ChristineChan1024的个人专页

上年生日飯系呢度慶祝🎂 無論食物定服務，都好好好鐘意。環境好靚好Grand，呢度既燈光影相系勁靚！！！今年拍拖周年就同老公黎試下佢Unlimited Dim Sum Brunch 🫖 $488 一個人5款食物頭盤，14款仼食點心，仲有3款共享主菜同甜品拼盤🍮星期日13:30-14:30時段仲會有魔術師枱邊表演互動，見到啲小朋友俾佢氹得好開心🧙🏻‍♂️💫 仼食頭盤青芥醬蹄凍｜醬蘿蔔｜韭菜拌鮮竹椒麻素手撕雞｜泰式白玉木耳每款都好有特色，唔係一般酒樓供應嘅前菜。個人最鍾意泰式白玉木耳，味道酸辣醒胃，口感爽脆清涼，真系會忍唔住一啖接一啖。青芥醬蹄凍入口好QQ好似啫喱咁好得意幾滑溜。💫 仼食點心水晶蝦餃 🏅 皮薄蝦鮮彈牙胡椒雞湯小籠包 🏅必食！！胡椒雞湯味好突岀夠熱XO醬炒腸粉 👍🏻 鑊氣十足，好惹味但唔會好油膩蜜汁叉燒包 👌🏼黑蒜燒賣 🏅 肉質好紮實幾特別蜜汁叉燒腸 🏅 皮夠薄又滑早就松露山竹腐皮卷 👍🏻💫 共享主菜時令蔬菜 👍🏻 岀街最怕啲好油好咸既菜 呢度完全唔會！！食落完全無負擔雞米花雪燕𡙡 👍🏻 滿滿滑溜雪燕 啖啖料勁足料飽肚古城煙肉炒飯 👍🏻 勁鐘意米通脆卜卜既口感，加上個炒飯做到粒粒分別好香口💫 甜品拼盤茉莉花茶凍 👍🏻淡淡既苿莉花香 好清新解濟流心紫薯球 🏅 意外地好食有驚喜😍 外層脆卜卜咬開就系奶黃餡椰奶藍冰粉 👍🏻 賣相好靚好IGABLE 好清涼…查看更多

Lunch Time 12:45左右終於嚟到試人氣韓國麵店🍜 啱啱好最後一枱唔使等位👍🏻 餐廳環境裝修幾特別。蜆湯麵 $78唔系叫Set都提供幾多配料，包括泡菜、醃蘿蔔、細碗紫菜飯！擺盤幾精美！超級多蜆肉，湯底幾清甜。可惜三份一都食到有啲沙。反而個手工刀削麵幾好食，口感煙靭好滑身，份量勁多！朋友試咗辣拌麵份量都好多味道酸酸小辣，入口係清涼嘅感覺超級適合夏日！平日中午好受附近返工嘅人歡迎，落完單之後見到門口已經排晒隊。下次仲會想試雞湯麵同埋牛湯麵。…查看更多

📍香港📍佐敦📍正九清湯腩 (佐敦)📍佐敦佐敦道26D號餘慶大廈地下A-C號舖📍星期一至日 10:00~22:45🦄 清湯牛三寶河粉拼紫菜 $64+$8湯頭清甜唔會過咸飲完都唔會口渴👍🏻 河粉好滑唔會淋到一咬就爛。三寶包括牛腩、牛筋、牛肚，份量好足！牛肚乾淨有嚼勁，牛筋軟綿綿又保持到有彈性，牛腩肉味香濃。差唔多台台都叫牛三寶。必試！🦄 淨菜肉雲吞 $42一份七大粒成粒乒乓波咁好抵食！隻隻都好足料，肉嘅比例佔多。夠晒飽肚。🦄 芥蘭 $19新鮮爽口！唔鍾意食芥蘭嘅都可以揀生菜或者菜心。呢個份量好抵食。🦄 凍檸蜜 $8跟餐加$8比好多茶餐廳價錢優惠👍🏻…查看更多

見到openrice有咁多好評，抱住好大期望咁去食呢間餐廳。點知極度失望🥹忍唔住要俾返個差評。Sea Urchin & Scallop Linguine HKD178意粉偏硬身感覺似係未煮得夠時間。海膽食落唔係新鮮嗰隻，唔腥但系聞落怪怪的。食咗一細啖我已經放低咗。帶子正正常常。醬汁係好Creamy既，不過食到都系會膩。Black Truffle Cheese Chips HKD59薯條唔係好熱，更加唔脆，可能因為佢系倒啲芝士汁上去所以令到佢淋左。份量唔多。芝士味有嘅，但係黑松露味就唔太食到。Special Menu 牛既risotto 啲飯都係偏硬身，牛既調味都比較淡。份量少。Chocolate Milkshake HKD55幾乎每啖都飲到朱古力碎，有咬口。不過隻朱古力味唔係特別好飲，飲晒成杯都覺得幾膩。Overall不值排隊，沙田有好多更加好嘅選擇。無下次我自己嘅體驗服務OK嘅，枱比較細同逼，完全聽到晒隔離講啲咩。自己都要好大聲講嘢對方先聽到。…查看更多

黃金周做緊半價優惠就即刻同朋友黎試下！計埋加一大約HKD400一個人，晚市自助餐黎講真係好抵食。凍海鮮唔算好多，比較抵食就系龍蝦🦞蟹腳🦀蝦🦐 仲有好多沙律水果，菠蘿好甜好好食🍍刺身款式5-6款，質素對得住個價錢。可惜無我最愛既帶子。生蠔大約中size重海水味幾fresh，仼食好抵😜 每人每次只限攞两隻。比較特別就有花膠雞粥，味道比較淡但有好多雞肉。可食可不食。燒物就推介燒羊架，肉嫩仲好入味，廚師燒得岩岩好👍🏻👍🏻熟食選擇唔算多，見到龍躉魚，避風塘炒蟹，豉椒炒蟶子，花枝帶子炒翠玉瓜都系比較多人食。訂位每人送一份鴨肝，擺盤靚上枱好香。呢個價錢無投訴啦。仲有movenpick雪糕任食🍦現場即制雞蛋仔好香脆👍🏻同埋依家好少見嘅芒果西米布甸🍮 小蛋糕就一般般。…查看更多

Book左位都要等:(問左店員幾次都系叫我哋等多陣。平日夜晚都超多人呀！！唯有食住零食糖水等入座。第一次系香港食海底撈，服務都唔錯。食物種類大致上差唔多！特別推介蟹柳同海帶。海帶好滑身好易入湯底既味👍🏻👍🏻蟹柳唔會一煮就散開，可以原條入口好好食。皇帝菜都好新鮮。蕃茄湯同菇湯都幾好味😋好夾好多野食。小食海帶都幾開胃…查看更多

公司附近既韓國餐廳🍴韓餐好適合女人食因為我哋好需要蔬菜韓式拌飯 $60份量好大相信男人都會夠飽。一上枱聞到好香麻油味，大量牛肉，紅蘿蔔，豆芽，菇，紫菜等等。食極都有既感覺🤣🤣 我同朋友都覺得幾好食幾正宗。仲有呀豬媽坐鎮…查看更多

對上一次食Morton’s已經有两三年了，今年慶祝決定翻翻黎試下保唔保持到水準半打生蠔~HKD318雖然唔系我最鍾意食既法國甜生蠔，但呢個價錢除翻開大約HKD50有一隻好抵食！！見到每粒都幾大隻飽滿！新鮮有蠔味亦唔會偏咸！推介👍🏻 仲有枝好可愛既TabascoMain就叫左T-bone ~HKD1100我哋叫左medium rare 但偏生。overall ok gei價錢偏高。另外on top 加左蟹肉同龍蝦肉。两款調味系一樣的所以試一款就夠，調味比較重，所以都唔係好食到啲海鮮味㗎啦，龍蝦肉就比較實個人一般，推介蟹肉，肉質較嫩。慶祝訂枱會送Hot chocolate cake原價好似HKD180😍😍保持到外脆內流心，濃郁朱古力味，同雲呢拿雪糕係絕配🥰🥰…查看更多

放假前夕既Lunch time，終於同同事試咗討論咗好幾次嘅越南餐廳🍴無令我哋失望呀👍🏻越式惹味粟米條 $48粟米粒粒飽滿鮮甜，甜辣醬汁好惹味同時比例控制得啱啱好，唔會搶走粟米本身嘅甜味。南越蟹肉醬配脆球餅 $68好鐘意個脆球餅唔會太油膩，有两粒放到最後食都仲系脆！！蟹肉味道都幾岀，夾埋紅蘿蔔青瓜口感好豐富！越式咖哩牛肋條配蒜蓉法包 $88賣相吸引好IGable📸 牛肋條超軟腍入味!! 系惹味嘅香辣咖喱🤤 仲有唔少牛筋、粟米芯、茄子、翠玉瓜！蒜蓉包幾香入口脆，蒜味好濃郁🧄配咖喱湯汁好食惹火上身鹹檸豬頸肉 $70老闆好nice好幽默😹一上枱就會問你準備好相機未，準備火燒豬頸肉啦。雖然只係一兩秒短暫時間，但係都好震撼😼豬頸肉肉質好嫩滑有肉汁👍🏻NYN 咖啡骨 $78一層棉花糖喺面，倒入咖啡，每嚿豬軟骨都好入味，系香濃嘅咖啡焦香。幾得意特別👍🏻烤萋葉雞配青蘋果條 $90烤雞真係做到外脆內嫩，萋葉味道適中唔會太重。青蘋果條味道好濃烈，適合重口味人士，入口清脆。香茅青蘋果茶 $25好欣賞佢哋嘅自家製飲品。包裝好靚好有特式，健康得黎唔會淡而無味嘅感覺。飲到茶嘅清香同天然果香嘅青蘋果、香茅，隻味好夾好清新，微甜，本人好鐘意🙌🏻🙌🏻我自己系覺得越飲越好飲。柑桔檸檬綠茶 $25柑桔檸檬綠茶比例調配得非常好👍🏻三隻味都好突出，酸甜酸甜咁好開胃…查看更多

尖沙咀長期人龍排隊手搖店🧋平日下晝經過唔使排隊終於有機會試到😻😻珍珠奶茶，濃芋厚奶，水果茶。。。款款都好想試😂 膽粗粗叫店員推介，最終試咗佢話推出以黎暫時最受歡迎嘅情人節限定飲品青檸雪芙芒果🥭🧋青檸雪芙芒果w櫻花果子 $39（青檸原汁 + 特濃牛乳 + 芒果果露 + 櫻花果子）本身以為味道會偏酸比較甜，入口係覺得好夾好好飲！！！4種搭配令到口感非常豐富濃郁，融合得啱啱好。牛乳既奶香清甜仲帶有青檸、芒果既果甜同酸爽。芒果果露份量好足好Q，咬落好滿足，係會令人上癮嘅小果露🤤🧋國王珍珠奶茶 $37（鳳眉紅茶+皇家厚奶+國王珍珠）紅茶底配上厚奶🍼奶茶特別香濃，茶香奶滑。珍珠好Q彈有咬口，煙煙韌韌👍🏻Order完之後成間舖頭都係客人，已經滿座了！！😂 真係咁受歡迎！！好彩拎完嘢飲咁啱有吉位俾我打下卡📸 即刻睇多次個menu揀定下次試咩好🍹不過佢哋定期都會推出唔同嘅飲品，期待下先😚值得一讚系店員態度好好亦好願意介紹唔同既飲品🥤仲提醒我需唔需要揀少冰少甜等等☺️…查看更多

酒店靚景西餐廳CARVER推岀左3個價位既Lunch set🍽️前菜+主菜$250前菜+主菜+餐後小點$275冷及熱前菜+主菜+餐後小食$315豐儉由人！四人同行仲有一人免費！第一次黎到試下中價位既3 courses先🥂餐前每人一杯杞子紅棗蜜做迎賓飲品🍸岩哂凍冰冰既天氣養下生☃️女士們表示很喜歡🥰3 COURSES $275前菜-蟹肉他他蟹肉好鮮甜份量都唔少，配埋牛油果同芒果蓉口感好豐富。主菜-醬烤豬肋排上枱見到呢個份量已經覺得性價比好高！豬肋排烤得岩岩好，味道濃郁入口軟淋👍🏻 烤菠蘿好甜好Juicy勁鐘意食😍😍 啤酒薯條好特別真係第一次食，都幾香脆。餐後小點-時令鮮果碟估唔到水果款式有咁多！！仲要每樣都好新鮮好甜🍐🍎🍑3 COURSES $275前菜-CARVER 凱撒沙律配刁草煙熏三文魚生菜好新鮮咬落爽脆，煙三文魚既咸香好好食🤤 沙律材料好豐富仲有唔腥既白鯷魚、煙肉、脆卜卜既大蒜油封麵包粒🍞主菜-鹹牛肉肉醬義大利麵見到糖心蛋即刻心心眼🍳完全係將個肉醬意大利麵昇華！適量地用蕃茄醬配搭鹹牛肉，整體唔會太鹹易入口👍🏻👍🏻餐後小點-檸檬蛋白霜檸檬配士多啤梨醬又幾襯喎🍋酸酸甜甜幾好食🍓賣相仲好IG able📸鐘意呢到枱與枱之間唔會太近太逼坐得幾舒服。好適合同閨蜜黎慢慢enjoy個Lunch👭🏼 店員服務態度都唔錯👍🏻 下次黎開銅鑼灣都會再幫襯！…查看更多

行完山喺西環搵嘢食，知道大圍好出名嘅E for eggs喺西營盤開咗分店，就過嚟試吓。食物選擇種類都幾多，茶漬飯、丼飯、拉麵、邪惡嘅盒子吐司、甜品等等。甜品賣相好吸引好有特色，可惜眼闊肚窄未有機會試到甜品同盒子吐司。環境好靚好啱打卡，仲有一個位置係專開設比寵物，好有心思裝修。同埋呢個價錢Cafe來講算係非常抵食。而且份量都唔少夠飽肚。黑椒牛舌定食配溫泉蛋 $78牛舌份量好多調味重，質感比較厚實，食落好似煙鴨胸嘅味道同感覺。我個人比較鍾意外脆內軟日本嗰種燒牛舌。仲有少量洋蔥紅黃椒，同埋蛋絲泡菜。泡菜入味但係比較淋身唔係爽脆嘅口感。有驚喜嘅係碗白飯，水同米嘅比例啱啱好，配搭勁好食嘅飯素。跟配既沙律都唔錯，生菜幾新鮮。仲有唔少海帶嘅麵豉湯。鹽味三文魚茶漬丼 $70米飯比較淋身，牛舌丼嗰碗白飯比較好食。淡淡嘅茶味，中規中矩。…查看更多

上完瑜伽喺尖沙咀行街經過呢間好香嘅新開君蘭麵包廠，即刻俾佢吸引住左，係個麵包櫃睇咗5分鐘😹😹 買滿$50仲有八折添！所以都好多人排隊買一袋二袋。佢嘅蛋撻麵包蛋糕都好吸引。最後揀咗$15開心果忌廉筒試下。忌廉筒身幾酥脆但唔會太油膩唔係超多牛油嗰個感覺，做得好出色，想像到如果係啱啱出爐熱辣辣嘅話應該係超級香口。開心果味適中，唔係超濃郁，唔好期望濃郁開心果味。質地係比較流身奶香，感覺係可能奶嘅比例比較多，所以冇咁固體。但係同呢個忌廉筒好夾。食咗兩啖已經決定下次有機會一定要再返嚟試佢其他產品😹😹 感覺都會幾出色。隔離對夫婦買咗個蛋撻，聽到佢咬落去嗰個脆口嘅聲音，已經期待緊下次黎試蛋撻。😹😹…查看更多

減肥期間其實三文治都係一個好好嘅選擇，喺太子附近搵嘢食見到呢間Grove有賣慢煮雞胸凱撒三文治，就決定買嚟試吓。雖然價錢要$39，以三文治嚟講價錢有啲進取。但如果佢真係慢煮嘅話知道都好多功夫。食完之後發現有驚喜。雞胸嘅份量算多，真係做到慢煮滑身口感，配搭凱撒沙律醬同穀物包入口味道好豐富。生菜都好新鮮爽脆。女士嚟講好足料已經好飽肚。當Lunch或者dinner其實都好合適。見到佢仲有幾款唔同餡料嘅三文治，有機會經過會再試吓。…查看更多

行山之前過嚟買定麵包充飢，因為本人減肥中，所以都尋覓緊一啲比較健康嘅麵包。見到佢雪櫃有個$16嘅三文治覺得好抵食但係天氣太熱所以最後都係冇買到。揀咗呢個比較健康嘅合桃包。本身覺得個合桃包唔係話好大隻未必好飽肚，但佢合桃份量都唔少食到幾多合桃碎，而且本身係一個比較健康嘅穀物包，食完之後發現原來都幾飽肚。平時做早餐都抵食。加$9仲可以配埋椰子水。朋友買咗個两片既芝士包，粒粒芝士係個麵包體中間，好足料而且大大片。…查看更多