samantha8212003's Profile

椰子水味道淡得可憐🥲椰水味道淡而無味，好似溝咗一大半水咁，$35一杯椰水加啫哩，不如自己走去買個椰青開嚟飲好味得多😒，加上入邊有成四五個職員一齊喺度做嘢，但係效率都非常慢，而且收銀個姐姐仔面口非常黑，我見一兩個人，因為開張好多問題問，佢都係黑晒口面，淨係叫人自己睇，而家只係試業你都咁嘅態度，過兩日正式開張嗰陣可能仲多人，咁點樣應付？好似人哋問買一送一係送啲乜嘢，佢都係叫人自己睇，當人哋睇極個宣傳單張都睇唔到係送乜嘢嘅時候，再問多佢一次，佢先至答係會送其其中一款指定嘅飲品，咁你一開頭同人講咪得囉，又叫人自己去搵。啲嘢飲已經唔好飲，仲要態度咁差，好難想再幫襯👋🏻…Read More

⛔️劣質泰國菜⛔️門口裝修好似好高級，入到去就一般茶餐廳隔局，但都ok從入座時間8:20pm開始既5分鐘內，已經聽咗起碼5次「8:45pm last order, 9:30pm 要離座」，我8:30pm已經落曬單，但8:32pm就有員工行埋嚟話last order…….本想叫甜品，但佢話無得後上，所以無叫（好彩）入面大約9成滿座，員工大多目無表情，行屍走肉一樣，因為肚餓，勉強點了三樣食物，速度驚人，兩分鐘後即上兩個菜…..例牌海南雞$78❌❌❌❌只有雞既腥味、凍、上菜時俾我感覺每碟一早切好，用保鮮紙包實，所以碟雞上菜嗰陣係好實，醬汁味道奇差，整體 0/100分（食剩大半）沙爹牛肉串$54❌❌3串，叫正常少少，但偏油同肉質乾，似街邊$10串，40/100分（食曬無影）蟹肉炒飯$128❌❌❌❌❌只係一個普通嘅炒飯底，上邊𢳂咗兩茶匙嘅罐頭蟹肉落面，重點係啲蟹肉好似喺雪櫃攞出嚟一樣係冰凍嘅…….-200/100分（食咗一啖）我食咗一啖即刻叫取消，走人👎🏻👎🏻👎🏻…Read More

每次入屯門上公路口時都經過，見到多人幫襯，好想試咗一段時間，星期日同老公得閒就去試下，一入門口企響度，黑衫女經理望住我哋都唔出聲，過咗幾秒我哋先問係咪自己入去搵位，佢先答「自己搵啦」😅星期日朝早11點，入座率大約一半人，我哋搵到位坐低之後就叫咗五個點心，惡夢開始…….叉燒腸粉：上枱嗰陣正正常常熱熱辣辣，但係一咬落去啲麵粉多到，一啲壞嘅感覺都冇，啲叉燒係鮮橙色嘅……但肚餓嘅關係，都勉強食咗唔記得咗乜嘢菌嘅潮州粉果：三隻粉果都好似水晶皮一樣見晒入邊嘅餡餡料，不過連埋張蒸籠子同埋粉葛果嘅表面，都好似油浸一大層厚油一樣。擺埋口連咬都唔想咬，成個口唇已經係油，忍唔住叫經理過嚟取消咗佢，當時個男經理都講句「嘩，乜真係油得咁離譜」牛肉球：想睇嗰陣都係正正常常熱熱辣辣，不過一食落去墊底嘅腐竹係酸嘅，啲牛肉嘅羹多到咬唔開….食咗兩啖就吐返出嚟煎餅：呢個本身預咗佢有少少油油地，但係嗰種油嘅方法係完全滲晒飲過包入邊，用隻匙羹一撳可以出油嘅……又忍唔住叫個男經理過嚟睇…..男經理都係講咗一句「個廚房搞乜嘢啊？」同一時間我仲有一個煎蘿蔔糕未嚟，但係我哋兩個已經食到好想走，叫經理取消埋個蘿蔔糕同埋埋單我老公走去買單嗰陣，櫃面個姐姐我老公幾多號枱，因為本身都冇張卡俾我哋，所以我老公話唔知，淨係指住我哋張枱（張檯其實只係響收銀隔離），個收銀話你唔知幾多號枱我買唔到你單…….跟住個男經理先至出聲話幾多號枱，最後我哋想用八達通找數，個姐姐又話八達通壞咗…….結論，永遠都唔會有下次😒…Read More

通常每兩個月左右就會去楓林小館，每一次都會食佢嘅招牌菜椒鹽白飯魚、椒鹽粟米、荷葉蟹飯、咕嚕肉，每次都係因為呢幾道菜而嚟，間中會食吓一啲魚、乳鴿、例湯、每一次都食得好開心☺️但除夕當日都係點咗平日食開嘅菜，當第一道菜椒鹽白飯魚上菜嘅時候，就憑外觀已經覺得同平時唔一樣，白飯魚嘅脆漿一啲都唔脆，而且冇乜味👎🏻椒鹽粟米本身會有好多辣椒同埋蒜頭擺饗面，我個仔最鍾意就係用呢啲嚟撈飯食，但今次只得六件平平無奇嘅粟米，其他配料全部都冇，味道唔使講，都係失色👎🏻咕嚕肉水準好一般，一啲都唔酥脆，唔難食，但如果知道係咁樣一定唔會再叫👎🏻荷葉蒸蟹飯，以前個飯係好香蟹味同埋荷葉味，今次個飯明顯地比平時用多咗雞蛋去炒，比我嘅感覺係將個炒飯擺落個荷葉度，再擺隻蒸好既蟹落去，個炒飯一啲蟹嘅味都冇，嚴重失色👎🏻一問之下，原來佢哋換晒廚房啲人，好似聽講話廚房人同樓面有拗撬，但係我好想話俾佢哋聽，換晒廚師之後已經食唔到以前嘅味道，相信我都唔會再返嚟食lu😅😅😅…Read More

短短一個午餐既過程，已經有幾個錯誤：第一：你落錯單❌第二：仲想屈我食咗錯單嘅嘢❌第三：講大話話肉骨茶賣晒❌第四：上啱返個肉骨茶，但係一個住肉碎肉骨茶❌落錯單俾我，叫我食咗佢，話肉骨茶已經賣晒，跟住我同佢講嗰樣嘢我唔食嘅，跟住先有人收走再嚟返個肉骨茶俾我😥成兜肉骨茶既肉，好似撈個底嗰啲湯渣俾我一樣🙄我叫咗一個肉骨茶$78、加咗$3凍香茅茶、加咗$22牛油雞翼兩隻，連埋+1，一餐要110+，我只係飲咗一啖香茅茶、食咗舊肉同埋食咗一啖飯，越諗越覺得慶，我比110幾蚊食個lunch仲要受咁多氣，所以決定放低筷子cancel單走人😤我走咗出門口之後，見有個經理同嗰個職員講緊呢個肉骨茶，我忍唔住行返轉頭比張相佢睇，叫佢哋睇返清楚呢一個就係頭先嗰個「肉骨茶」總結：拜拜，唔會再去❌❌❌…Read More

久唔久就想嚟食麻辣鴨血、花膠雞鍋，每次都係即興約，所以都要攞飛耐，今次醒目呀，透過OpenRice 訂位，嚟到等咗唔駛10分鐘就入座，員工都招呼得好好，食物又啱心水，每次都食到好滿足😌…Read More

住荃灣多年，已經聽過好多街坊介紹楓林小館，但係一直都未有機會去嘗試，今日卒之的起心肝訂位。入到去見到裝修係多年前嘅風格，我唔知佢響荃灣廣場進駐左多少年，但我住荃灣已經差不多20年，都未親身去過一趟，適逢老公舊曆生日，就嘗試去下，本身都冇對佢有任何期望，但職員服務態度比我預期中好好多，而食物方面，發覺水準高過我嘅預期，有驚喜，所以食得好開心，尤其是椒鹽粟米、蟹飯，都做得好好食😋 100分滿分嘅話，我會比85至90分。總括嚟講，一定會再來吧🥰…Read More

自從鳳城陸陸續續關閉分店後，幾日前見到愉景新城開咗，今日原本懷住滿心歡喜心情去試，換來嘅係超級失望既心情😕評分（5⭐️為滿分）服務：⭐️食物：⭐️⭐️價錢：⭐️服務：- 職員不論高級低級，講說話都有夾雜粗口（不是對住客人，係一邊執野，一邊講）- 一坐低無人開茶，5分鐘後叫人開茶，呀姐就話：「未開比你咩？飲咩？」當你正想講飲咩，佢話：「其實得一種玄米茶」，頂你，咁駛乜要我叫開茶，你自己唔識攞過嚟？- 食到成檯野都無人嚟執走一個碟- 眼見其他食客都有各種不同投訴食物/價錢；- 腸粉，係叮熱既 ，$36一碟- 豬豬包，最正常，$46三個- 灌湯餃，原本最得我心既食物，從未試過難食到一個點，灌湯餃入面乾憎憎、無味、蟹肉有腥味，$32一隻- 糯米雞，3吋x 3吋，糯米未熟、無味，$39一隻- 五款蒸蘢，普普通通，燒賣既肥瘦肉比例7:3，我真係唔識食，$78一籠總括：永遠無下次 👋🏻👋🏻👋🏻後話：頂佢，2個人食5樣野，$281！叫埋單，呀叔口螺螺話：自己出去埋出到去，經理問，食物ok嘛？我笑笑口答：唔ok、服務、價錢、食物，全部都唔得，拜拜👋🏻…Read More

我最憎人打尖！用咗open rice咁多年，都未寫過食評，呢間我堅嬲！今朝諗住買一份腸粉試，前面有2個排緊隊，我照跟。一分鐘後，有位藍衣呀叔，攞住張$100行埋嚟旁邊打牙鉸，我諗佢可能一早落單，過嚟比錢攞野，到我果陣，呀姐問我要乜，我照講，但同一時間，藍衣呀叔又講佢要乜，呀姐就收佢錢幫佢落order，我就企咗響度。我：嘩，呢度熟客可以打尖？呀姐：er，佢嚟先既我：我排緊隊，睇住佢行埋嚟傾計，如果佢嚟先，就排咗我前面，而唔係旁邊啦！跟住呀姐當無野，叫我比錢，我話：咁我唔買喇，以後都唔會買。…Read More

攞飛呀姐黑面、執檯呀姐只顧與熟客傾計慢手慢腳，我企響度等佢等咗10分鐘、食物質素差、伙記只理熟客、埋單埋20分都唔嚟！係我飲過最差既美心集團，極火火火，離曬譜無下次！…Read More