or#Tm66069696's Profile

呢間酒樓服務極之差，大部長超級冇禮貌, 黑口黑面，安排我們坐在一個完全沒有冷氣，只有兩部風扇的角落，越坐越熱，打算掉位，居然要我們出去重新排隊，有冇搞錯？仲話入去嘅時候已經問咗我哋坐唔坐，入去嘅時候一開始冇咁熱，越坐越熱唔得咩？要求同佢換位，個部長態度極之不禮貌，坐的地方冇冷氣，顧客要求轉台，有乜理由要我們重新排隊，嗰個地方如果有冷氣就唔使有兩把風扇對住，仲喺度話我哋坐咗咁耐先至話轉位，我一開始坐嘅時候都係夾硬坐入去，諗住坐坐吓會涼爽啲，結果坐咗15分鐘都仲係咁熱，咁都可以唔俾人轉枱，服務水準差到爆,態度惡劣到爆,根本就系冇資格做部長，希望能夠真係正視呢次問題,好好檢討下自己,,唔好再令客人遇到咁嘅懲罰性待遇!估唔到元朗形點可以有間服務態度咁差嘅酒樓，叫我哋重新排隊, 好似係犯賤咁樣。要是往後再有這樣的經歷,我恐怕會三緘其口,離開這間酒樓,不再光顧。對於這種惡劣的服務態度,我實在受不了,實在是太令人氣憤了。大家來這裡用膳,無非是想要享受一個愉快的用餐體驗,誰知最後卻淪為了受罰般的待遇,這實在是太不應該了。作為一家正常的餐飲店,理應以客為尊,給予每一位顧客最好的對待和服務。我真心希望這間酒樓能夠好好反省自己,切實改善服務質素,令客人有一個舒適愉快的用餐環境。否則的話,恐怕再有這樣的情況發生,他們的生意只會每況愈下。估唔到元朗形點可以有間服務態度咁差嘅酒樓，叫你地重新排隊, 好似你地係幾犯賤咁樣。…Read More

今日我去咗餐廳食lunch，點咗佢嘅海鮮豆腐湯set lunch。湯完全唔好食㗎，真係冇咩味道。佢話係海鮮豆腐湯，但湯裡面只有兩三隻好老嘅青口，煮得好老嘅蜆肉，同埋一隻好細好細隻嘅蝦。首先，湯嘅味道真係好淡，完全冇鮮味，呢碗湯真係冇咩好味。仲有，湯入面嘅海鮮真係令人失望。青口同蜆肉都煮得好老，口感好嚼勁，一點都冇新鮮嘅感覺。其實呢啲海鮮係湯嘅重點，但係佢哋成為湯嘅敗筆。這間餐廳的座位非常拥挤，空間非常狹窄，讓人感到非常不舒服。座位非常狹窄。…Read More

服務態度極之差，安排座位非常混亂，負責安排座位嗰個肥婆，唔派飛唔寫名唔登記，總之認得你就得，完全冇寫名登記冇派飛，成班人企喺門口都唔知到底自己要等幾耐，排咗一個鐘話有枱，諗住入去嘅時候有人話佢已經排咗好耐，跟住就直接俾佢入先，又話叫我哋再繼續等，有冇搞錯，嗰度得嗰幾張細枱，座位安排極之惡劣，態度完全唔得，疫情嘅時候如果冇我哋呢班細枱嘅熟客，佢一早執咗啦，依家一回復正常即刻唔優做咁款，冇禮貌，咁嘅服務，嘢食好食都冇用，永不再去…Read More

八月份開始自助餐改咗主題，變咗日韓式自助餐，都唔知邊個廚師諗出嚟，熟食居然比啲飽肚年糕，餃子，炸雞，米粉，食物質素完全縮皮，生蠔每人得四隻！係四隻！book 咗2個月，冇咗之前嘅任食生蠔，原本諗住去文華都係因為佢哋有生蠔任食，無啦啦居然變咗每人四隻，其它海鮮不嬲都冇乜特別，但係居然離譜到連長腳蟹都冇，得返啲最基本嘅鮑魚，凍蝦，冇味凍龍蝦，麵包蟹，原本諗住生蠔得四隻都算啦，點知居然可以連長腳蟹都冇咗！海鮮真係冇乜嘢可以食，壽司刺身都完全唔掂，得啲最平嘅三文魚同八爪魚。我見八月份所有食評都係鬧爆晚上自助餐，唔該酒店快啲改善…Read More

原本諗住去隔離嗰間越華會，點知原來執咗轉咗老闆，要再諗吓係邊度食飯，好耐以前食過太湖，質素都好好，一直冇機會再去試，所以再去試吓，一入去發現原來好多人，晚上7點都已經差不多滿晒，叫咗個龍躉兩味，炒通菜，質素真係唔錯😋，好多龍躉，通菜炒得好有鑊氣，拍得住大排檔，怪知得咁多人一家大係裹面食飯。…Read More

服務真的很差，我平日12:00去到，叫咗幾樣點心，居然12:30就問我仲有冇點心要叫，要last order，我同佢講我先食咗30分鐘，有乜理由咁快要last order, 跟住佢就轉口風話整點心需要時間，如果係嘅可以落咗先，講真嗰度啲點心價錢同好多高級食肆差唔多，佢啲點心一啲都唔平，中點$68，大點$88， 茶錢$40一位，環境又唔係特別好，喺大堂lobby間個位出嚟做餐廳，正常嗰個位攞嚟開間Starbucks就差唔多，茶餐廳都冇咁趕客啦雖然點心質素是好吃的，真心不錯，可惜呢個價錢真係有大把選擇。…Read More

諗住比多次機會佢，啱啱今日又去個酒店度飲茶，點解啲點心可以越轉越差，款式又唔多，佢嘅大部分點心已經唔好食，款式又唔係多，唔該就唔好成日轉款，留返啲好食嘅點心，好過每月喺度轉款，但係又整得唔好食，嘅點心全部都係包或者糕，完全唔掂，佢哋嘅點心師傅除咗麵包同糕之外，冇其他點心識得整，點心完全冇選擇，超過2/3都係糕同包：燕麥糕，蘿蔔糕, 蒸饅頭，馬拉糕，千層糕，麻蓉包，小籠包，叉燒包，小米糕，皮蛋酥，蔥油餅, 棗皇糕...…Read More

望落去價錢好似OK，但係所有點心份量都好少，蝦餃得三粒，蝦餃皮蒸到爛晒，叉燒包俾正常嘅細一倍，變咗迷你叉燒包，一啲都唔好食，成個小籠包嘅size，所謂嘅棉花雞最唔掂，魚肚變成豬皮都算啦，最唔掂係啲雞，全部都係啲蒸到爛嘅雞絲，依家啲冰鮮雞30幾蚊都有一隻，唔明點解可以慳皮到咁樣，有乜理由得嗰幾條雞絲，跟住同侍應投訴，佢仲話呢個係好正常嘅，雖然佢到最後幫我取消咗，但係呢間嘢真係冇下次，啲嘢食完全縮皮到咁嘅份量同質素，餐廳環境同間茶餐廳差唔多…Read More

諗住貪佢環境OK所以過咗去食飯，但係嘢食嘅質素真係非常之差，我哋四個人去食，叫咗四個餐都唔得，叫咗個冬陰功湯河，啲河粉煮到就嚟爛，冬陰功湯完全唔得，結果成碗嘢好似煮米糊，所謂海鮮冬陰功河粉，得兩隻蝦同兩隻青口，連埋加一，埋單$106，另外我朋友嗰碗河粉煮得太硬。前菜”粟米湯”亦都好難飲，酸酸辣辣好似飲緊酸辣湯，但係一啲都唔好味，唔明好地地搞乜鬼Fusion,正正常常賣泰國或者馬來西亞嘢食好過啦，搞到啲嘢食九唔搭八…Read More

中伏新開張壽司店，$150 個set lunch, 居然可以俾啲咁嘅質素顧客，八件壽司，除咗一件海膽之外，其他全部都唔新鮮，完全係元綠或者爭鮮嘅質素，呢個價錢連一件好少少嘅三文魚腩都冇，淨係得個非常之普通嘅三文魚壽司，亦都冇甜蝦，話就話有10件壽司，其實得八件，有兩件係蛋，奉勸各位千祈唔好再去幫襯，呢個價錢求其搵一間都好過佢，完全低質素壽司，根本係快餐店！👎👎👎👎👎👎👎👎👎👎👎👎…Read More

呢間幸福班戟，同日本正店真係差天共地，我係日本食過好多間分店質素都非常好，香港所有幸福分店全部都唔得，真係應該去總公司度投訴，唔明點解會比香港分店做啲咁難食嘅班戟，啲班戟一啲都唔軟，又冇蛋香，同K11另一間班戟專門店真係差好遠，呢間幸福班戟仲要貴過人哋，雖然佢有三件，K11另一間得兩件，但係人哋真係做得非常之有蛋香味，真係唔明點解銅鑼灣嗰間幸福班戟可以咁多人排隊，我今次真係又中伏，好耐冇食，諗住俾個機會睇吓有冇進步，結果仲衰過以前，真係難食到🤮🤮🤮…Read More

酒店嘅點心質素太差，款式已經唔多，但係都唔好食，基本蝦餃燒賣都做得唔好，仲要學人哋每月換唔同類型嘅花巧點心，蝦芝士春卷，裏面太多芝士九唔搭八，整返啲傳統春卷好過。蝦餃完全冇鮮蝦味，蝦餃大隻都冇用，好似食緊蝦球，完全冇鮮味。金華火腿酥超難食，唔明佢哋嘅點心師傅做乜諗埋晒啲九唔搭八嘅點心，之前明明有個唔錯嘅叉燒酥同蘿蔔絲腸粉，反而冇咗，諗埋晒啲創新又嘅難食點心，創新冇問題，但係都唔好所有點心都懶係有創新九唔搭八，好地地一個叉燒酥變咗金華火腿酥，裏面放埋晒啲類似糖冬瓜嘅嘢，都未食過咁難食嘅點心！…Read More

環境裝修非常一般，同普通茶餐廳冇太大分別，之前嚟過幾次係因為食物質素OK，但係而家每況越下，點心選擇極少，星期日12:00嚟到好多點心都賣晒，譬如叉燒酥呢啲咁基本嘅點心都可以冇，點心種類已經唔多，仲有好多係冇出或者賣晒，以前整得好食嗰啲點心而家質素都差咗，餐廳環境非常一般，因為本身冇鋪地氈，平時已經好唔隔聲，尤其是出面成日有人表演，大鑼大鼓嘈喧巴閉，搞到食都食得唔安落，啲櫈全部都係膠櫈綠色，一啲品味都冇，之前因為食物OK所以都嚟，依家真係未必會再幫襯…Read More

叫咗幾碟點心都超難食，雖然餐廳環境OK，但係啲食物真係太難食，點心選擇又唔多1. 蝦餃-所謂嘅竹筍變咗萵筍，啲蝦肉完全冇味，仲衰過啲冰鮮蝦，啲蝦餃皮又硬又厚2. 燕窩蛋撻-凍冰冰, 啲蛋撻皮淋嘅，一啲都唔好食，求其去間麵包舖買蛋撻食好過3. 棉花雞-啲雞係雞頭雞尾，一件完整嘅雞肉都冇，都係啲雞骨，有乜理由棉花雞居然可以冇雞肉，依家啲冰鮮雞30幾蚊都有一隻啦，使唔使咁孤寒淨係比啲雞骨，啲豬皮溶溶爛爛冇下次😡…Read More

點解元朗利苑嘅所謂假日點心可以咁少選擇！ 沙田利苑就算平日都有好多特別點心！元朗利苑食物質素亦都唔及沙田分店，沙田分店嘅食物有誠意好多！呢個就係元朗分店所謂嘅假日點心，所謂的假日點心就是唔同類型嘅粥或者甜品。相反沙田利苑的選擇多好多…Read More