嘢一開頭梗係食咗刺身先啦 擺盤好靚每一款都超級新鮮 而且份量比得好足冇試過漏單 個人推薦蝦同三文魚每次黎 都一定會打邊爐 火鍋鍋嘅種類亦都好多選擇 午餐肉仲要係厚切嘅 正呀 牛肉同日式任食打邊爐嘅質素一樣 推薦炸物 有哂擺盤咁樣上嚟 打卡一流全部都炸得好香脆 冇油益味 外皮唔會好厚超級推薦榴槤炸彈 同行友人食咗六粒我就推薦雞翼 上面有啲芝麻 個香味好突出另外食咗好多冇影相推介嘅仲有火焰壽司 甜品 出面有個大雪櫃 好多雪條雪糕選擇同埋環境真係絕對加分唔會話郁郁手踭就撞到隔離 服務態度都好好 …Read More

餐廳喺新蒲崗算就腳嘅位置 鄰近公園附近都唔覺有食pizza嘅地方比門口心形Pizza Menu吸引咗食物種類多選擇 Pizza 小食 到 意粉 炸雞都有內在裝修好舒服 空間感大千島海鮮 （走洋蔥）配料，同埋醬汁都好豐富 個餅底有一定厚度 但唔會覺得乾口感鬆化 有麵粉嘅香味分量唔算大 share啱啱好 可以食多啲嘢燒烤達人（走洋蔥）燒烤醬好惹味 同啲雞肉好夾同樣病底做得好出色 炸芝士年糕Share食 一人一至兩粒 啱啱好好香口 咬落去 全部都係芝士 年糕亦都好有咬口 唔點醬汁都好好食記得要趁熱食 小食拼盤啲炸物唔會油 食落比較冇咁大負擔雞翼有啲似香茅雞翼 香口洋蔥圈 口感實在 洋蔥亦都唔會太過生咖喱角 不過不失 同醬汁好夾春卷 四款入面最鍾意嘅 好香脆 餡料亦都好多 推薦…Read More

餐廳入邊好闊落 而且有室外位置 有草地感覺上好放鬆 同埋有好多客人都會帶狗仔過嚟 望住狗仔食嘢 賞心悅目Menu食品唔齊全 用Apps睇會多啲食物選擇例如酒類 Menu冇，但係個Apps就見到花雕醉雞卷蒽油乾伴麵揀咗寬麵 個面口感好好撈埋一齊好夠味 麵冇乜醉雞味 係蔥油香但雞就做得好好 好入味 好有酒香酥炸花枝丸好大粒 好香墨魚味 食得出墨魚粒有兩個醬汁 可以選擇配搭推薦黑糖地瓜條份量好多 3-4個人都夠食甜甜地 口感好軟綿 係即整忍唔住一啖接一啖台灣白葡萄啤酒第一次人台灣啤酒 好易入口 有啲似飲緊果汁白葡萄味好清香 一啲都唔假仙草凍奶茶 少冰 少甜+爆珠 +奶蓋仙草甜甜地入口Q彈 爆珠係果汁味 奶蓋鹹鹹地 份量都幾多整體成杯嘢都好出色加咗好多配料都唔會話好甜…Read More

餐廳喺樓上鋪 環境好好靠近窗邊位置可以望到廟街黑椒鵝肝醬凍派配法式多士鵝肝醬睇落好似細杯 其實份量好多就咁食都唔會太鹹 配埋多士食就層次豐富啲加埋牛油亦都提升左個口感另外會有醋之類醬料可以選擇可以每啖都試吓唔同配搭 幾有趣個人推薦就咁鵝肝醬配多士 簡單 好食～墨魚汁意大利粉配大蝦份量好足 好多隻大蝦 亦都好新鮮墨魚麵有咬口 另外醬汁好濃厚每一啖面都充滿醬汁 香料亦都唔會太搶戲 幾適合香港人口味Share食會比較好 超級推薦檸檬梳打好fresh 新鮮檸檬配有氣水唔飲酒嘅話，幾好嘅選擇西班牙油條 好脆口 好好食 好似係外國食到嘅咁上面布滿咗糖粒 好邪惡下面係濃縮咖啡 就咁食同浸住咖啡又係兩個體驗 係一個幾特別嘅甜品 食物環境服務態度各方面都好理想…Read More

喺金雞廣場 出升降機貌似工業大廈仲以為去錯地方轉彎就見到入面地方好闊落 枱與枱之間都有一定距離好啱成班friend嚟食下野 窗望出去嘅環境都好好 可以好放鬆有啲位置好似梳化咁 坐得好舒服其次 店員態度好Nice 氣氛環境都好滿意蟹肉雜菌忌廉闊條麵就咁睇份量以為好少 其實都多忌廉好濃 麵軟硬適中 幾有驚喜特色拼盤入面全部都好食 無伏 新鮮炸起 熱辣辣 配埋醬汁一流特別推薦洋蔥圈 同 雞翼可以單點紐約芝士蛋糕味道有啲似忌廉芝士 入口香濃但又唔會太過厚重 底下嘅焦糖醬 同隔離嘅cream令到成件事入口更加順滑 加分作為飯後甜品好滿足藍莓果冰茶入面係有藍莓乾 鍾意藍莓嘅可以一試藍莓味都幾重 少甜 西柚綠茶清新嘅味道 有西柚味最底下會有啲類似蒟蒻椰果配料適合配蛋糕…Read More

餐廳位置就腳 隔離有寵物店 公園附近建議嗌套餐 抵食好多 椰子雞鍋(半隻)啲雞係分開上既 好似多咗個餸咁 個湯好鮮甜 未打邊爐之前可以飲啖湯先啲雞唔係冰鮮嘅 好有雞味 雞皮好Q彈極推薦呢個煲 半隻雞已經好有份量手工炸魚皮好脆口 上面有啲椒鹽調味 就咁食會偏鹹但落去打邊爐 返2秒 就啱啱好 推薦套餐B花尾班+牛小排(例)套餐好抵食 魚好鮮嫩唔多骨入口啖啖肉牛小排 超級推薦厚薄剛好 入口唔會韌 之餘好有牛味全枱人都超滿意個牛唐生菜新鮮 同個湯底好夾醬料選擇配搭都好多款 而且擺放乾淨同場加映隔籬枱叫咗套餐E好壯觀 打卡一流 可惜今次太少人 怕食唔晒冇叫下次一定會再嚟encore食物質素冇得輸 之餘 環境服務各方面都好好 唔會過於吵鬧坐嘅位置舒適 多人嘅話好似有房間安排員工或者老細態度好有善 有講有笑感覺好舒服 可以好好咁樣享受一餐美食依家好多都雞煲，或者任食打邊爐盛行其實水準一般 食客都只係為咗飽肚 回本但可以令人享受食物 會回味同埋記憶深刻呢間打邊爐做到 必定會再返嚟…Read More

喺旺角算起眼嘅地方 見到呢間燒烤店款式種類都幾多 肉類去到海鮮蔬菜都有酒精飲品唔少得 一入到去店員就會奉上餐具同埋俾調味料 即刻好有食燒烤嘅feel喺外面都有少少係比呢舊嘢吸引開頭以為係裝飾品 原來係紙巾 好方便首先就梗係嗌咗啤酒 夠晒冰凍 正錫紙娃娃菜 調味有少少辣 蒜 好開胃 而且下面有粉絲 唔會話好細份茄子好大條 而且上面佈滿晒調味配料入口好豐富 好怕食到啲好淡口嘅燒烤而且茄子連皮食 都唔會好苦 推薦雞爪 中規中矩 重椒鹽粉味 偏乾身烤原隻魷魚 呢個又係極度推薦魷魚好軟綿綿 口感彈牙 燒得啱啱好順便介紹埋下面個器皿 入面有蠟燭令到啲串燒擺耐咗都唔會變凍 真係可以慢慢食 慢慢飲酒 好貼心錫紙卜卜蜆 好鮮甜唔會話過重調味 掩蓋鮮味 啲蜆肉食落去都新鮮 彈牙好滿足嘅一餐 可以同朋友輕鬆飲酒傾吓計地方闊綽 唔同一般串燒店 唔會坐到好迫而且服務員態度都好好 氣氛唔錯…Read More

本身都好鍾意食海南雞 呢間可能雞食過幾次都好鍾意Keep到個水準豆花恐龍美祿豆腐花好滑 同美祿出奇地夾真係好似飲得嘅美祿味豆腐花咁清新得黎又有啲甜古法肉骨茶個湯嘅味道好清 唔會好重味精啲肉好淋 唔會話食到好黐牙入面嘅豆卜亦都好入味 同飯一齊食好夾到重頭戲 天天海南雞個醬汁同啲雞好夾 雞皮好滑雞肉味好濃 基本上我唔會再掂其他醬汁已經好好味 記得一定要配埋雞油飯佢哋個飯又係冇得輸 好香 但又唔會食到成口油同埋雞份量都真係好多 兩至三個人share都得飛雪小白兔一開頭睇張相仲諗緊下面嗰個黑色係咪食得原來係唔食得嘅 係凍冰冰應該為咗保留上面嗰個嘅溫度白色嘅兔仔有啲似布甸 上面有啲椰絲食落去幾有口感 味道唔會話太驚喜但作為飯後甜品都幾適合因為食完飯都唔會想食咁飽 呢個就啱啱好，幾啖搞掂…Read More

地鐵站行過嚟好近好快就到原本喺門口見到以為都係普通茶餐廳睇嘢食發現食物種類好豐富類似係冰室 有啲日式食物 亦都有甜品入面環境都真係好舒服 好寬躺 佈置裝修有親切感覺魚籽三文魚蛋炒飯魚籽同三文魚你嘅份量好足而且個飯抄到粒粒分明 可能因為有三文魚所以有啲油香入面啲冬菇好香口 有啲似日式加中式混合 推薦Oreo 碎片冰沙嚟到嘅時候差唔多滿瀉咁好濃郁嘅Oreo味 有兩塊Oreo之餘上面仲加咗Oreo碎呢啲天氣飲 冇得輸而且跟餐加 嘅話真係抵好多朱古力芝士蛋糕朱古力味偏淡 反而芝士味會比較重口感同普通芝士蛋糕冇咩分別 份量唔算好大 食完正餐食 都唔會覺得食唔落意大利栗子法式布朗尼栗子味重 口感外面偏硬身 入面就軟綿綿 有層次 個人比較推薦栗子呢款最後值得一讚係 入面職員服務態度好好有禮貌 語氣又唔會好死板呢種親切感覺真係 成餐飯加分…Read More

喺地鐵站行過嚟都算幾方便鬧市中嘅一點安靜環境好舒服 同埋好乾淨食物種類唔算好多 主食 小食 飲品去到甜品都一應俱全黑松露薯條份量好多 3-4 個人食都OK醬汁有黑松露味不過又唔會太鹹薯條就咁食都好食 鴨肝多士 好大塊肝呀 煮嘅時間控制得唔錯入口好香 多士冇咩特別 記得要點埋旁邊啲醬汁一齊食好開胃又好食青醬帶子螺絲粉青醬就係有種吸引力 會想一口接一口喺香港都算食過好多間 呢個真係暫時最好食醬汁掛晒啲麵到 入口好cream掂埋上面嗰個白色醬 味道層次會再提升帶子好大粒同埋好新鮮 Tiramisu 合格以上嘅甜品 食嘅時候唔會話好散酒味唔算太重 甜中帶苦 兩個人share啱啱好另外佢擺盤都好靚 好適合打卡Grapefruit tonic 好清新嘅飲品 賣相真係好靚佢上面紫色嗰啲係有顏色嘅冰黎 賞心悅目…Read More

去駱駝漆三期嗰邊買嘢 見到派傳單幾吸引 就過咗去食好近就係正三期對面個大廈地方好寬躺 環境格局亦都好舒適驟眼睇已經見到好多食物選擇首先睇咗串燒選擇先 串燒都係串好咗同埋係特別有齒輪嘅籤肉類 蔬菜 丸都一應俱全 最驚喜嘅係海鮮選擇都唔少有蟶子 扇貝 青口 之類飲品選擇亦都好多 同平時嗰啲放題差唔多一樣都係會有啲甜品 同埋雪條佢熟食嘅種類真係好多唔講以為去咗自助餐特別推薦 芝麻醬雞絲青瓜 芝士蠔 糖心蛋 仲有一個圓形嘅炸物 係榴槤波串燒方面我都係第一次去呢啲自助嘅BBQ店佢係簽上面有個齒輪 放落去佢就會自己滾動不過要留意食物如果太大件嘅話 就要隔啲空位先放 如果唔係啲嘢食就會頂住轉唔到嘢食需要啲時間燒 不過其實慢慢食都幾好可以食下熟食 睇住佢轉 另外海鮮就係有一個網可以拎入去同樣就咁放上去等佢熟就OK 唔使技巧…Read More

餐廳唔係地舖係正D2 Place Two對面嘅工業大廈地鐵站行過去都算方便環境比想像中寬躺 裝修格調亦都好舒服青芥末牛油果三文魚籽蟹肉多士多士好脆 味道芥末偏重 有沙律醬嘅關係 入口好順滑 連埋下面啲沙律菜一齊食味道清新美國蘆筍黑松露野菌飯黑松露味好重 有少少蓋過野菌味蘆筍好新鮮入口爽脆 飯粒偏硬身 有口感食晒成個飯都唔會覺得負擔好大 唔會太油膩朱古力布朗尼馬卡龍配雪糕馬卡龍酸酸甜甜 幾開胃雪糕配埋下面布朗尼食啱啱好布朗尼朱古力味好濃 入面嗰啲堅果好碎所以入口都唔會覺得口感好奇怪士多啤梨唔算 以甜品黎講份量真係好足朱古力香蕉奶昔好有細個嘅味道 香蕉同埋朱古力味都好天然唔會好假 上面啲cream 加埋一齊更加順滑無論味道定係外表都滿分…Read More

間餐廳喺旺角都幾就腳容易搵到有好多種湯底可以揀 感覺上有啲似台式打邊爐我哋揀咗壽喜燒湯 顏色好深 味道偏鹹如果鍾意淡口嘅可以試吓昆布清湯會首先上咗一盤肉 打卡一流 點影都咁靚同埋每款都有一兩件可以試吓味 先再落單飲品種類都好多 有樽裝嘅茶 亦都有好多罐裝飲品香港比較少見 台灣嘅飲品都有打邊爐當然唔少得食公仔麵 出面好少任食店 會有辛辣麵做選擇炸魚皮做得幾香口 忍唔住就食咗好多唔夠飽嘅仲有白飯 出面可以夾嘅選擇都唔少 菜類 丸 台灣腸都有重點推介冰菜 同埋 台灣腸冰菜出面都唔係咁容易買到口感好特別 咬落去好爽口 但係又有種溶化嘅感覺 唔鍾意食菜嘅朋友都食咗好多台灣腸好好味 諗返起台灣夜市又係忍唔住就食咗好多條肉類我推薦呢兩款 比較重牛味 入口亦都唔會好難咬最後賣單就會有分小甜品不過不失 …Read More

呢間日本野裝修同埋店員服飾都好有日本風味 好似去咗居酒屋咁同埋啲店員好Nice 令到成餐飯食得好舒服蟹膏豆腐 豆腐好滑入口好香蟹膏味 好好味 好開胃左口魚壽司 刺身好新鮮 燒得好甘香 油脂分布好平均入口個味好耐都唔散夢之丼材料好豐富鋪到成個面都係 同樣刺身好新鮮 好滿足帶子同埋海膽都好出色 同埋佢啲飯唔係用白飯 係本身已經有啲醬油味可以唔使落豉油 都已經好夠味另外隔離有杯野 可以配搭埋一齊 幾特別花錦魚生丼對比起頭先個刺身飯 比較鍾意呢一個啲刺身切到一粒粒 入口口感好豐富好滿足 另外隻雞蛋撈埋一齊 令到成件事更加高級 真係唔覺唔覺就食晒成碗飯慢煮鮑魚好正呀 入口好彈牙 本身鮑魚味已經好岀再加埋上面嗰個濃烈嘅醬 個味道一下爆成個口都係 鮑魚必點…Read More