lpol123's Profile

平日晏就有lunch set, 選擇都幾多，包appetiser, main and dessert. 一開始借送上麵包，有吞拿魚醬好夾！Appetiser揀左clams和octopus salad. 沙灘醬汁酸酸地，配埋八爪魚好開胃，八爪魚都好多塊，咬落爽口好食～蜆嘅份量就唔算好多，但好食在佢冇沙之餘，蜆肉脹卜卜一咬落去啲汁爆曬出嚟，吸曬d汁，好食！主菜叫左海鮮飯同燒雞。燒雞好大份，皮又無咩脂肪脆脆地好食，雞肉亦都唔會鞋，一定要食。海鮮飯嘅蝦味醬汁好突出，飯都整到粒粒分明，好有咬感，相對西班牙嘅海鮮飯比較多醬汁，好食！最後甜品都幾好食，但相對會甜左小小，又未去到滯，食完就真係好飽。整體lunch set性價比好高，想食特別小小既葡萄牙菜好岩去呢到。…Read More

Weekend中午時段去食都好多人，要1230前walk-in先唔駛等，今次排左半個鐘到，坦白講門口reception既女仔就唔係好有禮貌，所以服務就扣左分。燒肉有好多唔同set, 今次試左特上牛腹肉和美國穀侍牛定食，跟餐既小食係牛舌，好有咬感又唔會好韌，幾好食。燒肉既牛算係高質，牛味都重，每一塊都切幾大細同厚度都俾足，唔係好似出面有啲舖頭食得薄薄地細細塊。牛的脂肪分布平均，食落唔柴，點埋檸檬汁仲入味，係高質可以再試既！…Read More

中東菜唔係到到都有，呢間價錢又唔太貴，服務都ok, 今次叫左smoky hummus, homemade flatbread 和燒雞。Smoky hummus配flatbread食係一流，首先flatbread好鬆軟，有啲cheese係上面，配埋hummus好開胃，唔會滯，hummus個醬都撈得好好，酸酸地又有啲紅椒粉，必食！至於燒雞都幾好食，雞肉燒得香，肉質都嫩滑，加埋表面既醬料酸酸地好開胃。呢度嘢食嘅份量就唔係好大，不過配flatbread其實都飽，下次可以試其他野。…Read More

平日晚飯時段不是太多人，叫了特盛壽司set, 赤貝刺身、海膽八爪油甘魚飯、豚肉飯。特盛壽司真係樣樣都好食，魷魚好爽口，蔥吞拿魚腩大大件，左口魚裙邊又食落入口即化，唔會有腥味，壽司件件都好新鮮，油脂分泌剛剛好！玉子燒左食落都唔錯。至於丼飯，八爪魚芥末味好重，辣辣地幾開胃，油甘魚同海膽都好食，特別海膽唔會又苦又腥，幾鮮甜！但豚肉飯反而唔係好突出，白飯比較淋身，但大大碗，豚肉都燒得好食，係白飯嘅質感需要改善。整體食物質素幾好，服務又好好，值得一去。…Read More

食物係好岩打卡，但食落真係麻麻地。首先份量真係好小，百幾蚊叫個長通粉但得幾啖，重點係又唔係好食，醬汁太水，長通粉好似白恰放落去，完全掛唔到汁，未計海鮮真係少得可憐….得幾嚿切碎咗嘅「海鮮」，真係唔掂。Yogurt係吸精既，味道同材料都正常，不過偏甜咗少少，但就係普普通通不過不失，冇咩好特別嘅材料，除左賣相驚喜其他就極度平常。服務真係唔多掂，成間鋪得兩個人做野，根本冇人理你，買單搞好耐仲要俾完卡好耐都無人俾反我地，追左幾次見到佢地搵緊張卡，原來跌左落地下….咁既食物同服務質素真係無下次，除左打卡真係唔知好評點黎😅…Read More

星期六午市時段都唔係好多人，餐廳職員嘅服務幾好，假日都有lunch set, 叫左蜆肉青醬意粉向牛面頰肉配tortilla，包埋餐包配湯或選沙律，有甜品和飲品。餐包好普通，反而沙律有燒雞肉有點驚喜。主食pasta好抵食，勁大份，青醬整得都幾入味，意粉軟硬度適中，而且忌廉亦都唔會整得太過滯。至於牛肉都整得幾淋，配搭醬汁帶點酸酸地幾開胃。最後甜品係奶凍，香蕉奶凍好軟滑，香蕉味亦都好突出，但又唔會話好甜，唔錯。而呢一個價錢包咁多嘢，絕對冇投訴。…Read More

普通日本拉麵就食得多，呢間賣fusion拉麵, 環境都有啲似bar, 主打雞髀拉麵，今次試左呢樣同埋柚子拉麵。雞髀大大隻，肉質都幾嫩唔會鞋，個湯底都幾濃郁，又唔會好咸，拉麵軟硬適中，係唔錯既。柚子拉麵個湯底比較傑，有啲似粟米湯，但佢落左好多柚子所以個柚子味係好突出，加埋d豬肉丸就無咁dry, 拉麵既份量都算幾多，所以經過想食晏就無坊一試。串燒燒既蔬菜係幾好食，好鮮甜，牛肉就一般般，有一舊比較硬，試唔試都無所謂。…Read More

永光中心一向都野食，見到呢間OpenRice lunch有八折又一直想試就去左，今次揀左自選魚生丼，包左沙律、湯向蒸蛋。沙律用左柚子汁比較清新，蒸蛋有菇同蝦都幾滑。魚生丼分別叫了吞拿魚、油甘魚、吞拿魚腩溶、燒左口魚裙邊、真鯛和深海池魚。每一樣刺身都算厚，而且仲有四塊，好多勁抵食。燒左口魚裙邊一放入口充滿油脂，幾正～至於真鯛同池魚最有驚喜，口感帶點爽口，好新鮮，一d腥味都無，其他刺身都好好食，係性價比幾高，下次可以再黎！…Read More

一早訂左座，餐廳環境好昏暗但職員既服務好好，人流唔算多，坐位好闊落，亦絕對係慶祝既好地方。Carpaccio - 牛肉片加埋醬汁酸酸地，幾好食，又唔會咸，值得一試。Petite fillet - medium rare整出黎真係熟成度剛剛好，成個碟連塊扒都好熱，牛肉好淋而且肉味好重，放落口真係有啲入口即溶，好好食！Sides叫左creamy spinach and mashed potatoes，兩個都幾大碟，而且有埋啲醬汁所以食食吓都真係會好飽，但個人覺得都幾好食特別菠菜。甜品 - cheesecake & ice cream 芝士蛋糕既面係似鋪左少少流心嘅醬，帶點酸酸地，中和左成個cheese cake，芝士味都好濃郁好鍾意！雪糕都有驚喜，入面有啲粒粒嘅朱古力，口感好豐富。…Read More

晏就來到唔算好多人，有lunch set包沙律、蒸蛋、麵豉湯和主食。蒸蛋好棉滑，幾好食。主食叫左海洋don和壽司刺身配迷你don.海鮮don係好值得叫！滿滿的刺身鋪滿成個飯，每一塊都係厚切，而且數量絕不吝嗇，款式種類又多，咩都有齊曬，望到都好正。食落好新鮮，唔會有腥味，最難忘係件吞拿魚腩，滿滿既油脂入口即溶。至於另一個就可以講既咩都有得試下，壽司既飯就真係好細，有啲難夾，普普通通，三文魚同吞拿魚溶幾好食，唯一麻麻地係鰻魚丼，整身個鰻魚係好食，但放多左汁，而且有骨，有啲扣分。整體來講幾好食，但推薦食海鮮don, 會比較有驚喜。…Read More

呢到太難book位，早成個月先勉強book到最後兩個位，但物有所值！是日paella - 係雞肉既paella, 呢個好抵食！百幾蚊但兩個人share都好飽，飯勁多，而且個飯既口感軟硬度岩岩好，醬汁亦控制得好好，唔會太乾/太濕，撈埋d醬真係好正，配料又好食，真係要encore! Xo醬牛肉 - 配搭幾新奇，牛肉既肉質好淋，切好曬一塊塊好方便，加埋d香菜個感覺好清新，中和左牛肉既油膩感。細海鮮拼盤 - 海鮮出奇地新鮮，生蠔又幾大隻，海水味又唔係好重，象拔蚌加埋tobacco真係好正，又爽口，值得一試。Cheesecake - 勁大件，個口味係咸咸地，厚同實身既cheesecake, 食到停唔到口，而且又唔會感覺好滯，推薦！整體來講真係好食，價錢又唔係好貴，會再去食！…Read More

之前係香港都試過幾間墨西哥餐廳，今次試呢間覺得好普通，如果想食墨西哥野會有更好既選擇，但如果想試下都還可以。Pork ribs with buffalo sauce - 份量係好大，有好多條骨，而且個buffalo sauce真係好突出，辣味好夠，而且肉質都幾好，幾好食。Taco fish - 炸粉麻麻地，食落又有啲淋，魚好似有小小霉，但佢個汁酸酸辣辣係幾惹味，可能試肉類比較好…Chicken quesadilla - 有啲乾，唔夠juicy，麻麻地，相比其他餐廳呢個signature真係做得麻麻地。整體真係好普通，一次就夠，唔好再回頭。 …Read More

夜晚好多人，一共有兩層，下面好多人飲野，上面食野岩反聚會，環境都幾舒適。今次試左牛肉sandwich, 牛扒，tiramisu同pancake. 牛肉sandwich好大份，牛肉有好多層，食到最後d牛都配唔曬d包，但好好食，唔會好咸，勁多cheese, 值得一試。牛扒就正常發揮，值得讚係佢冇乜根，都幾大塊，食完都幾飽。最後兩個甜品都超常發揮，連甜品嘅份量都好大，tiramisu盆栽唔會好甜，咖啡同酒味都幾均勻，而Pancake就好重蛋味，唔係空氣嗰隻，識落真係啖啖都係蛋味，加埋伯爵茶好清新！…Read More

餐廳裝修都幾靚，環境幾大，食物選擇就唔算好多，叫左大蝦意粉和慢煮雞肉包。大蝦意粉有啲太水，意粉都淋左小小，醬汁係幾好食，濃郁既番茄味，但如果傑小小會較好，至於大蝦都無咩特別，數量唔係多，又唔係特別彈牙，唔太推薦…至於慢煮雞肉包就真係好plain, 無咩醬汁，食食下真係太乾，好健康。值得讚係earl grey chocolate, earl grey味道好突出，又唔會好甜，值得一試。整體上食物麻麻地，可能要叫all day breakfast個類先好食d。…Read More

晚市都幾多人，職員好主動，服務一流，餐牌選擇都幾多，又有限定款式，好小食到特別既港式fusion菜。今次試左麻辣酸菜鑽石蜆、慢煮叉燒配香蔥豬油撈飯、檸檬茶果凍。酸菜魚食得多，但酸菜配蜆就第一次，首先個麻辣真係幾入味，有好多辣椒係面，薯粉亦好煙韌彈牙，蜆既數量都算多，大大隻，而且入面蜆肉都大粒又新鮮，好食！慢煮叉燒唔會鞋，食落好淋，配埋飯有啲似食緊risotto，係份量有少少細。甜品賣相都有啲奇怪，但食落檸檬茶味好突出，好清新，而且有啲水果同曲奇，值得一試！整體來講呢間fusion野真係好食，係有小小貴，如果再多啲人一齊食可以再試多啲～…Read More