Chungpuishan47的个人专页

朋友想去尖沙咀食韓國菜真係超級多韓國餐廳就諗不如食間歷史耐啲嘅揀咗呢一間漢城美食佢2001年開業價錢都真係幾實惠每日都會有Daily special 嘅特價優惠睇韓劇見人食醬油蟹見得多今次都真係第一次食醬油蟹本身都有啲驚但係撈埋個紫菜飯團食超級香口好彩知道係要擳佢啲肉同埋醬出嚟食，如果唔係真係有少少唔知道點樣出手同入口蜜糖蒜香炸雞半隻嘅份量超級之多蜜糖蒜香非常之好味水冷麵超級冰涼好彩呢兩日又熱返所以都好啱食…查看更多

松鼠魚超好味佢起埋骨超級細心啖啖都係肉問返職員，原來佢哋係用新鮮魚去製作佢仲介紹我下次食蛋白魚不得不提好彩我哋揀食early dinner本身呢條魚要等30分鐘但勁快就起到菜當我哋開始食緊嘅時候，餐廳基本上已經滿左咁制脆炸鮮奶，都係好好食可惜佢最少要四條我哋兩個人食飯，其實都有其他小食都想叫但因為每樣都係四件起所以只能夠試到呢一個炸鮮奶餐廳都坐得舒服有啲麻煩就係去廁所要過對面個Block先去到而咁啱今日落雨，佢Block與Block之間係冇瓦遮頭，有少少淋雨咁樣行過去 。…查看更多

呢間餐廳嘅北京填鴨外皮酥脆，肉質尚好味，配上醬汁味道不錯。秘製牛奔麵轉刀削麵口感滑，牛肉嚼勁適中，湯底有一定鮮味，碗麵嘅size超級大，如果唔係太大食嘅人，一碗麵應該可以食飽兩個人 。高力豆沙外層脆口，內餡甜度適中，作為甜品選擇合理。成間餐廳性價比都非常之高，食物好味，份量都好大 。諗咗一陣點解喺個咁貴嘅商場都有間咁抵食嘅餐廳，我估係首先佢淨係收現金，冇任何泊車優惠，第二餐廳嘅裝修比較簡單，有啲似係去咗快餐店咁 。難得間餐廳情願投資係個食物質素而唔係個裝修上邊，非常之欣賞！…查看更多

今日去完Water parade 朋友話不如去西環食嘢我就話想食泰菜結果呢兩個Combination我哋就嚟咗呢間太誇張 。這間餐廳真係好靚，特別係個地板，超級岩打卡！我最欣賞佢嘅香茅蝦沙律，裡面有好多香茅，口感真係好似身處泰國一樣。串燒肉質鮮嫩，口感十足。其他菜式如串燒豬配糯米飯、泰式船麵、泰式燒雞都好有水準，味道絕對唔會令你失望。飲品方面，泰式奶茶和檸檬茶都清新可口，完美搭配整個餐點。佢嘅檸檬茶應該用咗錫蘭紅茶，同我哋平時茶記嘅檸檬茶係唔同 。超級香。…查看更多

我係為咗個龍蝦而嚟嘅呢間天婦羅店食過一次覺得好正之後有見過佢嘅報導原來發現佢係有龍蝦天婦羅食添所以今次約咗個friend一齊再嚟食lunch我哋揀lunch食，係因為唔使+1就算係weekend都好都冇+1感覺非常之正今次坐正廚師後面睇住佢睇住墨魚遊戲嚟炸天婦羅都咪話唔chill 龍蝦真係啖啖肉超級惹味海鮮丼入面既虎蝦真係冇得頂同埋我好鍾意唔同蔬菜嘅天婦羅感覺上食緊好邪惡嘅嘢但有蔬菜又好似好健康喎自我感覺良好一點…查看更多

呢間台灣小食店真係好正！CP值超高佢哋的紅燒牛肉湯麵，牛肉煮得好入味，湯底濃郁，有藥材味，感覺上好地道嘅台灣口味，配上滑嫩的麵條，真係一絕！個set配埋蛋餅，肉鬆粟米真係最佳嘅partner。另外，一口雞滷肉飯口味香濃，肉質鮮嫩，飯粒鬆軟，雞肉鮮嫩，真係好好味。紫薯奶酥，甜而不膩，令人回味無窮，店員廠特別幫我哋加咗麻糬，等我哋可以試吓拉絲嘅感覺 ，有得玩有得食，真係好正 。兩個set 都有飲品送，茉莉綠茶，清新可口，真係一餐完美的搭配。…查看更多

今次真係難得約到朋友一齊食晚餐，特意山長水遠走到屯門。雖然路途有啲遠，但一到就覺得值得！我試咗鹵水鴿，肉質嫩滑，味道入味，真係好好味。最特別嘅係，呢次我第一次食凍食花甲，感覺非常之特別！雖然已經過咗中秋節，但天氣依然熱辣辣，食埋呢個撈汁凍食花甲，真係特別開胃，味道鮮甜，口感一流。蒜蓉粉絲蒸勝瓜亦唔錯，粉絲吸收咗瓜嘅鮮味，食落去好滿足。加埋罐可樂，真係透心涼！原來呢度仲可以提前預訂海鮮，下次我都想試下！…查看更多

大滿足火鍋真係超級大滿足，佢有19款烤魚或者雞煲選擇，仲有啲海鮮選擇，真係好豐富！我試咗蕃茄味烤鱸魚，條魚超級滑，幾乎冇骨，口超好味，加上酸甜嘅蕃茄醬汁，真係好味到唔停口。啲蝦更係超彈牙，食落去好好味，令人好滿足。食完條魚已經飽左九成！！所以其他任食既食材都好少食到 。飲品方面，選擇都幾多，我最鍾意飲竹蔗茅根湯，清爽又解渴。至於甜品，維記雪糕亦係一大亮點，尤其係紅豆味同黑芝麻味，超香，同埋好少有紅豆味，食完真係令人心情好好！…查看更多

今日同fd食lunch, good experience。首先，黑毛和牛盛嘅大判燒，肉質相當鮮嫩，肩川內部位嘅油花分佈均勻，口感唔錯。而黑毛和牛小排味道濃郁，very yummy。至於樂盛嘅腹前牛小排，肉汁豐富，口感滑溜，值得一試。黑毛豚無骨小排就比我預期中更加嫩，味道也相當不錯。至於蔥鹽味雞腿肉，味道清新，搭配香葱，帶來一點不同嘅層次感。整體黎講，呢兩個lunch set都有佢哋嘅優點，如果有甜品送就更加好 。…查看更多

呢一間係我最鍾意（沒有之一）嘅燒肉店佢嘅食物質素真係非常之高同埋服務非常之好今日同親愛的慶祝生日當然要來食烤肉Book mark咗好耐想食呢一個 《黑毛和牛二人燒肉套餐 》Menu上見到有好多嘢食，通常啲圖文同真實情況可能會出入，但你睇到啲相就知道佢哋真係用心去準備每一樣食材 。野菜沙律前菜盛塩味上牛舌、鰻魚、黑毛豚脛肉、若鷄雞脛栩、黑毛和牛、封門柳大判燒！黑毛和牛西冷佐賀米飯帆立貝 （另加）甜品之前見過職員點樣燒大判燒今次我哋就自己燒，效果都好好 。超級開心希望你鍾意呢一個嘅生日晚餐…查看更多

餐廳有室內同埋戶外位置 。今日去嘅時候啱啱睇到日落，景色相當靚。本身今日心情麻麻，見到個咁迷人嘅日落同埋海景，突然之間都覺得身心舒暢 。今晚叫左嘅二人餐，勁多嘢食 。龍蝦海鮮湯、巴馬火腿凱撒沙律、波士頓龍蝦薄餅、龍蝦汁海鮮長通粉、自家製蛋糕、柚子海鹽蘋果金、百香果冰紅茶、熱檸水 。第一次吃以龍蝦為主題既set dinner 感覺超級特別，我自己最欣賞個波士頓龍蝦Pizza，上面啲芝士融合得非常之好，作為一個芝士控，呢一個芝士嘅份量實在十分之滿意，加埋個沙律清新，成件事就唔會膩，個套餐set得有心思 。咁啱我哋遇到有live Band嘅人表演，表演者係第一次係呢一間餐廳度演唱，見到佢好努力咁樣演出，覺得香港都仲有好多追夢嘅人，好希望佢地有被看見既機會 。…查看更多

今日去咗元朗探朋友呢一間係佢成日嚟食嘅飯堂唔係太想諗食啲乜嘢佢就建議嚟呢度食個二人餐留意個餐牌其實真係好多選擇我自己最欣賞就係碗老火湯同埋啲雞真係超級滑我朋友就超級鍾意佢個金錢肚同埋佢個滷水鵝片事關佢屋企人都唔食所以喺屋企冇得煮唯有就係出街食滷水鵝片切得好靚同埋佢唔會太鹹麻辣金錢肚麻得黎唔會太辣同埋非常之彈牙好啱香港人口味呢度啲小菜都真係好好食我見啲顧客通常都係附近嘅街坊所以同啲職員都非常之熟絡今日有機會試到元朗街坊推薦嘅舖頭都非常之開心…查看更多

朋友叫我一定要黎試下呢一間fusion菜個Menu有個slogan 好吸引我 「當9唔搭8變原來好夾」我諗呢一個就係特色卡邦尼意粉嘅一個總結佢個英文名叫做 Carbonara Chinese Style With Chinese Jinhua dried ham（金華火腿）& local cured meat（臘肉）其實個配搭都真係好九唔搭八但係食落去又係非常之好味侍應拎出嚟嘅時候係非常之香同埋個擺盤係好靚香煎章魚鬚，個highlight一定係佢下面有羽衣甘藍加嘅醬，超級香 。21天熟成厚切豬扒，我好想知道佢有咩秘訣可以一塊咁厚嘅豬扒都咁juicy Very yummy night! …查看更多

呢間餐廳真係值得一試！我同屋企人嚟到，選咗特選四人前料理，食得開心又滿足。首先，豚肉沙律清新可口，唔會太膩，正好開胃。刺身四品就更唔使講，油甘魚、赤蝦、三文魚、仲有磯煮鮑魚，每一口都好鮮甜，令人讚不絕口。海膽卷入口即化，牛舌鹽燒兩串嫩滑可口，免治雞肉亦都非常美味。鯛魚野菜石鍋湯，湯底清淡又鮮甜，啱啱好唔會太濃味，非常適合一家人一齊享用。而且，鐵板 A4 和牛薄燒煮得剛好，肉質軟嫩，搭配鐵板蟹肉炒飯，香氣四溢，絕對係餐中亮點！最後甘味亦清新，不會過甜，為整餐畫上完美句號。總之，呢度真係一家人聚餐嘅好地方，大家都讚好好味！…查看更多

朋友就嚟移民，難得約到再見一面 ，問佢想食乜嘢菜式，佢好想去食一啲小籠包生煎鍋貼 。所以就揀咗呢一間。餐廳提供中英文菜單，方便外國朋友了解本地美食，這有助於推廣香港的小食文化。特別的是，客人可以看到師傅現場製作的過程，這樣的體驗令人印象深刻。成件事好似我哋都變咗遊客咁感覺非常之得意 。呢度主打生煎鍋貼，套餐中每個餐都有這個選擇，滿足晒朋友既渴望 。 我地仲叫左雲吞麵、小籠包、紅油抄手仲有豆漿 。我會好想念個朋友 。期待下次再相聚既時光 。…查看更多