Eddie0314's Profile

2020年11月14日星期六今日收工約左老婆係觀塘APM等，外母就黎生日，去APPLE店買樣實用既禮物🎁送俾佢，買完就落去德福廣場既A-1 Bakery訂左個蛋糕，完成晒要做既野就緊係要醫下個肚，諗起德福廣場平台有幾間野，之前都有試過其中啲餐廳，今次揀左間未試過既 茜廊餐廳 ，時間八點幾，疫情其間入餐廳前量度體溫，入到去坐底，伺應就拎MENU同餐具黎，餐具🍴係用一個鐵兜裝住，入面既仲要係熱水，出晒煙，好貼心👍🏼👍🏼👍🏼我望住本MENU，好多樣都想試，我就問有選擇困難症既老婆😂，佢都無答案之下，手指篤落意粉圖度，問佢點解揀呢個，佢話張圖靚，好吸引話想食，我話呢個有羽衣甘藍，我地兩個都唔太鐘意羽衣甘藍既味道，但最後都點左蒜片欖油羽衣甘藍蜆肉炒意粉🍝點解個名要咁長？😂😂同埋羊鞍拼黑松露飯，同埋一啲跟餐，後加配左薯條🍟。羽衣甘藍蜆肉炒意粉，黎到個賣相同圖片一樣咁吸引，食落仲好好味😋首先意粉軟硬適中，炒得乾濕度啱啱好，微微有汁，而且有雜菇令個汁更上一層好好味，蜆肉juice,最緊要無雪味，唯一好奇既係羽衣甘藍可能係用碎或粉，所以無左我地唔鐘意既果種味道。羊鞍拼黑松露飯，我第一口就試左個飯先，同意粉一樣效果，師傅備料（淥粉煮飯）既基本功做得好好，而且黑松露混入飯汁度好香，到兩件羊架，色香味都齊，裡面肉紅但無血水好嫩，脂肪好香羊羶味，鐘意食羊既一定愛上，跟碟配菜都淥到好爽口。另外後加黑松露醬薯條🍟，普通麥記幼薯條，分量唔少，重點係食個醬，對我黎講個醬係唔夠點薯條，可以叫伺應加。仲有個蒜蓉包，外脆內軟。羅宋湯正常水準。第一次幫襯就食到好野，下次會再試下其他。…Read More

2020年11月8日星期日今日星期日放假入左西貢逛逛，逛到五點幾有啲攰，想搵地方坐下，所以就提早食晚飯，驚晏啲會好多人要排隊，係海邊行左幾間，最後揀左金輝海鮮菜館。我地二人點左$448選4款餸菜，我地揀左海膽炒飯、椒鹽瀨尿蝦、薑蔥炒蟹、辣酒煮螺。海膽炒飯，味道唔錯，有海膽，調味唔會搶左海膽味，但睇落似炒定一大盤，然後裝出黎，因為擺落枱果時，啲飯唔鬆散，同埋唔夠熱。椒鹽瀨尿蝦，肉夠實唔梅，正常size，呢個餸可以，一人一隻。薑蔥炒蟹，呢個調味調得幾好，但啲蟹完全唔得，肉係梅無口感，個蟹殼有一個大問題，真係得個殼，連蟹胃同蟹殼內既果層衣都無，煮過蟹既人都知，呢兩樣係唔會煮得甩，一係就無限翻煮，一係就重用，兩人一隻花蟹。辣酒煮螺，辣味夠，酒味都有，份量夠，但啲螺肉唔係好新鮮，有幾粒仲係梅到爛，唔掂。加左一支藍妹、兩支可樂，總消費5百頭。以呢個價錢兩個人食海鮮餐係唔算貴，但係黎呢間到食，絕對唔抵食。…Read More

2020年11月4日星期三今日收工經過青衣城順便食晚飯，好耐無食過刺身同壽司，所以上左去元氣食，17:45上到去已經Full左，原來今日係會員感謝日有八折（每月第一個星期三（1月及7月則為第二個星期三）），等左十分鐘左右就入得，用QR CODE點左三文魚刺身、赤海蝦刺身、油甘魚壽司等同一啲熱食、炸物，第一樣黎到係油甘魚壽司，睇落好靚仔，幾好味，跟住到三文魚腩壽司，正常味道，然後啲炸物熱食都黎埋，都好味道炸物夠外脆內軟。食完跟住一路等，三文魚終於出現，其中一碟黎到一望落去都覺得唔係好新鮮（聞過無變味），外表濕潤有輕微出水，脂肪條紋好容易斷開，夾起身食果時件三文魚係空中解體，勁，而且肉質無乜咬口，另一碟就無咁嚴重，正常少少。可能今日生意好，外賣係咁出，都無停過，連我鐘意食既赤海蝦刺身都漏左單，落單半個鐘都未見影，問左樓面幫我跟，無耐就拎左過黎，無坐火車🚄，又係一望落去同三文魚差唔多，都有同樣問題，但聞過又係無變味，算數照食，咬落又係無乜口感，有一隻蝦尾位置條腸仲未去得乾淨，好唔掂。今日整體覺得熱食唔錯，但三文魚同赤海蝦刺身完全唔得❌，同以前比差好遠，10分滿分得2分，返到屋企個肚仲有啲唔舒服。…Read More