saladcharlotte's Profile

專登揀平日lunch hour黎，一點前已經大半滿。揀咗坐望街嘅吧枱，大愛呢個由文宣卡同貓貓相組成嘅心形❤️❤️❤️成餐飯都好滿意，環境舒服又夠靜，啲餐具都幾靚，每道菜都感受到廚師嘅心機😊 竹炭多士 - 多士香脆，上面仲有加herb，配埋自家製檸檬果醬好開胃👍🏻紫薯忌廉湯 - 紫薯味好香，唔會太重忌廉味搶咗風頭，易入口唔會滯蕃茄芝士忌廉汁香煎鯛魚 - 一上枱比個份量嚇親，竟然有兩大塊魚柳！魚柳肉質實淨，丁點腥味都冇！個汁冇乜忌廉味，主要係蕃茄同香草嘅味道。配菜都好豐富，香草引出左烤蕃茄嘅甜味，新鮮嘅沙律菜除咗有dressing，仲灑上黑椒同炸過嘅小米，再加埋potato wedges，好飽足呀🤩最後由latte作結尾，跟餐加$20…Read More

我本來坐出菜位置隔離張枱，一開始已經問咗我介唔介意比較窄，有其他客人走左，侍應主動問我使唔使轉返入面坐得舒服啲，服務好貼心👍🏻 而且衛生意識好高，每枱客人走咗都即刻消毒枱凳。Dinner set有5個course，前菜湯主菜飲品同甜品。$300左右有五道菜唔算貴，間餐廳靜靜地，好適合舒舒服服享受下美食傾下計🌸鮮蜆鰹魚啫喱豆腐 - 2隻蜆好鮮甜飽滿！呢個配搭幾特別，味道都算和諧，最突出係鰹魚啫喱唔太鹹粟米濃湯 - 用新鮮粟米打，好濃郁粟米嘅甜味，調味適中，但成口粟米衣令口感麻麻哋慢煮安格斯封門柳伴薯蓉(⭐️⭐️⭐️⭐️⭐️絕對會為咗佢再黎) - 一嚟到見到係我最愛嘅medium rare就知塊肉好靚！侍應上碟時特別介紹呢道招牌菜嘅特色，出面好少見封門柳呢個部位，果然係超冧又香肉味，外層燒香左，加上慢煮保留晒啲肉汁，配阿根廷青醬好惹味，超級高質數嘅牛扒❤️❤️❤️ 食肉獸對有12oz表示滿意😆配菜都好認真，沙律菜新鮮，車厘茄爽脆爆汁，用左黑醋調味，仲加埋葵花子。薯蓉用新鮮薯仔整，特別鍾意保留左少少顆粒嘅口感，醬汁一食落去覺得有豆豉味，問咗侍應哥哥話係普通燒汁再加左香草，唔係我杯茶🤣加咗$10 要Latte，簡簡單單有個拉花，味道算唔錯黑朱古力雪糕非常香濃，完全冇奶味，直情好似食緊75%朱古力咁🥰🥰🥰 上面仲有一粒果乾，contrast 幾有趣。brownie都幾濕潤同香可可味，但就被雪糕搶咗少少風頭…Read More

Cafe裝修好有童趣，係Fluffy House雲先生同朋友做主題！限聚令期間再去，每張枱已經裝上特製木圍板，仲有☁️先生logo係上面好靚呀，而且私隱度更高👍🏻👍🏻👍🏻 lunch冇時間限制，喺中環想舒舒服服傾吓計食飯啱晒！幾次lunch time黎都係揀坐吧枱位望街，雖然對面大廈一直裝修緊，但望住中環繁忙嘅人行嚟行去別有一番風味😆 除咗雲先生，最近仲多左pepe，連🐷連🐶一齊抗疫呀一入到去會先送上一杯細細嘅welcome drink，山楂蘋果汁好濃郁開胃🥰Lunch set跟餐會有茶或者咖啡，我就通常會加$8要latte，味道正常蕃茄烤雞雜菌扁意粉 - 番茄醬偏酸，均勻分布每條扁意粉，有一大塊雞扒同雜菌，份量適中芝士菠蘿鴨胸焗飯 - 芝士量好足😍 嗰半片罐頭菠蘿其實同個飯唔係好夾。有7片煙鴨胸，偏鹹一定要襯飯食，飯底味道唔錯但有少許油膩。份量幾大，圖中係已減一半飯，餓底之選😂…Read More

Lunch set $98有6個選擇，加$30揀咗2款小食，包飲品可以再加$10揀特色果茶，而家外賣自取有8折，喺中環來講幾抵👍🏻煎雞扒配涼拌芝麻醬上海麵 - 雞扒煎得嫩滑，層雞皮好香口，香草分量毫不吝嗇❤️芝麻醬烏冬就食得多，第一次配手工上海麵，原來都幾夾喎！沙律菜同車厘茄都係新鮮嘅。牛油蒜蓉炒雜菇 - 牛油蒜蓉味非常香，菇炒到啱啱軟身，加埋香草勁惹味🤩普洱茶香雞翼 - 茶味比較淡，普普通通蜜桃玫瑰普洱 - 普洱茶底冇加糖，飲到有甜甜地嘅蜜桃果肉，玫瑰味唔重，幾好飲…Read More

食物都係即叫即製，所以等左15分鐘先有，等外賣期間見到零星有人氣喘喘喺斜路底行上嚟買外賣🤣火炙芝士辣肉醬熱狗 - 熱熔芝士同肉醬配上荷蘭腸，仲有生洋蔥絲同埋黃芥末，麵包脆脆地，應該係烘熱左！芝士肉醬薯條 - 薯條係用新鮮薯仔，並唔係用薯粉開嘅，芝士多到滿瀉，當場熱辣辣食應該有拉絲效果，肉醬量多偏甜，每條薯條都沾滿肉醬架！可惜外賣返到屋企薯條已經淋左，下次叫薯條要當場食🥺抵食又足料，芝士控大愛，鍾意外國風味嘅熱狗就一定要試吓呢間❤️❤️❤️…Read More

呢間鋪頭淨係開到6pm，所以要趁假期嚟幫襯，入到去見大部份人都係叫打卡首選嘅戚風蛋糕。Fig scone with rose jam and clotted cream - 外層嘅杏仁片增加左香脆嘅口感，有2塊無花果乾，入面質地結實濕潤，鍾意英式scone就要試喇！玫瑰果醬似係自家製，唔會太甜，食得出玫瑰味但唔係香精嗰種。整體配合味道層次好豐富！Salted caramel apple crumble pie (純素) - 餐廳標榜純素甜品，其實我冇乜所謂，純粹係有apple crumble就必試😍用咗燕麥片取代一般嘅牛油麵團做crumble，再加左果仁令口感同香味更豐富。上面就用植物油同椰子糖取代一般嘅鮮忌廉，素忌廉有淡淡嘅椰子味，非常出色！個人覺得加埋maple syrup甜左少少，而且批皮質地比較硬，但呢款純素甜品真係好高質素，食得出製作者嘅心思👍🏻👍🏻👍🏻Latte就正正常常啦…Read More

鋪仔細細主要係做外賣，一般午飯時間如果堂食要排長龍。菜單唔算多選擇，但係好有特色，外賣盒設計好環保，唔使另外拎個袋裝👍🏻之前食過花雕醉雞髀配凍稻庭烏冬好正，雞髀肥瘦適中，整得好入味同埋完全冇雪味，烏冬幾彈牙，配埋濃郁嘅花雕汁啱晒我！今次揀咗蟹肉蟹籽蓋飯配甲羅燒！蟹肉蟹籽份量算多，甲羅燒新鮮完全冇腥味，調味適中冇過鹹，撈飯一流！下面果幾條沙律菜仲配埋麻醬架！中環咁嘅價錢食到甲羅燒真係去邊度搵呀🤩🤩🤩…Read More

呢間店係朋友推介完想試好耐，但每次經過都滿座，今次專登平日未夠11:30黎就有位，但轉個頭已經full house。每枱都有防疫簾/ 膠板隔開，令你食得開心又放心😆 牛油果炒蛋芝士三文治真係好好好大份，一般適量嘅女仔可以share加杯嘢飲就搞掂。炒蛋可以自選加一樣調味，我揀咗黑芝麻，多咗種香味好夾！厚麥包烘到香脆但係冇燶味架，好足料，唔會食食吓得返麵包。如果蛋可以唔好炒咁熟就完美了，$50簡直係抵！咖啡有整整兩頁可以揀，但我對咖啡嘅研究唔多，淨係知自己唔鍾意果香味，咁就揀幸福十大咖啡豆之一嘅頂級摩卡。果然入口好順滑，有淡淡可可味。我平時好少飲齋啡，因為啲咖啡麻麻地嘅話冇奶會好難入口，但我決定以後想飲齋啡就嚟呢度，要試多幾款唔同豆！…Read More

前兩日嚟過摸門釘，原來疫情關係舖頭每星期淨係開4日。店面細細但裝修幾有特色，雲石紋同金色logo好襯，有幾個位可以坐喺度望街慢慢食每日都有幾款唔同口味嘅Gelato，咁啱冇我最想試嘅開心果，最後揀咗大溪地雲呢拿同dark chocolate。 睇怕我都要再嚟試下其他味🤩雲呢拿好滑溜，見到啲雲呢拿籽就知真材實料，用雲呢拿豆整嘅雪糕係好食過用雲呢拿油好多倍，呢隻啱晒我丫❤️Dark chocolate非常濃烈，帶有少少苦味，超級正，食開75%朱古力嘅必試！！！兩款雪糕都比平時食到嘅冇咁甜，感覺食多兩球都唔會太肥😂 $54兩球手工雪糕好合理，抵過連鎖店好多👍🏻…Read More

最近發掘下新cafe，搵到呢間山道斜路中間嘅小店。一入到黎已經覺得環境好舒服，我揀左坐吧枱面壁。間鋪係老闆一腳踢，除左比menu仲問埋preference介紹比你，好用心同每枱客交流，連唔中意social嘅我都忍唔住同老闆傾左好耐😆 食物同咖啡質素都唔錯，坐多陣成個人好放鬆，絕對係會再幫襯之選！All day breakfast 最鍾意係炒雞髀菇❤️❤️❤️今日嘅special coffee - Irish冇酒但有香味，比較濃，第一次試覺得幾好味😊…Read More

偶爾見到中環區有呢間黃店，專登搵日lunch黎試佢嘅咖啡☕️ 位置喺商廈入面唔係咁容易留意到，店面有少少暗，好適合舒舒服服嘆下咖啡All day breakfast 嘅配料，醬料同埋麵包種類都可以選擇，仲有沙律。我揀咗牛油果煙三文魚，乳酪加士多啤梨醬配bagel。bagel 竟然有驚喜，有嚼勁唔會過硬，外層嘅種子更添香氣！牛油果份量好多，足足一個，生熟度剛剛好❤️🧡💛 唯一可改善就係沙律嘅醬汁太多，有啲酸...Latte 味道唔錯…Read More

平日夜晚10點去到得我哋一台客，老闆出嚟傾左一陣計，講明所有燒物都係叫完先生燒，就係呢份誠意已經令我哋好期待🤩 雖然等左20-30分鐘係耐啲，但絕對值得！豬頸肉燒到脆邊好正，又唔會成口油！配埋自製泰式蒜蓉辣汁，送飯勁開胃呀😍雞扒好嫩滑，雞皮燒到香脆，中間冇夾住層肥油，估唔到$50有成8件，抵食！仲試咗兩款串燒，雞腎同埋雞軟骨都好食，香口唔乾唔太咸。朋友叫嘅菊花蜜味道正常，但直接雪冇冰，加分。P.S. 朋友第二日再去試左其他嘢，特別一提翠玉瓜爆汁…Read More

朋友介紹好正，等到食生日飯就成班黎試試啦😆 一切從酒開始唔飲酒嘅朋友叫咗其他飲品都唔錯Mid Summer Dream有lime juice 略酸，但夠清新下面呢款Berry Kiss 滿分推介，烏龍茶味香唔會過甜，飲得出士多啤梨味，重點係完全冇藥水味🧡叫左2款生蠔，夠哂新鮮飽滿，海水味重💙我至愛嘅beef tartare，見到有就必叫，呢盤調味適中，完全唔腥，我一個人食左半碟🤣全枱食唔停口嘅兩款nacho BBQ雞同牛，我鍾意雞濃味啲，配料比例好好，食到最後仲有好多醬，芝士味極重啱哂我❤️田螺正常，我食晒底下啲薯蓉😝蟹餅煎得好香口，醬汁唔會太酸吊下味，大大啖蟹肉好爽！美中不足係上面啲豆芽少許青味，anyway必食到主菜海鮮袋，8個人叫左2個5款海鮮袋，分別係Lemon butter sauce同Chjun garlic butter sauce，再加3隻blue lobster，貼心配埋麵包俾你點汁食🤩個袋唔小心俾龍蝦搶左鏡，我哋揀咗鮑魚，蝦，翡翠螺，蜆同青口，全部都好新鮮彈牙！我最鍾意翡翠螺同蜆❤️❤️❤️入面仲有腸仔粟米同薯仔，腸仔出奇地好食喎☺️Chjun garlic butter sauce少少辣好惹味，配海鮮一流，大家都係鍾意呢款多啲！Lemon butter sauce就奶味好重，部分朋友唔鍾意奶味就話麻麻地，但我覺得點香草麵包就呢款好食啲！Rib eye 正常，叫左medium 火候控制少許唔平均，有一少塊變左medium well，薯條炸得透好味！4款甜品叫齊，New York Cheesecake，Cream Brulee，Apple Crumble配雲呢拿雪糕同French Toast配綠茶雪糕個人最鍾意Apple Crumble，朋友係cheese lover表示Cheesecake好正😂…Read More

前幾日已經訂定枱五人去食lunch，去到門口冇人企喺出面，我地準備行入去時啱啱有個店員行過，但並唔係行近我哋，而係直接隔2米距離大叫有冇訂位...我地每人點左一個套餐（$380-$580），當時係星期日12點半左右，餐廳唔係滿座，但上菜速度非常慢，每一道食完之後隔起碼10分鐘先再上另一道，而且套餐上菜時唔順序，成餐飯食咗超過兩個鐘。最令人氣憤嘅係店員服務態度極度惡劣，點餐同喺門口大叫嘅係同一位男店員，點餐時態度唔耐煩，上菜係將啲碟大力放喺枱面，另一位女店員亦同樣大力上菜。嘗試問女店員放低嘅菜式係屬於咩套餐，一係就咁答蟹餐，但三種套餐都有蟹根本分唔出，一係就用價錢區分，就咁答你380/480/580，最後我哋要拎返個餐牌自己對下啲菜式...食到中段差啲想拍枱走人，個女店員收返燒生蠔個炭爐嘅時候唔專心，佢啱啱拎起隔離枱就叫佢，佢即刻放返低，就咁企喺我哋張六人枱嘅中間向隔離枱大叫「下」，跟住就行去拎筷子俾人，轉頭再返嚟收野每隻手拎一個炭爐，但眼並唔係望住個炭爐，結果其中一個爐連埋啲蠔殻啲汁同個鐵絲網跌咗落去我屋企人個袋度！！！跟住佢又放返低兩個炭爐喺度執地下啲嘢，呢個時候另一個應該係高級啲嘅店員行埋黎幫手同叫佢俾啲濕紙巾我哋抹左先。全程個女店員係一句對唔住都冇講過，最後仲要堅持係每隻手攞住一個炭爐走我哋後尾嗰幾道菜已經冇心機食，雖然之後個女店員冇再出現，但其他店員嘅態度仍然惡劣，我叫左幾次加茶店員係冇回應，到佢拎茶黎架先知原來佢聽到，上菜仍然係大力放喺枱面。最後我哋問吓套餐係咪有跟餐茶，個高級啲嘅店員就話餐冇跟不過可以送。其實我唔明白一間餐廳倒瀉野喺客人度都要收+1服務費係咩玩法，仲要我問個高級啲店員嘅時候佢係話冇得唔收，已經送咗餐茶俾你，最多送埋甜品俾你，我哋啲餐茶甜品都幾貴... 仲要話可以叫返之前倒瀉野嘅女店員出嚟道歉... 仲要係我自己提出洗衫嘅錢要問佢哋拎返，佢先話咁我遲啲可以俾返張單佢地claim... 我想話呢間餐廳嘅服務真係難以形容咁差，所謂送嘅餐茶係我哋問套餐有冇嘅時候先送，而且倒瀉野嗰個人應該一早就道歉啦，仲要我提出先話叫返佢出嚟，根本毫無歉意啲食物只能夠話係唔難食，但係絕對唔值呢個價錢，加上咁嘅服務，冇可能再去…Read More