Love tomato's Profile

媽媽生日，想係荃灣搵間靚靚餐廳，咁啱係openrice 見到正價有8折優惠，一行5人去食飯，餐廳好好已經安排靚景位置，就隨意叫左幾樣菜。餐廳食物樣樣都唔錯，最好食係义燒，好林好入味，即叫即整，個菜心好似好簡單，但都好好食，反而個和牛就唔係想像咁出色，仲有個豆腐用左菇一齊炒，好爽脆，好食，主菜每樣大約2-3百左右，酒店餐廳價錢，不過有8折，埋單都係千6左右，平均3百左右一個，服務員服務很好，下次會再去食。…Read More

朋友生日，搵個地方聚餐，Moko有好多餐廳，搵到佢正價有6折，食物好似好多元化，就去試下佢。店舖唔太大，入面有2位waiter,有講解返6折係要首先每個人頭叫1杯正價drinks，同埋所以甜品無折，我地每人叫左杯飲品，再叫左水牛蕃茄沙律，味道正常，意粉好食，fish & chips都好大份，肉眼扒好林好食，之後再叫左2個pancake, coconut個款味道唔太出，打咭就幾好，反而平凡伯爵茶好好味，如果鍾意食朱古力雪糕，真心推薦食，好濃厚，埋單1千蚊有找，開頭都擔心份量會好細，但係實際係正常份量，味道都唔錯，下次可以再去食過。…Read More

同屋企人慶祝生日飯，餐廳用餐90mins, 整體食物都唔錯，飲品就唔係好掂，餐牌好幾款啤酒，不過今日只得1款可以叫，其他飲品都唔係咁好飲，叫左2杯飲品都唔敢再叫，炸雞都好食，pizza都ok,不過佢個kimchi腩肉pizza無人識欣賞🤣，個墨汁飯好味，生日切餅費要收120蚊都幾貴，不過外藉staff好有誠意，仲用講東話唱生日歌，services ok, 餐廳面積唔太大，出面有人等位，好準時叫我地bye bye，埋單11人$2100,價錢尚可，如果可以book位就好啦～可以再試。…Read More

提早食團年飯，屋企人未去過air side,所以就去食飯，順便行下。餐廳無大圓枱，圓枱最大只可以坐8人，建議放1-2張會好dd，一家人食飯圓枱會開心d.翡翠我地都算經常光顧，不過今次好失望，叫咩無咩，最普通既烤夫都無，唔想食中式酒樓係因為唔想食圍餐，係咪因為想我地唔散叫，所以咩都無得食呢？其實整體都ok,係今次選擇好失望，順帶一提，air side無野行，我寧願下次去德褔附近食好過…Read More

朋友生日，食完晚飯，意猶未盡，再去食個甜品完結，搵到一間好靚pancake dessert,去試下。8點左右，有位坐下，因為仲好飽，order左2個pancake,不過店員話有最低消費，人頭$100，唯有叫3個唔share食，好快pancake到齊，我地有同店員講朋友生日，佢都好sweet幫我地放個生日牌，3個甜品，我本人唔食太甜，所以覺得奶凍最啱我，其餘2個都不太差，打咭唔錯，pancake價錢唔太平，平均$140左右1個，如果食埋飯，應該差唔多人均$500左右，當日入座大約6-7成，店員應該彈性d處理最低消費，回頭客應該會更多。…Read More

德福廣場真係一個美食天堂，有好多餐廳可以選擇，下午茶唔想食得太heavy,搵左間拉麵店食，一入去可能下午茶時段，唔太多人，好多身邊朋友都話，香港餐廳都好無禮貌，北上餐廳有禮貌，不過我覺得佢地改善緊，我地一入餐廳，侍應好有心叫我地座中間，旁邊2個位置可以放袋，好有心，真係值得一讚, qr code落單，好快就選擇食物，叫左2碗麵，1個醬油，另1個係豬骨拉麵，豬骨比較油，相比醬油比較清，2碗大約70蚊，價錢正常，不過我覺得如果男士來食會覺得唔太飽，須要另加配菜，麵比較少。整體不過不失，服務很好，餐飲業要努力。…Read More

一心去食粥，點知經過希慎B1,新開左一排食店，見到舒淇品牌麵店就去試下，下午茶時段，不用等位，人流都多，服務員好快安排位置，自助落單，係基本趨勢。 選擇左1個下午茶，$68魯肉飯+白桃烏龍茶，另加20蚊，有2隻香茅雞翅膀，再叫1個全日餐$148，牛肉麵配涼拌豆腐皮旦，飲品檸檬愛玉茶。魯肉飯不錯，香茅雞翅膀下次可以不加，因為微熱+口感張住，熱白桃烏龍只係1個茶包+熱水，非常失望。牛肉麵份量不太少涼拌皮旦豆腐好味，檸檬愛玉也不錯，整體都可以，不過食完餐後覺得很口乾，有代改善。…Read More

銅鑼灣太平館，對上1次食應該係3，4年前，仲要係2個女仔，好多野都想食，不過都無叫到，今次約多幾個人，終於可以叫多幾款野食，一早預約左，餐廳預留左長car位俾我地。開始點餐，豬脾餐，瑞士牛河餐（非叫不可），乳鴿餐（無咩特別，下次可以食另外食物），瑞士汁雞翅膀（正），跟餐湯，個龍蝦湯好味，點完餐服務員好貼心問我地叫唔叫梳乎理，我地好快答“叫”，服務員幫我地安排，大約食到中間就同我地講，而家幫我地落單，因為需時，可以夾到我地食完正餐，之後食甜品。整體黎講，食物質素唔錯，服務員貼心，4個人4個餐再加梳乎理，埋單人均330，我覺得合理，話晒銅鑼灣地段，食飯無限時，係其中1個優點，我會再去食，再唔支持下香港餐廳，好快會消失。…Read More

朋友生日，搵到而間餐廳，門而影相打咭一流，係一個打咭既門口。叫左3個主食，1個多士，1個意大利飯，1個豬仔骨，前2樣都唔錯，係豬仔骨可能個醬唔太夾，有代改善，叫左3杯飲品，熱飲有拉花，唔錯，不過唔明梳打水，放左一陣已經無咩氣，好彩杯唔太甜，就算無汽都可以接受，最後朋友生日order左2個甜品，個男waiter都好細心，都有問幾多個生日牌，因為我地訂枱講明慶祝生日，甜品唔錯，不過無咩款，可能佢地個signature係牛角飽，甜品主要都係得佢，整體都尚可，不過餐廳抽氣比較差，油煙味比較重，食完餐飯成身都係油味，完全破壞左文青cafe。…Read More

去開油塘，係大本營，見到Grove Cafe,新裝修完都未食過，見到有生啤飲，就去chill一 chill。新裝修，環境舒服又乾淨，位與位都寬廣，有室內同室外，任均選擇, 最重要係有個維港靚景，睇住食飯，勁正。set dinner有好多款選擇，不過我地想chill下飲生啤，就散叫，叫左炸魚薯條，有3塊咁多，不過燶左dd, 黑松露薄pizza，又香又脆口，1人1杯生啤，勁爽，可能平日唔太多人，好舒服，服務態度非常好，藉得一讚，晚餐應該送薯條，送酒一流。飲野唔一定要出去油尖旺，而度又方便，就係油塘mtr上面，飲完2杯可以搭mtr,價錢可接受，如果可以有埋happy hour就好啦.…Read More

好耐無去mega box, 去到見到茶木，俾佢個環境吸引入左去食，我估咁多間茶木，應該係而間最好座，樓底很高，落地窗，雖然望出去唔係海景，但係成個環境都好舒服。等左1陣就有位，入面位置都算大，可以容納比較多人，叫左1個伴麵，1個豬扒麵，另外2杯飲品，食物同飲品都同其他分店一樣，很好，應該唔須多講，環境真係好舒適，如果有時間，又無人等位的話，我會再坐多一陣。…Read More

好耐無食過鐵板餐，以前係旺角既第尾牛扒都執左，今日1個人，心血來潮，好想食大大份肉肉，突然間諗起好想食牛扒，就上網睇下邊度有鐵扒餐食，竟然search到係寶琳開左金鳳，我二話不說，放工立即去食。去到6點左右，人未太多，我1位就安排坐係旁邊car位，有set dinner, 有湯，包，扒，仲有甜品，對於我應該食完個扒就食唔到個甜品，所以決定唔叫set dinner, 主menu有好多選擇，不過今日勁想食牛，所以叫左牛柳餐，原來都有湯同餐飲跟埋，正。本人覺得牛扒餐廳既紅湯係最好飲，以前有人講過，西餐廳紅湯都會早1日煲定，等佢更入味，餐包夠熱，一放牛油即溶，正，飲完湯牛扒剛好上枱，睇住侍應哥哥倒汁落去個下，好香，餐牌寫明加$2就可以另加生蒜，我就加左，不過我覺得蒜蓉汁已經好夠，都唔須要特別加，牛扒好juice,又鬆化，正是我心目中既鐵板牛扒，我竟然全份食晒，勁，太好味，一定會再幫親。…Read More

春水堂只係試過係apm食過，基本上都要等位，人流屬於多，係太古城既春水堂，比較平靜，6點左右只有2，3枱客人，可能我太早，入去大把位置，任由選擇。叫左3杯台式特飲，1杯百香果，另1杯檸檬愛玉，百香果比較清新，愛玉比較甜，飲到尾尾覺得似雀巢檸檬茶沖劑沖出黎，叫左2個小食，雞翅膀+青瓜，味道ok 再叫左1碗半肉半筋牛肉麵同埋伴麵，2樣尚算可以。睇到好多其他食評都有批評服務比較差，我也這麼想，因為入座完全無人帶位，2位女侍應只顧傾聽，食物算可以，不過太古城太多選擇，要有好食物水評以及好既服侍質素，先可以有長期客人，希望服務及食物下次有侍進步。…Read More

星期六無節目，近近地搵到間串燒餐廳，價錢都唔算平，不過餐廳而家做緊85折，酒水例外，一向鍾意食串燒既我，就去試下。因為肚餓所以訂左6點就去到，我地係第1枱客人，安排坐係窗邊，餐廳內有桌球及飛鏢供玩樂，裝修似一間西餐廳，環境寛闊，串燒款式好多，味道唔錯，食左1陣，餐廳送上一碟雪魚乾（free)，用黎送酒，正，餐廳越夜越多人，撞啱有波睇，餐廳變成酒吧，好多人黎飲酒睇波，氣氛一流。整體餐廳屬於中上價錢，環境服務都很好，但係女洗手間洗手盆渠道太臭，仲有餐廳間中有蚊滋飛黎飛去，有代改善。…Read More

今日去又一城睇戲，順便個午餐，見到gulu可以攞飛，又好耐無食，所以就選擇佢食個happy lunch.去到等左一陣就有位，餐牌好多選擇，我地2個人share食，叫左1個pizza同埋1個寬條麵，餐附送餐湯，飲品選擇左餐廳特飲，我印象之前係西柚特飲，不過今次轉左紅梅，好快餐飲及餐湯，包已經到，特飲轉左，比較甜，如果知道唔係之前個款，我應該唔會order 佢，餐湯係南瓜湯配法式餐包，我地2人都覺得餐包非常好食，不過餐廳出面個麵包店無得買，有d可適。Pizza係薄片好食，又脆口，相反個黑松露寛條麵一般，味道較淡，如果可以加少許煙肉之類會好好多。總括黎講都可以，希望餐廳既麵包店有埋個隻餐包賣就好啦。…Read More