bobosangel's Profile

我知道珍妮有今時今日嘅成就，完全係一個香港傳奇，但是！作為一個香港本土品牌，有時本地人想食都未必買得到，因為遊客、代購一早就去掃貨。通關前貨量充足，想買咩口味都得，通關後大部分產品缺貨。以前就算要排隊買，我都只係會買一罐，因為我想其他人都可以買到，但眼見有啲人（特別係代購嗰啲）一次過買十幾廿罐，甚至全掃，搞到其他人無得買，我就唔再想支持，就算有外地朋友想買我都會勸退，畢竟珍妮曲奇性價比不高，吓吓都要碰運氣唔知買唔買到嘅話不如慳返啲時間做其他嘢。其實香港都有好多值得關注嘅本土手信，曲奇其實已經過時。老闆可能唔在乎顧客嘅聲音，賺到錢唔需要理會我地嘅感受，但我仍然想建議一下，請你限購啦！天外有天，人上有人，你唔注重自己嘅口碑，好快會比人超越。祝福你，珍妮！…Read More

淨係要咗西瓜蛋糕打算比較吓澳洲食到嘅正品，即時比個服務員問：「得一件？」態度勁差。只可以話，整得幾似，但......上面層令面啫喱未免太厚了吧？再睇埋其他款式，可以唔洗有咩期待，因為全部都係一樣嘅糕體，大不了加啲色素變成另一個口味。中間嘅cream都係一樣，同一個recipe換吓唔同口味，感覺上就好似食ladyX咁，只係口味有變化，款式無變化，唔需要每樣都去試因為基本上都係一樣嘅嘢。總括嚟講完全唔特別，只係copy cat，用別人的明星商品當作自家招牌似乎不太恰當。你以為無人去過澳洲食過正宗嘅咩？！抄得唔好咁明顯啦…Read More