sum80727's Profile

早前的一個星期六下午，去到了粉嶺同cathy食飯，好，就試下呢間細細的日本小店啦！menu上的飯、麵大多數都係$2x-3x，非常抵食！而且選擇亦很多呢！炸雞翼拉麵~雞翼好香脆，一d都唔油！圖中見到共4件，不過只係2隻中翼，分開左4件！我叫的滑旦豬扒飯，好好味呀，不過個飯超大碗，我都差d食唔哂呢！睇下我地的食物幾豐富！好好味！不過勁熱氣呢！更多相片：http://hk.myblog.yahoo.com/samuel80727/article?mid=6142…Read More

我叫了個午餐，$29，飲品加了$5意粉岩岩好，唔太林或者太爽！d餸都好大件，特別係2大塊鴨胸！坐得舒舒服服，雖然係午餐時間，但係完全冇趕客人的意圖，值得一讚！更多相片： http://hk.myblog.yahoo.com/samuel80727/article?mid=6144…Read More

星期日同朋友慶祝生日，去左尖沙咀柯士甸路14-18C號僑豐大廈地下的松屋食日本野一般的日本料理，百幾蚊一個人，任食由18:00至20:30款式其實唔係好多，得3張紙刺身都有大約7種，都尚算新鮮雞軟骨腸，脆脆地，口感幾得意燒蝦幾爽口，唔錯！燒羊架好有肉汁，岩岩熟，正！燒物都唔錯！唔會太乾我至愛的燒雞翼！馬豆糕，自動送上！呢間松屋款式真係比較少，真係好耐未試過，食"任食"可以一個鐘就已經停哂手，因為真係冇野再想劃了！不過overall呢間野的味道真係唔錯！更多相片請參考：http://hk.myblog.yahoo.com/samuel80727/article?mid=6184…Read More

星期六晚上，見完客人之後去了左敦吳松街139號的台灣蝴蝶食晚餐我地3個人叫左個2人餐，之後叫多了個set下午茶時間餐廳提供30分鐘無線上網！涼拌小黃瓜，幾爽口！獨立叫的滷水拼盤！好豐富呀！糖醋雞扒超正，加埋新竹米粉，好味道！叫了成台都係，3個人食岩岩好！餐送的雷沙湯丸，好味！更多相片請參考 http://hk.myblog.yahoo.com/samuel80727/article?mid=6223…Read More

時新快餐店~懷舊西餐廳某日去黃埔，所以順道去"黃埔街"試下時新漢堡，地點真係唔太方便，佢其實係黃埔新村個便，大家要睇清楚地圖先好去懷舊的餐廳我叫了個雙層芝士漢堡只係$15的包，已經非常豐富！2塊大大塊的漢堡扒！好有肉汁，加了洋蔥好香口！因為其實個包唔係好大個，好似mosburger甘"大"，所以我叫了隻出名的炸雞腿，好有肉汁，又滑，唔會乾淨淨！更多相片請參考：http://hk.myblog.yahoo.com/samuel80727/article?mid=6220…Read More

Sausage Bites~唔錯唔錯！上星期六，係見客之前，去左Pizza Hut 試下個新批！叫了個套餐，加了2杯特飲！肉丸拼芝士腸唔錯！個腸腸批都幾大個，因為唔係好多芝士，所以唔係好肥膩更多相片請參考：http://hk.myblog.yahoo.com/samuel80727/article?mid=6222&prev=-1&next=6221…Read More

上星期日做完gym之後，同朋友去左石硤尾街頭食大排檔，晚上的深水埗內街，好多都冇咩人，但係一來到石硤尾街，真係柳暗花明又一村，未到7時到達，已經非常多人了，到左7時許，已經好多人要得位呢！小菜都係30-50蚊左右，非常經濟抵食！ 豉椒炒魷：鮮甜、新鮮彈牙！沙薑雞半隻：超大隻，非常抵食，又唔肥，岩我！豉椒炒蜆：好大碟，冇咩吉殼，d肉都幾好味！幾辣！蝦醬炒通菜：蝦醬好似少左dd，唔多夠味，超級"油"菜！蝦仁炒蛋：無疑炒蛋係要多油先炒得好味，但係都唔使甘勁掛！(大家睇下牒邊的油！)埋單2支大啤、3個靚仔、5個餸加埋都係$278！超抵食，唔怪得甘多人來食啦！更多相片請參考：http://hk.myblog.yahoo.com/samuel-cheung/article?mid=2802&prev=-1&next=2793 歡迎留言交流…Read More

睇完電腦節，當然去食個飯先睇戲啦，我地去左荃灣廣場3樓的和庭，價錢唔貴，坐得舒服，味道幾好！先來個炒什菜：味濃左少少，不過都ok 鐵板牛柳粒：無錯，勁大舊，十足十牛扒甘，抵食呀，有肉汁，不至於太乾身，good!鹽燒秋刀魚：好味呀，味道岩岩好，魚唔乾身，有d汁，good!good!壽司：掂呀！三文魚夠肥，鰻魚夠juicy，正！牛柳粒飯：牛柳粒好鬆軟，仲係用珍珠米，不過又係個句，咸左少少。地獄花甲：食落又唔係甘辣，可以接受！牛油炒帶子：好油呀，一凍左少少就瓊哂油，帶子比牛油蓋哂d味！叫左甘多野食，只係$303蚊，抵食呀！好味又快，成個過程order、等、食都係45mins搞掂，good!更多相片請參考http://hk.myblog.yahoo.com/samuel-cheung/article?mid=2792&prev=-1&next=2782 歡迎留言交流…Read More

由於家姐之前食晚飯滿$300送左張乳豬劵，所以我地昨晚一家人去左太子始創中心的彩福皇宴食晚飯！首先來的係免費的乳豬，2-6位送半隻，7位以上送一隻！熱辣辣，脆卜卜，好正，不過明顯沒有肉味，一食就知道係"雪藏豬"，扣左一d分！一斤海蝦：$70,有水準，隻隻都好大隻，而且隻隻都好爽口！不過有一隻蝦頭有綠色的，奇怪~紅燒北菇豆腐煲：我沒有吃到，不過其他人食過都幾好！翡翠炒吊片：幾好呀，清清地！生財豉油雞：$78勁大隻，好多酒樓半隻都食唔到啦！佢就大大隻，而且好滑又夠味！清蒸海清斑1斤：$68,超滑，1 斤岩岩好，2斤原本仲抵，不過waiter話來貨貴左，已經唔做$128的promote(但張poster仲大大張post左出來)蝦乾瑤柱魚腐浸娃娃菜：家常小菜，清清地！金瑤海皇粒炒飯：炒得好乾身，用料十足，抵讚！預祝我同哥哥7月27日及7月26日生日，所以叫了壽包：$68半打，超大個！又係一個手掌甘大！隻隻都有個大大的咸蛋黃，而且係流哂油！蓮溶唔太甜，岩我！環境好讚，冇柱位，擺酒一流！紀念品：乳豬頭可以用來餵狗！今次又食滿300蚊，所以又送番一張乳豬劵，都係1個月內有效，星期一至五可用，要預先2日book位！更多相片請參考，歡迎留言交流：http://hk.myblog.yahoo.com/samuel-cheung/article?mid=2374&prev=-1&next=2354 …Read More

中、日合壁的皇都漁港酒家！今日下午與媽媽去了荃灣南豐中心5樓的皇都漁港酒家飲下午茶，平得來食物的質素係荃灣區的數一數二！而且中、日食品合一，好新奇特別，值得再去！首先來的，係$9.8的三文魚小卷，平過好多壽司店呢！三文魚都好新鮮呢！抵食！之後來的係中式的燒鵝米線，亦係$9.8，米線好滑，燒鵝有好多件，而且係燒鵝脾，正呀！不過有少少失色就係燒鵝唔係另牒上，所以燒鵝皮泡林哂了！再來係日本的燒雞肉串(好似係$6.8)，原來叫的係雞肉大蔥串，雖然來錯左，不過照食可也！燒雞肉串有豐富的肉汁，唔以出面好多燒到好乾身、好鞋！不過有少少過咸~再來一客北菇雞包仔，$7.8，比一般酒家的大個！約有4寸大，熱辣辣，有好多雞肉、北菇及一點點的蝦，好好味！燒賣$9.8，幾大粒，有好大粒蝦仁，不過唔係切肉燒賣，而且肥肉粒亦不少呢...好幸味精唔重！值得一讚！牛肉球：好有口感，唔似機打，又係超大粒都係$4.8鴨腳扎：好以係$7.8，鴨腳好爽，舊肉唔肥，值得一試！內的係一舊薯仔，比較特別，岩哂唔食芋頭的我！埋單只係$71，味道真係好好味，甚至好過美心、稻香等等，大家可以一試！ 更多相片請參考：http://hk.myblog.yahoo.com/samuel-cheung/article?mid=1818&prev=-1&next=1812…Read More

慶祝父親節@又係荃灣海港6月16日星期六，為了慶祝父親節，又再一次來到荃灣的海港燒鵝海鮮酒家，由於早幾日訂了位，所以18:30便要到達，好彩有訂位，因為1900前已經全場爆滿呢！因為套餐又貴又唔抵食，加上我地只有8大2BB，所以都係散叫，但由於6月17日便係父親節，所以全場菜式都比平時的星期六日貴10-30不等，而質素亦差了，所以都係個句，唔好大時大節才出街食~$68一斤的白灼蝦：蝦貴了平時星期六日的$10($58)，份量雖然一樣，不過明顯有不少的蝦係"梅"左，又細隻左好多，唔爽口，今次唔抵食！翠塘豆腐：有一點點的驚喜！嫩滑的豆腐+蛋白做底，加上鮮蝦、帶子等等，用來撈飯一流(約$60)半隻燒鵝：出奇地沒有"加價"，仍然係$90，不過又係個句，明顯細隻左，皮唔夠脆，唔好祈望甘高~瑤柱扒時蔬(約$60)，菜很少，$60有點點貴~不過用來撈飯食好正呢！西蘭花枝片$78，又係比之前貴，不過好惹味！古法蒜香骨$60，約10件，件件都好大，熱辣辣好正！不過有DD乾身，肉汁唔夠多~山珍菌炒駝鳥柳$58，好多駝鳥肉，菌炒得好香，值得一食！$238的2斤大青班，之前係218兩斤半，依家貴上加貴！爸爸仲話唔新鮮(睇隻眼)，魚亦熟得滯，好鞋！最尾係最勁、最抵食的"巨型大壽包"，$60一打，隻隻都有5寸大，成個大人手掌甘大！有奶黃、蓮溶2種！最衰奶黃唔係流沙，好果唔係仲正！話梅粉+西瓜拼盤…Read More

一個天氣好好的下午，我與朋友一行4行去了踏單車，由沙田踩至烏溪沙的白石，之後在西沙茶座吃午餐！我們叫了印度烤餅，蝦醬炒飯、星洲炒貴刁、印式羊脾、小食拼盤等等！樣樣都超正！個環境又好relax！更多相片請參考：http://hk.myblog.yahoo.com/samuel-cheung/article?mid=727&fid=25…Read More

去了深水埗幫朋友買東西，到了下午茶的時間，靈光一閃，突然想起很久沒有去過的維記咖啡粉麵，我點了遠近馳名的豬潤牛肉麵、咖央西多士，另外還有支裝可樂加冰，盛惠$38，一次昂貴的下午茶..........雖然是昂貴，但是值得的，先說豬潤牛肉麵，豬潤的湯底真的是鮮甜，絕對沒有添加味精，而牛肉雖不是肥牛，但出奇地鮮嫩無比！加上鬆化的豬潤，實是一個絕頂的配合！有一丁點的可惜的是麵條太"林"了，沒有了爽口彈牙的感覺。咖央西多士：依然保持絕頂的水準，表面上沒有一丁點的油份，似是焗出來而非油炸的，加上麵包依然保持鬆軟，實屬難得，而當中的咖央醬甜度剛好！支裝可樂加冰：雖然10元來買一支可樂看似很貴，但其實當今可品嚐到支裝可樂的地方已經逐漸減少，我們應當珍惜我們的所有。今次我去的，是三間中最新的一間，食物依舊，但環境與毗連的舊店完全不同，沒有了殘舊的環境，沒有了油煙味更多相片請參考：http://hk.myblog.yahoo.com/samuel-cheung/article?mid=639&fid=21…Read More

很久沒有惠顧了，價錢加了價，是$13六顆，以這個價錢來說都很合理，味道依舊保持水準，當中的章魚粒當然沒有"築地"那麼大粒($28/6粒)，但是這間的木魚、蛋黃醬都是十分好味！更多相片請參考：http://hk.myblog.yahoo.com/samuel-cheung/article?mid=649&fid=21…Read More

我們一眾7男女，到了中環的蓮香樓，即使我們定了檯，雖然仍要等了大約半個小時，但還是值得的！我們點了幾樣馳名的美食：霸王鴨、紅燒班翅、醬燒骨等等：紅燒班翅真的很大很大碟，真的是啖啖鮮魚肉，值得一讚！霸王鴨：釀滿了鴨肉、蓮子等等，非常好味！有機會的話一定要再試一次！遼參扒時蔬- 遼參很"林"，很入味霸王鴨出場了！好正呀！茄汁大蝦- 特價$68 四大隻，好爽口，茄汁又唔酸，好味！最大碟的紅燒班翅！！！一定要試呀！更多相片請參考：http://hk.myblog.yahoo.com/samuel-cheung/article?mid=714&fid=21…Read More