samuelkakin's Profile

第一次去幫襯，準時喺預約時間到達，但都喺門口等咗半個鐘先入得，原來啲職員唔記得咗自己。係我唔好啦，準時到達咁離譜。未見過服務態度咁差嘅日式餐廳，講緊嘅係最基本嘅禮貌都冇：入到去以為自己欠咗間舖頭，幾個侍應完全唔打算提供任何服務，仲會用一個極惡死嘅態度催促人哋落單、食嘢同埋埋單，唔知仲以為自己去咗快餐店。啲嘢食質素還好，串燒質素可以，但如果以呢個價格嘅話，中環其實有好多俾佢更好食、服務態度比較好、性價比更高嘅餐廳選擇。…Read More

呢間餐廳其實磯燒海鮮同食物種類都算多，一坐低會有指定海鮮拼盤可以自己燒，燒完都仲有得叫某啲海鮮encore。海鮮都係新鮮嘅（起碼生勾勾），食落都唔錯。又有日式放題嘅食物選擇。甜品都算多款，飲品供應都充足。餐廳有供應一個大桶裝住啲殼，但個桶太大要放地下先騰出檯面位。另一可惜就係座位有d逼夾，檯面太細，個爐擺枱面已經用咗好多空間（應該係為咗遷就個抽煙機），而個爐放得太邊嘅時候出入都會整到。另外時間太短，又太早截單（提早45分鐘截單），其實四個人燒完個拼盤都已經夠鐘。:(…Read More

雖然呢度出名蒸魚飯，但今日試食西多，即叫即整。味道不錯 ，個皮煎得幾脆，入面的花生醬份量剛剛好，唔會太多搞到遮住蜜糖同蛋味。連大樽裝可樂要$26。仲有奶油多都好好食！佢係將平時既一片方飽中間打橫切開，然係在裡面加入奶油。咁樣就唔使烘到燶哂先有脆既感覺，食落口感不錯! …Read More

行完街黎大坑食糖水，原本諗住食另一間甜品舖，但無開門所以改左黎小甜谷，諗住明星開既應該ok既...坐低叫左一碗楊枝甘露同埋芒果西米露(其實係要自己畫紙仔)。好快就上左喇。賣相方面，啲糖水用紙碗裝，但係用正常匙羹架喎，有啲奇怪。 :( 芒果西米露味道麻麻地，價錢偏貴（$34），佢係用大西米，入面加左啲用荔枝造既類似蒟蒻物體。楊枝甘露（$32）呢，上枱個陣已經加左好多奶，我見個碗無西柚但有荔枝肉同頭先講既疑似荔枝蒟蒻，於是問下個侍應，佢話佢地半年前已經無用西柚整楊枝甘露。 下？楊枝甘露無西柚？咁仲係咪楊枝甘露？ …Read More

用TableMap訂枱，入到去等左1分鐘就有位喇。呢間係有同事之前係facebook打過卡所以先去試下~入到去睇到個菜單，唔，覺得d價錢都係偏貴，不過唔緊要啦，可能貴野好食d都唔定。食物份量唔多，味道ok，但以上五樣野差唔多六百蚊，坦白講就未必係咁值。…Read More

是咁的: 同女友去金寶食係因為見食評寫得唔錯，所以去試下，點知...1) 生蝦刺身，尚算ok，但俾少左一隻，見佢餐牌有8隻，但我地得7隻2) 烤豬頸肉，好食，個汁都不錯3) 冬蔭功湯...酸過益力多4) 生牛肉金邊粉，都ok5) 辣椒羔炒蜆...味道非常清，一！d！都！唔！辣！不過最討厭係服務，我地碟豬頸肉明未食完，個阿姐問都無問就執左去扔，同佢理論仲話: 我都見唔到!!! 好似我地唔啱咁。今生不再幫襯！…Read More