偏食的牛牛's Profile

左揀右揀,唔知食咩好,見簡單廚房個名幾好,而且有甜品display,就揀咗佢,點知係後悔嘅開始...叫咗一個午餐芝士三文魚焗飯 其實得個炒飯底可以食...D芝士好漏,又唔香,又無咩芝士味。D三文魚重衰,有陣腥味一個甜品,waffle+雪糕,問佢可唔可以「後上」,定要遲D叫,個待遇就話:「而家叫埋la」點知個甜品最早上,咁不如你同我講無「後上」服務la,個雪糕又唔可以放住唔食...最重要係個甜品唔好食。D雪糕起冰,個waffle唔熱唔鬆,好乾重叫咗一個meau上嘅菜式,香草雜菌天使麵, 等咗咁耐先上,以為好D la, 點知最差e個D意粉一pat pat咁,D菇有燶味, 重要成碟都好油...唔講我以為係油浸意粉D服務都唔好,侍應叫極唔應,上菜慢,等咗成20分鐘先上到菜。2杯飲品明明一樣,又開始時上一杯,另一杯問咗幾次,差唔多唔食(D食物質素無可能食得晒,所以唔會食完)先上。其實當時客人唔算多,無理由可以慢成咁。就算人多都唔係藉口十問九唔應,答都唔答一句我4:20入去,最後5點前,佢話last order, 問有無嘢加,當時杯飲品都未到。過咗一陣,個侍應就逐台叫賣單,唔到$150唔可以簽卡...OK...但等佢找錢都等咗好耐,無次序可言。附近2台走咗,我哋重等緊總括而言,比錢我都唔會再去!!浪費時間、金錢、胃嘅空間…Read More

黃大仙中心近來開咗D新嘢啊~行開見到有2個姐姐一人拎住一杯有2個球嘅雪糕, 好大球吓, 即刻睇吓邊度有雪糕賣~行過去, sale姐姐主動比咗雲呢拿味我試, 都OK la...另外, 試咗香芋, 好普通...,綠茶, 好淡...冇味...因為都幾多人, 唔係試咗好多味...最好食係紅豆味啊! 有少少甜, 有D紅豆粒, 我買咗$13大單球, 都幾大球~但食完唔覺漏=)Sale姐姐成日主動叫人買大球, 抵食D~不過有D奇怪係個雪糕櫃張紙寫咗某D味係低脂雪糕, 咁唔通其他唔係?…Read More

又到Haagen-Dazs食甜品,價錢唔平,不過值 今次食e款,唔記得名...係時代廣場都食過。上次覺得幾抵食,因為揀咗5隻味,有10球幾大球的雪糕,$89,正! 今次姐姐問我轉唔轉味,當然轉la,又揀咗5隻味 到上嘅時候...啊!...上層同下層D雪糕唔同ga!因為meau相同上次係時代廣場食,都係5隻味,10球ga~今次有9隻味(因為我又揀綠茶,重複咗,姐姐又冇話可以揀幾多隻味..=3=)一次食9隻味,真係好抵!唯一唔好係,本來我想同人share,但而家為咗9隻味,一人K.O咗佢 肥死la>.< 今次D雪糕重放得靚咗~唯一美中不足係2塊餅唔係太好食,甜同痴牙...但都係好開心滿足,10球雪糕...>.< 另外,Haagen-Dazs D cheese cake都幾好食,咖啡又唔酸,食tea set都幾正ga 不過,小心D落單姐姐叫極唔應...…Read More

想搵間坐得舒服D嘅地方lunch,就去咗鈴木咖啡館,環境都幾好,人唔太多... 同朋友叫lunch,叫咗個日式鰻魚飯,$32定35,諗住都OK la,cafe價錢,可能算平tim~ 點知...一見到個飯,已心知不妙...嘩...D汁好杰=.=" 味道...朋友話似"吉野家"味...弊在D價錢唔似呢=3= 其實件鰻魚同D飯都唔差,不過D汁又多又杰,食到唔想食...30幾蚊,好似好浪費咁... 可能唯一好嘅地方,係你食完可以慢慢坐,傾計囉...…Read More

今日去咗馬鞍山手作之店馬鞍山,可能因為天氣開始冬la,冇乜人。 唔知食咩味好,不停叫個姐姐比味我試,個姐姐都好好人啊,我冇問嘅味都主動比我試埋=) 不過隻新味就唔好食lu,蜜瓜味好假,烤番薯味又好怪,而且好甜吓...=.= 要咗奶抹茶味同香芋味,單買嘅$12一球都好大好抵食=) 不過奶抹茶味奶味重,冇乜抹茶味=(...香芋味就幾好,可能耐冇食la,出面賣雪糕嘅都好少有香芋味。之前食過紅豆,芝麻同曲奇都幾好食啊~ 今次我要cone,個cone上面散咗少少,我唔知,個姐姐主動比多個膠兜我tim,好細心=) 佢個cone好脆,不過冇咩味囉...唔使加錢,都OK嘅~…Read More

綠茶紅豆puff做緊特價,原價好似係$17,而家減$2,就買個嚟食la~ 食完有D失望,因為冇乜綠茶味,可能我食開+鍾意D濃+苦苦哋嘅綠茶味la...佢e隻真係好淡吓...比其他味更淡(唔甜)... 本來淡淡哋都幾好,但D紅豆又好甜=.="搶曬D綠茶味...想食到綠茶味,可能要買就咁綠茶味。不過試完e個,我都唔想再比錢買嚟試...=.=" 最重要係佢e隻款係一早整定,放係度等人買...D cream搞到個本來脆脆嘅puff淋咗 我知要加其他嘢(e.g紅豆)要時間,好難即叫即整...但係個puff淋咗真係唔好食...而且e隻味係cut開個puff唧cream,食得好麻煩... 所以,下次要食都係食原味算la...買先整,又平D... 喊,係for綠茶紅豆味puff...…Read More

今日去食crepe,買嘅時候冇其他人,所以個姐姐一邊落單,一邊叫過去個哥哥整。比完錢,行過去已經有得攞=) 要咗香蕉custard,好好食=)都係熱嘅好食D。比MK嗰間重好食,D味好似有少少唔同... 個皮煙韌又唔痴紙=) e間重有2張枱仔,可以叫"麻布茶房"D雪糕食。 不過,食完crepe都好飽lu~…Read More

除咗M記,得一間有雪糕同crepe... 雖然係gelato,但冇理由咁溶... 見到隻blue berry yogourt 味溶到出水咁... 要咗個vanilla味,好似「沙冰」... 另外,個sugar free嘅chocolate好甜... 唯一好食係個cone... 個crepe更不知所謂!明明見塊皮已經OK,個姐姐重不停「煎」,驚死唔燶咁!!最後,咪成口燶味,多過coffee味gelato~重要得2味士多啤梨咁大把... 可惜同一個商場只有佢同M記有雪糕賣,如果唔係...唉~ …Read More