mamababy1126's Profile

我一直對茶餐廳都冇乜興趣，所以就算知道民聲係街知巷聞既良心店都冇特別去試，同埋又比較少去大坑🙈嗰日去報名參加虎豹別墅導賞團，所以經過順便試下, 本來想食既嗰款午餐售罄，所以叫左蝦仁炒蛋同一杯奶茶。奶茶質感唔算濃厚，但係茶味悠香，幾好飲👍🏻滑蛋蝦仁，勁好食，滑蛋超級滑，生熟岩岩好，蝦彈牙爽口！我應該會為咗個滑蛋🤭特登去大坑再食👍🏻老闆仲好Nice咁，服務好好，席間仲問我啲嘢O唔OK，香港一般茶餐廳應該冇呢啲服務。十分讚！…Read More

這次去的那間店讓我有些失望。首先，芋圓的質地偏硬，口感不太理想。外賣的包裝也很小，份量讓人覺得不夠划算。特別是價格方面，55蚊的性價比確實不高，讓我有些猶豫是否會再回去。更讓我驚訝的是，店裡的雪糕竟然要60幾蚊一杯，這樣的定價讓我感到困惑，不知道是基於什麼原因。雖然是良心小店，做不到良心價錢，也希望做到良心質素。雖然這次的體驗不算好，但我仍然希望能再給這間店一次機會，或許下次會有更好的產品。希望他們好好加油！…Read More

入座後問我們有没有安心出行，我們說没有，服務員說：下！！！！無《安心出行》他X的！没有安心行有什麼出奇？我想點一個soba, 加一個天婦羅，店員問我點解唔揀天婦加soba既set，我話好，揀呢個，接著...店員問：天婦羅要熱定凍我話要熱我朋友理解店員的意思，朋友更正要凍我問： 你意思問soba 要熱定凍？店員好不耐煩望住我：梗係啦 （佢眼神極不耐煩，有啲小踎地）我話： 我誤會咗，唔好意思。（我好似做錯事咁）我朋友問：一份軟殼蟹，有一隻定兩隻店員話：梗係兩隻啦（我係你間舖度打工既？我一定知係一隻啦）朋友想點兩件加拿大海膽壽司店員：無呀！ （跟住就走左佢）差過澳牛既服務，我欠X左你咩？？？其實啲野除左soba 其他都好食但唔會再黎！！！PS : 除左個女服敄員之外，其他男服務員都非常客服，建議去呢間舖！千奇唔好揾個女人serve ，你會覺得你自己好似爭佢錢咁。…Read More

欖角炒飯勁正，又平55蚊連野飲，炒得又快，上枱既時嘅仲熱辣辣!豬扒餐肉米粉，豬扒入味好食，餐肉煎得好香，米粉略嫌唔夠味。奶茶同檸茶，茶底濃陏，讚！環境幽靜，坐位舒服，枱夠大張。…Read More

呢間常滿上一次幫係三年前，當時都係一間正正常常任食打邊爐，食材都係正常水準，但都算乾淨，又有點心叫，一家人或者同同事一齊去食都幾開心。事別三年，竟然變左一間我成世女覺得最差既食店，我11點去食，個場勁亂，以後好快搞掂，點知由開始食到食完都keep 住咁亂，有三四個侍應，佢地不到清枱拉枱拉凳，移黎移去，但整極都係咁亂，最搞笑既係無啦啦拉左張枱係我地旁邊，我老公行開左，就拉斜左我老公張凳，方便佢地係我地旁邊set張枱同4張凳，我伸手就可以掂到張枱，可想而知係幾迫。啲下欄車，不停係旁邊拉黎拉去，清完枱就放係路中心，完全無諗住要拉返入廚房，清清下枱既侍應，又無啦啦係度掃地。好恐怖！我點左個東陰公魚湯底，成嚿未斬過既鯇魚（正方形咁），放咗喺湯嘅中間，嚿魚佔咗煲嘅面積5分3左右。個湯有鹹酸菜，係大陸嗰種酸菜魚咁嘅味，個湯好似水溝鹹酸菜加少少辣咁，難食到不得了，完全唔冇可能係冬陰公。佢用咗個鐵嘅雞煲煱，勁少水，好奇怪呀成個煲！打邊爐嘅材料，都係垃垃圾圾咁放喺個膠兜上面，唔同種類都冇分開，放得好亂，個場又亂，啲嘢食又亂，覺得食完會肚痛，個稻庭烏冬係冰嗰隻，放喺枱上面已經解凍左又乾爭爭，夾上嚟已經碎晒，煮熟左仲好難添。最後，兩公婆食唔飽，埋單$330 。同樓下間火鍋店都係差30 ，好似貼錢買難受咁!今次係我第一次寫食評，想記錄低30幾歲人第一次食過咁差嘅嘢，曾經我試過去食飯試過食物裏面有曱甴，我都冇咁嬲，因為我知道食店裏面有曱甴都係好正常嘅事，有時佢哋都唔想，亦都好難控制。但係呢次唔同，佢哋完全係比垃圾客人食，有冇一個合理嘅環境比食客我覺得好過份!其實呢間鋪，以前喺荃灣返工都食過不下六七次，好心痛依家搞成咁！ anyway，唔會有下次，冇諗過有一間有唔錯回憶既食店，而家變左一間成世女食完最差既食店。PS ：返到屋企，個肚有少少痛，不過冇屙。…Read More