yymonster's Profile

知道聯和墟附近開左間新餐廳 特意朋友生日黎試下 估唔到有驚喜頭盤 - 煙三文魚凱撒沙拉🥗, 個汁好好味, 沙拉又夠凍湯 - 法式田螺湯, 口感不錯, 飲落有d似芫莤魚片湯, 好搞笑🤭主菜 - 🐷豬鞍扒, 肉質鮮嫩多汁, 煎得剛剛好主菜 - 羊架, 成晚我既自愛, 特別係佢個蘇味, 食完成個口都係, 好正！🍖意大利粉 - 🍴牛肝菌菠菜闊條麵, 普通意大利粉 - Carbonara, 呢個反而好好, 汁唔會太杰🍝海鮮 - 白酒🍶忌廉煮大蜆, 本身想叫青口, 但餐廳經理提意是日大蜆比較新鮮, 食落又真係喎, 不過有少少咸甜品 - Tiramisu~ 平時我唔係好食Tiramisu, 但呢個我都想encore另外順帶一提, 食物份量好足, 服務員態度又好, 唔會hard sell, 平均每人唔洗$200, 好抵食👍🏻!…Read More

午餐約左2個朋友食飯 唸唔到食咩見大家公司附近開左間新野所以就決定試下午餐沒有太多選擇 而且價錢比散叫也差很多 只是餐多了飲品跟甜品所以最後散叫我點了花雕蝦米粉 朋友就分別點了藥膳雞湯麵同花雕雞翼湯麵本人覺得花雕蝦太重酒味 有點苦反而朋友個藥膳雞都不錯但重點唔係佢既食物 而係佢地個服務態度咁當我地食左一半時候 個服務員突然放低另外二張單好明顯係話我地知有其他人等位但個陣我朋友碗麵仲有一半之後過左一陣 個服務員放低左2杯野飲好明顯都係下一個客人既其實我地都知午飯時間係多人已經儘量配合 無奈受到咁既對待佢既野食就算幾好味都冇用 但事實其實又唔係所以一定沒有下次P.S. 我地途中叫左外賣又未有 迫住企係門口等 但我地發現那個時間已經冇人等位 …Read More

一大顆人的聚會 朋友在openrice 看到這間評分都幾高 所以就提議來試下訂左7點半 我們一行7人 佢地仲安排左房 未講食評之前 真係要講D題外話初時因為未齊人 唸住叫定幾個小食先 大約7點35分下單 然後到8點鐘再叫埋D主菜等左好耐 大約8點25分先黎得一個小食於是我地同餐廳反應 轉頭有個男經理入黎 第一句就同我地講:[你地一定好肚餓啦!]最初我地覺得好奇怪 點知後來佢就係度講話我地8點05分先下單 態度仲好差我地當然很氣憤 明明坐低已經即刻order個經理即刻係度又講話餐廳得2部機入單 要排隊落單但係要排半個鐘至落到單?? 真係令人費解……然後個經理仲要係度話講左一大輪 最後我地都唔想同佢嘈叫佢快點處理我地既菜單就算 每一個菜式都隔好耐先黎到9點45分左右先黎齊所有野 真係等到人都訓著咁制講番正題 我地order左以下既菜式小食蒜泥白肉 - 將D生菜卷左係蒜泥白肉中間, 然後淋上少少辣汁 食落幾開胃口水雞 – 個汁同平時食開既口水雞有d唔同, 不過反而意外既係放在底部的青瓜都幾好味涼伴海哲頭 – 一食落已經覺得唔夠凍 冇咩特別金磚豆腐 – 豆腐上灑上少許黑芝麻然後炸到金黃色 豆腐都幾滑主菜士多啤梨骨 – 肉排配上士多啤梨醬煮出黎既汁 幾開胃, 如果加d新鮮士多啤梨落去炒 應該會仲好花膠妃子浸時蔬 – 我地叫左白菜仔 得好少花膠 味道亦比較淡水煮魚 – 佢地用左貴花魚 個汁都ok 但係d魚真係好”鞋”=.=古法蒸蟹砵 – 好似幾特別 平時都只係食過焗魚腸之類 用蟹做真係第一次食 入面都有一隻蟹 不過可能混埋肉碎一齊蒸 搞到個蟹好似冇咁鮮味 但加左少少香菜 味道可以三杯雞 – 用煲仔上 未食已經聞到好香 但食落又好似太油蒜香牛柳粒 – 本身我唔食牛 朋友話食落都ok魚湯窩米線 – 餐牌上寫住話係用東星班既魚肉 加上菜同雜菇 再配上魚湯底 飲落個湯底都幾鮮味 不過魚肉就一般D菜式大至上比一般餐廳細碟 味道還好 但服務態度真的奇差 所以我地全部人一致結論係唔會再黎 埋單合共1700元左右…Read More

之前聽朋友講話間野D生蠔好好味所以就同左個同樣咁愛食生蠔既朋友去試一下由於book左位 所以都唔駛等就可以入去入面環境都幾好 好舒服首先當然點左生蠔 種類都幾多 大約有10款左右選擇 價錢大約HK$60-HK$90一隻左右我地每個國家都有叫d, Order左6款, 有法國, 美國, 澳洲等..由於有promotion, 叫左一打佢就送左半打紐西蘭俾我地d蠔都幾新鮮 大部份都係爽口 不過我覺得可以再好一點佢可以入d比較creamy既品種 口感都會唔同d除左蠔 仲叫左一個巴拿馬風腿沙律同埋田螺焗薯蓉沙律就好夠味 而且個巴拿馬風腿同個菜配合得幾好薯蓉就一般 佢d汁還可以 但碟野已經好細碟 佢有粒係冇左田螺既@_@之後我地叫左甜品我就點cream burlee 而朋友就點左chocolate cake個cream burlee 有三個味, 原味, 開心果同Moca開心果個味比較特別 而且香d其他就一般有樣野真係不得不講 就係間餐廳d服務都幾好個待應都好take care我地除左跟進我地叫既野黎左未之外仲會問下我地d食物ok唔ok..整體大致上好 可以再一試~…Read More