pokercouple's Profile

黑蒜油湯豬軟骨手打烏冬湯底好咸，好似平時食出前一丁嗰隻黑蒜油豬骨湯味， 味精感非常重。佢配料都幾多，有兩嚿日式魚蛋，有糖心蛋，粟米仲有兩嚿青豆添。非常可惜嘅係， 佢嘅豬軟骨唔係豬軟骨，係豬硬骨。。。 真係好失望呀！ 我記得一年前呢食過嘅時候個豬軟骨係軟骨嚟㗎，啫喱狀，入口即溶個隻！ 講真如果唔係嘅話就唔好拎出嚟賣。。沙嗲湯牛肉手打烏冬都係好鹹，正常沙嗲湯咁嘅味，牛肉都係嗰啲打邊爐嘅質素。整體感覺好一般，環境非常迫，仲有啲污糟㖭。雖然佢呢個價錢係尖沙咀嚟講唔算貴， 但係質素真係可以做番好少少。…Read More

Handmade Tagliolini Carbonara樣就好令啦，味道有少少過咸，佢係傳統加 carbonara, 用左好多蛋黃去整個汁，但佢太濃太傑，反而冇乜蛋香。意大利飯配法國野雞，椰菜花，雞燒汁佢應該寫番係野雞粒。。。我知呢間係高級餐廳。。。價錢唔算好貴，但係黎到真係有少失望。Presentation 真係麻麻，絕對可以加少少嘢令到賣相好D。呢個顔色同用碟既方法真係有少少 unappetizing。味道方面，個飯汁都香雞湯味既。。但係。。。就係禁。。冇特別。Iced Earl Grey Chocolate呢個係有 surprised 到我既，杯野有層次， Earl grey 同朱古力好夾，但甜左少少。Passion fruit Tart with Green Tea Ice Cream抹茶雪糕好濃郁，passion fruit tart... 就係酸酸地既味？整體嚟講dining experience都唔錯嘅，環境幾靚，但係比想像中地方比較細。 嗰日安排到我哋坐窗邊都幾開心嘅，但係其實佢哋嘅梳化位好似比較grand？ 成餐飯都食咗幾耐， 侍應都冇趕我哋走，所以係加分嘅。…Read More

烤大啡菇芝士自家製牛肉漢堡配香料薯條分量好足，一嚟到嘅時候見到個漢堡好高，好滿意，好開心，影相一流。佢個牛肉漢堡扒都幾厚身，食落juicy，重牛味。忌廉蟹肉意大利飯呢個份量相對上細咗啲，同埋賣相冇咁好睇。但係食落係好好食嘅，有少少嘅蟹肉，個飯鮮甜，調味啱啱好。香脆炸雞翼胡麻味 最有驚喜係呢一個炸雞翼，就得啱啱好，好酥脆，唔會乾。醃得好入味，加埋胡麻醬味道簡直一流。Strawberry & blueberry milkshake飲得出佢有擺真嘅士多啤梨同埋藍莓，幾好味唔會太甜。隨餐有附送沙律菜或者蕃茄湯。嗰日係用咗openrice book位嘅，嗰日係星期六，竟然晏晝都冇乜人。食物質素真係唔錯，推介！…Read More

今次我叫咗花生醬 cinnamon bun，係好食嘅，咖啡就唔好叫啦自己有少少鬼暗眼，呢兩樣嘢竟然洗咗80蚊。叫咗cold brew, 飲開咖啡既大家應該對佢有一個認識。Cold brew 係是用磨好既咖啡豆用冷水浸泡，一般至少12小時，萃取過濾而整成，禁佢會降低酸度與苦澀味，令風味更加甘甜醇厚。唔會再需要加冰或者加水。但係佢整呢個咖啡嘅時候， 竟然加咗冰同埋水。 我明明見到佢個display係用一個玻璃樽裝住，亦都係一般出面嘅做法， 其實咁樣有冇違反商品說明條例 。。。 好失望，又要加錢又唔係嗰樣嘢。…Read More

酸菜魚酸菜魚唔辣，只係如果你掂到佢啲指天椒就會有少少微辣。佢用嘅魚唔係好實淨，好淋，酸菜魚嘅底部有好多酸菜仲有少少薯粉，分量都幾多。調味啱啱好唔會過鹹。菠蘿咕嚕肉咕嚕肉唔會炸得太乾，係平時食到嘅味，配菜亦都俾得好足。菜飯菜飯一般，但真係超級大碗飯。今次係我第一次喺佢舊舖搬去新舖第一次再食。我係喺平日嘅午飯時間嚟食嘅，價錢非常之抵，所以都有好多人食。食物偏大份。食物質素keep到，但係現場環境比較混亂，唔係太乾淨企理，地方逼夾，好明顯唔夠人手。…Read More

招牌黑毛豬叉燒超淋，唔乾，好 juicy! 佢專登燒到有少少燒焦，令到佢更加有層次有一陣碳烤味，唔會過於肥膩。櫻花煙燻溏心竹絲雞蛋 好特別既味道，應該係啫喱入面整咗一個煙燻既味道出嚟，溏心蛋煮得啱啱好，唔會過熟。潤澤素燒鵝入面有啲紅蘿蔔絲，小小香脆鮮蟲草花螺頭烏雞湯呢個湯簡直就係藝術，真係覺得好神奇，湯十分的清澈，但係有濃厚嘅雞味，亦非常之鮮甜。38頭南非吉品鮑魚扣蝦子柚皮鮑魚十分之淋，蝦子柚皮都好有驚喜，入口即溶， 連我爸爸之前對呢個食物唔好印象，都話好食。黑醋脆皮京都骨京都骨用一層薄薄嘅脆粉包住， 話就話京都骨，但係入面冇骨，可以一啖食曬， 又係肥瘦剛，好唔會嚡口嘅， 外脆內軟，煮得非常之好。薑蔥頭抽煎焗走地雞可能係成餐飯最普通嘅一度菜， 但係 只係因為其他菜色質素太高，雞好嫩滑，呢個餸整得好香，好食！漁村蝦醬海王炒飯呢個炒飯一上到枱就已經聞到佢非常之香， 粒粒飯都 爆發一個蝦醬味， 佢個蝦醬拿捏得啱啱好，唔會過鹹， 仲要好足料啖啖都有蝦肉，冬菇。甜品有兩款，分別係鮮果楊枝甘露同金箔懷舊芝麻卷， 其實兩個甜品都有懷舊嘅感覺， 總括嚟講屋企嘅老人家食得好開心， ，今次係一個套餐嚟嘅，佢價錢唔平但係質素非常值得！…Read More

佢有大量嘅海鮮冷盤，但係講真質素一般，我亦都唔係特別鍾意食凍海鮮有魚生我食咗吞拿魚同埋三文魚，其實吞拿魚咁樣嘅質素，不如就索性唔好供應啦。。。沙律菜方便都新鮮嘅，有好多唔同嘅配菜揀。熟食都有唔同嘅種類，有中式，西式，印度。我可以畫樣樣都有齊，但係質素真係麻麻。 甜品質素一般，唔會話有特別驚艷嘅甜品唯一好嘅可能係免費任飲，但係咖啡質素都只係一般，當時我問除咗牛奶之外有冇其他奶佢話冇，其實作為一間酒店， 呢一樣嘢應該要越嚟越common，好多人都對牛奶敏感。總括嚟講所有嘅嘢都係一般，我亦都冇一樣嘢係拎超過一次，絕對唔會返轉頭。…Read More

柚子炸雞柚子醬添加左炸雞既清新，不過個雞有炸得有少少太乾，雞下面有少少洋蔥同埋粟米櫻花蝦湯烏冬個湯底有少少辣，蝦味都幾香， 不過個湯底嘅濃稠度唔會話太傑，其實係偏稀，佢用左扁烏冬， 所以會比較掛湯，正！Lunch 既時候，套餐有送一個雪糕 donut，個雪糕冬甩係成餐飯嘅重點！冬甩係新鮮炸起，外脆內軟，仲有啲煙韌添！ 個雪糕係普通既雲呢拿雪糕，加埋同埋紫薯蓉， 冷熱交融，直就係絕配！ 呢間真係好多人食，之後發現原來有得訂位！建議大家book定位先好黎！…Read More

黑松露意大利飯芝士脆片都唔脆既，本身超級期待，應該係焗完放左太耐，淋哂，少失望。意大利飯偏水，加埋個日式溫泉蛋佢好似變左個小水塘。黑松露味可以重少少，值得一讚係入面都幾多菇。吐司 with 3 toppings麵包揀咗五穀酸種麵包，麵包醬揀咗蒜香蛋黃醬。配料方面揀咗炒蛋，炸雞，煙三文魚。炒蛋太熟啦！三文魚ok都幾厚切， 炸雞唔會炸得太乾。喺其他鋪頭食過類似嘅， 但係人哋每一個topping 都會俾一塊麵包， 我覺得應該唔好慳一塊麵包嘅錢，或者佢另外應該要畀一啲沙律菜，個presentation會大體好多。Flat whiteEspresso base 有酒香！好特別！一問之下佢個expresso入面有Columbia, Ethiopia, 同 Brazil既豆。另外叫既Americano 都好 fruity, 應該個base少少唔同。…Read More

隨餐有附送麵豉湯同中華沙律，正正常常，中華沙律都俾得幾多下，麵豉湯唔會過咸，但係個湯入面有一舊硬物... 我冇出聲。滑蛋豬排飯豬扒食得出有啲凍，唔係即刻炸，所以有啲重淋。個滑蛋有啲過鹹，佢嘅飯係用日本米嘅，整體唔夠汁。豚肉生薑燒呢個豚肉生薑燒佢煮得好香 ，呢個就夠汁，仲有椰菜炒埋一齊。但係豚肉係好薄身嘅，煮得有少少老。間鋪頭好細，1230 去到差D冇位。整體一般，但價錢都真係算抵食。服務都算唔錯，姐姐會主動問洗唔洗加茶。…Read More

椰皇海南雞椰皇油飯非常之香，飯係粒粒分明，佢係用一個椰皇裝住，所以會帶少許椰香味。海南雞都幾嫰。食完飯之後可以食埋椰皇入面嘅嘢椰肉，非常之嫰同甜！豬扒撈檬 豬扒唔會過乾，都幾大塊，俾得超多配菜， 紅蘿蔔，薄荷葉，生菜，花生，青檸全部有齊，檬粉都幾多！雞肉春捲炸得香脆，有跟埋生菜，香葉俾你包。順化炭燒豬肉串呢個有特色，超好食！啖啖肉，好似豬肉腸其實。呢間嘢真心平靚正，超級掋食，但係其實佢地方細，冇得堂食禁濟，所以都係外賣翻屋企啦！…Read More

Tagliere did formaggi e salumi 姐係芝士拼盤同埋莎樂美腸，叫咗啲大嘅都夠10個人食，有三款唔同嘅芝士同埋三款風乾腸。佢另外有一啲餅乾同埋橄欖畀你夾住食，等你冇咁膩同冇咁鹹。正正常常，芝士食得出應該都係 Brie, Parmigianino-Reggiano 同 aged cheddar。 Margarita 正宗嘅pizza，餅底唔會話太厚亦都唔會太薄，芝士同蕃茄醬嘅比例啱啱好佢嘅basil 非常之香，畫龍點睛。Burata Pugliese正正常，只係沙律菜太少，唔夠佩搭舊芝士Beef Lasagna比例好好，啖啖肉，好香Lamb Chop有三舊，煮得啱啱好，tender, juicy 於一身。Carbonara芝士落得太重手，太搶 focus，我甚至覺得佢唔係正宗 carbonara。冇乜蛋香。Bacon 好似選用咗一啲比較厚身同埋此風乾嘅 bacon，有啲煎得太耐，過硬。Risotto Porcini & Tartufo Nero入面應該有黑松露，但可惜佢唔夠香，真係食唔出呀！Tiramisu好食既 Tiramisu! 帶有微酒香！佢都幾大份，一份都夠8 個人食其實。整體質素一般，唔會話太突出，佢係勝在環境裝修，好有氣氛，亦都可以坐好耐，我地都開左一支酒，價錢合理。如果同朋友聚舊又想坐好耐係唔錯既選擇。…Read More

蘑菇湯食得出佢係用蘑菇打成蓉嚟做呢個湯嘅，但係我就嫌佢個base唔夠creamy，應該淨係加咗雞湯，冇落到cream去煮呢一個湯。澳洲草飼肉眼扒8安士配燒汁 叫左5成，出到黎一半5成一半7成左右啦，好食唔會過熟，啱啱好，牛肉都幾大塊，有質素唔會韌，有薯蓉同翠玉瓜伴碟。香煎帆立貝意式茄醬意大利飯帆立貝得兩粒，蕃茄意大利飯一般，但份量都幾多。法式班戟配班尼迪蛋菠菜巴馬火腿顧名思義，入面有Egg Benedict 同 菠菜，另外佢有加咗少少火箭菜做點綴，令到成份班戟多啲層次，睇落得少少但都幾飽。今次用 openrice book 有9折，入面環境唔錯。整體食物質素係高質嘅，對得住個價錢， 唯一小缺點係嗰日我坐嗰張櫈係趷下趷下嘅。…Read More

野菌黑松露意大利飯外表好似平平無奇咁，但係食落好夠味，黑松露都好香。個汁做得好好唔會太稀。鹹蛋薯條超好食, 落鹹蛋嘅份量啱啱好，唔會過咸，薯條新鮮，炸起好熱又脆。紅酒燴梨鵝肝漢堡係menu見到嘅時候就覺得好特別，出到嚟好好食，都幾夾，佢個漢堡扒都幾大舊，幾厚切 Margherita pizza 最basic 既pizza，但係食得出佢都幾有心思， 佢都額外加咗啲菇畀我哋，因為係我嘅認知margherita Pizza 係冇菇？係加分既！佢係薄身嘅pizza又唔會太薄， 所有嘢嘅balance都做得好好。原味班戟呢個pancake真係好抵食，為之驚人。賣相非常之靚，有個小驚喜係佢有焦糖脆脆。點解我話佢係神奇真我小店呢，一開始入到去嘅時候冇乜人，我都有啲驚啦， 之後啲侍應非常之特別，冇乜表情。但係佢嘅食物質素係好食既，好過出面其他cafe好多，又掋食，係有誠意嘅一間餐廳。…Read More

今次試咗兩個拉麵，分別係：魚介拉麵，櫻花蝦拉麵湯底方面，試得出其實個base係一樣嘅，佢哋都有少少豬骨嘅味，同埋嗰種有骨髓嘅 texture。兩個湯都算幾鮮甜，櫻花蝦就會有啲海鮮嘅鹹香，但係唔知點解佢去到後尾會有少少甘，偏苦添。所以個人會覺得魚介個湯清新啲。 兩個都揀咗曲面，軟硬度都係揀咗硬， 出到嚟面質我覺得啱啱好。 一個拉麵入面都會有一隻糖心蛋， 火喉做得啱啱好，但係我嫌佢唔係好夠入味。叉燒方面，佢應該係即刻用火槍燒，整得啱啱好，有少少燶燶地，成件事會有層次。總括嚟講，我覺得呢一間舖頭有好好咁迎合到香港人口味，個湯底唔會過鹹，濃稠度都啱啱好，好適合一啲好怕拉麵太濃太鹹嘅人。成個湯都飲得幾舒服，你唔會話飲到確喉。我覺得呢一間拉麵絕對係有小驚喜！細間唔多人， 服務態度超好， 價錢平值得一試！！…Read More