FFIii's Profile

平時午餐好多餐廳都好多人好迫, 呢間坐位距離好濶，好乾淨，感覺好好一人套餐，沙律＋主菜＋飲品羅勒煙雞烤麵羅勒醬好多，煙雞唔靭有煙薰味，有焗杏仁片，意粉其實煮得啱啱好，不過比較油…Read More

朋友介紹話好食，見好多食評都比讚，立即去試吓，地點都易搵到，店舖乾淨，坐位唔多。餐牌真係好少選擇，仲要蝦麵一早賣晒，唯有點干喇沙同湯喇沙喇沙好好味，味道唔會太濃，蝦肉質ok, 粉亦唔會林啤啤，份量ok.食一碗都夠飽再叫左小食咖央多士當然唔少得，多士脆，咖央醬清香唔太甜，同埋咖央醬都幾厚，同朋友share食唔覺滯呢款小食有驚喜喎，外層好脆，蝦上面係辣椒醬，金杯內有爽爽地既物體，唔知係乜，不過夾埋又幾好食喎飲品係青檸冰茶下次會再黎食，一定會支持特色小店…Read More

已經係第二次黎，每次都好多人等位，不過係值得嘅，今次都食得好開心！明太子燴飯、青醬燴飯，飯粒煙勒，好食蟹肉意粉，好多蟹肉，少少辣，超好味咸蛋黃署條，掂！蜜糖芥末雞翼，無特別青醬大啡菇，好juicy牛油果雞肉多士，超多牛油果雞肉，正招牌疏乎厘pancake, sorry, 一攞起膠片，成個散左，哈哈飲品： smoothies ，正正正！…Read More

晚上經過尖沙咀，好多食店門外都已有長龍等候，唯獨這間沒有，見店舖門面及餐牌吸引，立即內進，發現坐位很密，食客們零距離接觸。叫了個親子、三文魚、魚子丼，沒有特別另一個好似叫甘蝦三文魚帶子丼，蝦好唔新鮮，帶子得一片亦唔好食，三文魚一般再叫一個燒牛肉200g, 牛肉唔勒，有牛味，不過落太多辣粉啦。辣死人！飲品朱古力曲奇沙冰，一般貨，無特別整體黎講，如果下次再黎，一定會叫肉丼，唔會再叫魚生，今次笨左，店名都叫肉搏啦！…Read More

見好多人喺食評讚，當然要來食一次，點知中伏！首先講服務，一直見到裏面有空位，亦有客人啱啱食完走咗，職員執完枱都冇叫我哋坐低，以為有人book咗枱或者係留俾火鍋客，我同朋友喺門口等咗差唔多15分鐘，職員先叫我哋入去坐，就係坐喺一開始見到嘅空枱，我坐低之後見到出邊仲有好多客人排隊等，其實裏面有空位，好多客人好似我哋一樣要喺出邊等15分鐘先安排佢哋入坐，唔通咁樣係搞噱頭？叫咗一個水煮魚$398可以話係我食過最難食嘅水煮魚，佢嘅酸菜係淡而無味，最敗筆嘅地方係啲魚好腥，加埋淡而無味嘅酸菜簡直引唔起食慾，可能水煮魚會好啲，因為麻辣味會冚過腥味，咁嘅價錢俾啲咁腥嘅魚，連小店都不如！再叫咗一個豆腐腦滑牛肉，大約$250豆腐好滑，不過有少少苦，加咗牛肉同汁落去完全食唔到苦味，牛肉上面放咗焗過嘅黃豆粒好香，牛肉係好滑，不過連基本牛肉嘅肉質都食唔到，可能自己唔係食得太辣，呢個都食剩咗好多！最後叫埋單要叫兩次先至有人睬你，唉！…Read More

成日經過都見午市坐滿晒人，所以都要試一次，叫咗溫泉蛋牛肉丼$77、燒鯖魚定食$65、牛柳鍋丼$92，淨係記得影自己個牛柳鍋丼嘅相，其他人掛住食無影相！溫泉蛋牛肉丼同牛柳鍋丼好大碗，牛肉份量都好多，牛肉唔靭，亦唔會太鹹好美味，如果胃口唔大應該叫少飯，燒鯖魚我屋企人話好好食，唔腥！最搞笑係碗麵豉湯係得五分之一碗，去餐廳食咁多年從未試過得一啖麵豉湯，後尾餐廳侍應見到主動同我加到半碗，侍應服務好好不停主動加茶，雖然座位比較迫，下次可以再去食…Read More

午餐叫咗親子丼、拿破崙意粉、燉牛肉蛋包飯，南蠻炸雞，侍應到咗桌旁想放低親子丼，我亦立即確認親子丼係我叫嘅，不過侍應冇放低並立即取走食物離開，我睇住個侍應拎住我份食物繞場一周，之後返嚟我旁邊另一枱食緊野嘅客人，放底食物後問親子丼係咪佢地叫，我睇住嗰台客人一邊食緊野一邊近距離向着我的食物講嘢，外籍人士客人話唔係佢嘅，之後個侍應又攞返黎俾我，我問過侍應你咁樣拎嚟拎去問冇戴口罩食緊野嘅客人好唔衛生，個侍應即刻答我換俾你，約1分鐘另一個侍應攞份親子丼返嚟，擺到明就係我之前嗰份啦，我由叫餐等咗15分鐘先先等到我份親子丼，然後1分鐘後就有一份新嘅,如果冇疫情我都唔會咁，疫情擴散真係全賴有你，同埋你冇心換唔好應承人，最後我撩左底試咗兩啖後就冇食，無謂因小失大，呢間野幾好食都唔會再試，順便一提意粉同炸雞都OK，燉牛肉就好韌…Read More