xxabcxx's Profile

🦀黃咖哩軟殼蟹3隻 $182 三隻原隻巨型軟殼蟹，個脆漿好入味炸出嚟勁脆，黃咖哩好夠濃，有啲似卡樂B咖哩薯片果隻咖哩，仲有啲菇，薯仔同好甜嘅紅蘿蔔🥖跟蒜蓉包 +$32跟咖哩有得加蒜蓉包或者薄餅，個蒜蓉包焗到黃金色岩岩好，點住個咖哩汁食好惹味🥬秋葵生菜包（豬肉）$88第一次食秋葵嘅生菜包，啲秋葵係炸嘅乾秋葵碎，但勁夾個肉碎多左份口感🐟冬蔭功烤魚（鱸魚）$192有驚喜嘅冬陰功，好濃味夠酸又唔太辣，魚肉都嫩滑唔太多骨🍹芒芒雪沙 $48🥥椰青雪山 $48兩杯特飲都好靚，又唔會太甜，好清爽解渴…Read More

🐟日作原條鰻魚野菜炒飯 $196原條燒鰻魚加炒飯底，鰻魚啖啖肉冇刺，肉質嫩口，用蛋，紅蘿蔔同粟米炒嘅飯好有鑊氣，粒粒乾身分明，用嘅係珍珠米好彈牙🍹綜合水果冰茶 $28加$28升級飲品嘅水果茶好解渴，唔會好甜，茶底香味濃🍱日作極上刺身丼 $240有兩隻大紅蝦刺身，兩片帆立貝，兩片油甘魚，一片赤身一片中拖，仲有拖羅魚蓉同三文魚子，好豐富，尤其是兩隻蝦非常大隻成隻手板咁長，刺身魚片亦好鮮甜🍹紫蘇青蘋果綠茶 $22有淡淡紫蘇葉嘅清香同蘋果味，飲落好fresh🍑白桃卷蛋 $42一碟有三件，卷蛋嘅cream 好香濃仲加咗白桃肉，食落好清甜一啲都唔溜，怕甜嘅都一定食到，蛋糕濕潤軟綿…Read More

🐟椒鹽鱔球 $108即叫即炸，個椒鹽味好夠濃，咩汁都唔洗點就咁食已經好好食，啖啖魚肉一啲刺都冇🍲今晚卜卜蜆鍋 $198真係勁多蜆，成個鍋都係，湯底奶白色有啲胡椒味同鮮味，啲蜆食極都仲有粒粒厚肉🦐海鮮拼盤 ** 痛風餐 $188有六隻蝦，兩隻扇貝，兩隻蟶子同埋12隻蜆，蝦肉隻隻都好彈牙食得出好新鮮，扇貝啖啖肉又夠鮮甜，自己最鍾意隻蟶子，又大隻又爽口又鮮味🐃黑安格斯牛板腱 $288叫咗例牌份量都好多，牛板腱油花好靚肥瘦適中，濃香嘅牛味，有咬口食落唔會似肥牛咁肥咁快溜🐖西班牙黑毛豬 $138黑毛豬片嘅油脂分佈都好靚，就算烚耐咗都唔會韌仲好淋，豬香味足🥟招牌芫荽餃 $80一咬開成粒都係綠色超多芫茜好香🫔紫菜炸響鈴 $68同樣係即叫即炸，上台時就咁夾咗嚟食已經好正，可以淥又可以即食🍤蝦膠油炸鬼 $78開頭以為係可以即食嗰隻，點知原來個蝦滑部分要淥熟先，蝦籽好彈牙，個油炸鬼淥完都仲係脆🥬皇帝菜 $45呢個湯淥菜好夾，唔會好油又鮮甜🍋檸檬薏米水 $48有多款一榨榨嘅涼茶，唔會好甜夠解渴…Read More

🥗韓式前菜 免費淨係一坐低已經有7款前菜任食，有菠菜，芽菜，新鮮泡菜，醃泡菜，茄汁，薯仔粒同豆腐乾🦀醬油蟹配牛油飯一隻都夠晒兩人share, 蟹膏超多，一睇個顏色已經知非常新鮮，入口好鮮甜好嫩，撈晒啲蟹肉蟹膏落個紫菜蛋黃飯到食好滿足，淡淡鮮味🥩烤五花肉 $180 原條五花肉上，三層肉油脂分明，厚薄適中，燒到外脆內軟嘅油脂味好香又唔會乾柴🐂牛肋骨肉 $210鍾意食淋嘅肉一定要叫，牛花好靚，一邊燒已經睇到佢係好軟淋淋嘅肉質仲好juicy, 食落口簡單係爆晒汁，牛肉甜甜地蜜糖味，燒完唔洗點汁食都好夠味🥬生菜拼盤+麵豉醬 $70推薦叫燒肉嘅一定要加，好大盤嘅生菜仲有幾個款式連紫蘇葉蒜片青椒都有，用菜包牛定豬肉加埋個麵豉醬完全將個肉香再提升，清爽又唔溜🍲海鮮嫩豆腐鍋 $158豆腐好滑好大舊，海鮮湯底辣辣地帶海鮮嘅甜，食完凍蟹飲一碗好暖胃🍨甜品及水果 免費臨賣單前餐廳仲會送上西瓜同迷你糯米滋📍韓雅林 銅鑼灣廣場一期6樓…Read More

🐖任食豬五花腩 $99每位只係$99就可以任食任叫豬五花腩90分鐘，加多$38一台仲可以任添生菜，豬五花腩厚薄適中，切到一片片上枱唔使自己剪，油花好靚，食落去Juicy外脆內軟，就咁夾生菜同埋韓式泡菜蘿蔔食，或者就咁叫碗白飯餸飯都好濃肉香，韓國老闆會四圍行見到你唔識燒仲會親自幫你燒教你點樣燒好Nice, 另外前菜款式有六款一樣可以無限任添，叫碗白飯都好多嘢餸，最鍾意食佢嗰碟魚仔前菜好香魚味🍲韓式泡菜豆腐湯 $118呢個湯會送一碗飯，泡菜湯好正宗，飲得出個湯冇加太多其他調味，純粹用泡菜去煲出個鮮味，入邊有豆腐同埋金菇，仲有得揀自己嘅辣度，食完燒肉不玩湯飲就最啱啦🍚白飯 $15🍇韓國提子汁 $20/罐📍盤浦 北角蜆殼街18號嘉昌商業中心地舖…Read More

🍭豚肉節瓜波棒糖 $38一層豚似卷住一層節瓜梅花間竹唔怕溜，個生雞蛋黑椒汁夠惹味🦪蒜蓉燒廣島蠔（兩隻） $48熱到辣手超多蒜蓉喺面加啲指天椒，一啖入口好鮮味🥠明太子燒厚揚豆腐 $28超多明太子，咬開豆腐爆汁🍒鹽燒豚肉荔枝卷 $22豚肉片卷住粒荔枝，咸咸甜甜好開胃🥩鹽燒和牛牛小排 $48入口juicy牛味濃，🫛孜然燒蒜芯 $12蒜芯唔老冇筋夠鮮甜🥖檸蜜牛油包 $18個包有大大粒芝士好正，加埋牛油蜜糖濕濕地好鬆軟🍍黑糖燒菠蘿 $20每次嚟都要食，個黑糖係脆皮包住，唔會太甜好解渴🍺Sapporo 生啤 $48/2買一送一，一杯$24超抵飲…Read More

📣全單免加一🥃雪耳紅棗糖水 免費入座即送每人一碗糖水打底，好清甜開胃🌶麻辣＋皮蛋香菜鍋（小鍋） $78麻辣湯底勁足料，上枱先會加湯俾你睇到晒個底啲配料，另外叫個芫荽湯芫荽份量好多好夠味🦐手打魚籽蝦滑（半份） $35彈牙嘅蝦滑，鮮味十足仲有啲魚籽香🐂美國Prime特級牛胸腹（半份） $68抵食嘅牛胸腹，牛嘅油花都好靚，食落好香濃嘅牛脂味🥠鮮竹笙（半份） $25索晒成個麻辣湯嘅精華，辣得嚟又好想繼續食🦆無骨鴨掌（半份） $35好有骨膠原嘅鴨掌，無骨啖啖肉又煙韌🐖極品黑豚腩肉（半份） $38呢到嘅黑豚片半肥瘦打邊爐岩岩好，唔會驚鞋🐖大刀豬腰片（半份） $35淥10秒即起，口感好脆，麻辣湯底再加跟埋個辣椒粉食唔會有內臟味🪸 桂花蚌（半份）+珊瑚蚌（半份） $85+$65建議必點嘅配搭，桂花蚌口感比較爽脆，珊瑚蚌味道比較鮮味，兩個都好新鮮🐃屠場鮮毛肚（半份）$75黑柏葉份量都幾多，口感好夠爽又掛晒個麻辣湯🍜稻庭烏冬（半份） $15次次嚟都會叫呢個埋尾，啲烏冬真係好彈牙好好食🍹水仙烏龍檸檬茶（凍）1公升勁大杯，每次嚟都會叫一杯share飲🥮應節月餅 免費食到咁上下，店員仲突然送咗一個中式月餅，非常貼心，月餅係紫薯仲有鹹蛋黃，非常啱食，因為唔會好甜📍方叔叔重慶老火鍋 沙田新城市廣場一期7樓709號舖…Read More

🧇榛子朱古力石板街窩夫配曲奇雪糕 $65好大份嘅窩夫，兩三個人share都夠食，窩夫超級鬆軟，牛油香濃，球雪糕又夠大球，上面啲焦糖爆谷又夠脆夠新鮮🍧OREO飄雪 $58小朋友至愛嘅Oreo綿綿冰，底層嘅牛奶冰非常濃郁，亦都有一球大嘅自選口味雪糕，綿綿冰連埋啲Oreo餅碎同埋糯米糍粒粒一齊食好有口感好夾🍓士多啤梨乳酸 +$8加$8仲可以自己揀一杯自己乳酸，好抵🥭紅黃愛玉 $45同黃愛玉即係芒果同埋西瓜嘅椰汁愛肉凍，好大嚿愛玉凍喺個底，西瓜芒果椰汁好清爽解渴🍗BBQ蜜糖雞翼（5件） $30熱辣辣外脆內juicy唔乾，蜜糖味好足，小朋友都鍾意食🍢炸魚蛋燒賣（原味椒鹽） $26即叫即炸上台加埋椒鹽好惹味，本身好驚燒賣會炸到個皮好韌好硬，點知同魚蛋一樣好軟熟好好食🍫特濃朱古力碎冰 $33真係有好濃郁嘅朱古力味，仲有好大圏忌廉同朱古力醬喺面🍉西瓜沙冰 $26清甜嘅西瓜沙冰，唔會有死甜或者啲化學香精味，好健康嘅飲品#嘆甜品 #甜品 #foodie #高質 #粉嶺 #粉嶺美食 #香港美食 #香港甜品店 #香港甜品 #麻糬 #麻糬控…Read More

🫑鮑魚辣椒炒肉 $128第一次見咁細粒嘅鮑魚好得意，仲以為咁細粒食落冇咩味，點知都好鮮味同好彈牙，青椒唔會有臭青嘅味，連籽食有少少辣辣地夠鑊氣，豬肉係瘦肉片好入味🦐蒜蓉粉絲蝦仁 $118最期待嘅一道菜，即上喺你面前開火蒸7分鐘，開蓋即食真係太好食，g粉絲夠淋入晒味，蝦仁用新鮮蝦剝殼，好鮮甜爽牙，每隻都舖滿蒜蓉超香🐟雙椒蒸魚頭（配麵條） $158岩晒鍾意食魚嘅朋友，兩隻辣椒畫右一邊，綠色果邊嘅椒味比較香濃但相對紅色果邊又冇咁辣，魚肉蒸到岩岩好勁嫩口，就算有骨都係大大條好易挑唔怕啃到🐔果木脆皮烤雞 (半隻） $78真係食到果木嘅薰香味，雞皮又薄又脆，雞肉juicy🥬清炒蕃薯葉 $58本身都怕蕃薯葉會好鞋口，呢碟出奇地唔會，清炒但已經好夠清甜🍋香水檸檬茶 $36/1超大杯好抵，建議兩人share…Read More

📣8周年雙重禮包，全線免加一及⁠菜單勁減🌶麻辣鴛鴦鍋每次嚟都必點嘅重慶麻辣鍋，因為呢度嘅麻辣鍋真係好足料好夠味，唔會得死辣，係食得出好多香料熬成，蕃茄湯飲落好健康，因為係超鮮嘅純蕃茄味，冇假甜🦪美國桶蠔（半份） $85兩隻超巨型嘅桶蠔，啖啖肉好肥美好鮮甜🪸珊瑚蚌（半份） +桂花蚌（半份）$65+ $85每次嚟都會必點，淥30秒就食得而且非常爽口🐃美國牛板腱（半份） $78好濃郁嘅牛味，食落有咬口，但係一啲都唔會韌🐖極品黑豚腩肉（半份）$38半份都有5條，大大條豬腩肉，油脂豐富🐟鰻魚（白鱔）（半份） $48唔係度度有嘅白鱔，食得出好新鮮，唔會有泥味🐟鮮魚膘（半份） $35同樣好少地方有得叫嚟打邊爐，魚卜大大粒，同麻辣煲一齊滾好惹味🍜稻庭烏冬（半份） $15冇諗過個烏冬會咁好食，比較幼身嘅烏冬，但係食落係超滑🦆無骨鴨掌（半份） $35鴨掌已經少見，仲要係無骨嘅真係好難食，最好要煮15分鐘以上就會夠腍，會食到好多骨膠原好正🍡紅糖爆漿粑（半份） $18非常抵食嘅紅糖糍粑，一咬開真係會爆漿，所以食嘅時候要小心啲唔好焫親個嘴🥠鮮竹笙（半份） $25半份嘅份量都幾多，淥30秒吸晒啲湯嘅精華，又有爽脆嘅口感🍹水仙烏龍檸檬茶 $38勁大杯嘅檸檬茶，建議兩個人share一杯先，茶底非常香，唔係普通紅茶📍方叔叔重慶老火鍋 觀塘apm 5樓L5-2號舖…Read More

👩🏻‍🤝‍👨🏼二人餐 $498🌶冬陰功湯好足料嘅冬陰功湯，仲以為跟餐會細細鍋，點知係個大嘅，3個人都夠晒，夠酸夠辣好開胃，除咗菇外連大頭蝦都有4隻開邊，怕辣嘅仲可以揀椰汁雞湯🥙柚子沙律份量多到好似剝咗半隻柚子咁，柚子鮮甜解渴，啲腰果勁好食，非常脆口新鮮🧆小食拼盤 有蝦餅，魚餅，春卷，雞卷同單骨雞翼各兩件，款式比出面嘅拼盤多，魚餅魚味濃，春卷入面嘅芋頭好香，蝦餅同雞翼外脆內juicy, 最好食係雞卷加酸梅醬🥘咖喱豬拼蒜蓉包揀咗豬肉另外有牛或雞肉，豬肉好淋，咖哩甜甜地唔會辣，小朋友都岩食，要同蒜蓉包一齊食脆脆地又濕濕地好夾，唔食蒜蓉包可以揀薄餅🥬馬拉盞通菜超大碟嘅通菜，夠4個人份量，蝦醬味濃好夠鑊氣🍮泰式甜品最後仲要有埋甜品，原本以為只係普通兩件斑斕糕或者椰汁糕，點知原來有四件唔同款嘅泰式甜品好有心思，芒果椰汁糕，椰汁西米糕，千層斑斕糕同椰汁大菜糕📍泰聚 太子花園街239號嘉慶苑地下…Read More

👩🏻‍🤝‍👨🏼二人同行火鍋超值套餐 $328🥠開胃涼菜一款揀左皮蛋豆腐，成磚好夠凍嘅豆腐加大大舊皮蛋同木魚碎好開胃，個拌汁唔會太咸成個好清爽🍗餐前小食一款揀咗鹽酥雞，份量都好多，一定夠兩個人食，鹽酥雞唔會過鹹外脆內多汁啖啖肉🍲火鍋湯底兩份分別揀左藥膳麻辣鍋同蕃茄昆布鍋，麻辣鍋本身已經好多配料，有鴨血蜂巢豆腐等，蕃茄鍋就勁多蕃茄好足料同比較清甜🐷日本鹿兒島豚腩肉 120g120g 都大概有十片，薄切每片都好快熟br埋肥瘦適中唔會柴🐃澳洲黑安格斯牛肩肉 120g另外加咗$18要呢碟肉都大碟，最後其實夾硬食先食得晒，牛味好濃亦好夠淋🥬台灣好丸及時令蔬菜兩份每人都有一份，每份入面有齊晒燕餃，花枝丸，墨魚丸，豬肉丸，貢丸，蜂巢豆腐，蕃茄，芋頭，高麗菜，生菜，粟米，芋絲同金菇，真係超豐富乜都有🍚自選主食兩份揀左關廟麵同加$13食魯肉飯，魯肉飯好大碗，男士食一定夠飽，魯肉好入味醬汁濃郁🍨懷舊雪糕每人仲有一球芒果味雪糕，雪糕好夠冰凍雪得夠硬，食完熱辣辣嘅邊爐凍一凍一流🧋台式飲料套餐仲包一人一杯台式飲品📍六両三.台灣食堂 觀塘巧明街107號國基集團中心4樓2號舖…Read More

🍳窩蛋黃花魚銀針粉 $138有三大片啖啖肉完全無骨嘅魚肉，小朋友都唔怕食，相比起酥炸嘅呢個更食到黃花嘅嫩滑肉質🐟酥炸黃花魚 $48炸好嘅黃花魚連骨脆卜卜可以食埋，非常香口，咸香味帶出個魚鮮味🧄黑蒜香煎帶子 $178帶子煎得好滑好彈入味，底仲有啲淮山百合🥒涼拌萵筍絲 $38好清爽嘅一道涼拌，唔會油條條爽脆🍲高湯燜炒純米粉 $138好多料炒埋嘅米粉，最鍾意佢嘅米粉係勁幼身嗰種，有蜆仔豆卜冬菇小柱蝦等配料好豐富，必點跟米粉上嘅秘製酸辣汁🐚姜蔥炒蟶子 $128蟶子隻隻肥嘟嘟有肉冇沙，姜蔥炒吊出鮮味又唔會腥🥥椰奶銀耳燉桃膠 $58好夠冰凍非常清甜解渴，椰汁味濃，桃膠銀耳足料📍4口 中環IFC 2樓2012號舖…Read More

🌋火山排骨 $228超巨型成隻前臂咁大嘅排骨，夠四個人食份量，排骨手撕出嚟好多肉，我哋揀咗酸辣口味會比甜辣味辣少少，但係其實都唔會太辣，一定要點啲佢濃郁嘅豬骨湯食🦐生蝦刺身（6件） $108生蝦大隻厚肉，新鮮鮮甜🦀青咖哩軟殼蟹蒜蓉包 $168青咖喱超級濃郁，用蒜蓉包點嚟食厚厚一層甜甜地好正，軟殼蟹蟹肉又夠厚又掛汁，啖啖肉🥘大頭蝦冬蔭公湯 $128湯底好夠味，好多配料，啲菇大大片，最鍾意佢好夠酸唔算太辣會搶口，飲完都唔會口渴🐷炭燒豬頸肉 $98肉質軟淋，有炭燒嘅香味唔柴，大人細路都岩食🧉椰青 $52📍Milu Thai มิลู่ไทย 尖沙咀亞士厘道24-38號天星大廈4樓…Read More

🐟重慶麻辣烤清江魚 $298食烤魚一定要食辣，呢度BB辣店員話都係偏辣，有清江魚同埋鱸魚，揀咗清江魚，因為啲肉會比較嫩，如果揀鱸魚嘅話就會啖啖肉但啲肉就實啲🐃手切美國牛小排 68/半份小牛扒嘅油花好靚，油脂分布得好平均，肉質非常軟腍，牛味亦都好濃郁🥒功夫萵筍片 $20嚟到就會知點解叫做功夫萵筍，因為每一片都切到好薄片，所以唔使淥好耐先食得，而且薄薄一片放落個烤魚煲度啱啱好🥠響鈴 $20呢度個響鈴食落去同埋個賣相都似係自家製，豆味好出🍢西班牙叉燒串 $14叉燒半肥瘦一啲都唔韌，蜜汁亦都好夠味🍄蒜蓉錫紙金菇 $28蒜蓉好重手，啖啖都食到蒜蓉香🦪陀地燒生蠔 $12/隻燒生蠔好抵食，$12隻但係一啲都唔細隻，而且都好鮮甜🐚蒜茸菜脯元貝 $28/隻相對生蠔嚟講越背就冇咁抵食，不過元貝都幾大隻，上面有啲蒜蓉菜脯好惹味📍我要烤魚串燒烤魚專門店 旺角通菜街1A-1L號威達商業大廈Deli2 1樓1A號舖…Read More